22 - 2 - 2014, 08:22 PM
|
| |
|
لاتعودني
 
لاتعودني دفى شمسكك
كان في النيه غروب
ما قلتلك
وحدك غديت النور والباقي ظلام
وان السهر لا بانت خيوط الفجر يبدا ينام
يتركني بروحي اطيّر من حنيني / لك حمام
واحمله شوق و سلام !!
وما قلتلك
انت الوحيد اللي اشوفه ذنب
مهما ارتكبته ماأحس إنّه حرام ! !
وما قلتلك
ان الحنين رماح واني والغياب أحباب
وان الشعر مفتاح وان القلوب .. ابواب
وان الهنى / ماله على قلبي دروب
وان الحزن فيني بنى / بلدان وهمومي شعوب
وان الشعر مالي غنى / عنّه وعنّه ما أتوب
وان الحنين اللي بنا / أطهر مساحات الذنوب
وان الشعر مثل الحزن قسمة ونصيب
وان المنافي مع مرور الوقت تصبح ديرة أولاد الغريب !!
وان الصبر مهما يوصلنا يجي يوم ويغيب
يمكن لآنه مثلنا
والا الصبر مل الصبر
مدري ولكن قلتلك !!
ما قلتلك
اشيائي الحلوه قليل
وانك احد اشيائي الحلوه القليل
معاك احس اني سهر ليله طوويل
ألقابه لحزني خليل
واحس في صبري حطب وأيّام غيباتك فتيل
ماادري متى يجتاحني هذا الملل
واحرق من سنين الصبر !!
وما قلتلك
لو جيتني مرّه مطر
تلقاني بدوٍ تنتظر
يستبشرون ان جت مقاديمك تغنّي عن حضورك يمّهم !!
من طهرهم
البرق في تعريفهم يعني حياة
والغيم صوته أغنيات
من غبت عنهم عايشين بهمّهم
تفرقوا صاروا شتات
وانت الوحيد اللي تجي وتلمهم !!
وما قلتلك
أشياء (3) باقيه ماقلتلك
انك مثل حزني .. قدر
وانك مثل ليلي سهر
وانك عمر ..
والعمر مرّه بالعمر !!
،،
:s38:
الموضوع الأصلي :
لاتعودني || الكاتب :
قلائد العشق ♥ || المصدر :
شبكة همس الشوق  |
عضويتي
[/COLOR][/SIZE]
]
العرض العادي
