[msg]عينى عليك فى البعد
يا الاخضر تبكى لك
يا زارع الورد
فى حروف مراسيلك
تعالى اقطف الورد
من قلب يدعيلك
ان جتنى مرحبا
وان غبت انا اجيلك
مطرح ما تروح
قلبى ح يناديلك
حبيتك وصفالك ودى
من غير ما ادرى اديتك
ضنى العين و النينى
ياريتنى ما شوفت طيفك
جانى البكى يشكى
يواسينى فى نار بعدك
يطبطب على اهاتى
ويمسح دمع خدى
قلتى روح بعيد عنى
دور على غيرى
الفكر تاه منى
بين السهر والمنام
مين يقول انى هجرتك
انا اتنفس هواك
مين يقول انى خصمتك
انا نبضى جواك
مين يقول انى جفيتك
جفونى تحضن لقاءك
لو تقرب ح تسمع
نبض قلبى يهواك
لو تريد منى عمرى
وعليهم ودى وحبى
ل زرعهم بين رموشى
وابعتهم مع ضى العين
ادوب شهد احساسى
الشوق اللى ف انغامى
فى كاس شهد اشجانى
اقولك دوق سكر نباتى
يا روح الروح
بقلمى واحساسى
زين العابدين
شاعر العامية
[/msg]