نصائح مهمة جدا لترتيب وتنظيف وتعطير البيت

#1 22 - 8 - 2013, 07:47 PM

كيف نتخلص من الحشرات الزاحفة بمنتهى السهولة

الحشرات الزاحفة المزعجة والمرعبة زي الابراص والسحالي وحتى ربنا يرحمنا كلنا التعابين ممكن ما تهوبش ناحية بيتك بحاجة بسيطة وسهلة أوي

الشيح البابونج

رائحته النفاذة خانقة للحشرات الزاحفة اشتريه من عند العطار

وهاتي قطع صغيرة من الشاش وفي كل قطعة ضعي شوية من البابونج واربطيها ولما تعملي كمية

وزعيها في كل مكان في البيت وخاصة الاماكن الي ممكن يتواجد فيها الحشرات دي

وان شاء الله تهرب وما ترجعشي تاني

وحتى لو البيت بفضل الله نظيف وما فيهوش الحشرات دي اعمليها نوع من الوقاية

عشان يفضل نظيف على طول باذن الله

__________________
لمزيد من الانتعاش والرائحة الجميلة

لتنظيف ارضية السيراميك او الحمام عليك وضع قليل من اي عطر زيتي عندك مع الماء وامسحي وستري رائحة المنزل تبقى يوم كامل

- اذا تاثرمطبخك برائحة الطبخ ولايوجد عندك معطرات للجو

ماذا تفعلين؟؟؟؟؟؟؟؟

عليك بوضع عودين من القرفة وقطع من الليمون باناء مع الماء وتوضع على النار تغلي وسوف تنشر في البيت الرائحة العطرة المنعشة

ولو عندك زيت عطري عليك بوضعه باناء ثم غليه وستري الرائحة كيف تنتشر بالبيت
لتسهيل كوي الملابس اعملي الاتي

هاتي بخاخة فاضية وحطي فيها كوب من سائل معطر الملابس زي كمفورت مثلا وياريت ما يكونش امريكي عشان المقاطعة ومعلقتين نشا ايوة نشا بتاع المهلبية واضيفي عليهم كوب ماء رجي كويس وشوفي بقى الكوي هايكون سهل ازاي وكمان ريحة الملابس تجنن واحلى من كل ده ريحة الدولاب لان الملابس كلها هاتكون معطرة فيه فتفضل فيه الريحة كتير

اختي الحبيبة لو اولادك ربنا يحفظهم ويصونهم دايما بيبهدلو الهدوم بالحبر وطبعا بقع الحبر كانت بتضايقك وصعبة مابتطلعش طيب الامر ان شاء الله سهل هاتي ديتول ومن غير ما تخففيه حطي شوية على البقعة وافركيها كويس وبعدين اغسلي بطريقتك المعتادة ان شاء الله تختفي البقع وتبقى زي الفل

حبيباتي فكرة مهمة

للتخلص من اللبان اذا لصق بالملابس

الطريقة الاولى ازالة اللبان

ضعي قطعة الملابس الملتصق عليها اللبان في كيس بلاستيكي. ضعي الكيس في (الفريزر) . اترك القطعة لمدة نصف ساعة كحد أقصى.

اخرجي الكيس ثم زيلي اللبان الملتصق بكل سهولة بسكين حادة

طريقة تانية

- عليك بأحضار قطعة من الثلج وتمريرها على المكان الملتصق به اللبان فيكتسب اللبان صلابة ممايسهل من عملية تفتيته دون أن يؤثر على النسيج ثم قومي بأستخدام فرشاة الملابس للتخلص من البقايا .

ودي كمان طريقة تالتة بتقول صاحبتها

افكار لفول مدمس زي الزبدة واصفرجميل
اشتري الفول الحبة تكون كبيرة ولونها فاااااتح نقي الفول كويس جدا وانقعيه طول الليل في ماء مضاف له معلقة كربونات صغيرة ودي بتخلي القشرة تطرى جدا وبالتالي تستوي بسهووووووولة وتكون زبدة اشتري السخان الصغير الخاص بالدماسة بتاعة الفول ممتاز لانه بيريح وكمان بتكون النار هااااااااادية جدا وده طبعا هيخلي الفول يستوي كويس جدا وبدون شياط في نصف مرحلة التسوية ضيفي التالي كوب عدس اصفر وفي عدس الي بيميل للاحمرار ممتاز بيخلي لون الفول كهرمان تحفة !!!!!وضيفي نصف ليمونة اعصريها على الفول ونصف ليمونة بقشرها لكن طبعا تكون مغسولة كويس جدا ممكن وهو على النار تضيفي له الكمون ويكون مطحون بتبقى نكهته قوية عند التقديم واتركيه على السخان حتى تمام السوا وتمتعي بفول غير عاااااااااااااااااااادي وبالف هنا وشفا بس ماتنسيش بقى اسرار خلطة الفول عشان ينافس فول اكبر المطاعم ان شاء الله هابقى اقولكعليها

فكرة لتنظيف المكواة
مع الاستخدام الكتير للمكواة بيتحول السطح المعدني بتاعها للون الاصفر وممكن يسبب بقع
للملابس عند الكوي
لحل المشكلة تمسح المكواة جيدا بقطعة قماش قطنية عليها قليل من الماء والصابون وتنشف جيدا والمهم بعد ذلك ان تمسح بنصف ليمونة تمرريها على سطح المكواة كله وبعدين تنشفيها وتستخدمي كالمعتااااااد
ولتنظيف الثقوب في المكواة الطريقة المثالية هي أعواد الاذن الي عبارة عن عود وعلى الرأس قطعة قطن خفيفة الطريقة انك عيدان الاذن تبلل في ماء وصابون وتنظفي بيها الفتحاااااات

وبس خلاص اكو ي براااااحتك

البخاخة الفاضية لها استخدامات كتيييييييييييييييييييير خدي علي سبيل المثال

بخاخة الوجه وانعاشه ولبشرة في غاية النضارة وهايسألوكي عن سر جمالها

بانك تغلي رابطة بقدونس في لتر ماء وتتركيها على النار تغلي مدة 15 دقيقة عشان كل فيتامينات البقدونس الهامة جدا تتركز في اللوسيون ده وبعدين تتركيها تبرد وتصفيها كويس وتحطيها في البخاخة وعلى مدى النهار تستخدميها وكل ما تحتاجي شوية انتعاش اديها بخة!!!!! هاقول على افكار تانية ليها كتير باذن الله تابعي معايا

من طرق التعطير السهلة جدا للدولاب

هاتي النوع الي تحبيه من الصابون الخاص بالوجه طبعا - ممكن فا او او اي نوع تاني في انواع كتير حسب المتوافر ليكي

ابشري الصابونة وحطي المبشور ده في قطعة قماش اورجانزا او دانتيل او حتى شراب فيليه مش بتستخدميه وعلقيها في الدولاب

وتمتعي بالريحة الرائعة في الملابس وكل ما تفتحي الدولاب

البخاخة المتنقلة يعني ايه ؟؟؟؟؟؟يعني تحضري بخاخة فاضية وتضعي فيها التركيبة دي وخليها معاكي في كل مكان في البيت تلاحظي انه محتاج نظافة وتعملي ايه ؟؟؟؟
تديها بخة !!!!!!!!!!!

التركيبة العجيبة للنظافة الاكيدة : كوب من سائل تنظيف الاطباق - نصف كوب من ملح الليمون حبيب قلبي - كوب من الخل - 2 كوب ماء يوضع في البخاخة ويرج جيدا ويستخدم لنظافة تشع في كل مكان
السلام عليكم ورحمة الله وبركاته

حبيباتي الوصفة دي صاحبتها بتقول انها تخلصت من الصراصير تماما في البيت

تعالو شوفو هي عملت ايه

يالا بينا وده كلام صاحبة الوصفة

كثيرا منا يعانى من ظهور (الصرصار الصغير) خاصة فى المطبخ واليكم اخواتى وصفه مجربه تقضى على تلك الحشرة نهائيا وتمنع ظهوره بالمنزل لأكثر من عام.

الوصفه عبارة عن :
حمض البوريك - لبن بودره - سكر - دقيق

ونقوم بخلطهم معا بالماء بكميه صغيره جدا حتى نكون من الخليط كرات صغيره ومتماسكة .
ونزع الكرات فى مناطق مختلفة من المكان التى تتواجد فيه هذه الحشره
وسوف تنتهى نهائيا بإذن الله

حامض البوريك متوافر فى الصيدليات او المحلات التى تبيع المواد الكيماويه
والخليط آمن وغير سام فلا تقلقى على اطفالك منه
__________________

افكار للحفاظ على الحلل الاستلس ونظافتها وبريقها

الاوانى المصنوعه من الستانلس ستيل تحتاج الى عنايه خاصه لتظل محتفظه بخصائصها التى اشتريتيها من اجلها
بعد فتررة من الاستعمال تلاحظى ان
حلل الطبخ تكون داخلها علامات مكان الطهى المتكرر ولوحاجه اتحرقت فيها تبقى مشكله لان لا يمكن نقدر نعاملها زى ما بنعمل فى الحلل الالمونيوم وندعكها بالسلك الخشن يبقى كدة انتهت الحله بالسلامه وطبعا عارفين سعرهم غالى ازاى

كمان غلايه الماء الكهربائي (براد الشاى الكهربائى) ما تكرار غلى الماء فيها بيتكون داخلها طبقه جيريه سخيفه واحيانا بتطلع فى الماء المغلى
المهم

الحل فى الخل الابيض

ضعى مقدار كوب من الخل الابيض فى الحله التى بها بقع من الطهى وعلامات احتراق طعام ملتصقه
ضعى الاناء على النار واغلى الخل فيه ها تذهلى من النتيجه كل شىء ها يختفى

وكذلك بالنسبه للغلايه الكهربائيه اغلى فيها الخل الابيض وها تلاقلى كل الطبقه الجيريه دى راحت ورجعت الغلايه بتبرق تماما

__________________

لتعطير البيت بمكنستك الكهربآئية
صباح الخير

طريقه تخلي مكنستك الكهربائيه تفوح بالعطر وتعطر بيتك شهر واكثر

المهم أعضائنا حبيت أقولكم طريقة تخلي المكنسة الكهربائية تفوح

بالعطر اللي أنتي تبينه

ومافيه داعي تعطرين بيتك بعدها...........

والطريقة هي ::

تنظفين المكنسة بالكامل...... وتغسلينها وتغسلين الكيس تبعها

بالصابون ........وتجففيها ......بعد كذا رشي أي عطر

ثقيل عندك .......

حوالي15نقطة من برا وأنا إستخدمت

عطر>>>>>>>>>>ألف ليلة وليلة من أجمل

حلو جدا

رااااااااااااااااااااااااااااا ائع....... وكل ماكنستي تفوح ريحة العطر وتدوم أكثر من

شهر.........

وإذا حبيتي تستخدمين عطر نيبتون من زهور الريف هذا يخلي ريحة كل البيت

نظاااااااااااااااااااافة .........

يلا جربوها معاي

__________________

أين تجدين مناطق الجراثيم في منزلك
بسم الله الرحمن الرحيم ..
اخباااركم حبايبي ...مووضوع عجبني من الايميل واستفدت منه وحبيت افيدكم ويااااي...
اتركم مع الموووضوع..
إذا دخلتم للمنزل وازدادت أعراض الحساسية ، وإذا بدأ أنفكم يسيل وعيونكم تدمع وواجهتم صعوبة فى التنفس خلال فصل الربيع ، فربما هناك شيئاً في المنزل محملاً بالبكتريا والجراثيم والفطريات، وللتعرف على هذا الأمر على ربة المنزل أن تحرص علي إتباع الطرق الصحيحة فى النظافة ، بالتعرف على الأماكن التي تختبئ بها الجراثيم وبذلك تحمي أسرتها من الحساسية والتمتع بجو صحي داخل المنزل.
قبل التعرف على أكثر الأماكن التي تتواجد بها الجراثيم وتنشر فيها الفيروسات ، ينصحك الخبراء باختيار مواد التنظيف المناسبة بحيث لا تساهمي في انتشار المواد الكيماوية في أرجاء المنزل حيث تنظفين ، لأن ذلك يزيد من أعراض كثيرة يعانى منها معظم الناس كالحساسية وغيرها من الأمراض .
وقدم أطباء البرنامج الأمريكي "the drs" مجموعة من الإرشادات كشفوا من خلالها عن بعض الأماكن التي تختبئ بها الجراثيم ولا تنتبه لها معظم النساء أثناء التنظيف ، الأمر الذي يزيد من أعراض الحساسية ، وللتعرف أكثر على الأمر تابعي معنا نصائح الخبراء التالية :

1 - ممسحة الأحذية : 99% من الأحذية تكون مصبوغة وهي تحتوي على بكتريا متحولة ، وهناك أمران يمكن لربة المنزل فعلها ، رش ممسحة الأرجل مرة أسبوعياً بمعقم الأقمشة ، ومن الأفضل ترك الأحذية خارج المنزل فهذا يمنع البكتريا من الدخول.

2 - المادة العازلة على باب الثلاجة : 83 % من المواد العازلة للأبواب تحوى الفطريات الشائعة، ومع كل مرة تفتحين فيه باب الثلاجة وتغلقيه تقومين بنشر الفطريات في الهواء ، وبالتالي يتم تلوث الغذاء ، والحل قومي بمسح مرة في الأسبوع بمادة تنظيف فعالة أو معقمة .

3 - غسالة الأطباق : يمكن لأنواع مختلفة من الطعام أن تعلق في مصارف المياه ، وهذا يجعل البكتريا تنمو وتعيق النظافة الجيدة لأطباق ، وللتخلص من هذه المشكلة احضري كوب زجاجي نظيف وصبي فيه الخل الأبيض ، وضعيه في آلة تنظيف الأطباق وهي فارغة ، ثم شغليها باستخدام وضعية الماء الساخن للتعقيم.

4 - رأس علبة صابون الأيدي السائل على الحوض : وإذا فكرتِ في ذلك لوجدتِ أن هذا المكان يتعرض دائما للضغط من قبل الأصابع المتسخة ، وللإبقاء علي هذا المكان نظيفاً يمكنك مسحه بمضاد للجراثيم كل بضعة أيام.

5- معطرات الجو : إذا كنتِ تلجئين دائماً لاستخدام ملطف للجو للتخلص من الروائح ، فأنتِ بذلك تعرضين أسرتك للتسمم بالمواد الكيميائية ، لذا استخدمي مزيج من خل التفاح أو صودا الخبز مع قليل من الماء ورشيها في الغرفة لإزالة الروائح الكريهة .

6 - غسالة الملابس : 25% من آلات غسل الملابس تحتوي على بكتريا متحولة ، ويكفي زوج واحد من الملابس الداخلية أن يلوث الملابس كلها بالبكتريا والفيروسات ، لذا يجب غسل الملابس الداخلية بإضافة كوب من مبيض الثياب إلى الماء وتأكدي من تشغيل الغسالة فى درجة حرارة 140 وهي الأكثر سخونة.

7 - السرير : الجميع يقضي ثلث عمره في السرير ، ولا يدرون على ماذا يستلقي ، يشير الخبراء إلى أن عرق الجسم المكون من (ماء – زيوت) يتغلغل فى الفراش ويتفاعل مع المواد الأخرى كالغبار والبكتريا والجلد المتساقط والعث والألياف ، كل ذلك يشاركك الفراش كل ليلة ، بالإضافة إلى وجود حشرات صغيرة مخيفة وهي "البق" التى تكون عدوانية ، وتتواجد بكثرة بغرف الفنادق وتتنقل بين حقائب وملابس النزلاء وبل تنتقل معهم أينما ذهبوا ، تعشق الدماء لذلك تعض الإنسان، وحين تلجأ للعض فإنها تدخل تحت الجلد وتتسبب فى رد فعل تحسسية تظهر على شكل حبوب وغالباً لا يتمكن الإنسان من رؤيتها بالعين المجردة في السرير لكن يمكن اكتشافها عند رؤية نقاط صغيرة من الدم على الملاءات ، لأنها تموت مع تقلب الإنسان أثناء النوم.
فإذا كان أحد أفراد أسرتك مصاب بحساسية فى هذا الوقت من العام ، فإن وجود عوامل الحساسية في السرير قد يزيد الأمر سوءاً ، وللتخلص من هذا الأمر أنتِ فى حاجة إلى أشعة الشمس والتهوية الجيدة للغرفة.
وهنا يمكن للفراش أن يكون عامل تغيير حين يتعلق الأمر بالصحة ، لذا ينصح الأطباء عند اكتشاف أي نتوءات أو أماكن غير مستوية فإن العمود الفقري يصاب باعوجاج ، هذا الأمر يتسبب في آلام حادة في الرقبة والظهر ، وللتغلب على ذلك اقلبي الفراش على الجانب الآخر واعكسيه كل 6 أشهر ، وبذلك تتغير النتوءات مع الوقت وسيكون سطح الفراش مستوياً أكثر ، أما استبدال الفراش فيكون كل 8 سنوات.

7 – الوسادة : هي أيضاً تحتوي على الشعر ودهون الجسم والعرق واللعاب التي تتغلغل داخل الوسادة كل ليلة وهى مواد تدخل إلى القماش والحشوة ، وهي عوامل أساسية لنمو البكتريا المسببة للرائحة وعث الغبار ، والنائم على الوسادة يتنفس هذا كله مباشرة طوال اليوم ، ولا عجب من أن حساسية الناس تزداد سوءاً بالليل ، وينصح الخبراء بضرورة تغيير الوسائد كل عام ، وعلى الأقل يجب استبدال غطاء الوسائد كل أسبوع للتخلص من تلك الأوساخ ، والغطاء النظيف يخلصك من الحساسية ، مع الحرص على استخدام الوسائل الجيدة ، ليس الغطاء فقط وإنما الحشوة التي تحته أيضاً .

وإذا كنتِ غير متأكدة من أن عليكِ استبدال الوسادة أو لا ، يمكنك عمل اختبار صغير لها ، والخدعة الجيدة هي طيها ثم النوم عليها لمدة 30 ثانية ، وحين تنتهي ، من الطبيعي أن ترتد مرة ثانية لتعود إلى وضعها وشكلها الطبيعي ، وإذا لم يحدث ذلك وظلت مطوية فقد حان الوقت للتخلص منها على الفور .

8 – السجاد : نوعية السجادة يؤثر على نوعية الهواء في المنزل لأنها تحتوي على الغبار السيئ والجراثيم ، بسبب السير عليها دوماً لذا فهي مملوءة بالبكتريا ، ويجلس عليها الأطفال يلعبون ويتدحرجون ، لذا يمكن أن تكون مخبأً آخر للحساسية وما شابه ، يمكن أن يتم تنظيفها لكن هذا لن يعقمها من البكتريا وما يعلق فيها ، لذا ما ينصح به هو تنظيفها بالبخار مرة فى العام ، كما يمكن تخفيف تراكم الغبار من خلال عدم انتعال الأحذية بالمنزل.
________________

ريحت شقتي الكل يسالني وش السر تعالو راح اقولكم السر
مرحبا اااااااااااااااااااااااااااااا اااا
اخباركم ****لله مبسوطين بدخل ف الموضوع ع طول
انا ياطويلات العمر ريحت شقتي غير غير غير

طبعا الكل يسالني عن الريحه الي تطلع من شقتي لادرجه اذاعطرت شقتي كاني معطره البيت كله
قلت مارح ابخل ع بنات جمالات حبيبات قلبي

بس بشرط اريد دعوه من قلب
طولت عليكم تحملوني
اول شي جيبي صحن دائري صغير معدن اوصين
بعدين جيبي المبخره وحطي فيها جمر وحطي حبت بخور تجيبي الصحن وتحطينه فوق المبخره وتصبين عليه اي عطر زيتي ع ذوقك وشوفي الريحه كيف اذا حسيتي انها انتشرت خلاص شيلي الصحن عشان مايحترق
واذا كنتي عجزانه تحطين جمر حطي الصحن فوق الدفايه وراح تدعيلي
تحيااااااااااااااااااااااااااا ااااااااتي

__________________

life style اسلوب حياة
عايزه أقول أن ده موش موضوع عن تنظيم وترتيب البيت ولكنه (أسلوب حياه) يعنى نعيش حياتنا برضا . نضيف لها المتعه ان لم تكون موجوده, مع انى متأكده انها موجوده عندنا كلنا بلا أستثناء ولكننا فى زحمة المشاكل اليوميه والروتين لا نكاد نراها . وان لم تكون موجوده فنستطيع ان نتخيلها الى ان تصبح حقيقه ملموسه نحياها دائما.

كلنا نعانى من مشاكل ترتيب وتنظيف البيت وخصوصا اذا كان هناك اطفال او حتى كبار أسألونى انا مابتفرق... التعب والمجهود واحد. ولكن كيف نقنن هذا التعب والمجهود بقدر المستطاع.

كلى قناعه بالمقوله الشهيره(اذا لم تفعل ماتحب فحب ماتفعل).

واذا طبقت كل واحدة منا هذه المقوله ستكتشف أنه مع مرور الوقت أنها أصبحت تفعل ماتحب عندما أحبت ماتفعل.... حد فهم حاجه؟؟؟؟

عارفين مين اللى هيصدق على كلامى ده الكثيرات ممن بدأن معى رحلة الأستمتاع بشغل البيت الى أن أصبحت تفضل بيتها بعد ان أصبح جنه بفضل الله وأصرارها على ان تكون ست بمعنى الكلمه.

هنبدأ بسم الله .

البيت مكركب. البيت كان مقفول فتره طويله.كنت حامل وموش باعمل حاجه فى البيت. بعد الولاده والأولاد تعبونى والبيت متوسخ وموش عارفه ابتدى ازاى.

كل هذه عبارات سمعتها ونسمعها جميعا فى موضوعات شتى وصاحبات هذه الشكوى يردن الحل .الحل له ثمن . والثمن لابد ان يدفع . والا هاتتعبى يومين او حتى أسبوع ويرجع يتبهدل تانى وسيكون اكثر صعوبه علشان فى مننا ستات بتتخيل ان المفروض طالما البيت أتنضف النهارده يبقى تقعد عليها شهر على ماربنا يفرجها وتقوم تنضف تانى. ساعتها هتلاقى الحكايه عايزه معجزه وتتحول الى احباط وشعور بالفشل وأحيانا تتحول الحاله الى الشعور بأعراض مرضيه ولكنها فى الواقع نفسيه نتيجة المنظر اللى هى شايفاه قدامها وموش قادره تتغلب على هذا الكسل.

طيب علشان ندخل فى لب الموضوع هانتفق على عده نقاط ولابد أن ننفذها.

*قبل أن نبحث فى الحلول للخروج من هذه الفوضى وتحسين حالة البيت التى لا تسر حبيب ولكنها تسعد طبعا العدو اللى عايزك على طول حاسه بكسل وفشل.لابد من بحث عدة مشاكل موش هااقول اهمها لأنها كلها على درجة واحده من الأهميه.

الكراكيب

*أن الحياه دائما فى تغيير مستمر . لذلك عليك أن تستمتع بالأشياء التى تاتى اليك فى حياتك وتستخدمها الأستخدام الأمثل.عندما يحين الوقت لأن تتخلى عنها عليك ان تفعل ذلك دون تردد.

لكى تمضى حياتك على مايرام فأنه لابد أن تتدفق قوة طاقات حياتك جيدا فى بيتك وفى مكان عملك. وكى تتدفق الطاقه لابد من خلق مساحات رحبه. والا ستكون طاقتك محبوسه وهذا هو السبب وراء المشاعر السلبيه التى كثيرا مانشعر بها من توتر وصداع وضيق فى التنفس وبعض الأعراض الجسمانيه . ومن أسباب هذه الطاقه المحبوسه.

*الأتساخ المادى:--

يعنى كل أنواع القمامه والأتربه والقاذورات بصفه عامه.ودائما ماتتراكم حول تلك القمامه طاقه منخفضة المستوى.

أن أجراء تنضيف جيد يعتبر جزءا أساسيا من خلق المساحات الرحبه.

أن أى نوع من الكراكيب يخلق عائقا أمام تدفق الطاقه فى أرجاء المكان.وهذا بدوره يخلق ضيقا أو أرتباكا أو كلاهما معا فى حياة المقيمين فى المكان.

هذه مجرد نبذه عن الكراكيب وتأثيرها السلبى على حياتنا . وهذا هو كتاب (عبودية الكراكيب). اذا تسنى لكن قراءته سوف تتحول حياتكن الى الأفضل.

يبقى احنا متفقين على اول شرط من شروط الأنضمام الى هذه المسيره مسيرة (نحو حياة أفضل).الا وهى التخلص من الكراكيب وأحكيلى على الشعور بالراحة التى ستشعرين به حتما بعد هذه الخطوه والاحلى والأجمل أنك تتبرعى به لأحدى الجهات المتخصصه فى هذه النوعيه من الخدمات.

عايزه أقولك على نصيحه لاتنظرى الى البيت نظره شامله ويداخلك الشعور بأن هذه الخطوه صعب تنفيذها تعاملى مع كل ركن او شنطه مركونه او صندوق موجود فى مكان منزو على أن هذا الركن هو فقط المطلوب ترويقه او ترتيبه كى لايزداد الأمر صعوبه.أما العامل النفسى وهو صعوبة أتخاذ قرار التخلص من هذه الكراكيب . أسألى نفسك سؤال واحد آخر مره أمتدت يدكى الى هذا الكوم المتراكم عليه التراب من كل الجهات. وهل أحتفاظك بهذه الكراكيب التى ربما تحاتجينها يوما ما . هل هذا سبب يستاهل أن تعانى معه هذه المعاناه التى تتلخص فى شغل جزء كبير من بيتك بلا أستخدام علاوه على التأثير النفسى السلبى.

الحشرات المنزليه

من اكثر المؤرقات التى تعانى منها ستات البيوت هى الحشرات المنزليه وسامحونى لو كلامى هايضايق حد ولكنها هى الحقيقه...... حشرات فى البيت يعنى عنصر النضافه غير متوفر على أكمل وجه.

وسنبحث فى موضوع الحشرات على كافة المستويات

*أنواعها:-

1- الذباب:-

يتواجد دائما حينما تختفى النظافه وهذا هو المناخ المناسب لتواجده وتكاثره حيث القمامه بشتى انواعها والفضلات أيضا والطعام المكشوف .

سبل المقاومه:-

*مراعاة ألا تكون سلة المهملات بدون غطاء.

* يجب أن تغسل بصفه دوريه على الأكثر كل أسبوع بالمياه الساخنه وصابون وتشطف بماده مطهره وتجفف جيدا.

*الحرص على أستخدام الأكياس الخاصه بالقمامه وان نراعى مقاس السله عند شراء السله كى نحافظ دوما على نظافتها.

*عدم ترك الطعام مكشوف.

*عدم ترك الشبابيك مفتوحه بدون سلك لتجنب دخول الذباب.

*مراعة مسح الأسطح الأرضيات بماده مطهره بعد الأنتهاء من تنظيفها وخصوصا المسطحات الموجوده بالمطبخ

*توجد بعض النباتات العطريه تعمل كعامل طرد للذباب والباعوض.وبالتالى يمكن زراعتها على النوافذ والبلكونات.

2- الصراصير:-

من الحشرات الأكثر أزعاجا لكل الناس

*تتواجد حيث فضلات الطعام والطعام المكشوف والبلل(المياه الناتجه عن أستخدامتنا اليوميه سواء فى المطبخ او فى الحمام وايضا فى الحجرات حيث فضلات الطعام لو كان من عادات هذا البيت ان يتناولوا الطعام داخل الغرف باستثناء حجرة السفره.

*تتواجد أيضا فى دواليب المطبخ حيث الأهمال فى تجفيف الأوانى جيدا قبل وضعها فى الأماكن الخاصه بها.

سبل المقاومه:-

*دوما مع الحديث عن كل حشره من الحشرات المنزليه سأكرر أنه من اهم سبل المقاومه النظافه.

*تجنب وجود أو الأحتفاظ ب الكراتين بكافة أشكالها وغير مسموح أطلاقا باستخدامها كعبوات لتخزين الملابس وخلافه وكذلك الحال بالنسبه لكراتين المياه المعدنيه والحليب والبيض وخصوصا البيض حيث أنه مناخ خصب لوجود انواع عديده من الحشرات.

*أذا كنتى ممن يستخدمن أنابيب البوتاجاز فلابد ان تعلمى ان هذا الشىء قنبله موقوته لتواجد وتكاثر الحشرات حيث انها من أكثر الأشياء التى تنتقل من بيوت عده حيث عدم توافر النظافه . وعليه فيجب عليكى تركها خارج الشقه الى ان تقومى بهذا الأجراء رشها جيدا بالمبيد وبعد مرور وقت كافى تغسل جيدا بالميه والصابون وفرشاه لتنضيفها جيدا وتجفيفها . ولا تفكرى فى عدم تنفيذ هذه الخطوات على سبيل الكسل فالعائد من وراء هذا يستاهل تتعبى نفسك شويه كى لا تضطرى آسفة للمعاناه فى القضاء على هذه الحشره ويؤسفنى اقولك بلا طائل حيث ستتمكن من التغلغل فى البيت وخصوصا انها تترك ورائها المئات من البيض الذى يلتصق بشكل عجيب لن تتمكن معها من القضاء عليها بسهوله وسيكون الثمن الكثير من أستخدام المبيدات ومشتقاتها علاوه على شكلها المقزز ولن اتحدث معكى عن الأمراض التى تسببها

3- النمل:-

هذه الحشره تعانى منها بيوت كثيره وليس لها علاقه بالنظافه . ومن أكثر المشاكل التى تسببها هذه الحشره ترتبط بالثقوب التى تصنعها سواء فى الحوائط او الأرضيات وبالتالى تتسبب فى الكثير من المشاكل ومنها تسرب الماء أسفل البلاط وينتج عنه بالتالى خسائر ماديه وأيضا تؤثر على الأخشاب وحلوق الأبواب وتؤدى الى نفس النتيجه.

سبل المقاومه:-

*تجنب وجود الفضلات والعمل على تنضيفها باستمرار سواء باستعمال الجاروف او المكنسه الكهربائيه.

*تجنب الأكل داخل حجرات النوم وخصوصا على الأسره(السراير)ومع وجود اطفال ممكن تعويدهم على الأكل فى المكان المخصص لذلك مع توفير نوع من الحمايه للمفروشات وخاصة السجاد ويمكنك فرش ملايه غير مستخدمه مع الحرص على ان تكون نضيفه يأكل عليها الأطفال ثم طيها بعد الأنتهاء من هذه المهمه وتتنفض فى البانيو مثلا وتنظيفه بالفرشاه والجاروف حيث تستطيعين التحكم فى عدم بعثرة هذه الفضلات. طبعا غير مسموح أطلاقا بالتنفيض من البلكونات هذا التصرف وماشابه ذلك تصرف غير راقى أطلاقا.

4-حشرة الفراش:-

من أبشع الحشرات المنزليه سامحونى فى أستخدام هذا الوصف.

*تتغذى على الفضلات الناتجه عن الأنسان أثناء النوم وهذه الفضلات عباره عن شعر يتساقط منا أثناء النوم. الخلايا الميته التى تتساقط من أجسامنا على مدار اليوم بما فيها وقت النوم. أظافر متقصفه.

*البيئه الخصبه لهذه الحشره التراب والرطوبه وعدم التهويه وعدم النظافه كما يجب.

سبل المقاومه:-

*من أكثر الأشياء المؤثره بشكل أيجابى هى التهويه الجيده لكل غرف البيت وتعريض المفروشات والمراتب والأغطيه الى الشمس والهواء الجيد.

*شفط المراتب والمخدات بالمكنسه الكهربائيه على الأقل مرة فى الأسبوع وتقلب على الجهتين وأن تيسر لك خروجها فى الشمس كل شهر مثلا يبقى جميل أوى.

*تغيير ملايات السراير وأكياس المخدات مرتين فى الأسبوع صيفا وشتاءا يمكن مره واحده .

*غسل الملايات وأكياس المخدات على درجة حراره مرتفعه.

*كى الملايات وأكياس المخدات وهذا ليس على سبيل الفراغ ولكن على سبيل التعقيم وتجنب أن تواجدت هذه الحشره القذره تجنب أستقرارها فى المنزل.

الروائح الكريهه

كما لكل شخص الرائحه المميزه له بصرف النظر عن تصنيفها كذلك البيوت لكل بيت رائحته التى تميزه عن غيره.

ماالعوامل التى تتحكم فى وجود رائحه للمنزل أيضا بصرف النظر عن تصنيفها؟؟؟؟

*النظافه.

*التهويه.

*السلوكيات الخاصه بكل أسره وسنتحدث عنها بالتفصيل لاحقا.

*التعطير مع التأكيد على ان يكون للتعطير وليس للتغطيه على الروائح الكريهه والا ستكون النتيجه مؤسفه.لأنه للقضاء على الروائح الكريهه لابد من البحث عن سبب هذه الرائحه وأزالتها اولا ثم يأتى بعد ذلك التعطير سواء بالبخور او الفواحات أو أستخدام معطرات الجو.ويوجد العديد من الأفكار فى هذا المجال.

أاود ان كمل حديثى عن بعض النقاط الهامه بنفس قدر أهمية النظافه أن لم تكن تفوقها لأنها أشياء أن أغفلناها سيضيع مجهودنا هباءا..

يجب الحرص على الآتى:-

فوط المطبخ:-

أرجو الحرص على أستخدام فوط وليس بقايا ملابس مستعمله وهذه لها أستخداماتها الأخرى أما فى تنظيف الفرن أو الشفاط يعنى تستعمل لمره واحده فقط ولأغراض معينه أما الأستخدام الدائم واليومى سواء فى المطبخ او تنظيف المنزل فيفضل

* أن تكون من نوعيه سهلة الأستخدام و أن تكون قطن وحجمها مريح بالنسبه لأستخداماتك وتكون ذات ألوان مبهجه.

*المحافظه على التعامل معها مثل باقى المتعلقات والملابس يعنى تغسل جيدا وقبل أن تصل الى مرحلة أستحالة الوصول بها لدرجة النضافه يعنى على حسب أستخداماتك تجمع جميع الفوط وفى الغساله مع الميه السخنه ومعطر الملابس وتنشر فى الشمس والهوا .

*تخصيص درج من المطبخ لها يكون سهل الوصول له اثناء تجهزك للطعام .

وكذلك الحال بالنسبه لماسك السخن حيث تتعامل معه بعض الستات على انه غير قابل لللغسيل يعنى تلاقيه محروق وكله دهون بصراحه أحيانا بيكون شكله موش حلو خالص .

ليفة المواعين أو الأسفنجه:-

*يجب أن تكون أسفنجه مخصصه لغسيل الأطباق وليست ليفة الحمام التى تم أستخدامها من قبل وأصبحت مليئة بشتى أنواع الفطريات والبكتيريا وتستخدم بعد كده فى غسيل الطباق.( والله بتحصل)

*الحرص على أستخدام أثنين واحده للأكواب والأخرى للأطباق وأوانى الطهى.

*عدم ترك سلك المواعين بها حتى لاينتج عن الصدا المتخلف عنه اضرار صحيه.

*مساءا يجب غسلهما جيدا بالماء الساخن الجارى وتركها تجف تماما حيث تنمو بعض البكتيريا بها فى حالة تركها مع الفضلات الناتجه عن التنضيف. ويفضل أن يكون ذلك بعد انتهاء مهمه تنظيف المطبخ.

*الحرص على تغييرها كل فتره موش طويله يعنى ده موضوع تقديرى يرجع لأستخداماتك .

*أرجوكى الأناء التى تستعملينه لوضع الصابون يجوز عليه أيضا النظافه كباقى الأوعيه الموجوده بالمطبخ ويتم ذلك أيضا بعد الأنتهاء من تنظيف المطبخ يغسل جيدا ويترك حتى الصباح لأستعماله مره اخرى وهو فى حاله مقبوله.

**كما تحدثنا عن فوط وأسفنجة المطبخ سنتحدث أيضا عن.

فوط الحمام والبشاكير:-

حبيباتى الغاليات بلاش الفوطه الواحده يستخدمها اكثر من شخص ولأكثر من مره بالنسبه للأستحمام وأكثر من يوم بالنسبه لفوطة الوجه.

المنظر والريحه بتبقى وحشه أوى أوى.

ليفة الأستحمام:-

من الأخطاء الشائعه فى كثير من البيوت أستخدام ليفه واحده لكل أفراد الأسره ...بذمتكم ينفع كده. موش هاتكلم بيتهيألى الرساله وصلت. ولازم الليفه توضع بشكل يجعلها جافه بعد الأستخدام علشان موش تعمل عفن أيوه.. حاولت الاقى كلمة بديله مالقتش بس ده اللى بيحصل والله ليفة الجسم بتوصل أحيانا لهذه المرحله.

*أحرصى على وجود مريلة مطبخ للمحافظه على ملابسك من التساخ والقع التى يصعب أزالتها وياحبذا لو المريله فيها شويه لأ ...شويتين دلع. علشان نفسك تتفتح على الوقفه فى المطبخ.

الغسيل :-

مشكلة كل الستات نشر ولم وتطبيق .

بس لو تعاملتى مع الموضوع بشكل مختلف هتلاقى الحكايه سهله.

*لمى الغسيل وطبقيه فى ساعتها اوعى تقولى لما أخلص اللى فى أيدى . اللى فى أيدك موش هيخلص وهتبقى طول اليوم هالكه نفسك فى البيت ويجى سعادة البيه المدير يلاقى أكوام الغسيل هيجيله أكتئاب ولو حلفتى على ايه أنك طول اليوم مطحونه فى البيت ولا ياكل الكلام ده معاه خالص هو رجع ياهانم لقى كوم غسيل يبقى ضاع العمر ياولدى(ضاع مجهود طول اليوم). وصدقينى لو حسبتيها عشر دقائق بالكتير.

*أنشرى أول الغساله ماتخلص موش تركنيه فى الغساله برضوا على ما تفضى موش هاتفضى ولا بعد بكره والغسيل هيتكرمش ويبقى شكله موش عاطفى خالص .علاوه على الريحه ياست الهوانم هاتبقى موش ولابد (مكمكمه).

*هاتسيبى الباسكت مليان غسيل والغساله فاضيه موش لاقيه حاجه تعملها حطيه ياخد وقته على ماتخلصى اللى وراكى.

المكوى:-

أما انك هتبعتى المكوى للمكوجى أو هتكوى انتى غالبا كلنا بنكره المكوى يبقى تشوفى برنامج والا مسلسل والا أغنيه حلوه وشغليها وأقعدى ربنا يقويكى وتخلصى المكوى وطبعا هيكون ده والبيت رايق ونضيف.

أنتى فين من اللى بيحصل ده؟؟؟

يعنى هاتسيبى نفسك كده على ماتخلصى شغل البيت وبعدين لو لقيتى وقت أو لما نفسيتك تتظبط أو لما الظروف اللى موش تمام دى تعدى..

لو أستمرتى على كده هتلاقى النتيجة بتاعة السنه دى خلصت وانتى لسه ماخلصتيش شغل البيت ولا ..ولا.. قصدى موش السنه دى ل..لأ السنيين الكتيرررررررررر اللى فاتو. طب أيه الحل؟؟؟ اوعى تقولى فى سرك الست دى رايقه؟؟ هاأقولك أيوه رايقه ماروقشى ليه؟؟؟ الحمد لله على كل شىء ربنا انعم علينا به . يبقى لازم آخد حقى انا كمان علشان أقدر أقوم بواجبى على أكمل وجه . المشوار طويل ربنا يدينا كلنا العمر والصحه علشان نقوم برسالتنا على اكمل وجه وأنا فى أحسن حالاتى وده درجه من درجات الشكر والآمتنان لربنا على نعمه عليا أنى احافظ عليها وأستمتع بيها.

عايزه أقول أيه من الكلام الكتير ده؟؟؟؟؟؟؟؟؟؟؟؟

عايزه اقولك ماتنسيش نفسك . مطلوب شوية اهتمام وعنايه بنفسك .وماتخافيش موش هاتخدى من وقت حاجه تانيه يعنى وانتى بتعملى شغل البيت ماتنسيش نفسك فى حمام كريم . ماسك. يوم أجازه من شغل البيت وتعملى حمام مغربى. تعملى سويت.

لازم تحسى أنك بنى آدم له كافة الحقوق التى للآخرين عليكى والأحساس ده مهم وهينعكس على طريقة أدائك فى شغل البيت وهينعكس على تعاملك مع المحيطين بكى وتعاملهم معكى أيضا. موش باأقولك ده موش تنظيم وتنظيف المنزل ده (أسلوب حياه) لازم نتعلم نعيش حياتنا صح.

ننتقل الى الخطوه التاليه.

ترتيب الأفكار

*تجهيز بلوك نوت وقلم وتمرى بكل أنحاء المنزل وتكتبى مسمى هذا الجزء . غرفة النوم الرئيسيه. غرفة الأطفال. غرفة الجلوس. الصالون والسفره. المطبخ. الحمام

هتكتبى فى البلوك نوت كل ماله علاقه بالتنضيف وهى كالتالى:-

الأبواب والشبابيك.السقف والحوائط.السجاجيد والأرضيات. مفروشات البيت بالكامل. الستاير .فرش السراير وكراسى السفره والانتريه والصالون. الموبيليا .الأجهزه الكهربائيه.الدواليب والأرفف .

نصيحه بجد والله عن تجربه

**قبل النوم سبحان الله 33 مره الحمد لله 33 مره الله أكبر 34 مره

وشوفى الهمه والنشاط تانى يوم كأن معاكى جيش بيساعدك فى شغل البيت وعلشان عدد الجيش يزيد والملايكه تخفف عنك الأعباء المنزليه عليكى أثناء الشغل بالأستغفار والتسبيح ودعاء سيدنا نوح.

على فكره سابقا كنت لا أستطيع تخيل نفسى بدون شغاله معايا فى البيت تساعدنى دلوقتى ولله الحمد طول الأسبوع بمفردى ويوم فى الأسبوع الشغاله ده أذا جت ولو ماجتش مابتفرقش معايا أنا خلاص عرفت السر. ذكر الله.والأستغفار.

**عايزه أنبهك لحاجه تانيه لابد من السيطره والتحكم فى الأشياء التى تتسبب فى ضياع وقتك وكل واحده أدرى بنفسها ... بس وقفه مع النفس للحظه وقررى بيتك وولادك وجوزك أولى والا فلانه اللى بتيجى تعطلك والا مكالمة فلانه التانيه أيا كانت موش هتكون اعز من الناس اللى مسئولين منك ...

.

تعالى نقترح جداول موش جدول واحد علشان يكون عندك بدائل وده حسب راحتك وظروفك.

يوميا

خلينا نتفق على أن كلمة الأساسيات التى ستتردد كثيرا تعنى الاتى:-

**أول ماتصحى من النوم حتى لو الدنيا بتنزل تلج مع الحرص عند وجود أطفال. أفتحى الشقه كلها تتهوى لمده لاتقل عن ساعتين صيفا وشتاءا وكل الشقه مره واحده .ليه جنابك؟؟؟؟؟؟؟؟؟؟؟

علشان كل الهواء الراكد فى البيت طول الليل يخرج مره واحده ويتجدد هواء البيت كله دفعه واحده وطبعا لما تكون الشابيك كلها مفتوحه مره واحده هناك تيار هواء هذا هو الطرد للهواء الغير نقى والتجديد .

**أول شىء تعمليه وتبقى مقرره من بالليل هاتعملى أيه للغدا .. لوعندك فى الفريزر يخرج علشان يلحق يفك لو فى الشتا من بالليل فى رف التلاجه وتسيبيه لتانى يوم . لو فى الصيف يبقى الصبح وموش هاياخد وقت. لو موش متوفر أحتياجات الغدا يبقى ترتبيها على حسب ظروفك ويفضل تبقى مجهزه مكونات الغدا من قبلها بيوم علشان وقت النهار موش يضيع فى الخروج .

**الغسيل من اكتر الحاجات اللى بتاخد وقت وبتشيل من عليكى 3 بنود لم ونشر ووضع غيره فى الغساله ودايما أقول خلصنا من ثلاثة أكوام من الغسيل.

**أهم جزء فى البيت ولو أتروق بتحسى أن البيت كله شكله يفتح النفس. أيه هو؟؟؟؟؟؟

السرير لأنه بيشغل مسطح كبير فى غرف النوم وبالتالى هو اللى بينقلك أنطباع ان الأوضه مترتبه والا لأ . يبقى تقررى هل هترتبى السرير فقط مع تهوية الفرش والا ده ميعاد تغيير الملايات يبقى فورا تخلصى من هذه المهمه.

**نظره سريعه على باقى الشقه لو في حاجه موش فى مكانها وخصوصا طبعا لو فى أطفال ولعب مرميه فى كل حته والا حد غير هدومه وموش شالها يبقى بسرعه أرتب الحاجات دى اللى هيتغسل يتغسل واللى يتشال فى الدولاب أو على الشماعه. وبمناسبة الشماعه ياريت كل فتره نبص على الشماعات احيانا بنعتاد المنظر ده ونكتشف أن في هدوم متعلقه بقالها شهور ماحدش جه جنبها.

**هاتى المكنسه اللى انتى طبعا شايلاها نضيفها وكيسها مغسول وزى الفل وشفطى البيت كله وفضى الكيس وأغسليه وسيبيه يجف.

**فوطة المسح وميه بها أى نوع منظف وأعصريها أوى وحطيها على الممسحه ولمعى البلاط المكشوف وكل جزء تشطفى الفوطه وتغمريها فى الميه وتعصريها وتعملى نفس الشىء. شوية مطهر وفوطه تانيه نضيف وجافه تماما ولمعى البلاط بالمطهر.

**الحمام هنغير الفوط ونغسل التواليت بالمنظف بالطريقه اللى تريحك وكذلك الحوض والبانيو والأرض هاتتمسح كويس وماتنسيش المطهر وأهم شىء أحنا متفقين عليه بالنسبه للحمام التهويه لأن عنصر التهويه بيساعد على حاجتين الحمام مايكونش ريحته كريهه. وفى نفس الوقت بيفضل جاف طول اليوم وبالتالى هذه التهويه لاتسمح بوجود عفن متراكم على حواف البانيو والجزء أسفل التواليت . وبأحب أاكد على تجفيف الحمام نفسه أرضيات وحوائط وطقم الحمام لابد من التجفيف الجيد.

**أدخلى المطبخ المفروض أنه من بالليل فله كل اللى فيه كام كوبايه وحاجات بسيطه من بعد الفطار مع البوتاجاز وبرضوا أنا متاكده انه نضيف من بالليل بس زى بعضه خليها عليكى علشان وانتى واقفه تعملى الغدا تبقى نفسك مفتوحه. وطبعا الأرض أتمسحت مع باقى الشقه.هنبدأ نعمل الغدا ويجب مراعاة ميعاد حضور الأولاد وسيادة النائب العام علشان أكتر حاجه ممكن تعصب الزوج هو أنه يرجع من الشغل جعان والست بسلامتها لسه ماخلصتش الأكل .وأيضا الأولاد لازم يتعودوا على النظام يرجعوا يلاقوا الغدا علشان يتابعوا باقى اليوم بتاعهم على حسب نظام كل بيت.ماتنسيش تعملى صنف حلو مع صنف عصير .

**فى أثناء تجهيز الغدا اللى يجى فى أيدك يتغسل اول بأول .. وبعد الغدا هنغسل الاطباق على السريع وطبعا وموش عايزه مناقشه البوتاجاز رجل المهام الصعبه فى ساعتها يتغسل ويبقى زى الفل علشان لو فى حاجه وقعت أثناء تحضير الغدا يبقى سهل أزالتها ولو أمكن بعد أذنك ولو مافيهاش مضايقه لحضرتك تاخدى الأرض كده على الماشى فوطه معصوره اوى وشوية جنرال او كلور ألوان أو داونى انتى وضميرك بقى اللى يطلع من ذمتك المهم تخرجى من المطبخ وهو شمعه منوره.

دلوقتى أقدر أقولك يومك زى الفل.

أغدا ألقاك

الجدول الأسبوعى

**غرف النوم:-

*تنظيف الشبابيك والأبواب.

*تنظيف المراتب والمخدات بالمكنسه وتغيير الملايات ويفضل أن يتم هذا البند مرتين فى الأسبوع وخصوصا فى الصيف.

*تنظيف السجاجيد بالمكنسه ثم تنضيفها بفرشاه البلاط بها أى نوع من المنظفات وبفضل ان يكون ذو رائحه عطره أو اذا تسنى لكى أستخدام شامبو مخصص للسجاجيد.

*تلميع الموبيليا ويفضل أستخدام مايخص الموبيليا وعلى سبيل المثال بليدج وأرجو عدم أستخدام فوطه مبلوله لأنها بتبقع الخشب ولكن البليدج مع الأستخدام يضيف لمعه للموبيليا حيث أنه من مكوناته ماده شمعيه تكسب الخشب لمعه محببه.

*تنظيف البلاط بأى منظف يناسبك ولاتغفلى مرحلة التجفيف الجيد ويفضل ان تتم هذه المرحله بكميه من المطهر ويفضل أن يكون مركز والفوطه المستخدمه فى هذه المرحله جافه تماما وزى الفل.

*بعد الأنتهاء من نضافة كل غرفه على حده تغلق وتعطر. أرجو الأهتمام بغلق غرف النوم أثناء أعداد الطعام كى تحتفظ الغرفه برائحتها المميزه.

**الريسبشن والليفنج:

*تنظيف الشبابيك والأبواب.

*تنظيف السجاجيد بنفس الطريقه السابقه.

*تلميع الموبيليا.

*تنظيف كراسى السفره والصالون والليفنج بالمكنسه الكهربائيه باستخدام القطع الصغيره.

*تنظيف الأرضيات بنفس الطريقه السابقه.

**المطبخ:-

*تنظيف الشباك والباب جيدا.

*البوتاجاز يغسل جيدا تنقع العيون فى ميه وملح ليمون وخل وتغلى على النار ثم تغسل وتجفف جيدا.

كذلك الفرن من الداخل ويوجد الكثير من المنظفات التى تستخدم للأفران والميكرووف.

*الثلاجه لابد وان يتم جرد أسبوعى عليها يتم التخلص مما لايصلح للأستخدام وتنظيف الثلاجه من الداخل وأعادة رص محتوياتها .. ولكنى أنصح فى هذه الخطوه عمل رف رف . يعنى موش هاننزل كل محتويات الثلاجه وأقعد أحتار هاحط أيه فين. الرف اللى اخلصه أعمل اللى بعده وهكذا الى أن ننتهى منها *تنظيف الأسطح وما عليها من علب توابل وخلافه .

*تنظيف الأرضيات جيدا بالميه والصابون والكلور وياريت تكون الميه دافيه علشان لو أى دهون يسهل أزالتها. ثم تجفف جيدا مع مراعاة أستخدام المطهر.

**الحمام:-

*تنظيف الشباك والباب

.

*تنظيف الحوض والتواليت والبانيو وهذه الخطوه تتم بضمير شويه يعنى بطريقه أكثر اهتماما من التنظيف اليومى يعنى ممكن فى هذه الخطوه تستخدمى الكلور واى مستحضر لزالة التكلسات الجيريه التى تتراكم على طقم الحمام أثر أستخدام الصابون طوال الأسبوع.

*الأرضيات تغسل جيدا بالمياه الجاريه والكلور وأخيرا بالمطهر وأوؤكد مؤه أخرى على أتقان النجفيف وخصوصا فى الحمام.

هذا هو الجدول ولكن طريقة تنفيذه هذه من مسئولياتك أنتى فلكى حرية الأختيار هاتقدرى تنفذى الكلام ده فى يوم. والا فى يومين والا فى تلاته .. وده ىخرك يعنى أكتر من ثلاثة أيام لأ. ليه؟؟؟؟؟

علشان عندك أربعة أيام يوم منهم هتعملى مشترياتك للأسبوع. ويوم تانى تعملى أكل يكون بياخد وقت مثلا أو تعملى كذا صنف يريحوكى شوية باقى الأسبوع . واليومين اللى فاضلين دول أجازة سعادة النائب العام وأولادك القطاقيط.

لو ركزتى معايا شويه فى الجدول اليومى والأسبوعى هتلاقي كل جدول منهم لو تم بأتقان هيريحك فى الجدول الآخر. وفكرى فى كلامى وهتلاقى مظبوط ولكن التجربه خير برهان.

أعاننا الله على القيام بمسئولياتنا كما ينبغى لوجه الله الكريم.

الجدول الشهرى

مع الحرص على أتباع نفس الجدول اليومى والجدول الأسبوعى سنقوم بتنفيذ هذه الخطوات.

**التأكيد على نظافة الحوائط والبراويز المعلقه وساعات الحائط والنجف.

**تنظيف أسفل السراير .

أزالة كل ماهو موجود وتنظيف الأرضيه بالمكنسه ومسحها بالمنظف والمطهر وبعد تمام الجفاف الجيد لعدم تواجد رائحه غير محببه تعاد الأشياء مكانها.

**غسيل الستائر:-

ليس بالضرور أن أقوم بهذه الخطوه لكل الستائر الموجوده فى البيت حيث انه من المحتمل ان يوجد ستاره تتعرض للأتساخ أكثر من غيرها.

**أعادة ترتيب الدواليب والتخلص مما ليس له أستخدام مع الحرص على نضافه الدولاب من الداخل بالبليدج والتاكد من تمام التهويه ثم تعاد الملابس والمتعلقات مره اخرى .

**التاكد من نظافة الأحذيه الخاصه بكل أفراد الأسره ومراجعة مايحتاج الى أصلاحات او تلميع والخلص مما لسنا فى الأحتياج اليه.

**بالنسبه للسجاجيد التأكد من نظافتها وما تحتاج للغسيل تغسل وليس بشرط كل سجاجيد كما هو الحال بالنسبه للستائؤ حيث ان مكان ونوعية السجاده عليه عامل من حيث ضرورة الغسيل أم لا.

**تنظيف قماش الكراسى الخاصه بالصالون والأنتريه والسفره كالآتى . تشفط بالمكنسه بالفرشاه الخاصه بذلك . ثم مسحها بفوطه مبلله بالميه وكلور ألوان والحرص على أزالة البقع اولا ان وجدت ثم القيامه بدعكها بفوطه اخرى مبلله بماء فقط معصوره جيدا. ثم الخطوه الخيره وهى باستعمال فوطه جافه تماما ومحاولة أزاله اى أثر للماء مع ترك النوافذ أو المراوح او كليهما لسرعة الجفاف وتجنب وجود روائح غير مستحبه.

**المراتب يتم تنظيفها بنفس الطريقه السابقه ولكنها ستتم على مرحلتين للتاكد من ان كل وجه من وجهى المرتبه قد تم جفافه جيدا.

**المطبخ:-

*تنظيف الشفاط .

*عمل جرد لمحتويات الفريزر ويكون ذلك قبل شراء متطلبات الشهر.

*تنظيف أرفف المطبخ واعادة ترتيب محتوياتها ومراجعة أحتياجات الشهر.

*تنظيف دواليب المطبخ من الخارج وكذلك السيراميك.

ملحوظه:-

يحدث أحيانا أن أرى من هذه البنود السابقه وخصوصا التى تتعلق بالجدول الشهرى. أقول يحدث ان اجد مثلا الحائط متسخ فى مكان ما . هل انتظر الى ان يأتى دورها فى النظافه. أنصحك بالقيام بذلك فور رؤيته حيث أنه سيكون أكثر سهوله.

أقتراح:-

يمكنك تنفيذ الجدول الشهرى فى شكلين أما بنود او أركان. يعنى أيه؟؟؟؟؟؟؟؟؟؟

يعنى النهارده مثلا عندى الجدول الأسبوعى وفى أثناء ذلك نزلت كل ستاير الشقه غسلتها وبالمره لمعت التجف والبراويز وساعات الحائط ok يبقى الأسبوع القادم وفى اثناء الجدول الأسبوعى ايضا أقوم بتنظيف الحوائط . وهكذا يعنى جدول الشهر ممكن يجزأ على أربعة أسابيع.

تخلصي من روائح المطبخ

السلام عليكم و رحمة الله و بركاته
روائح القلي، و التحمير للزيوت، و السلق و الأطعمة ذوات الروائح النفاذة ،هذه المشكلة الرئيسية في أغلب المطابخ. و احيانا ًنشتري الاجهزة العديدة كالشفاطات، و المعطرات بأنواعها الغالية والباهظة الثمن
و لأننا في رمضان نقضي أكثر و قتنا فيه لازم نحافظ على رائحته
و للخلاص منها أقدم لكم مجموعة من الحلول:-
1.ضعي قطعة فحم أو قطعة من البطاطس في إناء صغير في االثلاجة.
2.للتخلص من رائحة البهارات في الخلاط الكهربائي اطحني بها قليلاً من الخبز المحمص.
2.لطرد الحشرات المنزلية من حول صندوق القمامة و رائحة القمامة ضعي قليلاً من النشادر.
3.لإزالة الآثار العالقة بيديك من أعمال المنزل و الطبخ ادعكيهما بعصير الليمون هذا بالإضافة – يا عزيزتي- إلى تنعيمهما.
4.للتخفيف من رائحة القرنبيط و الكرنب النفاذة أثناء السلق اضيفي قطعة من الخبز إلى ماء السلق.
5.وضع المواد الغذائية مثل الخضر، و اللحوم نظيفة في الثلاجة حتى لا يؤثر ذلك على رائحتها.
6.لابد من تغطية الأطعمة ذات الروائح النفاذة في الثلاجة حتى لاتؤثر على الاطعمة الأخرى.
مع احترامي لكم،

الموضوع الأصلي : نصائح مهمة جدا لترتيب وتنظيف وتعطير البيت || الكاتب : بلسم الروح || المصدر : شبكة همس الشوق

22 - 8 - 2013, 08:34 PM

يعطيك العافيه
على المجهود الرااااائع والقيّم
ننتظر منك الكثير من خلال إبداعاتك المميّزة
لك منـــــــ أجمل تحية ــــــــــي

13 - 9 - 2013, 03:28 PM

طرح رائــــع تسلم الأيادي على جهودك ..
يعطيك ألف عآفيه على الطرح الرائع..
لاحرمنا منك..ولآمن تميّزك..
بآنتظار جديدك المتميّز ..
دمت بسعآدة..

13 - 9 - 2013, 03:42 PM

شكرا لك على الموضوع الجميل و المفيد

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر

14 - 9 - 2013, 09:28 PM

شاكره لكم مروركم في موضوعي

9 - 2 - 2014, 11:37 PM

16 - 2 - 2014, 07:29 PM

الله يعطيك الف الف عافيه
مجهود راائع
ننتظر مزيدكم
بشوووق

6 - 3 - 2014, 08:57 AM

يعطيكـــ ألــف عأإأفيــــه
ماننحرم من جديدك يالغلا

6 - 3 - 2014, 09:27 AM

نصصصائح جميلة

سلمت الايااادي

دمتي مبدعه

24 - 4 - 2014, 01:26 PM

تسلم ايديك على الطرح الراقي

المواضيع المتشابهه لموضوع: نصائح مهمة جدا لترتيب وتنظيف وتعطير البيت لموضوع: نصائح مهمة جدا لترتيب وتنظيف وتعطير البيت
الموضوع	كاتب الموضوع	المنتدى	مشاركات	آخر مشاركة
الشورى في البيت مهمة جدا للترابط بين فراده و خصوصا للمراهق	حنين الأشواق	همس للاسره والطفل	4	21 - 4 - 2022 01:03 AM
نصائح مهمة لت مين حاسوب ويندوز 10	حنين الأشواق	همس الكمبيوتر والبرامج و الأنترنت	4	22 - 6 - 2021 11:41 AM
4 خطوات مهمة فى عمل seo لموقعك للظهور فى محركات البحث	سـنيورھَہّ	همس الكمبيوتر والبرامج و الأنترنت	6	2 - 8 - 2015 09:57 PM
نصائح فعالة ومضمونة لتربية طفلين	نظرة عين	همس للاسره والطفل	8	29 - 7 - 2015 04:57 PM
نصائح مهمة للطلاب قبل الاختبارات	جروح الم	همس الشامل للطلاب والطالـبات	4	27 - 12 - 2014 09:23 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟