ليتني بنت عمك وبالزواج اغصبونا

#1 25 - 8 - 2015, 04:54 AM

.
ليتني بنت عمك وبالزواج اغصبونا
ويحددون الملكه وبعدها يكلمونا ..
لاجبرتنا ظروف
ولا مدري اشوف ’

كل شي مخطط ومرسوم
وامي حولي تحوم ..

يابنيتي هذا فستانك جربيه !
والزواج هذا الخميس ولاتناقشين فيه

والله مادروا اني من الفرحه بطير
واني احلم به قبل مايصير

واني ببقى معه طول الحياه
وبعطيه عيوني لجل رضاه

والله لأعيشه ملك وسلطان
وارفع راسه بكل مكان ..
وبحاول قد ما اقدر اسعده
وابعد عن الشي اللي ينكده ..

وان ما اكل زين اغصبه
وان مانام العب بشعره هالحركه تنومه ~

وهو يدري اني من نظره افهمه
وقبل يتكلم اكمل كلمته

ويبتدي يوم الخميس وتبتدي معه الحكايه
واغراضي جاهزه من الفستان للعبايه

ومستعده لرحلتي وفيني فرحه وخوف !
ياترى مشتاق لشوفتي وفيني شغوف ؟

واسمع صوت امه ادخل يايمه العروس داخل..
زادت ربكتي ودمعي من الشوق سايل..

وتحتضن يديني يدينه
والحيا بيني وبينه
ماقدرت اطالع عيونه ..
فديته وفديت حتى جفونه ..

ابتسم وقال: "وش بك؟".. قلت: "مدري!"
قال: "الحيا مطول؟" ..قلت: "توه بدري!"
قال: "احبك".. قلت: "مدري"

قال: "كن الحيا طول؟"
قلت: "زاد اكثر من اول" ~

قلت: "ممكن تقرب شوي".. قال: "قربت"
قلت: "كمان شوي" ..قال: "هذاني قريب"

قلت: "ابي بوسه تنسيني دنيتي منك"
قال: "ابشري باللي ينسيك حليب امك !!"

قلت: "تسمح ارتمي بحضنك !!
واذووب بين كلك وكلك ..؟"

قال: "تدرين !!.. اول مافكرت فيه ضمك ..آآآهـ عساني ما انحرم منك"
وباسني وضمني وليته ماضمني
نسيت كل العالم وراي ولاشي همني

وفجأه يدق الباب يلا ترى زفتكم يعلنون
وتدخل اخته تقول امسك ايديها وبشويش تمشون

قلت يوووووووووه قلبي زاد نبضه !
مسك ايديني وقال: فديته وفديت حبـه
وبدت مراسم الزفه
والشرعه حولي ملتفه

وطلعنا على اغنية عسى ربي يخليك لعيوني ~
اهداها لي مره وقال اسمعيها يانور عيوني ~~

وفي الزفه صرنا نغنيها سوا
وهـ بس يازين دروب الهوى

قالت: ندى شوفي شكله ميت عليها ..
قالت: هدى وهي باين تموت عليه شوفيها

وقتها غارت سهى !
لانها كانت تبيه لها

واحنا نمشي في الممر
قال: "ممكن طلب" ..قلت: "تامر أمر"

"ابي تعطيني بوسه قدام هالعيون !
واقهر فيها العواذل وكل مجنون"

قلت: "اركد حبيبي وش هالجنون"
قال: "حاضر ياغلا هالعيون" ..

وهمس لي وقال: "احبك" قلت: "ادري"
قال: "والله الحيا راح".. قلت: "اوووه من بدري !"

وفجأه صحيت من النوم
لقيته حلم وردي جاني في يوم ..

والحقيقه لاني بنت عمه
ولا حتى اقرب لجده !

وهذا حلمي الاخيــر
صدمني بواقع مرير...

الموضوع الأصلي : ليتني بنت عمك وبالزواج اغصبونا || الكاتب : ياقلبي اكتفيت || المصدر : شبكة همس الشوق

25 - 8 - 2015, 05:40 AM

وااوو روعه سلمت يداك على الطرح الأكثر من رائع
ماننحرم من جديدك
لكي ودي واحترامي

25 - 8 - 2015, 08:26 AM

روعه
يعطيك العافيه
على الموضوع الجميل
ذوق رائع ومميز
دمت بكل خير

25 - 8 - 2015, 10:06 AM

سلمت اناملك قمه في الروعه

كلمات وحروف تناثرت كاللؤلؤالمنظوم
ومشاعر وأحاسيس تتصدع لها القلوب
أبحرت معك ومع جمالروحك

وقرأت إحساسك الراقي

تحيااااااااتي

25 - 8 - 2015, 11:01 AM

سلمت عالجلب .
.با انتظار قادمك..
عافاك الرب...

25 - 8 - 2015, 05:43 PM

نورتي خذاني

25 - 8 - 2015, 05:43 PM

نورتي همسه

25 - 8 - 2015, 05:43 PM

نورت وسيم العاشق

25 - 8 - 2015, 05:43 PM

نورتي جروح الم

18 - 4 - 2018, 07:22 AM

طرٍح رٍآئع كَ ع ـآدتك ...
يتمـآيل آليـآسمين شذى بجمـآل متصفحك ..
ؤتترٍآقص آلـ ؤرٍؤد متعطرة برٍؤعة مَ طرحته أنـآملك
لرٍؤحك أطيب آلـ ؤرٍد ؤأكـآليل آلـ زهرٍ
معطرٍة برٍقةرٍؤحك ..

المواضيع المتشابهه لموضوع: ليتني بنت عمك وبالزواج اغصبونا لموضوع: ليتني بنت عمك وبالزواج اغصبونا
الموضوع	كاتب الموضوع	المنتدى	مشاركات	آخر مشاركة
ليتني حجر	شَمسُ البلاد	همس عذب الكلام والخواطر المنقوله	3	26 - 8 - 2023 08:15 AM
ليتني	شمعة حب	همس الشعر والقوافي	3	13 - 12 - 2014 02:55 PM
ليتني مت	سجات التهاويل	همس الشعر و الشيلات الصوتيه	10	22 - 6 - 2013 01:05 AM
ليتني ولد	حنين الشوق	همس المواضيع العامة	12	26 - 11 - 2012 09:06 AM
ليتني بنت عمك وبالزواج غصبونا	اعتزلت الغرام	همس الشعر والقوافي	12	18 - 10 - 2011 12:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟