قرب لي الفنجال والكيف صبة

#1 30 - 12 - 2013, 07:14 PM

قرب لي الفنجال والكيف صبه
عندي نصيحه في بيوتٍ مقفاه

الجاهل اللي ما نشد عنك كبه
خله يروح بسكته لا تحراه

إن ما مدحته فالقفا لا تسبه
هرج القفا مذموم لو زان مرماه

ماهو على شانه على شان ربه
اللي جميع الناس تركع وتخشاه

تراك منت بـ مقنعٍ من تحبه
لو كان تاصل عند بابه ترجاه

واللي ينزل لحيته للمكبه
ينفض غبار الذل عنها بيسراه

وسوق الردا ياذيب حذرا تطبه
يفرح عدوك بالخبر يوم يلقاه

وترى الفتى قلبه سوات المنبه
اذا غفى في وقت جاء وقت نباه

وكان الفتى للعلم مالد لبه
ترى النصايح والمعاني تعداه

وهرج الردا ياذيب لا تنكبه
يجيك ميسم ماتحمّل كواياه

والناس فيهم بالرجّال امتشبه
يبا يسوي مثلهم مير ممداه

ياراعي المشعاب لا تنضربه
من لا يحسب الناس فالدرب تاطاه

ياغافل افطن لاتحول بغبه
من لا يحسّب عالي الموج يغشاه

خلك سوات الذيب والريع ذبه
العاقل اللي ينتبه وين ممشاه

العقل زينه والوفا فيك ربه
ترى حلات الرجل عقله ويمناه

وإذا سمعت آذان مولاك لبه
الضايع اللي ضاع دينه ودنياه

كم واحد الشيطان قبلك لعبه
لو لحيته شبرين ضايع بعمياه

والأحمق اللي مالقى الطب طبه
بين الوهم والهم ماحصّل ادواه

فتح عيونك للطريق ومطبه
لا تسلك إلاّ درب تعرف خفاياه

وإن كان ماجاك الولد في مشبه
لاشاب مايلحق على العز وابناه

العز وصفه معتلي فوق تبه
يبا الصبر والباس من شان ترقاه

والجو لوهو زان لك في مهبه
ماهو بدايم لك على ماتمناه

قولي وعلمي من على راس قبه
شامخ شموخ طويق من عز مولاه

وكان الفتى للعلم مالد لبه
ترى النصايح والمعاني تعداه

الموضوع الأصلي : قرب لي الفنجال والكيف صبة || الكاتب : جروح الم || المصدر : شبكة همس الشوق

• نصيحة لكل عضو /ة
• الترحيب با الاعضاء الجدد وفائدته

30 - 12 - 2013, 09:24 PM

صمت الم رحبت الارض بما سطرت

يعطيك الف الف عافيه
الصامت

صح لسان قايلها وسلمت يمين كاتبها

كلمات في غاية الروعة

بل في غاية الجمال

تقبلي ارق تحياتي

30 - 12 - 2013, 09:31 PM

سلمك ربي من كل سوء و أسعدك دنيا و آخره..
وألف شكر لك ع مرورك العطر وجماله ..
ربي يعطيك العافية ويبارك فيك..

30 - 12 - 2013, 10:45 PM

ماشاء الله
الله يعطيك العافية

30 - 12 - 2013, 11:48 PM

.

.

صح ذوقك / صمتّ آلمّ... وصح لسآن قآيلها ..!!

ويعطيك العآفيه .........!

.
*

3 - 1 - 2014, 10:37 AM

سلمك ربي من كل سوء و أسعدك دنيا و آخره..
وألف شكر لك ع مرورك العطر وجماله ..
ربي يعطيك العافية ويبارك فيك..

3 - 1 - 2014, 01:47 PM

واللي ينزل لحيته للمكبه
ينفض غبار الذل عنها بيسراه
صح لسان قايلها وناقلها ابيات رائعه شكراًلك~#

4 - 1 - 2014, 02:36 PM

سلمت اناملك على الطرح الجميل كجمال ذائقتك بالانتقاء المميز

بذوقك الراقي وننتظر المزيد من الابداع

4 - 1 - 2014, 07:07 PM

لكم ولطيب حضوركم جَزيْل الشُكر ..
وَعُنْقُودُ أَمْتنِانْ ..
يِعطِيكم العآفِية..
دُمتم بِأَلفِ خَيرٍ وَسَعَادَه..
تحَيتـِـي وَتقْدِيـرِي لَكُم.

9 - 1 - 2014, 05:54 AM

يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق
فلآ تح ــرمنآ من جديد تميزك
لروح ــك بآقآت من الجوري

المواضيع المتشابهه لموضوع: قرب لي الفنجال والكيف صبة لموضوع: قرب لي الفنجال والكيف صبة
الموضوع	كاتب الموضوع	المنتدى	مشاركات	آخر مشاركة
ضرب الفنجال بالدله	بلسم الروح	همس الشعر و الشيلات الصوتيه	5	6 - 5 - 2013 11:05 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟