اخي الزائر لديك رسالة خاصة من شبكة همس الشوق للقراءة ! اضغط هنا ! 
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n \r\n\r\n\r\n\r\n\r\n\r\n\r\n\r\n\r\nرجل علي السرير في مستشفى المجمعة في بلدنا الحبيب \r\nوكان كل جسمه شاش ورجلينه كلها جبس \r\nوما تسمع إلا الآهات \r\nماغير يحن من الأوجاع اللي فيه \r\nعاد أنا قلت يمكن إنه مسوي حادث قوي \r\nأو إنه محترق أو أو إلخ \r\nالمهم جت الساعة 4 العصر وبدأ وقت الزيارة \r\nأنا أستغربت من شي غريب مره \r\nكل من جاء يزور هالشخص يطلع من عنده ميت من الضحك \r\nأنا جاني الفضول وقلت وش السالفة \r\nوعلى هالحال كل من جاء وسلم عليه ما تسمع إلا ضحكهم من وراء الستاير أنا قلت لازم أعرف وش السالفة \r\nانتهى وقت الزيارة ، \r\nوأنقز له على طول \r\nوأتشافا عشانه وأقول الحمد لله على السلامة \r\nعسى ماشر ومن هالكلام \r\nوأنا كل همي أعرف ليش يضحكون \r\nالمهم قلت له : \r\nأنا أشوف اللي يجونك ما يرحون من عندك إلا و ضحكهم واصل آخر المستشفى \r\nقال لي : \r\nههههههههه ليـش عاد أنت حاسدنا على الضحكة ؟ \r\nقلت له : \r\nلا يـاخوي مو كذا السالفة والله لو عندك مليون كان يمكن أحسدك ! \r\nبس إضحكوا عادي خذوا راحتكم بس بغيت أعرف السر يعني ؟ \r\nإذا ما عندك مانع . \r\nقال لي : \r\nطيـب ولا يهمك \r\nأنت مثل ما تشوفني مكسر ومربط بالشاش \r\nقلت له : \r\nأيـوه والله الله يشفيك \r\nقال لي : \r\nيا طويل العمر أنا ساكن في شقة في الدور الثاني ، \r\nوعندي بلكونة مامن زيـنها ، \r\nوإذا نمت فتحت باب البلكونة وطفيـت النور وتسدحت على السرير \r\nويوم نمت على السرير . \r\nوغصت في أعماق أعماق نومي ، \r\nحلمت اني في يوم القيامة ! \r\nوحلمت مثل ما تقول ان الناس في مكان مثل موقف الباصات \r\nوفيه باصات رايحة للجنة وباصات رايحة للنار \r\nالمهم الجماعة ينادون بالأسامي فلان بن فلانه باص النار فلان بن فلان باص الجنه وهكذا \r\nفلان بن فلانه .. \r\nهاه هذا أسمي وقلبي يـدق و يـدق روح باص الجنة اوووه الحمدلله ارتحت . \r\nومشيـت أدور على الباص اللي مكتوب عليه إلى الجنةوحصلته ودخلت فيه \r\nمشيـنا بالباص وبعد فترة جاتنا لوحة مكتوب عليها \r\n(( الجنه 50 كيلو )) ، \r\n(( النار 100 كيلو )) \r\nوهذا وحنا مع اللوحات .. \r\nوالله ونتعدى الجنه قلت يمكن السواق يـعرف مكان لباب ثاني . \r\nشوي وشفت النار 15 كيلو وبعد شوي النار 10 كيلو وكل شوي نقرب من النار . \r\nيا رجال وش السالفة المشكلة الناس ساكتيـن وما أحد قلقان في الباص إلا أنا . \r\nقلت بدخل عالسواق وشفته معطيني ظهره هي أنت وين رايح ؟ \r\nقال لي بدون ما يلتفت رايح النار يا حبيبي \r\nقلت له : \r\nأنا من أهل الجنة وليـش توديني النار يا وجه النحس \r\nوالتفت علي طلع هو إبليس \r\nأنا من أهل الجنة .. \r\nيا ملعون لا توديني النار أنا من أهل الجنة . \r\nوالله العظيم إني من أهل الجنة ، \r\nتو من شوي قايلين إسمي ، \r\nوقف يا ملعون \r\nوهذا أنا أصارخ وهو بأنواع الضحكات الشريرة هاهاها ... هاهاها هاهاها \r\nقلت له : \r\nيا ملعون وقف !!! أبي أنزل \r\nقال : والله الباص هذا مبرمج على انه ما يوقف إلا في النار تبي تنزل أقفز منه \r\nوركضت على الباب وفتحته وهوووب \r\nولا وعيت إلا في المستشفى قافز من البلكونة إلى الحوش \r\nهههههههه \r\nالقصة حقيقية ... \r\nوحصلت لواحد كان منوم في مستشفى المجمعة العام \r\nتكفون تعوذووووا من إبليس قبل تنامون \r\nولا تنسوون الأذكار\r\n \r\n \r\n \r\n الموضوع الأصلي :\r\nاضحك من قلب قصه واقعيه || الكاتب :\r\nياقلبي اكتفيت || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n\r\n\r\n\r\n \r\n \r\n \r\n\r\n\r\n\r\n \r\n\r\n
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي
العرض الشجري
