11 - 4 - 2017, 02:13 AM
|
| |
فيه سحابه
 
فِيه سَحابه مَ القسى حَاجبه لي نُورَكْ عن عنيَّا
وانَت عارف أيه حَ يجرى يا حبيبي
لو يَطُولْ اللَّيل عليَّا
أوتسيبْ إيدك إيديَّا
حَ افضل ابكي ليل نهارْ
والبُكا ويا النَّحيب واخدين قرارْ
كُلُّه حَدَّه..
لو يزيد دمعي النَّهارده
يبنوا شاطئ ليَّا وحدي
فوق خُدودي
قُصادُه مَرسى
وان دموع الدُّنيا جفَّتْ..
تيجي دمعه راكبه مَركبْ
ترْسى تملى الدَّمع منِّي
مَ انت شايف ياحبيبي ..
هُمَّا خلُّوا نَبْعُه عندي.
ياحبيبي رُوح وفكَّرْ..
رُوح ودوَّر
وان وجدتْ حَل يَكسر كُلَّ ما فَرَّق ما بينَّا
قُولْ لقلبي وبعُدها شُوف حَ اعمل أيه
قلبي ناوي عَ المَحبَّه
أصل انا بقدر عليه .
ياحبيبي رُوح وفكَّرْ
م انت عقلك يامــا دبَّرْ
ياما خطَّطْ
ياما شَاورْ
رْوح وقوله كتير عليَّا ..
ألقي رُوحي حايره دايره بين عوازلْ
من ورايا داخله خارجه في امورنا
وباختصارْ
روح وقوله لو حَ يَنكرْ ..
يبقى ناسي أو بيكدبْ
أصلي شوفتُه ف المرايا ..
لمَّا زارنا حَدَّ مِنهُمْ
وف حياتنا بعدها شوفت الآثارْ.
بس قولُه ناري طب يرضاها لَيه..!! ..
لو يحس بيها ثانيه كنت انا أبكي عليه
قلبي ناوي عَ المَحبَّه
والجَفا يجَّرحني بِيه ..!!.
بقلم الشَّاعر/
د.عبدالحميدالباجوري
الموضوع الأصلي :
فيه سحابه || الكاتب :
الشاعرد.عبدالحميدالباجوري || المصدر :
شبكة همس الشوق  |
عضويتي
]
]
العرض العادي
