لا تقول إني ذكرت .. ولا تقـول إنـي نسيـت
كيف يعني .. يذكركـ إنسان لحظــة مانسـاكـ
أدري إني صدق أحبكـ .. وأدري إنكـ مادريـت
إني حتى ضد نفسي صـرت ياعمـري معـاكـ
لو أقول شـ كثر أحبكـ ! ما تصدق لـو حكيـت
داااام حبي فـووق والله مستـواي ومستـواكـ
( كل حرف ٍ لكـ كتبت ) و ( كل حرف ٍ لي قريت )
( في شي ٍ من عناي ) و ( فيه شي ٍ من غـلاكـ )
في غيابكـ .. ياحبيبي ياكثـر ماقلـت لييـت
وياكثر ما قيييل عني في غيابـكـ وش بـلاكـ
مو مهم اللي جرى لي .. المهم إنكـ رضيـت
دام يزعلني زعلّكـ .. ودام يرضينـي رضـاكـ
إنت دمع ٍ في عيوني .. مابكيتـه لـو بكيـت
وإنت كل اللي كتبته .. وانا بس اللـي قـراكـ
وإنت درب ٍ من بديته فـي حياتـي ماأنتهيـت
وإنت تعني لـي بهالدينـا نجاتـي والهـلاكـ
جيتكـ أتأسف حبيبي .. وأعترف إنـي خطيـت
جيتكـ أسبق لهفة أشواقـي ويسبقنـي غـلاكـ
وأنا مدري ( شلت قلبي لكـ ) بعـد عمري وجييت
وإلا ( قلبي شالني لكـ ) يابعد عمـري وجـاكـ
جيت أقول ( إني أحبكـ ) شفت عينـكـ إستحيـت
في عيونكـ قـدرة الله .. وأشهـد إن الله عطـاكـ
لا تقول إني ذكرت .. ولا تقـول إنـي نسيـت
دام قلبي ماذكـركـ .. ودام قلبـي مانسـاكـ
|
|
|
|
او 
لمشاركة اصدقائك!
عضويتي
العرض العادي
