رواية الحب بعد فوات الاوان

20 - 1 - 2015, 04:10 PM

دخلت ونامت وهي تحس انها اقل منهم شأن وتحس بمذله بلا حدود لانها نايمه بالارض المعفنه والفراش المنهري من قدمه
لاوريحتها الي مافيها بخور ولا عطر عبير قامت بسرررررررررعه وفتحت الباب بقوه
فوزيه:وش ذا البلوى
زينب خفت شوي عن الضرب وصارت تتكلم وكل يوم ترجع عوابتها يعني شقاوتها:وش تبي هي
فوزيه:تقول انها ماتبي تزعج عمران
زينب:يعني ماتزعجه وتزعجنا تعرفيني انا حساسه وماتحمل

عبير ترجع:اسفه معليش(وتروح لفراشها المعفن

عادل صار يشرب زجاير هو ورامي اصدقاء السوء علموهم
عادل صار متهور وعربجي زياده عن اللزوم بعد فراااااااااق نوره

ابوحسام خسر ثلاثه ارباع فلوسه بالاسهم(عاد الاسهم هاليومين نازله وعلى الاحمر والكل مرتفع ضغطه)
ارتفع ضغط ابو حسام وفيه سكر رجله تأكلت رجله اليمين كلها وهو مهمل حاله مايدري ان الي فيه غرغينيا
ابو رامي:وش فيك تعرج
ابوحسام:والله لو تشوف رجلي ان تنهبل
ابو رامي:وش فيها
ابوحسام يفتح رجله المررررررررررعبه لانها متاكله
ابورامي منهبل:اعوذ بالله وشو ذا بسرررررررررعه رح المستشفى الله لايبلانا
ابو حسام:انت وش فيك هبلتني وش صاير
ابورامي:اقولك يالله بنروح للمستشفى نشوف وش بلاك
ابوحسام منهبل واقتنع:يالله

عبدالله ونوره احلى زوجين روميوا وجووليت زمانهم احلى زوجين بجد متفاهمين
وامهم عايشه معهم بس بجناح خاص ونوره رافضه خدم تبي هي تخدم عبدالله بنفسها واذا حست بتعب تطلب خدامه
وهي الي تسوي الغداء دايم
عبدالله يجي من شغله الساعه 11 ونص الصبح وشاف نوره مركبه الجوال على الساعه 12 ونص علشان تسوي الغداء
والساعه الي بالحيط الساعه 11 وثلث
عبدالله يكلم روحه انا مالي الا اغير وقت الساعه واخليها 2 والمنبه ليلا واخوفها شوي
غير ساعة الحيط وساعه الجوال وغير وقت المنبه من مسااء الى صباح
عبدالله وهو يعلق لبسه:احم احم ماقمتي يانوره وش فيك اليوم كسوله
نوره تقوم وهي تدعك عيونها وتمدد يديها:انت بتروح للشغل حبيبي
عبدالله وهو يجلس على طرف السرير:وانتي الصادقه حياتي انا جاي ممكن تغرفين الغداء لاني ميت جوووووووع
نورره تقوم منهبله وتناظر الساعه وتشوف الجوال:كيف ليش لاااا
عبدالله يضحك على حركات نوره:هههههههههه وش فيك قوليلي هاه قوليلي قوليلي
نوره ماده بوزها شبرين:بس انا ماسويت الغداء!!!!ووشو قوليلي؟؟؟؟
عبدالله يغني لكاظم:قوليلي مالحل فاشواقي وصلت لحدود الهذيان
نوره:اسفه حبيبي بس نص ساعه ويكون جاهز(وتقوم بسرعه
عبدالله يمسك يدها ويغني:اكذب اكذب عليك اكذب عليك انا اااكذب عليك
نوره:والله انك فااااااااااضي تغني ابسوي الاكل
عبدالله:والله اكذب
نوره:وش تكذب فيه
عبدالله:انا غيرت الساعه وبرمجتها غلط ههههههههههههههه علشان تقومين واشوف ردة فعلك
نوره:مو مصدقه يعن

20 - 1 - 2015, 04:15 PM

نوره:مو مصدقه يعني كيف قصدي الساعه كم وهي تشوف الساعه
عبدالله:الساعه ياطويلة العمر 12 الا ربع(وهو يشوف الساعه
نوره:والله!وتاخذ المخده تضربه
عبدالله:طيب ممكن تغرفين الغداء لاني جوعااااااااان
نوره:اووووووووووووووف تراي مو فاضيه لك
عبدالله:انا جايب لك الغداء يالله اغرفيه
نوره:مشكوووووووووووووووور حبيبي ولك بوسه على راسك وتبوسه
عبدالله:وبس
تناظر له بأستنكار وتروح وتخليه

المستشفى
ابورامي:هاه بشر وش فيه
الدكتور:للاسف غرغينيا
ابوحسام:ويعني كيف
الدكتور:لازم اليوم نسوي لك عملية بتر لرجلك علشان مايتنشر الداء السام للرجلك الثانيه
ابوحسام وهو في سريره:لا الا رجلي تكفون دوروا لها علاج ثاني
الدكتور:للاسف مالها علاج ولو بتطول اكثر راح نبتر رجولك الثنيتي فاحسن لك قرر الان وبسررررعه
ابو رامي:الله يعينك يابوحسام
ابوحسام يبكي :كيف رجلي كيف امشي
الدكتور:رجل صناعيه
ابورامي:طيب وش سبب هالمرض
الدكتور:مرض السكر هو سببه بس هاه وش قررت
ابورامي:يالله ابتروها
ابوحسام بقلة حيله:امري لله

بعد شهر وتاجيل لزواج رامي الي مو راضي يتم وكبر بطن بدريه شوي
زواجه
رامي مو مستعد للزواج ابد ومو مهتم له لانه ناوي يطلقها الاسبوع الثاني
زواجه جدا عااااااااااااااااااااااادي

والزفه بعد عاديه لكن بدريه هي الي جدا مذهله خيااااااااااااليه رغم فساتنها الي شوي واسع علشان مايبان حملها
ونوره وابتسام متكشخات اخر كشخه
نوره لابسه فستان احمر على شعرها الاسود ورده حمرا ومجعد شعرها شوي
ومكياجها خفيف وهي الي سوته وطاااااااااااالعه روووووووووووعه طبعا كلعاده جن عليها عبدالله وامه
امه طيبه مع نوره وتعاملها مثل بنتها مو كانها زوجة ولدها زي امهات اليوم

ورامي مادخل ينزف معها الكل مايدري ليه يكرهها حتى هو مايدري(بس هو لأنه عرف انها من جهة عبير حس بخيانه مايدري ليه

ابوحسام في الكرسي يمشونه الخدم ويقعدونه ولا يبي يبين انه محتاج لام حسام مع انها وحشته طبعا لان البيت فاااااضي
وحس بالذنب علشان حسام ولده بشكل

بدريه ورامي في عش الزوجيه والكل متكش لأنهم عرايس طبعا
ساكت رامي مو خجل الا تغطرس وتكبر(يمكن لانه مايامن حريم عقب ماتركته عبير)
بدريه سااااااااااكته خجل
رامي يشغل زجارته
بدريه تحرك يدها لانها مابي ريحته
بدريه:رامي انت ناسي اني حامل
رامي:لا مانسيت والدليل اني تزوجتك علشان مايفضحونك
بدريه:طيب الزجاره تضر الجنين
رامي:انتي باي شهر
بدريه:في الثالث

20 - 1 - 2015, 04:15 PM

رامي:خلاص اسبوع ونتطلق وبعدها اذا ولدتي نقول انك والده ولاده مبكره
بدريه بتحطيم:انا اول مره اسمع واحد يتكلم بيوم زواجه عن الطلاق

عبير نامت من الطفش في غرفة العائله الي فيها التلفزيون الغرفه الوحيده الزايده
تجي زينب تشغل النور وتشغلt.v. وهي تشوف عبير نايمه وتزود الاغاني
عبير تقوم بتثاقل وتعب:الله يخليك يازينب طفيه انا تعبااااااااانه
زينب:اووووووووووووف دايم تحرميني التلفزيون انا عندي برنامج اللحين وبعدين ورا ماتنامين بغرفتك
عبير قامت بصعوبه واخذت بطانيتها وراحت للصاله المظلمه ونامت في الزاويه البعيده المررررعبه
قامت النجسه زينب وطفت t.v.وراحت تنام

عمران في غرفة النوم يووووووووه وين شاحن الجوال من الغبي الي اخذه اكيد عبيروه لا عبير مقفله جوالها عقب الحمل
مافيه الى فوزيه اللعينه ويطلع من غرفته ويروح لغرفة البنات ويسال فوزيه تقول في الصاله

يشغل نور الصاله لانه مررررررررعب وباااااااااااااااارده لانها قدام الباب الخارجي المفتوح دايم
ويدور الشاحن مالقاه ويتفاجئ مين ذاك الي متلحف بالبطانيه وله صوت فيه انين يحزن يبين انه مريض من مده والي عمر ماحد نام في هذا المكان المرعب
يقرب ويقرب ويشوف فوق الجدار عناكب تخوف وهو يخاف من العناكب مع انه عايش معهم
يفتح البطانيه برقه وشوي شوي يبي يعرف مين ذا طلعت له عبير ويتفاجى!!

تتوقعون عمران بيحن قلبه لها هالمره ولا كالعاده اسلوبه جاف؟؟؟

ابوحسام بعد ضعفه بيرجع ام حسام؟؟؟

رامي وبدريه شلووووووووووون بتصير حياتهم؟؟؟

نوره وعبدالله تتوقعون في احداث جديده لهم؟؟

عبير قربت ولادتها تتوقعون تجيب بنت ولا ولد ولا سبع توأم ترا كل شئ اسويه ولا امممم تجيب سياميين ويعالجهم عبدالله الربيعه؟؟هههههه

20 - 1 - 2015, 04:16 PM

الجزء السابع العشرون
يفتح البطانيه برقه وشوي شوي يبي يعرف مين ذا طلعت له عبير ويتفاجى!!
عبير ترتجف وحالتها تكسررر الخااااااطر بشكل شكلها رعب وهي في الشهر بداية الشهر الثامن
وتغيرت عن قبل بكثيررررررررر صارت نحيفه ووجها شوي نحف وسواد تحت العينين وباين التعب في وجهها
عمران:عبير
عبير بصوت مرتجف:عمران انا بردانه بردانه
عمران يلمس جبينها ويلقى انها شوي حاره
ترتجف زياده عبير وبصوت مبحوح:انا بردانه ابي بطانيه زياده تكفىىىىىىىى جيب انا بموت
عمران يناظرها كانه مو مصدق الي يشوف ويناظر بيت العنكبوت الي فوقها:طيب انتي من متى تنامين هنا ووين قبل تنامين
عبير:اليوم نمت هنا لان زينب قبل شوي تبي تتابع برنامج عمران
عمران وهو يناظرها بتعاطف وحزن:نعم
عبيرتبكي وهي ترتجف بقوه وشفيفها زرق من البروده:رجلي رجلي ماقدر احركها ماحس فيها احس انها انشلت
عمران انهبل:لا يمكن نايمه اشوف ويفتح البطانيه يشوف رجلها لونها ازرررررررررررررق غامق مرعبه واضافرها لونها كحلي مايل للسواد
عمران شافها انهبل ويمسكها باااااارده ثلج كانها مطلعه من فريزر من برودتها ويدعكها الى تخف البروده الي فيها
بعد ماخفت حركت اصابع رجلها فرحت عبير لانها خايفه من شلل رجلها لانها قبل شوي ماتحس فيها
بكت عبير:عمران
عمران وهو مو بعيد عن حالها محزن:وش فيك لاتبكين انتي اقوى من كذا
عبير:لييييييييه انت تكرهني
عمران تنزل دموعه ويبي يبكي بس مايحب يبكي قدام احد:انا ماكرهك ياعبير والله ماكرهك(كان وده يقول انا احبك لكن فيه شئ بداخله يمنعه)
عبير:طيب ليه طردتني من غرفتك
عمران:هذي غرفتنا مو غرفتي
عبير:لاغرفتك انت طردتني من اشهر ولا فيه احد يبيني حتى خواتك طردوني
عمران:ولايهمك انا بكره اكسر روسهم
عبير وهي تبكي:انت ماتعرف تتعامل الا بالضرب ليه
عمران:لاني حيوان ماعرف اتفاهم
عبير:لا لاتقول عنك كذا
عمران:ياكبر قلبك ياعبير كل الي اسويه فيك وانتي ماتغيرتي اصلك طيب وجذورك طيبه ابيك انتي الي تربين المولود الجديد
عبير:بس انا تعبانه
عمران:قومي اوديك للمستشفى
عبير:لا مابي انت ناسي ان خوالي اليوم بيجون
عمران:ايه صح بس مايضر تروحين بس اتطمن عليك ونرجع
عبير:لامافيني شئ بس ارهاق شوي خلاااااص انت رح نام وراك عمل اليوم
عمران يحاول يشيلها
عبير:ليه وين
عمران:لغرفتك
عبير:لامابي انطرد مره ثانيه لاتشيلني الله يخليك
كانت كلمة طرده تطعن قلب عمران لكنه ابتسم وشالها بيديه:من يوم ورايح انتي الي تطرديني الا ماتلاحظين انك صايره
ثقيله شكلك بتجينين اثنين موواحد(عمران وهو يبين العكس مافيه اخف منها كأنه شايل طفل مو حرمه وحامل بعد
عبير سااااااااااكته لانها خايفه من المستقبل وهي عندها عزة نفس يعني بعد ماخلص وحمها مارجعت لعمران وتو

20 - 1 - 2015, 04:18 PM

عبير سااااااااااكته لانها خايفه من المستقبل وهي عندها عزة نفس يعني بعد ماخلص وحمها مارجعت لعمران وتوسلت له انها ترجع له

اليوم الخامس لرامي وبدريه وهم اخذين اجازه مدة اسبوعين
رامي بسريره ماتغدى
بدريه تجي معها صحن الاكل وبيدها ملعقه:وهذا احلى عشاء لاحلى رامي
رامي:تجيبين ولا ماتجبين مطلقك يعني مطلقك
بدريه:الله يخليك لاتجيب سيرة الطلاق الا فيه يومه ابي اعيش مثل كل عروس تعيش اسبوعها الاول(وهي تاخذ الرز بالملعقه
افتح فمك
رامي:مالي نفس
بدريه:علشاني
رامي:اووووووف قلت لك مالي نفس ممكن تطلعين برا لاني بنام
بدريه نزلت راسها وحطت صينية الاكل فوق الكمدينه:اذا جعت كل
رامي:صكي الباب وراك
بدريه:لحظه بس باخذ لبسي واغراضي واطلع
رامي:اوف بسرررررررعه

طلعت بدريه بعد مانست اغلب اغراضها لانها خايفه من رامي الي صاير مزااااااجي لاابعد حد
رامي انا وش فيني عليها وشفيني قلبت فجائه حرام اورط البنت والي في بطنها من غير سبب يعني معقول علشان
جنسية امها لاااااا كيف انا من متى هذى الامور تهمني يمكن مرض حبي لعبير مانتهى اووووووووووووف مطلقها يعني
مطلقها مانيب مغير رايي

بدريه تكشخت آآآآآآآآآآخر كشخه وتمكيجت وتعطرت تناظر روحها في المرايه ايه اللحين اقدر اغري رامي
انا ليه مهتمه له يالله معقوله صرت احبه بهالجنون ياااااااااااااااااااااااارب خل رامي لي الحالي وماتاخذه وحده غيري
تناظر بطنها وانت متى بتطلع يمكن تغير راي ابوك يالله يارامي وبتصير ابو وانا بصير ام مو معقول

خالة عبير وخالها جو لعمران وعبير وجايبين معهم ارجوحه من ضمن الهديا لانهم فرحانين بحمل عبير
ومعهم طفلين عيال خال عبير

خالها خالد:اخبارك ياعبير شلونك

عبير:الحمدلله الساعه المباركه الي شفناكم فيها

خالتها سهام:وانتي ليه ماتجين خوالك ياعبير يالقاطعه
عبير:والله تعرفين ياخاله اشغال الدنيا بجد وتعب هالحمل الله يعين

عمران في المطبخ بصوت واطي:ضبط القهوه يافوزيه زين
فوزيه:وهي ورا ماتجي حضرتها تزين القهوه لاقاربها
عمران:اشتغلي وانتي ساكته يازينب وين البخور
زينب:في ذاك الدولاب
عمران:طيب شغلي النار عليه وتناظرلي بعد
عمران راح للطباخ وجاب لهم ذبيحه
عبير ماتوقعت عمران راح يهتم فيهم لكنه بجد كان رجاااااااال وكرمه كرم بدوو لكن مزاجه المتقلب هو الي خربه

عبير:والله ماتروحون ان تنامون عندنا الليله وش الي يوديك للرس اليوم
خالد:والله ياعبير ورانا مسؤلايات
عبير:قلت والله ماترحون
سهام:والمزارع نخليها لمين
عبير:العمال فيها خلاص بلا اعذار الا ماقلتولي اخبار اهلي ترا لي اشهر ماكلمتهم ولا اعرف اخبارهم
خالد:ولا شئ ابد

20 - 1 - 2015, 04:18 PM

عبير:ابد امانه صاير شئ جديد غير وفات حسام الله يرحمه
سهام قالت لعبير كل شئ بس بطريقه حلوه يعني مو مرعبه قالت عن فراق ابوها وامها ومرض ابوها قالت بس رجله مريضه
شوي مو مبتوره

عادل مزود الاغاني هو واصدقائه ويمشي بسررررررررعه جنونيه الا ذاك التقاطع الي طلعت من سياره كامري
حاااااااااااااااااااادث شنيع وصلوا الاسعاف بسررررعه وشالوا الركاب

ترررررن تررررررن على بيت ابو رامي لان عادل مسميه البيت
المستشفى
ام رامي:الوو
مستشفى:الو السلام عليكم هذا بيت عادل
ام رامي:ايه هذا بيت خير انشالله
المتصل:بصراااااااحه ولدكم سووا حادث وحبيت ابلغكم
ام رامي:لااااااااااا تبكي
ام حسام:خير انشالله وش فيك

نوره:حبيبي ابيك توديني لبيت اهلي بصراااااااحه اشتقت لهم
ام عبدالله:ايه خلها تروح مسكينه تطمني على اهلك
نوره:مشكوره خالتي ماتقصرين ياقلبي
عبدالله:ايه وانا اطلع منها
نوره:انت طالع من زماااااااااااااااان
عبدالله:خلاص اجل ماوديك
نوره:لاحبيبي انت صدقت اصلن وش البيت من دونك
عبدالله:ايه هذا الكلام السنع يالله البسي عباتك واطلعي
نوره:مشكووووووووووووووور قلبي بس ابي اسوي شغله
عبدالله:وشي
نوره:تعال ابيك تساعدني فيها
عبدالله يروح معها
نوره تركب فوق الكرسي:ممكن هذا العطر حبيبي
عبدالله:وش معنى ذا
نوره:لان هذا ثاااااااااااااابت ماتروح ريحته ولا بعد سابع جيل
عبدالله:اها بس وش بتسوين فيه
نوره:عطنيه وانت ترقب الحدث
عبدالله يشوفها
نوره تاخذ العطر وتعطر النجفات والثريا لان الانوار مطفيه واذا شغلها الواحد تطلع الريحه وتثبت
عبدالله:هاتي يدك يأم الافكار
تنزل نوره:وتحسبني سهله
عبدالله:اجل يالله مشينا

يروحون وعبدالله يشغل اغنيه راكان بحضر زفافك
نوره تتذكر عادل بهالاغنيه ولا قالت له طفه لانه عاجبها الوضع
عبدالله:هالاغنيه تحزني
نوره:ليه
عبدالله:لاني احس انه يغنيها من قلب وان حبيبته فارقته الله لايفرقنا عن بعض يانور قلبي
نوره:كثيررررررررررررر يغنوها من قلب ومفارقين حبيباتهم
وصلو
نوره تشوف امها وام حسام يركبون السياره مستعجلات
عبدالله:وش فيهم ذولي
نوره كانت بتنزل بس مشت السياره:عبدالله الله يخليك امش وراهم
عبدالله:فشيله نتجسس
نوره:بسررررررعه رح اكيد فيهم شئ امش

رامي شاف بدريه متكشخه ونايمه على كنبه وكااااااااااان شكلها اسطووووووووووري انتظرته الى نامت لانه طول ماقام
رامي يناظر لها باعجاب لكن على طول تحول الاعجاب الا عداوه

ابو بدريه سافر للعمره

عبدالله وصل للمستشفى
نوره على طول نزلت:حبيبي انت روح وانا بجي مع اهلي
عبدالله:لا ابنتظرك او انزل معك
نوره:لا روح وانا اتصل عليك اذا خلصت
عبدالله استسلم لانها عنيده وما يبي يرفض لها طلب:خلاص يالله مع السلامه

20 - 1 - 2015, 04:19 PM

نوره مشت بسرعه وبسرعه الى وصلت لغرفة الطوارئ سالت مين فيه بغرفة الطوارئ
وهي تشوف اطباء يروحون ويرجعون وكانت حالة توتر
ماحد رد عليها وتشوف الحرمتين المسرعات قبل شوي من البيت وهم جالسات يبكون
نوره تروح لهم بسررررعه:يمه ام حسام وش صاير
ام رامي وهي تبكي:ماصار شئ
ام حسام:وشلون ماصار شئ وولدي بيموت
نوره مسكت قلبها:عادل عادل وش فيه لا قولولي الله يخليكم
ام رامي:حادث حادث الله يدفع البلا وتسقط نوره مغشئ عليها
ام رامي قامت بسرررررعه وشالت بنتها ياويلي على حظى وش فيك يانوره تكلمي

يشيلون نوره ويودها لقسم الطوائ
الاطباء رايحين رادين عليها
طبيب يطلع:للاسف فقدان للذاكره انا ماحذرتكم انها لازم ماتسمع اخبار شينه
ام رامي تبكي تبكي:لااااا ليه يام حسام قلتي لها ليييييييه

تقوم بدريه مفزوعه بعد ماشغل رامي التلفزيون على تعليق مبارايات
بدريه تناظره:متى قمت حبيبي
رامي:قبل ساعه
بدريه:اجل بسوي لك قهوه
رامي:سوي راسي صاكني
بدريه تشوف حالها وتتذكر انها متكشخه علشان رامي:رامي وش رايك فيني
رامي:بتسوين قهوه ولا شلون
بدريه:ابسوي ابسوي

الصباح
عبير اخذت عيال خالها وتلعبهم في الارجوحه الى برا
وشعرها كان مفتوح والهواء يراقص شعرها ولبسها الابيض الخفيف الي خلاها كانها ملاك وهي تدف الولد الصغير بالارجووحه
وكان يناظر لها عمران من بعيييييييييد وهو مخفي اعجابه فيها ويناظر لها كانه مو مصدق انها عبير
عبير بعد مانزلوا الاطفال وملوا ركبت الارجوحه وهي مشتااااااااااقه لايام الطفوله
عمران يجي لها وهو مبستم:هاه اشوفك تلعبين
عبير تضحك:لايغرك اني متزوجه ترا عمري 23 سنه واولها بعد وتصدق ان اليوم عيد ميلادي
عمران:عقبال مية سنه
عبير:وياك انشالله
عمران:قاموا خالك وخالتك
عبير:لا مادري شفيهم
عمران:وانتي متى بتولدين
عبير:تصدق لي ثلاث ايام احس بالطلق واجي بقومك لكني اشوفك نايم وارحمك والحمدلله ماصارت ولاده
عمران يضحك:مجنونه انتي كيف ترحميني ترحميني انك بتولدين عندي والله لانحاش
عبير:اصلا انا اذا بولد ابيك تكون عندي اخاف بروحي
عمران:لا اسمحيلي ابخوفك زياده
عبير:اموووووووووووووووت انا بالرقه تصدق مادري ليه احس اني مو خايفه مع انه اول واحد بولده
عمران:مستحيل اصدقك بس ماقلتي لي وش بنسمي المولود الجديد
عبير:اذا قلت ماتزعل
عمران:اها مازعل
عبير:اذا كان ولد وانت ماتبي تسميه عقاب ابي اسميه عامر
عمران:هههههههههههه وش معني
عبير:مادري بس احب الاسماء الي زي كذا عامر عمران شهد سعد احمد حماده
عمران:هههههههههههه جاب الشهاده هههههههه ذكرتيني ايام الطفوله طيب واذا كانت بنت وش اسميها
عبير:سمها راون
عمران:حلو راون عمران ونااااااسه هههههههههههههه
عبير:شفهم شكلهم قاموا ابقدم الفطور
عمران:يا

20 - 1 - 2015, 04:20 PM

عبدالله على طووووووول جاء للمستشفى بعد مابلغوه عن نوره
عبدالله وهو ميت خووووووووف:هاه بشروا وش صار
الدكتور وهو جاي:وين اهل عادل
ام حسام:انا انا امه وش فيه
الدكتور:عادل سليم ومافيه الا العافيه بس كدمات بسيطه بس اصدقائه هم الي حالتهم خطيررررررررررره

في الشقه شقة الفساد
سالم:خوذي هذا الجوال وابيك تصورين في هالزواج احلى البنات زين ترا هالصور نبيعهم او نهدد البنات ويجون لحد بيتنا
فاطمه صديقته:ولايهمك ياسلوم انشالله اجيك باحلى صور

فاطمه تستعد لبست جوارب وحطت الجوال داخل الشرابات في رجلها (لان جوال الكاميرا ممنوع داخل قصور الزواجات في السعوديه)
وهي مغلقه جوالها
العامله الي تكشف بالجهاز كانت تسوي لوحده وماتهتم للثانيه وكان هذا من نصيب فاطمه
دخلت وصورت احلى البنات وصورت وحده كشخه صورتها وهي ترقص مصري وكالعاده لبس البنات الظهر والصدر مفتوح وهذي لبسهاا قصيررررررررر بعد بزياااده وهي تحفه
وهي تهز ورابطه الشال على خصرها ومافيه بالمنصه الا هي والتصوووووووووووير واااااااااااضح تدرون مين ذي البنت
بتعرفون بعد شوي(والله يعينها)

عادل طلع من المستشفى بيومه لكن بعد ماعرف ان نوره فقدت الذاكره علشانه جن وتاكد انها الى الان تحبه وتمووووووووت فيه

عبدالله ورامي وام حسام وام رامي عند نوره
عبدالله:حبيبتي ماعرفتيني انا حبيبك وزوجك عبدالله اليوم رحنا لامك لانك مشتاقه لها
عبدالله ينزل راسه ويبكي على حال حبيبته
رامي يناظر عبدالله وهو مستانس من حبه لاخته
رامي يكلم روحه هي معقول الى الان تحب عادل لامستحيل انت وش قاعد تقول ياغبي كيف تحبه وهي متزوجه واحد ثاني
والبنات خونه مثل عبير كانت تحبني وتزوجت عمران ونستني(الى الان متاثر بس مايكره بدريه بالعكس)ومثل نوره تحب عادل
وتتزوج عبدالله ذولي ماعندهم الا العذاب الله يعذبهم قالوا ايش قالوا حقوق المراهء والله انهم اخذين حقوقهم وحقوق غيرهم

بس مايمنع ان رامي متاثر بتعب اخته

عمران:اوووووووووووووف والله طفشان
عبير عرفت انه قلب مزاجه وهي سااااااااااااكته
زينب:ماتسمعين زوجك يقول طفشاااااااان
عبير اغتاظت من كلام زينب:طيب وش اسويله
عمران:حلوه وش تسوين لي
عبير:يعني بدينا قلب مزاجك تراي كل يوم اطفش ولا اشكي لاحد وان شكيت ماحد معطيني وجه وأولهم انت
عمران بما انه عصبي بالحيييييييييييييل قام ومسك شعرها
عبير:فكني تراك عورتني
عمران وهو صاك على سنونه:احسن ويامالك من العذاب
عبير تقوم وهي معصبه تعلي صوتها:اكيد العذاب بوجودك
عمران طرااااااااخ كف على وجهها
عبير على طووووووووووووول راحت لغرفتها تبكي
وزينب هذا الي تبيه
عمران راح لزينب بعد ماحس بالذنب وبصق على وجهها

20 - 1 - 2015, 04:23 PM

ابو رامي يسحب عربية ابو حسام وهم جايين ومعهم ابتسام بعد ماعرف ابو رامي من زوجته وبعد ماتندم ابو حسام
يدخلون للغرفه والحريم متغطيات
ام حسام زارت ابوحسام في المستشفى ايام البتر بحكم عيش الحلو والملح إلي عاشوه
ابو رامي وابو حسام:السلام عليكم
الكل رد
ابو رامي يروح بسررررررعه لبنته ويضمها:سلامتك يانوره عسى ماشر
وابتسام تسلم عليها وهي محزنه على حال اختها يدخل الدكتور
الدكتور:السلام عليكم
الكل:وعليكم السلام
الدكتور: تبون البنت تروح معكم ولا تجلس هنا؟؟؟
ابورامي:ووش الاحسن
الدكتور:زي بعض مايفرق لان حالتها شوي صعبه ومالها علاج
عبدالله ودموعه في عينه:انا باخذها وانشالله يصير علاجها بيد الله ثم بيدي
الكل:خير انشالله
ابوحسام:وين ولدي عادل ماشفته
ام حسام:ولدك عادل(تحرك فمها يمين ويسار)توك تحس ان لك ولد
ابوحسام:انا تندمت ووالله تغيرت وربي عطاني نصيبي
ام حسام:الظاهرر انك الى الان ماتعرف وقت الكلام لان مو ذا وقته ولا هنا مكانه
ام رامي:صلو عالنبي وش فيكم انتم تراكم شيبان مو توكم متزوجين

عمران يجي لعبير ويشوفها حزززززززززززينه وهو متحسف وحاس بالغلط:تبيني اغني لك
عبير:لا انا الي هالمره باغني وانت اعزف
عمران استانس لانه يحسبها رضت عليه:طيب كيف اعزف على اغنيه ماعرفها قولي اسمها
عبير:لا انت اعزف زي دايم لان هالاغنيه قريب عزفها من عزفك
عمران:ولا يهمك وبدا يعزف
عبير:بس على شرط ماتوقف الاغنيه لو انها ماتعجبك
عمران عرف انها بتسبه:خلااااص
عبير تغني بصوتها الحلو لاغنية عبدالله رويشد البدايه:

البدايه في عشــرتك يعنــي نـهايه عمران سمع هالمقطع انقهر
قلبك القاسي عن الطيبه بعيـــد
البدايــه في عشرتك يعنــي نــهايه
قلبك القاسي عن الطيبه بعيـــد
انكشفت وبانت فصول الحكايه
انكشفت وبانت فصول الحــكايه
يوم بعـدك صار عندي يوم عيــــــد حس بمذله وبيرد لها الثار بطريقتها بس هالمره باغنيه

20 - 1 - 2015, 04:24 PM

عبير سكتت حست انها زودتها شوي وكانت بتبكي مقهوره من اغنيتها الي قالتها له لان كلماتها قويه وهي تكن له مشاعر حلوه
مو نفس الي قالته

عمران وقف العزف:خلصتي
عبير تهز راسهها بالايجاب لان مالها وجه تناظر له
عمران:اجل انا بهدي لك هالاغنيه
بدا بالعزف
اغنية (ليتك تموت) الظاهر انها لعزازي
ليتك تمـــوت اليــوم عبير انقبض قلبها وناظرت له بعد دعوته لها وحتى عمران حس بحزن
وارتاح انا منك
يرتــاح قلبي من خيانــه طعنته
ليتك تموت وبثوب اسود عبير تنزل دموعها وهي تشوف عمران وتحس انه يتكلم مو من قلبه
اكــفــنك لانه بيراضيها بالبدايه وهي الي حولت الغزل لجدل
واطوي معاك صفحة عذاب رسمته
ليـــتــك تموت اليوم
وماحدن درى عنك غير الخفوق الي وفاء لك وخنتاه

عبير بصرااااااااااااااخ وبكاء:بــــــــــس خلاص حرام عليك ليه تدعي على تبين اموت انت تبيني اموت حرام عليك
وهي تبكي بقوه
عمران خاف عليها:بس انتي الي بديتي وجرحتيني
عبير:كنت اكذب اكذب انا احبك احبك ياعمران وانت تكرهني الف مره حراااااااااااام عليك تبكي لان اول مره احد يسمعها كلام جارح مثل ذا
عمران حس بتانيب ضمير:اسف اسف ياعبير بس انتي قلتي ان فراقي يوم عيد
عبير:مو انا الي كاتبه الكلام
عمران:حتى انا وش ذنبي
عبير رمت نفسها بحضنه مثل الطفل:تقدر تعيش بدوني ياحياتي
عمران:لا كيف بقدر ماعليك من الاغنيه ومن الخرابيط انا اصلن عقب ذي الاغنيه انا بعتزل
عبير:لا يعجبني صوتك بس الاغنيه الي قبل شوي مابي اسمعها منك ابد
عمران:يبوس راسهها:تامرين امر واكرر اعتذاري انا اسف

فاطمه رجعت للبيت وهي مستانسه لانها بتاخذ على هالمقطع 7 الاف ريال لانه مقطع يستاااااااااااهل
سالم ماكان فاضي جو صديقاتها وارسلت لهم هالمقطع
سالم:الوووووو
فاطمه:يااااااااااهلااااااااا والله يانا جبت لك مقطع بتستااااااااااااانس منه بس الحساب
سالم: انشالله يكون خيرو خلي الشباب يشوفونه وينشرونه اوكي
فاطمه:اوكي بااااااااااااااااااااااااااااااااااااااي
نشرت ذا المقطع مع الشباب والشباب ارسلوه للي يعرفون وصار هالمقطع حديث الناس لانه على قولتهم يستاااااااااااااهل

عبير حست بالام الطلق:آآآآآآآآآآآآه عمران قوووووم انا بولد تعبااااااااانه قووووووووووووووم
عمران يقوم مثل المقروص ويفتح عيونه وهو مفزوع:يالله قومي اوديك للمستشفى قووووووووومي يحاول فيها
عبير:تعبانه ماقدر اقووووووووووم اخ اخ
عمران شالها وحطها في السياره بعد مالبسها العباه بالمقلوب
بينهم وبين المستشفى نص ساعه لكنه هو بيختصر الوقت وبيروح بربع ساعه بالكثيرررررررر
عبير تصارخ
وعمران متوتر مايعرف لهالمواقف
عبير:بسرررررررررررررعه ابمووووووووووووووووووووووووت
وهي تمسك ظهرها بسرررررعه

طلع

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات