سجل دخولك للمنتدى ببيت شعر يعجبك - الصفحة 271

1 - 1 - 2015, 10:51 PM

عني حبيبك صار حالته حاله
ماباقي الا انه يدّن العباير

الله لامنّه ذكر مامضاله
قبل الدواير ماتجر الدواير

يوم الطفوله والشقا والجهاله
يوم الصغاير في عيونه كباير

ايام كان معانده راس ماله
ويسوق لهبال الشقاوه بشاير

1 - 1 - 2015, 10:52 PM

على صغر سنه ممّيل عقاله
كااااشخ وناسي لايصك الزراير

لاشافك يتمتم لحاله ب حاله
لعيون ه الشوفه تهون الخساير

ولاشاف زول ابوك حذّف نعاله
الحب جاير .. لكن العود جاير

طفلٍ يتيم ورغم الأحزان داله
مايدري ان حظه مع الوقت باير

1 - 1 - 2015, 10:52 PM

اللي بقا لي في غيابك .. سكوتك
واللي فقدته من غيابك .. حنانك
عذرك معك لوخبروني بموتك
وحقي عليك ان كان عذرك زمانك
ماكان موعد .. وأعذرك لو يفوتك

1 - 1 - 2015, 10:52 PM

أنا انتظرت العمر كله عشانك
غبت ورضيت .. وبعدها .. غاب صوتك
وأبطيت أكذب .. من يقولون : خانك
بالله كيف تحس في طعم قوتك
لامن ذكرت إنسان .. خنته .. وصانك
ماكن قلبه واحد من بيوتك
من تحت سقفه كم شعرت بأمانك؟

1 - 1 - 2015, 10:53 PM

وراك خليته .. لعتمة سكوتك؟
وأنا ما غير أعشمه في حنانك
في غيبتك ياكم تمنيت موتك
أقل شي .. أرتاح وأعرف مكانك

1 - 1 - 2015, 10:53 PM

عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

4 - 1 - 2015, 08:13 PM

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي

غدآ للدمع من عقبك بعيني غبشه ومضوى
بعد ما راحت اوراق البريد وغادر الساعي

4 - 1 - 2015, 08:13 PM

ما اذكر يوم ناديتك وردك كان لي ايوى
تلبيني لو انك ضايق وتلتف فـ ذراعي

تغامني وخذني ضامي للوصل ما يروى
تكلم يا بعد كل العرب واطرب لي اسماعي

4 - 1 - 2015, 08:14 PM

اذا حبك بلى روحي هلا بالعشق والبلوى
اجوع لشوفة عيونك ولا انت بقادر اشباعي

ابيك واعشقك واشتاق واغار بشغف واهوى
محطات الغرام وكل لقيا هزة اضلاعي

4 - 1 - 2015, 08:14 PM

عليه بالحرام اني بغيت آموت بس اشوى
عقب ما ضاق بي حزني وقمت آرتب اوضاعي

يقولون الدموع اضعف واقول ان الوداع اقوى
إلى قد عينه بعينـي ولا جاء إلا لـّوداعي !!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندما يعجبك قلم عضو في طرحه وفكره	سجات التهاويل	همس للنقاش والحوار الجاد	3	6 - 2 - 2015 11:02 PM
بجاهك دعيتك يا الهي ولي طلب	جروح الم	همس الشعر والقوافي	6	13 - 9 - 2014 05:24 PM
يانجم السماء كم دعيتك	ملك الود	همس الشعر والقوافي	4	11 - 7 - 2014 04:51 PM
سجل حضورك بزي رجالي يعجبك	اخفي غلاك	همس عالم ادم ازياء الرجل عالم الرجل العصري	13	5 - 2 - 2013 07:28 AM
سجل نورك با كاركتير يعجبك	امر تدلل #	همس للاخبار الفنية العربية والعالمية وصور المشاهير	6	13 - 8 - 2012 08:16 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع