\r\n
\r\n\r\n\r\n\r\n\r\n\r\n\r\n\r\n\n \n \n \n طفل ضايع . .
\nعلى خده ملامح شايب مكسور . . !!
\n[ ضناه الهم ] و [اغراه الزمان ] و [مات بيديني ]
\nاشوف مرايته سودا . .
\nولعابه حطام قبور
\nوبيته . . غرفه من طين
\nوأقلامه . . سكاكيني !!
\nدفنته . . وانتهت . .
\nقصة غرام . . وشاعر مغرور . . !!
\nواخذت من الدموع اكتب . .
\nمكانه وين من عيني ؟!
\nلقيته في مناديلي . .
\nيصيح ويشعل التنور . .
\nيقوول ارجوك ياخلي. .
\nتلملم غربة سنيني !!
\nيقول صبري البارح تمادى حده المسعور . .
\nوانا من ذقت غرباله . .
\nطرالي بيت يبكيني . .
\n[ لو اغرق في بحر حبه ] او [ اشرب من عناه بحور ]
\n. . [ قسم بالله ماتنزل غلاته من شراييني ] . .
\nبكيت . .
\nوقال :
\nيا ابن ادم انا الميت . . انا المقبور
\nعلامك كل ماجيت . . تزيد من القهر فيني ؟؟
\nوقلت :
\nالناس يا ابن ادم . .
\nتجيلك كل يوم بدور . .
\nتجي في الصبح تفرحني . . واذا طابت تبكيني . .
\nاشووف الهم يسرقني . . واثاري همنا مقدور . .
\nمدام الليل مايدري . . علام الويل يشقيني . . ؟!
\nومدام الصبح يسرقني . . تعال اكشف المستور . .
\nحكايه من غرابتها . . بدون شعور تطريني . . !!
\n" مدينه " . .
\nسورها ضايع . .
\nو " شارع " . .
\nشاعره مبتور . .
\nو "حديقه " . .
\nفي مراجحها نبت . . ورد وشياطيني
\nو " دفتر " . .
\nمله الشاعر . . رسم فيه [ الغرام قصور ] . .
\nو " قصيده " . .
\nمن جرائتتها . . تقول العن عناويني !!
\nو " بيت " . .
\nباخر الشارع يمينه . . شارع مشهور . .
\nيساره . . شارع اغبر عليه ابكي دواويني . .
\nومره في لياليها لقيت . . اني بدون شعور . .
\nبديت احب لي طفله . . على الاوراق تغريني . . !
\nبديت ارسم ملامحها . .
\nليالي حظها المأسور . .
\nوبدا طيش السهر ليله . .
\nبدون احساس يسقيني !!
\nوبدا يشرح معاناته . . وانا [ من داخلي مقهور ] . .
\nوبديت اشرح معاناتي. . وهو مثلي يواسيني . .
\nكبرت وشفتها تكبر. . حقيقه تنتمي لسطور . .
\nمابين احساس " يوصلني " . .
\nالين احساس " يخفيني " . .
\nشعرته ليلة ظلما . .
\nلقيته غادتي والنور . .
\nذخرته في مكاتيبي . .وجنيته حب يحييني. .
\n. . [ أحبه ] . .
\nكثر مامرت من ايام الغرام دهور . .
\n. . [ أحبه ] . .
\nكثر ماتمطر سحابة في بساتيني . .
\n. . [ أحبه ] . .
\nكثر مامرت ثواني حبنا بشهوور . .
\n. . [ أحبه ] . .
\nكثر ماتطري ذنوبه في موازيني . .
\n. . [ أحبه ] . .
\nكثر ماطار الحمام وغرد العصفور . .
\n. . [ أحبه ] . .
\nكثر ماحرفي سال من حيرته ويني . .
\n. . [ أحبه ] . .
\nكثر ما ازعل من ايام الجفا واثور . .
\n. . [ أحبه ] . .
\nكثر مايسري خياله في مياديني
\nنبتله بالخفى ورده . . سقتها دمعتي بسرور . .
\nقطفها . . " بس بالقوه " . .
\nوانا مذهول وش فيني . .!!
\nحسبته يوم قطفها . .
\nيقوم يقول لي : مشكور . . !!
\nولكن راح من عندي . .
\nوانا الاحزان ترويني
\nدخيلك . .
\nليه تجرحني . . ؟!
\nوانا ارسمك لشذاي زهور . . !!
\nدخيلك . .
\nليه في بحرك بدون شرااع تنسيني . . !؟
\nدخيلك . .
\nليه وباقي سوى اني ابتعد مجبوور ؟!
\nاخاف اكون في بالك . .
\nمجرد [ شعر يعنيني ] . . !!
\nبكت كل الطرق بعده . .
\nبكت واستاذنت بالجور . .
\nوبديت ألملم اوراقي . . وأردد. . [ مايخليني ] . .
\nلقيت ان الطفل ميت . . !!
\nوانا في حيرتي منثور . .
\nمابين . . اسال على حالك . .
\nوبين . . الله يشافيني . .
\nدفنت الطفل في صدري . .
\nبكيت وقلت له " معذوووور " . .
\nمدام الهم في قلبي . .
\nنمى واجتاح من حيني . .
\nولكن خل في بالك . . / . .
\nمدام ان الحكي محظور
\nمدامك شفتني ابكي . .
\nترى هالبيت يبكيني . .
\n[ لو اغرق في بحر حبه ] او [ اشرب من عناه بحور ]
\n. . [ قسم بالله ماتنزل غلاته من شراييني ] \n \n \n \n .gif) \n \n \n \n \n \n \n \n \n \n \n \n \n \n \n \n |
|
|
\r\nالموضوع الأصلي :\r\nقسم بالله ماتنزل غلاته من شراييني || الكاتب :\r\nهمسة الشوق || المصدر :\r\nشبكة همس الشوق
\r\n\r\n\r\n\r\n\r\n\r\n\r\n\r\n\r\n\r\n\r\n
\r\n\r\n
\r\n
\r\n
\r\n\r\n\r\n
\r\n
\r\n
\r\n\r\n
\r\n \r\n\r\n\r\n\r\n\r\n\r\n
\r\n
\r\n
\r\n
\r\n\r\n\r\n
\r\n\r\n
14 - 8 - 2019, 04:02 PM
|
#9 |
رد: قسم بالله ماتنزل غلاته من شراييني
كل الشكر والامتنان على مرورك الراقي
لك مني كل الود والتقدير
| | |
 | قسم بالله ماتنزل غلاته من شراييني |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 11:12 PM
|
\r\n
عضويتي
العرض الشجري