ماشاءالله تبارك الله 
ليس الغايه ان تقرين الموضوع بل الغايه ان تستفيدين منه00 ــــــــــ
ـــــــــــ الحمدالله الذي جعل الزواج سكنا للمتزوجين وسبيل حلال للمومنين منذ زمن وانا اسمع وانظر في احوال كثير من المتزوجات واعتقد انها تعيش في سعاده وهناء وبعد مرت بي الايام وتزوجت وتداخلت مع المتزوجات ومشاكلهم واخذت اسمع عن البيوت ومايدور فيها اذا بي اتفاجا ان المشكلات والخلافات الزوجيه تملا البيوت ليس فيه بيت خالي من هذا الشي وكنت اسمع عبارات كثيره من المتزوجات ومن بين تلك العبارات (انا اهتم في زوجي وهو مايهتم فيني) 
فاتعجب من ذلك انتي ترضين بالمظهر القبيح والاسلوب المذموم لنفسك انتي ماتهتمين بشكلك ولا معاملتك الاعشان زوجك هذا قمة الخطا انتي اذا بتهتمين بشي اهتمي به عشان نفسك مو عشان زوجك يعني انتي ترضين لنفسك الاهمال والمعامله السيئه اكيد لا الزواج مسئوليه ومهام واجبات ومن بين الواجبات الاهتمام بالزوج وبنفسك اذا اهتميتي بنفسك وتكشختي واحسنتي لزوجك ولبيتك وش خسرانه يكفي انك راضيه عنك نفسك من تشوفين شكلك بالمراه خليك معي ثواني لو تزورين وحده لبسها مو مرتب وشكلها نفس الشي وبيتها كذلك وش بيكون موقفك اتجاهها ماراح تنفتح نفسك للجلوس معها ويمكن تنفرين منها اما تزورين وحده تلقين البيت مرتب والشكل مرتب وجميل واحلى لبس واحلى طبخ اكيد ترتاحين فاي صوره ترضين زوجك يشوفك بها اسعي لها انتي تكشخين وتلبسين وتطبخين وتهتمين فيه مو مقصره معه بشي بس هو مايعطيك كثر ماتعطينه لاتقابلين الاساءه باساءه قابلي الاساءه بالاحسان لايوجد زوج في الدنيا تجتمع فيه كل الصفات انتي تهتمين يمكن هو مايهتم انتي تغزلين فيه يمكن هو مايتغزل فيك ولو سئلتي اي متزوجه قالت مايهتم باللبس مايهتم بالكلام الحلو مايهتم بنفسه من حقك تشوفين بااحلى لبس واحلى كلام بس هذا مو عائق تحرمينه من لبسك واهتمامك انتي انثى فيك ميزه تفوق الرجل وهي الاهتمام والمشاعر دائم تحصلين الانثى هي تهتم وعندها مشاعر واحاسيس يجهلها ويفقدها الرجل بداخله بعض الاحاسيس والاهتمامات الي عندنا ماهي موجوده عندهم الله ميزهم عنا باشياء مو كل شي تسوينه لنفسك تبينه يسويه لك لا ياعمري خليك انسانه ذكيه ولاتنتظرين منه مقابل لان لو سويتي شي وتنتظرين منه مقابل ماراح تستفيدين وبتحطمين اي شي بتسوينه سويه لنفسك اولا بتغيرين لون شعرك مو عشانه لان اغلبهم مايعلق ع لون الشعر ولاهو داري عن لونه وتقعدين تشمتين عند الغير انا اغير واسوي وهو مايهتم تاكدي يالغاليه لستي الوحيده الي زوجها مايهتم باهتمامها فكل وحده عندها خير صح بديات الزواج يهتم بس بعدين يتغاضى عن الاهتمام والتعليق ع الشكل لك حق تقولين (انا اهتم بزوجي وزوجي مايهتم فيني) اذا كان مقصر باداء واجباتك وحقوقك الزوجيه ومعاملتك اما العكس اللبس والمظهر هذي مجرد كماليات انتم ماتزوجتو بعض عشان تلبسون وتكشخون صح المظهر الحلو والاناقه شي مهم ماحد يستغني عنه لاكن تبقى لزواج واجبات ومهام اولى من كل شي زوجك مايهتم فيك كثر ماتهتمين فيه تبقى الصراحه والمناقشه باسلوب طري افضل حل ناقشيه بادب واسلوب مثل شفتيه يفتش بدولابه فلان الله يسامحك ياحلو ثوبك ذا وراك ماتلبسه وتخليني املى عيني فيك ماتشوفني البس لك ماستاهل تلبس لي واتكشخ او اذا شفتي ملابسه مو نظيفه او شكله مو مرتب عاتبيه باسلوب حلو يقال وراء كل رجل انيق امراءه زوجك مراه عاكسه لك عند الناس من نظافه ومظهر شفتيه كاشخ بيطلع قولي ياحلوك وانت كاشخ لناس ولا زوجتك الله يقوم بعونها اجعليه اسلوب مزحه يتبعها ضحكه مو توجهينه بقوه انا اغسل واطبخ واكنس واسوي كل شي عمره ماشكرني ولاقالي كلمه تجبر الخاطر
حطي بالك
اي شي تسوينه بالبيت او لنفسك احتسبي به الاجر
ولاتنتظرين كلمات شكر من زوجك
لان اغلبهم لايعير هالشي اهتمام
اذا ماجاءت منه ومن قلب وش تبين فيها
ولو قلتي له انا اطبخ واسوي ولاعمرك مدحت او قلت شي
بتجبرينه يقول لك شي خارج قلبه
خليك انسانه واثقه من نفسك واشغالك
الزوج يحب الزوجه الواثقه من نفسها
صدقيني بتجي ايام يمدحك ويمدح اهتمامك
اتركي هالشي للايام كفيله لك بسماع هالكلام
المفروض والمتعارف ان الزوج يقدر مايتفعله زوجته من اجله واجل البيت ويثني عليها لاكن اغلبنا يجهل هالشي
انتبهي تشكين لناس عن عدم اهتمام زوجك فيه لان
الكلام كسرعة البرق يمكن يوصله
وراح تندمين عليه
امدحي زوجك فالمدح يكسر كل شي
ماتدرين يمكن مدحك له راح يوصله
وساعتها راح تكبرين بعينه ويحس بنفسه
بعض الازواج الله يصلحهم لايهتم بالنظافه والترتيب
النظافه من الفطره حثي زوجك عليها
خليه يتعلم منك
شفتي شواربه مو حالقها ولامرتب لحيته حثيه باسلوب حلو
واظافره اطوال نفس الشي حثيه
هو انتقل من بيت اهله وامه ومن تربيتهم
وجاء عندك وانتى كفيله بتريبته
ربيه ع النظافه والمظهر والتعامل الحسن وكل ماهو جميل بالحياه الزوجيه
ادري النفس جبلت ع حب كل ماهو جميل والزوج اذا اجتمعت فيه
جمال الاخلاق والخلق والزينه والنظافه فقد اجمع الجمال كله
انتي قادره ع جمع تلك الخصال بزوجك بطريقه اسلوبك وتصرفاتك
دائما اقرا بردود اغلبنا واسمع بكلام اغلبنا خليه يهتم فيني وبعدين اهتم فيه
خليه يكشخ لي وبعدين اكشخ له
احب اقول لاي انسانه تلفظ بهالعبارات
انها تفقد ثقتها بنفسها مو قادره ع اسعاد ورضى ضميرها ونفسها الا ع حساب زوجها
اذا لبس لها لبست له
يعني انتي ماتهتمين بشي الا عشان شي
فهذا يفقدك اشياء كثيره بنفسك وحياتك
حطي هالحديث شعار حياتك الزوجيه
(( أيما امرأة ماتت و زوجها عنها راضٍ دخلت الجنة ))
وش تبين باكبر من كذا الجنه حلم كل انسان بهالدنيا
حنا ماجينا بالدنيا الاعشان نكسب الجنه ورضى العالمين
وانتي الجنه كتبت لك برضاء زوجك
لاتستصغرينها اذا كانت تهمك وحريصه ع الحصول عليها
هذا الزوج الي مايسوى عندك شي
الجنه ربطت برضاه
واحاديث كثيره عن الزوج وتعامله
تذكري
ان الحياه اخذ وعطاء
فاجعلي عطاءك لزوجك اكثر من اخذك
ولاتقولين انا اهتم وهو مايهتم فيني
بل قولي
انا قادره ع اسعاد زوجي ورضاءه باهتمامي له
اميره بلا قصر
او 
لمشاركة اصدقائك!
عضويتي
العرض العادي
