هذي طبوعي كل ما عسعس الليل

#1 22 - 9 - 2016, 06:01 PM

هذي طبوعي كل ما عسعس الليل
أصلّح الدلة وأجر اللحوني

بريةٍ موزونة البنّ والهيل
والماء بوزن وحيّ هاك الوزوني

منها تكيّفني ثلاثة فناجيل
وأرتاح ويطير النعس من عيوني

وأراجع الذكرى وأجرّ المواويل
والذكريات بكلّ شكلٍ ولوني

البعض منها يشرح الصدر بالحيل
والبعض لا والله يجدد طعوني

وأرجع وأفكّر في الليال المقابيل
لعل وقتي ما يخيّب ظنوني

وأدخل على الله من حياة الغرابيل
حيث إن همّي ما تشيله متوني

كنّك مفصّل فوقي الهمّ تفصيل
لين إلتبسني مثل لبس الجنوني

حالي كما حال القلوب المشاغيل
اللي من أطرف شيء يتأثّروني

لو يشتكون الغبن والجور والميل
للغيظ وسط صدورهم يكتموني

فكّرت الا الموضوع يحتاج تحليل
وفنّ الدراسة واحدٍ من فنوني

عرفت وش عكّر مزاج المشاكيل
يوم إنهم من وقتهم يشتكوني

أول سبب: نقالة القال والقيل
الطغمة اللي جعلهم يذهبوني

قلوبهم بالحقد سودٍ مغاليل
ومن طبعهم بالمشكلة يفرحوني

وثاني سبب: ناسٍ على مثل ما قيل
لا يقطعون الشّر ولا ينفعوني

والله ما يرفع ضغطك إلا المهابيل
العالم اللي في النحر ينشبوني

وثالث سبب: ناسٍ سوات المخاييل
على سلوم الطّيب ما يحرصوني

خلّو سلوم أجدادهم رغو مع سيل
وفي عالم التقليد جو يركضوني

طشّوا عمايمهم ولبسوا بناطيل
والموس فال أشنابهم والدقوني

وأرقابهم ما سلمت من السلاسيل
تطبّعوا بطبوع هيم البطوني

في ذمتي ماعاد باقي رياجيل
إلا القليل وجعلهم يثبتوني

صفّة بعد صفّة وجيلٍ بعد جيل
كلٍ من اللي قبله أنقص وأدوني

هذي هي الأسباب من دون تفصيل
شرحت روس أقلام بس أعذروني

واللي يبي تفصيل بالحيل بالحيل
يقدر يكلمني على تيلفوني

والاّّ يراسلني على رمز الإيميل
من ودن لا نتعب ولا تتعبوني

* وصل العطيّاني 100 آت هوتميل
هذا هو البريد الإلكتروني

الموضوع الأصلي : هذي طبوعي كل ما عسعس الليل || الكاتب : همس الشوق || المصدر : شبكة همس الشوق

22 - 9 - 2016, 06:19 PM

وأرجع وأفكّر في الليال المقابيـل
لعل وقتـي مـا يخيّـب ظنونـي

وأدخل على الله من حياة الغرابيل
حيث إن همّي ما تشيلـه متونـي

صح لسانك وصح قلبك

احييك على هذا النقل الطيب

وفقت في اختيارك

لا تحرمنا من المزيد

دمت على الود

22 - 9 - 2016, 06:30 PM

صح لسانك وعتلى شانك
الله يعطيك العافيه ع
الاختيار الرائع وحسن ذائقتك
بإنتظار جديدك بكل شوق
ودي وعبق الورد

4 - 12 - 2016, 07:30 PM

متصفح مترف بـ الرووعة
تسربلُ الجمآل منكم
وللبَهاء أن يَعتلي القمة ها هُنا بكم
لـ روحكم النقيةُ كثيفُ المُنىَ

المواضيع المتشابهه لموضوع: هذي طبوعي كل ما عسعس الليل لموضوع: هذي طبوعي كل ما عسعس الليل
الموضوع	كاتب الموضوع	المنتدى	مشاركات	آخر مشاركة
والليل اذا عسعس	امير العاشقين	همس السيرة النبوية	3	25 - 10 - 2015 06:40 AM
انشد نجوم الليل عن ساهر الليل	الصافي	همس الشعر والقوافي	12	14 - 1 - 2014 06:10 PM
اهداء الى @ مخاوي الليل @ : لا تسري وتخلي الليل من دونك	امر تدلل #	همس الشعر والقوافي	2	17 - 4 - 2013 01:09 PM
ليس لي سوى هذا الليل	همسات الغرام	همس عذب الكلام والخواطر المنقوله	5	14 - 3 - 2013 01:28 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟