18 - 12 - 2015, 04:27 PM
|
| |
في نوع من البشر يدبلون الطيب طيب
 
فيه نوع من البشر يدبلون الطيب طيب
فيه نوع من البشر يدبلون الطيب طيب
كل مازدنا تواضـع يزيدون احــترام
وفيه نوع من البشر يدبلون العيب عيب
كل ما السكه تساوت يزيدون اصتدام
وفيه نوع من البشر يلحقون الحقد ريب
كل ماتثبت براءه يجـيـبـون اتّـهــام
انحراف الفكر مطلب رديين النصيب
والهدايه مطلب اللي نواياهم تمام
الشقا يضرب على منهج الحكمه صليب
والنقا مايفسده غير تحليل الحـرام
لو سألنا واحـدٍ يدرك الواقع يجيب:
(من فقد كنز القناعه تفرغ للملام)
وان بغينا نضرب امثال للعقل النجيب
نكتفي في كلمةٍ تختصر طول الكلام :
لو نشدت القاع يمكن يقول انه شعيب
والشعيب يفكّر انه بحر حسب النظام
ياصحيبٍ تحسب حساب لحقوق الصحيب
أخذ من عندي نصيحه لها عندي مقام
كل من ينقلّك الهـرج لو انه قريب
اطرده واحذر تعير الخبيث اي اهتمام
ان بغيت الراي دوّر هل الراي الصويب
وان بغيت الغش رافق خفافيش الظلام
شلة الارجاف ماعمرهم صدوا حريب
قبل بدء المعركه يعلنون الانهـزام
جاك طب الجرح مرفق بتشخيص الطبيب
وانت حر بما ترى و التحيه والسـلام |
|
|
|
الموضوع الأصلي :
في نوع من البشر يدبلون الطيب طيب || الكاتب :
سجات التهاويل || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري