15 - 2 - 2016, 05:18 PM
|
| |
مابي شهره ولاجمهور
 
مابي شهره ولاجمهور
على نار الشقى والضيق , وكشف الخافي المستور
على عبرة زفير الهم ،، وجـــرح ٍ عيا لايبرى
ضرير وعايش بظلما , وحلمه فالحيــــاه النـــور
يحاكي واقع نعيشه , مع الأحلام والذكـــرى
سريت أحقق أحلامي , رجعت وخاطري مكسور
كرهت الليل , لاعــــادت كآبة ليلة المسرى
على الله ياغـّلا آمــالي , وصفي بآخر الطــابور
في هالطابور , قدامك بقايا أحلامي العذرى
تأملت بزمـــاني خيـر ,، لكن ماهقيت يبـــــور
آثاري بوقتنا الحاظر , يباع الطيب مايشرى
قلوب الناس وش جاها , بدت تجرح بدون شعور
بدت تطعـن وعنـد الجـــد ،, تتنكر وتتبرى
بســاير حظي العـــاثر ،، برتب كل شي منثــور
مادام الوضع ذا وضعي ، أنا أحله وأنا أدرى
بروض كل ثيران الحسد ،، والثــور ينطح ثــور
وارد الصاع لاهل الصاع , لجل الكذب يتعرى
أبسدل صفحة الماضي ، وببني للآمال قصــور
كفايه ،، راحت سنيني وأنا واقف وأتحرى
إذا لازم أنافق ناس , وأكسب فالشعر جمهور
مابي شهره ولا جمهور , وجعل الجرح مايبرى
الموضوع الأصلي :
مابي شهره ولاجمهور || الكاتب :
سجات التهاويل || المصدر :
شبكة همس الشوق |
عضويتي
العرض العادي
