اخي الزائر لديك رسالة خاصة من شبكة همس الشوق للقراءة ! اضغط هنا ! 
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n \r\n\r\n\r\n\r\n\r\n\r\n\r\n\r\n\r\n.. في المطبخ .. \n \nدخلت وهي تدندن وتترقص .. خذت قلااص وهي تدور على نفسها و تتوجه لـ كولر الماي وتصب لها وهي تتمايل بجسمها .. \n \nلفت وهي تشرب ببتسامه .. بس أول ما طاحت عيونها في عيونه شرقت بالماي وقامت تكح *_^ \n \nياته الضحكة على شكلها المخترع .. بدر: الله .. حلوو \n \nرفعت راسها وهي للحين مو مستوعبه .. نجوى بستغراب: أنت من متى هني !! \n \nابتسم بدر وقرب لها شوي : من لما دخلتي من الباب ^^ \n \n.. حست بالحرارة تسري في جسمها من الاحرااااج والفشله وخصوصاً إنها لاابسه فستان عاري وقصيــــر .. يات تبي تطلع بس كانت يد بدر أسرع منها .. مسكها من ذراعها وسحبها لين ما صارت قباله \n \n.. رفعت حاجب بستنكار .. نجوى: خيرررررر ؟! \n \nبدر بهدوء: كل الخير \n \nنجوى بقهر وعصبية من الهدوء إلي هو فيه: وين بجوف الخير بعد ما جفت ويهك النحـــس \n \nتنرفز من كلاامها .. بس ما حب يبين .. وبهدوء يقهر .. \n \nبدر: عيب تقولين حق زوجج ويه النحس \n \n.. حست إنها راااح تنفجر من القهر والعصبية .. \n \nنجوى بتمرد: واااايد ترااك مصدق روووحك .. تخسي آخذ واحد مثلك .. ولاا حتى في الأحلااااام .. \n \nبدر وهو يرفع حاجب: متأكده ؟! \n \nنجوى بكل ثقة وغرور: مليون بالميـــة \n \nبدر وهو يجرب منها أكثر لين صار ما يفرق بينهم شي .. وبتحدي: نجوووووف .. أنا بكرة راح أكلم خالج \n \nنجوى وهي تبتسم بستهزاء .. وبتحدي: أعلى مافي خيرك أركبه \n \nبدر ابتسم ببتسامه حلوة : طيب .. سي يوو يا زوجتي العزيزة ^^ \n \n.. حست بالقهر أكثرررر بس ما أهتمت .. ومشت عنه تاركته يناظر بـ خيالها ويبتسم على الفكرة إلي طرت في باله .. \n \n \n \n.. في الصالة الداخلية .. \n \n \n \nحاطه ليث في حظنها وتلعب معاه .. تحس إنها مشتاقه له من زمان ما قعدت تلااعبه .. واليوم فرصه لها .. ولاازم تستقلها .. \n \nناظرتها وابتسمت على شكلها كان كيوووووووت وهي تلااعب ليث .. \n \nأم سعود وهي توجه الكلاام لأم رنيم: بنتج ما شاء الله عليها .. جوفيها وهي تلااعب أخوها صاير شكلهم كيووت من قلب \n \nأم رنيم ببتسامه حب: إي والله .. الله يعطيها إن شااء الله وإنجوفها تلااعب عيالها \n \nأم سعود من كل قلبها: آآآآآآميـــــن \n \nأم حسام ببتسامه وبصوت عالي سمعه الكل: تدرون إني أول ما جفت رنيم دخلت في خاطري وقلت بخطبها حق ولدي حسام .. بس أكتشفت إنها العرووس .. يابخته سعود فيهااا يا أم سعود \n \nأم سعود في قلبها "قل أعوذ برب الفلق من شر ما خلق" .. ابتسمت كـ مجامله: الله يهنيهم ويخليهم حق بعض ويحرسهـــم من العيـــــــــن \n \nالكل ما عدا رنيم: آآآميـن \n \n.. حست بالاحرااج من كلامهم عنها .. وعلى طول طرى في بالها .. وخذتها أفكارها في هاللحظة بـ سعود .. \n \nرنيم في نفسها "يا ترى شلي غيرك يا سعود .. والله إنك حيرتني .. أمرك غريب كنت ما تشتهي حتى تناظرني والحيـن تسولف معاي وتبتسم لي .. ما أدري بس مو متطمنه خايفــة إنك ناوي علي بنيــه .. الله يستر من نواياك" \n \n.. دخلت وهي تحس ببراكيــن مكتوومه في قلبها .. منقهره موووت منه .. \n \nنجوى بتحلطم : عسى ربي ياخذك ويريحني منك .. حمااار .. مصدق روحه هذا إلي قاصر بعد آخذه .. بس الحمد الله الحين ما يقدر يسوي شي بعد ما وافقة على الريال إلي تقدم لي .. بس (سكتت وهي تفكر بـ منطق) يا خوفي يقول حق خالي إنه أولى ويلف بـ مخه .. ذيك الساعة راحت علي أكيــد \n \nخوله بستغراب منها : شفيج ؟!! \n \nنجوى لفت ببلااهه: هااا \n \nخوله: من قال ها سمع \n \nنجوى بشرود: أي أي \n \nخوله بضحكة: هههه شنو أي أي .. لااا شكله مأثر عليج الرقص .. ما عليج شرها \n \nنجوى بغباء: الشر ما أييج \n \nخوله هني فطستها ضحك: ههههههههههههههههههههههه \n \nرنيم وهي تبتسم: شفيج خوله استخفيتي \n \nخوله ببتسامه: لااا بس رنووم بذمتج جوفي نجوى وحكمي .. شكلها اليوم محششه مووو \n \nرنيم وهي تناظر بنجوى إلي سرحانه وحاطه يدها على ذقنها وتحرك سبابتها بدلااله التفكيـر .. كان شكلها توووحفه .. \n \nابتسمت وهي تهز راسها .. رنيم: من قلـــــب \n \n \n \n \n \n.. في المجلس .. \n \nدخل والفكرة مازالت تلعب في راسه .. قعد وهو يناظر بأبو سعود إلي كان يسولف مع الرياييل ومندمج في السوالف .. لف على سعود وجافه هو الثاني مندمج بالسوالف مع الشباب .. فكر بحيره وفي الأخيــر قرر ينفذ إلي يدور براسه \n \nبدر ببتسامه وهو يناظر بـ أبو سعود .. وبصوت شبه عالي : أحم أحم يا أبو سعود \n \nناظره أبو سعود بستغراب وانتظره يكمل كلاامه .. ما يدري ليش بس حس بشويه احراج لأنه الكل قام يناظر فيه .. بس هالشي ما وقف تنفيذ إلي براسه \n \n.. بدر بجديه و ببتسامه: أنا حاب في هالمناسبة .. ويشرفني إني أطلب يد بنت أختك قدام الكل .. وأتمنى إنك ما تردني \n \nابتسم سعود وابو سعود كان عارف بـموافقة نجوى لأنه أم سعود خبرته .. ابتسم وهز راسه بالموافقة \n \nأبو سعود : ما أعتقد إنه راح نحصل ريال أحسن منك .. وأنا موافق وما عندي مشكله \n \nبدر ببتسامه: بس لاازم تشاور البنت \n \nأبو سعود: مافي مشكله لو تبي الحين بعد آخذ رايها \nوتملك \n \nبدر بفرح لأنه وصل إلي هو يبيه: يكون أحسن بعد \n \nالكل: هههههههههههههههه \n \nانحرج وابتسم على زلت لسانه .. \n \nأما أبو سعود ناظر بـ سعود : روح وخذ راي أختك \n \nسعود وهو يقوم : أبشررر \n \n \n.. طلع سعود من المجلس واتصل بأمه .. \n \nأم سعود: ألووو \n \nسعود: هلاا يما \n \nأم سعود: هلاا فيك زود .. عسى ما شر \n \nسعود: ما شر بس خالي \n \nأم سعود بخوف: شفيـه \n \nسعود: مافيه شي لاا تحاتين .. بس هو قال حق أبوي وجدام الكل طلب يد نجوى و يبي يملك عليها اليوم بما أنه الكل من الاهل موجود .. وأبوي يبي موافقة نجوى \n \nأم سعود بفرح: أبشر بإلي يسرك \n \nسعود : بسرعه يما عجلي ورحي سأليها و عطيني خبر \n \nأم سعود: إن شاء الله \n \nسعود: باي \n \n.. سكر سعود من أمه و سند نفسه في الجدار ينتظر اتصالها .. \n \n \n \n.. في الصاله الداخلية .. \n \nأول ما قفلت من سعود تهلل ويها سعاده .. وراحت على طول ونادت نجوى ودخلتها بغرفه وقعدت معاها بروحها .. وطبعاً نجوى مستغربه من الوضع بس ما علقت .. \n \nأم سعود بفرح: إنتي وافقتي على المعرس إلي تقدم لج صح \n \nنجوى بخوف "أبيـــه لاا يكون بدر فر مخ خالي وخلاه يرفضه" : اي \n \nأم سعود ببتسامه: وهو مستعيل ويقول يبي يملج عليج اليوم بما إنه الكل مجتمع \n \nنجوى بصدمه: اليوووم \n \nأم سعود بمكر: إي اليوم .. إلاا إذا ما تبينه ترى عادي قولي والحين أتصل وأقول لهم ويردونه \n \nنجوى: لاا لاا لاا بس لاازم أفكر .. يعني أنا هالانسان ما اعرفه ولاا حتى جفته ولاا كلمته .. فـ على الأقل خل أفكر \n \nأم سعود بنفس المكر: إي بس لين متى بالتفكرين .. هو جي ولاا جي ما ردج موافقه . سوى صار العرس الويم ولاا بكرة ما يغير وبعدين هذي بس ملجه \n \nنجوى بتفكيــر "أممم يمكن هذي خيره لي من ربي .. قبل لاا يكلم بدرووه أبوي بكرة .. هههه أكيد بدر الحين ينتظر على نار ومنقهر .. وأخيرا يات لي فرصة اكسر غروره وثقته الزايدة" \n \nنجوى ببتسامه نصــر: موافقة \n \nام سعود بفرح : كلووولوووووووش .. ألف ألف مبروووووووك يا يمه \n \nنجوى ببتسامه: الله يبارك فيج يا خالتي \n \nاتصلت أم سعود بسعود وبشرته .. وانتظرت هي ونجوى داخل الغرفة ليــن ما يعطيهم خبر إنهم كتبوا الكتاب \n \n.. ملاااحظـــــة: عندنا إحنى الولي الأمر هو إلي يوقع عن العروس ويوافق من دون ما يسألها الشيــخ << للمعلومية فقط ^^ ..\r\n \r\n \r\n \r\n الموضوع الأصلي :\r\nرواية انجبرت فيك وماتوقعت حبك و موت فيك || الكاتب :\r\nجروح الم || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n\r\n\r\n\r\n \r\n \r\n \r\n\r\n\r\n\r\n \r\n\r\n
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي
العرض الشجري
