غلاك عندي غير عن كل البشر

#1 2 - 11 - 2013, 11:11 PM

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

محَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. مِتأكِدْ .. بأنْ البُعد ينهيييني

تعَاااااالْ إنْ كان لِي عِندِكْ مَعَزَّه وكان تغليني

المصدر: شبكة همس الشوق - من قسم: همس الشعر والقوافي

الموضوع الأصلي :‎ غلاك عندي غير عن كل البشر || الكاتب : هيبة أنثى || المصدر : شبكة همس الشوق

3 - 11 - 2013, 01:01 AM

رووووعه
يعطيك الف عااافيه
ولاحرمنا رووعةجديدك

4 - 11 - 2013, 09:24 PM

الله يعطيك العافية
على المرور الرائع منك يالفلآ
ودمتي بكل حب و مودة
لك خالص احترامي وتقدير

5 - 11 - 2013, 07:14 AM

بصراحة ابيات في قمة الروعة والجمال
اعدت قراءتها اكثر من مرة
لاتحرمينا بالمزيد من روائعك يالغلا

5 - 11 - 2013, 07:57 PM

شكرا لمرورك على موضوعي
وهذا شرف لي ووسام على صدري

المواضيع المتشابهه لموضوع: غلاك عندي غير عن كل البشر لموضوع: غلاك عندي غير عن كل البشر
الموضوع	كاتب الموضوع	المنتدى	مشاركات	آخر مشاركة
غلاك عندي بوسط القلب ياكبره	همسة الشوق	همس الشعر والقوافي	10	25 - 12 - 2016 11:54 AM
حشمة غلاك	همسة الشوق	همس الشعر والقوافي	8	4 - 12 - 2016 08:31 PM
غلاك	شمعة حب	همس الشعر والقوافي	4	23 - 4 - 2013 06:34 PM
غلاك	شمعة حب	همس الشعر والقوافي	4	22 - 2 - 2013 12:01 AM
كنت عندي ضي عيني من غلاك	دلوعة القمر	همس عذب الكلام والخواطر المنقوله	1	10 - 4 - 2011 04:45 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع