كل بيت حكمه لوحده

#1 2 - 7 - 2015, 04:42 AM

كل بيت حكمه لوحده

معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا

تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا

ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا

وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا

ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا

تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا

إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا

ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا

ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا

لياجاتك تعذّرهـا مـدام العـذر لـه مدخـال
ووقت الجد قول الهـا الصحيـح ولاتجاملهـا

وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا

يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا

يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا

ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا

ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا

ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا

تجنّب مجلسه لاتجلس إلا مع كريـم خصـال
تحمّـل ميلتـه وإن ميلـت ميلتـك ينقلها

ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا

وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا

وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا

وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا

ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا

المصدر: شبكة همس الشوق - من قسم: همس الشعر والقوافي

الموضوع الأصلي :‎ كل بيت حكمه لوحده || الكاتب : ياقلبي اكتفيت || المصدر : شبكة همس الشوق

2 - 7 - 2015, 04:56 AM

صح لسان شاعرها وتسلم يد ناقلها
الله يعطيك العافيه
ننتظر جديدك بشوق
ودي لروحك

2 - 7 - 2015, 05:46 AM

صح لسان شاهرها
وتسلم يد ناقلها
لك ودي وتقديري
بنتظار المزيد منك

2 - 7 - 2015, 09:14 AM

بارك الله فيك
الله يعطيك العافيه
ننتظر جديدك بشوق
ودي لروحك

2 - 7 - 2015, 11:54 AM

الله يعطيك العافية

2 - 7 - 2015, 07:36 PM

نورتو

جميعا

10 - 7 - 2015, 10:28 AM

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق

11 - 7 - 2015, 12:14 AM

نورتي يالزينه

المواضيع المتشابهه لموضوع: كل بيت حكمه لوحده لموضوع: كل بيت حكمه لوحده
الموضوع	كاتب الموضوع	المنتدى	مشاركات	آخر مشاركة
دونيس مدرب الهلال الجديد قاد 6 نديه في 13 عاما	همسه الشوق	همس للرياضه السعوديه والخليجيه	4	2 - 3 - 2015 11:51 PM
سعودي وجيه ترعى فعاليات اليوم العالمي لمكافحة المخدرات	سـنيورھَہّ	همس للاخبار العالمية و العربيه والمحليه	4	20 - 12 - 2014 09:16 PM
كيف تجعل جهازك يغلق لوحده في الوقت الذي تريده الحل هنا	بلسم الروح	همس الكمبيوتر والبرامج و الأنترنت	11	16 - 7 - 2014 01:33 PM
حكمه	عشق..	نفحات اسلاميه	11	15 - 10 - 2011 02:31 AM
قصيده واحد اهبل لوحده هبلا	مزيونة الخليج	همس للألغاز والنكت والضحك	11	5 - 9 - 2011 10:45 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع