اخي الزائر لديك رسالة خاصة من شبكة همس الشوق للقراءة ! اضغط هنا ! 
  
\r\n \r\n\r\n\r\n\r\n\r\n\r\n\r\n\r\n\r\n \r\n \r\n\r\n\r\n \r\n\r\n \r\n\r\n\r\n\r\n\r\n\r\n\r\n\r\n\r\nالبارت 32 \n \n \n \nإجتمعوا البنات برى الشاليه عند البحر \nساره:الجو مره يجنن \nأمل:ودي أسبح \nريم:ههههه يالله إسبحي علشان يطلعك عمي من كشتك \nطلع فيصل وشاف البنات قرب منهم والبنات تغطوا \nفيصل:السلام عليكم \nالكل:وعليكم السلام \nفيصل:كيفكم \nأمل طاحت عيونها عليه تناظره وتفكر ...معقوله إحساسي صح \nيافيصل وحبيتك..ضحكت داخلها ع نفسها لا لا ... \n:مضيعه شئ في وجهي \nطاح وجهها من الفشيله ...من حكيه وعصبت \nضحك فيصل وراح وبداخله وده يبوسها لماشاف نظراتها المفجوعه... يانا ا ا ا ا اس أمو و و و وت فيها \n:بــــــــــو و و و و و و و و \nلف وراه مخترع وشاف رائد ميت ضحك ع شكله:ووووووووجع رويد ماتخلي اهبالك إنت \nرائد:هبالي جزء من شخصيتي ماقدر أخليه... \nفيصل:الله يخلف \nرائد ناظره بنص عين:شعندك سرحان ..اللي ماخذ عقلك يتهنا فيه \nفيصل في نفسه:والله لوتدري كان بالجزمه ع راسي \nكشر:ماحد..إمش بس أنت وتفكيرك اللي زي وجهك \nرائد:حلو صح زي وجهي الحلو \nضحك فيصل داخله بوجه جامد وسحبه معاه \nعند الشباب \nكانوا جالسين ع الرمل قدام البحر \nرعد إنسدح وراسه ع رجول عادل \nعادل:لايكون أنا أمك حاط راسك ع رجولي \nرعد غمض عيونه:لا أبوي \nعادل يبعد راس رعد ورعد يرجع ويحطه:شيل راسك حشى بلكه مو راس \nرعد فتح عيونه:قول لا إله إلا الله ..عاد راسك اللي أكبر منك \nعادل همس لرائد اللي جالس جنبه:يازين الشركه بس ..هذا مايصلح يصير فاضي \nضحك رائد:أعلمه \nعادل:لاتكفى أمزح أمزح..بعدين \nألقاه شاحطني معاه وأنا مابعد خلصت دراستي \nسمعوا صوت أبو خالد يناديهم وقاموا بسرعه \nرعد لماقام عادل طاح راسه ع الرمل \nقام بسرعه:عدوووول ياحمار \nقام يمشي وهو ينفض شعره عن الرمل \n*********** \nرنا تتمشى وتحاكي دلال في الجوال وإيدها تلعب بخصلات شعرها:لا تعالوا بليز \nدلال:مادري عن أمي بسألها \nرنا:بليز طفش وأنا لوحدي مع البنات سوالفهم ماتعجبني \nدلال:أوك بقول لأمي \nسكرت رنا الجوال ولا إنتبهت للعيون اللي تراقبها بتأمل... \n************* \nوقفت سياره عن الشاليه والبنات استغربوا من يكونوا \nشافوا عبدالله نازل ومعاه دلال ورشا \nأمل:وووع جو \nريم:مين قال لهم \nسديم:يعني ماتعرفي رنا مستحيل تجلس بدون دلال \nوصلوا عندهم:ها ا اي \nريم:وعليكم السلام \nطنشوها وجلسوا \nأمل همست لريم لماشافت عبدالله كل شوي يلتفت يدورها:شوفي المغرم يدورك \nريم:ياعل رقبته الكسر \nأمل:ههههه أعصابك..حرام عليك ميت عليك \nريم تنرفزت وقامت ودخلت للشاليها وعبدالله لحقها..... \n-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '-' + '- \n. \n***************** \nدخل وشاف الحريم جالسين:السلام عليكم \nسلم ع خالته وسولف معاها وعينه كل دقيقه تروح للباب اللي دخلت منه ريم \nطلعت ريم وتفاجأت لماشافته ورجعت ع ورى بسرعه \nعبدالله إنهبل لماشافها"آآخ بس لو تعطيني وجه وترحمي حالي" \nطلعت بعد ماتغطت زين وراحت بتطلع ونادتها عمتها \n:هلا عمه \nأم ماجد:الله يعافيك نادي لي سميه \nريم:من عيوني \nطلعت ووقفها عبدالله:كيفك ريم \nريم غمضت عيونها"ياليييل":تمام وإنت \nعبدالله:تمام دام شفتك يالغلا \nريم:عبدالله لوسمحت \nعبدالله همس:ليتك تعرفي اللي في قلبي لك ياريم \nريم عصبت ولفت تمشي بعصبيه..صدق مايستحي يتغزل فيني وقدامي بعد .والله لوتموت ماحبيتك مابقى إلا إنت \nعبدالله فسر تصرفها ع إنه خجل وانبسط ورجع للشباب \nرجعت ريم ومن غير نفس:سميه عمتي تبغاكي \nلميس همست لها:ريم شفيك \nريم:الوقح عبود يتغزل فيني اللي مايستحي \nلميس ضحكت ع معاناة ريم مع عبدالله .. \n********** \nرجعوا من الشاليه بعد ماقضوا يومين إستانسوا فيها \nواضطروا يرجعوا لأن الكل عنده أشغاله \nصعدت فوق لغرفتها وع الدرج سمعت صوت الإستريوا عالي \nإستغربت ودخلت الغرفه.. \nشافت دلال ترقص وصراخها مالي الغرفه \nأول ماشافتها دلال سحبتها معاها:تعالـــــــــي رشـــــــــا \nرشا قصرت الإستريو: شفيك \nدلال بفرحه غامره:وأخيـــــــــرا ا ا وأخيـــــــــرا ا ا \nرعـــــــــد بيصير لـــــــــي \nوا ا ا ا ا ا ا او بصير حرم رعد بن مشاري ال.... \nرشا بدهشه:إيش قصدك \nدلال تدور حول نفسها بفرحه:حددوا موعد الملكـــــــــه \nصرخت رشا:إحلفـــــــــي متـــــــــى \nدلال ميته من الفرحه:الشهر الجاي لأن أبو رعد مسافر ولمايرجع بتم الملكه وبيصير رعد لي لي \nرشا حضنتها:مبرو و و و وك \nدلال بغرور:قتلك لا لميس ولاغيرها بتاخذه مني لأني إذا حطيت شئ في راسي أوصله \nرشا شهقت بفرحه:يعني بتسكنين في قصره هذاك اللي جنب قصرهم \nدلال تذكرت القصر تذكر إنها دخلت البوابه وشافته إنجنت عليه وصممت أكثر ع رعد :أيـــــــــوه بيصير مملكتي أنا وبصير ملكه فيه \nرشا:ونــا ا ا ا ا سه \nدلال قربت من رشا :شدي حيلك إنتي وخذي فيصل قبل لاياخذه أحد..خليك مثل إختك \nرشا تذكرت أمل:إدعيلي بس إنتي..بصراحه حمستيني مرره \nدلال رمت نفسها ع السرير تطالع السقف وتنهدت:ماصدق إني خلاص برتاح وباخذ رعودي \nحبيبي \n************** \nطلعت برى للحديقه وجلست ع الكراسي ..ساحت بجسمها ع الكرسي وتناظرالسما... \nوتفكيرها وإحساسها ومشاعرها كلها عنده..لازال هو المتحكم فيها والمسيطر عليها.. \nتبغى تشيله من راسها وتنزعه من قلبها لأنه مايستاهل حبها ومشاعرها..ماحافظ عليهم بالعكس داسهم وبأبشع الصور \nبرفضه لها وهروبه بعد ماغرقها بالحب والعشق \nتحس نار تشتعل داخلها ..تمنت إنها تحرق مشاعرها ماتبقي منها شئ \nتكرهه وتحبه في نفس الوقت .. \nغمضت عيونها وتسللت دمعه منها وإختفت بين خصل شعرها الأسود \nماكانت حاسه بالعيون اللي تتأملها بحزن ولهفه .. \nسمعت خطوات ع العشب ومسحت وعدلت جلستها بدون ماترفع راسها \nرفعت راسها لماطال سكون هالشخص ..وإنصدمت لما شافته قدامها ببنطلونه البني وبلوزته الأفوايت بخطوط عسليه وبنيه وإيديه اللي داخل جيوب بنطلونه.. \nرفعت عيونها لوجهه الاسمر بملامحه الحاده .. \nوصلها صوته الهامس:كيفك سوسو \nغمضت عيونها وهي تحاول تضبط إنفعالاتها وضربات قلبها.. \nفتحت عيونها وشافته قريب منها \nإندفعت الدموع لعيونها لماسمعته يقول لها:سوسو قلبي ..أنا آسف ماكان... \nقاطعته بصراخ:لا ا ا ا تقول قلبي أنا مو قلب أحد وخصوصا إنت..وع إيش تتأسف ع هروبك ع هدمك لأحلامي..(تفجرت الدموع من عيونها) ع طعناتك لقلبي ع إستهتارك بمشاعري ع إيش بالضبط \nأشرت ع صدره بعد مامسحت دموعها بعنف لأنها نزلت قدامه:اللي داخلك مو قلب هذا حجر.. واللي أوهمتني بصدقها وحبها مو مشاعر هذي نزوات وأنا الغبيه اللي صدقتها وآمنت لها \nأكرهك ياراكان وعمري مارح أسامحك \nركضت بعيد عنه بعد أصابت قلبه وقطعته وأذابت كل شئ داخله... \nلحقها ومسك إيدها ولفها له ولازال صدى كلماتها تتردد في راسه وتفجره \nراكان:أنا مو مثل ماقلتي..ولا تقولي مارح أسامحك لأنك بتسامحيني بعد ماتعرفي ليه سويت اللي سويته .. \nناظر عيونها الدامعه وباس جبينها وتركها وطلع \nشهقت ودموعها تغرقها ..ماهي قادره تفهمه ولاتسامحه \nحرارة بوسته أحرقتها كلها..ونار كرهها وحبها فجرت كل شئ داخلها.. \nرمت نفسها ع سريرها بعد مادخلت غرفتها وهي تبكي... \nسديم شافت ماجد داخل وقالت بحقد:راكان طلع \nماجد:أيوه لمارجعت ماشفته \nسديم:إنت مسامحه ع اللي سواه في إختك \nماجد:لا طبعا بس اللي صار صار وهذا ولد عمي وصاحبي صحيح كرهته وتضايقت من اللي سواه بس ماني قادر أسامحه ولا أقطع علاقتي فيه \nسديم:إنت غريب \nماجد تنهد:عارف \nسديم:وماقال لك السبب \nماجد:هذا اللي مجنني مو راضي يحكي ..أو يقول شئ \n************** \nضحكت بدلع والجوال في إذنها وتلعب بخصل شعرها: عارفه ياحياتي \nجاها صوته الهيمان:رنو قلبي دامك عارفه إني ماقدر ع بعدك وحياتي من غيرك مابيها وإنتي قلبي وروحي..ليه مو راضيه نتقابل لهدرجه مو واثقه فيني ولا في حبي وإلا يمكن إنتي اللي ماتحبيني \nرنا حست إنها زودتها وعلقته فيها بقوه وخافت يتركها ويروح حبه لها وهي تحبه وتعشقه وتعلقت فيه هو صحيح ماشافها بس هي شايفته قالت بحب:أحبك وأموووت فيك وعلشان أثبت لك أنا موافقه \nبندر بعدم تصديق:موافقه أشوفك \nرنا بدلع:أيوه موافقه \nبندر بفرحه:آآآآآه ياقلبي ياعمري إنتي..متى أشوفك \nرنا:إممم بكره أرسل لك مسج وأحدد المكان والزمان أوك قلبو \nبندر والفرحه غامرت ووقت الإنتقام قرب ومفرحه:خلاص ياحياتي إنتي أنتظرك بكره بشوووووق \n************ \nدق باب غرفتها وهو مصر يسمع عنها أي شئ \nيحس بشوق موطبيعي لها \nفتحت الباب وشافته إستغربت:بسام \nدخل غرفتها وسكرالباب:إجلسي بحاكيك \nجلست ع طرف السرير وهو جلس ع كرسي مكتبها \nناظرها:كيفها \nناظرته ببلاهه:منهي \nبسام:من يعني(إبتسم) حبيبة أخوك \nسوت نفسها مافهمت وبغباء:أي حبيبه \nمسك نفسه لايقوم يحذفها بالأبجوره ع راسها:تستهبلين..ريومه يعني من \nضحكت:آها ا ا ا ا \nبسام بطنازه:صح النوم \nالبندري:إمممم مادري عنها \nبسام ناظرها:شلون يعني ماتدرين عنها \nالبندري:من زمان ماحاكيتها \nبسام عصب من برود إخته:وليه إن شاءالله \nالبندري:يعني ماتدري إنهم طالعين للشاليهات \nبسام:طيب وإذا \nالبندري:يعني مابغيت أحاكيها و \nهي مجتمعه مع أهلها بتنشغل معاهم \nبسام:راجعين حاكيها اللحين \nالبندري ابتسمت:لهدرجه الحب \nلاعب فيك \nضحك:أقول انطمي وحاكيها \nضحكت:مررره قالبك \nرماها بكرتون المناديل:أقول حاكيها بس ولايكثر \nضحكت:ماقدر أحاكيها اللحين \nبسام:ليه \nالبندري:بالله إنت شايف الساعه كم اللحين أخاف تصير نايمه وأزعجها بكره أحاكيها \nتأفف بقهر وطلع من الغرفه \n***************** \n. \n***************** \nدخلت ع أمها ومعاها مجلة أزياء:يمه \nناظرتها أمها بابتسامه:هلا والله بالعروس \nإبتسمت بفرحه وجلست جنب أمها والمجله ع رجولها:شوفي يمه شرايك بالفستان هذا \nناظرت الفستان :يهبل يمه \nدلال بفرحه:بفصله لملكتي \nدخلت رشا وشافتهم جالسين جنب بعض ومعاهم المجله راحت لهم:بديتي تدوري فستان \nدلال:طبعا \nرشا ناظرت الفستان وعقدت حواجبها:بس مو كنه مفتح مره \nدلال رفعت حاجبها:عادي حبيبتي أنا أبيه كذا أبغاه ينهبل علي ومايشيل عينه عني \nرشاضحكت:ياجرأتك \nدلال بدلع:إذا تبين شئ خليك جريئه علشان تحصلين عليه...(غمزت لها بخبث)عاد وريني إيش بتسوي إنتي \nرشا فهمت قصدها وضحكت \nأم عبدالله:شفيكم \nدلال:ولاشئ..ها يمه شرايك حلو صح بس بحطه بعد أحمر..(غمرت لرشا بخبث)لزوم الإغراء \nضحكوا وأمهم إبتسمت عارفه خبث بنتها ومبسوطه منها..لأنها تبغى تعيش حياة مثل حياة أختها في عز وغنى.. \n************* \nدخلت ع أمها بالغرفه معصبه:يمــــــه \nأم رعد:خير شفيك \nريم مقهوره:صدق اللي سمعته..حددتوا ملكة رعد مع هاللي ماتتسمى \nأم رعد:أيوه حددناها ...وإحترمي دلال وإنطقي إسمها زين هذي بتصير زوجة أخوك \nريم:يعني خلاص بيتزوجها \nأم رعد:أيوه بياخذها وقريب..لاتفشلينا في الناس وزيني علاقتك معاها \nريم شوي تبكي من القهر:تخسي أزين علاقتي معاها \nأكرهها ماأواطنها أبد \nطلعت من الغرفه ودموعها متحجره في عيونها:حرام والله \nدلالوه الحماره تصير زوجة أخوي ولابعد رعد.. حرام ماتصلح له والله \nدخلت ع لميس اللي جالسه تحاكي هند ولماشافت وجه ريم سكرت بسرعه:شفيك \nريم:تخيلي أهلي حددوا ملكة رعد ع دلالوه \nلميس تفاجأة:والله \nريم جلست ع السرير:والله شفتي كيف \nلميس بتعجب: So..why you look sadوإنتي عارفه من زمان من خطوبتوها إنها خلاص بتصيرزوجته \nريم بحزن:عارفه بس ماني قادره أتقبلها ولا أتقبل إنها بتصير زوجته..توقعت بيصير شئ يغير كل شئ ولا ياخذها \nراحت لها لميس وجلست جنبها:عاد هذا اللي بيصير لاتضيقي صدرك وحاولي تتقبليها(كملت بسرعه لماشافت نظرات ريم) \nأنا ماأقول حبيها بس ع الأقل تقبلي وجودها \nريم تنهد بقهر:واللي قاهرني رنا تحاكي دلال وفرحانه لها ولابعد متكفله فستانها ومكياجها ويخططوا إيش بيسوون \nضحكت لميس:طيب رنا صاحبتها وإنتي عارفه إنها معاها \nريم بضيق:تكفين غيري السالفه \nضحكت لميس وسحبتها معاها وراحوا تحت للحديقه \n...************ \nدخلت عليهم في الصاله وقالت بهدوء:قوموا اجهزوا زوجة عمكم وبناتها بيجون اليوم \nإنكتمت أنفاسها وأظلم وجهها وهي تستوعب اللي قالته أمها \nسديم شافت وجه سميه اللي تغير وهي مقهوره عليها وقالت لأمها تبغى تبعد أختها عن المواجهه معاهم ومعاه خاصه:يمه إحنا بنروح لبيت جدي اليوم \nأم ماجد فاهمه ع بنتها وقالت باصرار تبغى بنتها تتقبل الوضع وتقابلهم:جدك بنروح له كلنا بكره ..ماله داعي تروحون له اليوم وعمتكم بتجي \nسديم إنقهرت وناظرت إختها لقتها جالسه ببرود وتطالع التلفزيون \nطلعت أمها من الصاله..وقامت سديم وجلست جنب أختها:سوسو \nسميه بهدوء عكس اللي داخلها:عادي سدوم لاتشيلي هم أنا خلاص ماعاد يهمني \nالتفت لاختها وابتسمت:وبعدين حلوه التصريفه \nضحكت سديم:شفتي كيف ..بس أمي صارت أذكى مني \nدخلت شهد معصبه ومطيره عيونها:صد د د د دق أم كشه بتجيييي عندنا \nضحكت سميه:عيب شهد إسمها لنا مو أم كشه وأحسن بعد علشان تلعبين معاها \nشهد :و و و و و و و وع تبيني ألعب مع حليب لنا هذي وووع \nفطسوا ضحك ع تشبيهها وعيونها المفجوعه:ههههههههههه \nههههههههههههههههههههههههههههههههه \nشهد لوت فمها بقهر:واللـــه لا أمزع كشتها الصفرا الدلوعه هذي \nشهقت لماحست نفسها طايره في الهوا: وا ا ا ا ا ا ا ا ا ا ا اع مـــــــــامـــــــــا \nماجد ضحك وهو شايلها ورافعها لفوق:منهي اللي المسكينه الله بتمزعين شعرها \nسميه تمسح دموعها من الضحك:حليب لنا \nماجد ضحك:مين..لايكون لنا بنت عمتي \nسديم أشرت بإيدها وهي تضحك:أيوه هذي هي \nضحك وهوينزل شهد:ليه تبين تمزعين شعرها \nشهد تعدل بلوزتها:علشانها دلوووووعه وبزر وبس تصيح وع وع \nماجد:أجل تبغينها مثلك دفشه \nهذولي البنات دلوعات وحلوات أجل زيك \nتخصرت وهي مطيره عيونها عليه:نعـــــــــم نعـــــــــم أنا دفشه ومو حلوه.... غصب عنك حلوه وأحلى منها بعد هي كشتها صفرا كنها جنيه ووووع ودلوعه تحوم الكبد(وكملت بغرور)أما أنا حلوه وشعري أسود أحلى منها \nماجد:أيوه مرره حلوه \nناظرته من طرف عينها ماعجبها طريقته في الحكي تحسه يتطنز \n************** \nجتها الخدامه وقالت لها تنزل تحت بسرعه أبوها يبغاها.. \nإنصدمت..كيف أبوها تحت وهو مسافر معقوله رجع بهالسرعه طيب وش يبغى فيها.. \nخافت مرره وبنفس الوقت مستغربه هذي أول مرره أبوها يبغاها ويطلبها.. \nمعقوله حن لها وتغير من ناحيتها وبيصلح علاقته معاها \nسافرت بأحلامها لبعيد خلال هالدقايق ..كانت تحلم وتتمنى \nنزلت بسرعه وهي تحس بفرح داخلها..يمكن حلمي تحقق وبيصير حقيقه.. \nدخلت للصاله وإستغربت لما شافتها خاليه من أحد \nطلعت وشافت الخدامه قدامها ونظراتها غريبه قالت لها تروح للمجلس اللي برى ينتظرها هناك \nراحت وطلعت برى قربت من المجلس وقلبها تحسه بيوقف من الدق.. \nدخلت وتجمدت مكانها لماشافت اللي قدامها.. \n************* \nركبت سيارته بعد مالبس وكشخ لبس ثوب أبيض وشماغ وجزم سود \nلبس نظارته السودا وإبتسامته الخبيثه والفرحه ع وجهه \nمر محل ساعات وإشترى ساعه نسائيه فخمه وغلفها بتغليف حلو..طلع ومر محل ورد إشترى باقة ورد جوري رائعه وركب سيارته.. \nرفع جواله ودق عليها وصله صوتها الناعم :هلا حبيبي \nبندر:هلا بقلبي..وصلتي حياتي \nرنا:لا لسى دقايق وأكون عندك \nبندر:ماني قادر أصبر الدقايق أحسها ساعات ..أخير بشوفك ياقلبي \nضحكت بدلع:صبرت السنتين أصبر كم دقيقه \nإبتسم وهو يركن السياره قدام المطعم اللي اتفقوا يتقابلوا فيه:أوك أنا اللحين وصلت حياتي \nبنتظرك لا تتأخري علي \nسكر منها واخذ الأغراض ودخل ..دخل وجلس ع الطاوله اللي حاجزها وعيونه ع الباب ينتظرها.. \n************** \nناظرت شكلها في المرايه.. \nتنورتها التركواز بنقوش ناعمه بنيه ع أطرافها قصيره لنص الساق \nوبلوزتها البنيه عليها جاكيت تركواز لتحت الصدر بأزارير بنيه بارزه \nشعرها الأسود اللي رافعته بطوق ناعم ومنزله خصل خفيفه \nحطت قلوس مائي لحمي وكحل أسود \nتنهدت بقوه ولفت للباب اللي انفتح ودخلت منه سديم \nسديم باعجاب:وا ا ا او تجنني \nإبتسمت وناظرت شكلها بهدوء \nقربت منهاسديم:جاهزه..تراهم وصلوا وسألوا عنك \nالتفت لها بتعجب:اسألوا عني \nإبتسمت سديم:يب..يالله ياحلوه ننزل \nسميه بضحكه:حليب لنا جت معاهم \nسديم بضحكه:أيوه وصلت وشهد فاتحه عيونها عليها ههههه شكلها متوعده فيها \nسميه ضحكت:الله يستر منها \nنزلت معاها ودخلت بشموخ عكس قلبها اللي يرتجف \nإبتسمت عمتها لماشافتها ووقفت تسلم عليها:ياهلا والله ببنت أخوي الغاليه \nإغتصبت ابتسامه وسلمت عليها:هلا فيك ياعمه \nسلمت ع بنتها منى وجلست جنب سديم \nكانت السوالف مقتصره ع عمتها وأمها ومي والباقي ساكتين.. \nلاحظت سميه نظرات منى لها وإستغربت \nطلبت منهم أم ماجد يطلعوا برى يجلسوا مع بعض في الحديقه \nطلعوا وجلسوا في الحديقه \nكان صمت مطبق ع الجميع قطعه صوت منى اللي فاجأهم \nمنى:آنا آسفه سميه ع اللي صار \nأدري كان المفروض إني أحاكيك قبل بس أنا كنت خجلانه منك ع اللي صار وماكنت عارفه إيش أسوي..خفت تخرب علاقتنا مع بعض وأنا مابي أخسركم صحيح أخوي غلطان بس... \nقاطعتها سميه بابتسامه:منى شدعوه تتأسفي إنتي مالك دخل في شئ ..ومهماصار بنظل بنات عم وصاحبات \nضحكت منى:يعني مانتي زعلانه مني \nسميه:لا وبلاها الرسميه اللي عايشتها تراها ماتلبق \nضحكت منى براحه كانت خايفه يكرهوها ويرفضوا وجودها بعد اللي سواه أخوها.. \nكانت تناظر سميه بحزن..ماتستاهل اللي سواه أخوها فيها..كانت تتمنى يتم كل شئ وتصير زوجته كانت عايشه حبهم وعارفه كل شئ .. \nماصدقت لما دخل أخوها عليهم ..كان وجهه متغير مره لاحظت هالشئ لأنها عارفته زين ..كانت صدمه لها موبس هي أهلها كلهم لما خبرهم إنه مسافر ..ولايبغى يتزوج ..تذكر إنه خبرهم وطلع تاركهم بصدمه وعدم تصديق.. \nماصدقت كيف يترك سميه وهو يموووت فيها ويعشقها الكل عارف بحبه لها .. وفجأه يتركها دون سابق إنذار حتى من غير لا يقول لهم ليه أو يواجههم.. \nانتبهت للبنات يحاكوها وإبتسمت .. \nطلعت لهم لنا ميته من البكا \nووراها شهد مكشره وتتمخطر \nناظروا بعض سميه وسديم وهم كاتمين ضحكم..يعني بفذت تهديدها وتوعدها \nضمتها منى:لنا إيش فيك حبيبتي ليه تبكي ..وإيش فيه شعرك كذا \nكان شعرها مبهدل وطاير وحالتها حاله \nلنا بصوتها الدلوع والطفولي وهي تبكي:شـ شهد ضربتني آ آه وشدت شعري.. \nمنى ناظرت شهد اللي واقفه قدامهم وتناظر لنا بنظرات تشفي \nمنى:شهد ليه ضربتيها \nشهد تخصرت:إختك دلوووعه وتصيح ع طووول ..آخرمره ألعب معهاأم كشه صفرا هذي \nمنى شهقت تأشر ع لنا:اللحيـــــن هذا تسمييييييييه لعب ذااااابحه البنت ذبح وتقولييييي لعب \nشهد كشرت:عاد بنتكم هذي لوتوقع عليها ذبانه سوتها مناحه \nدلع بس \nمنى:هين أنا أوريك ياشهد \nطلعت لسانها يعني ماتقدري تسوي شئ \nالتفت منى بحمق للبنات اللي ميتين ضحك:تضحكون بعد جاز لكم اللي سوته شهد \nإختفت ضحكتها لماسمعت صوتها:لنا ...ليووونه.. \nراحت لنا ركض له تشكي له \nوالبنات سكتوا لما شافوا سميه \nأكيد تضايقت \nسميه نزلت راسها تخفي دموعها وهي تسمع صوته يحاكي أخوها ماجد ولنا \nراكان حاضن لنا اللي تبكي ع كتفه:ياخي بنتكم هذي مجرمه شوف إيش سوت في لنا \nماجد ضحك:خلها تتعلم الدفاشه شوي \nراكان :لاتتعلمها ابد يازينهاكذا بنتكـ... \nقطع حكيه لما شاف عيون شهد طايره فيه وحضن لنا اللي زاد بكاها خايفه منها وهو يرجع ع ورى خطوتين:قل أعوذ برب الفلق...سكنهم مساكنهم \nضحك ماجد لماشاف شهد \nشهد بطنازه:روح جيب لها حلاو مصاص البزر هذي \nراكان:البزر إنتي..ليه ضاربتها \nشهد:نلعب وأختك هذي ماتتحمل شئ \nراكان:أعووووذ بالله \nهذا لعب عندك أجل الضرب عندك كيف \nشهد بلعانه قربت منه:نزلها أعلمك شلون \nراكان أبعد لنا عنها:يالله هناك بعد بتكملي عليها \nوطت رجله بقوه وكانت لابسه جزم أمها الكعب وصاير كبير عليها بس قدرت توطى رجله \nوتنحاش حفيانه تاركته \nنزل لنا ع الأرض :آآآآخ...الله يقطع إبليسها..ول ول ولد مو بنت \nماجد:علشان تعرف معاناتي \nراكان مسك رجله:كسرت عظامي \nقامت سديم:تعالوا ندخل داخل \nكانت تبغى تبعد إختها عنه وعن صوته لماحست إنها بتبكي \n************ \nشهقت برعب لماحست نفسها باحضان الشاب اللي قدامها \nالشاب:هلا والله بالحلا هلا حبيبتي \nحاولت تبعده عنها وصوتها إختفى \n:توليــــــــــــــــــن \n \nإرتعبت وهي تشوف عمتها واقفه عند الباب وجنبها مرام اللي تناظرها بابتسامة خبث ونظره غريبه \nأبعدها عنه الشاب وطلع من الباب الثاني منحاش \nماكانت مستوعبه شئ من اللي صار..غيرحرارة الكف من عمتها \n:أيا الحقيـــــــــره يالواطيــــه \nتواعدين شباب وتدخلينهم في بيت أخوي.. \nمسكتها من شعرها تضربها :أنا قايله إنك بلوه ابتلينا فيها..طبعا ماجيت ع أحد غريب ع أمك النجسه \nكانت تولين تبكي بألم وتترجاها تتركها:آ آ آ آه والله ماأعرفه والله \nرمتها ع الأرض وحركت إيدها لمرام \nشهقت برعب لماشافت السكين الحمرا الملتهبه حراره \nبإيد عمتها \nرجعت ع ورى برعب وقلبها بيطلع من مكانه ولصقت في الجدار:لا ا ا ا ا ا ا ا ا ا ا ا ا ا ا ا ا ا \nالله يخليـــــــــك لا ا ا ا ا ا ا ا \nقربت منها عمتها :والله لأحرقك حرق علشان المره الثاني ماتدنسي إسم أخوي بأفعالك الحقيره \nضمت نفسها بقوها وغمضت عيونها وبكاها يعلى \nفتحت عيونها فجأه لماحست نفسها بأحضان شخص وتشبثت فيه بقوه تدور الأمان بعيد عن السكين \n:يمـــــــــه تكفيـــــــــن لا لا \nإنصدمت مرام لماشافت اللي جالس وحاضن تولين يحميها من أمه..... \n************** \nإبتسم لماشافها داخله عرفها لأنها تطالعه \nوقفت عنده بعبايتها المزينه ولثمتها وعطرها اللي إنتشر حولها>>أعوذ بالله \nوقف وصافحها وهو منجن ع عيونها العسليه الواسعه المزينه بكحل أسود وشادوا وردي \nجلست قدامها وجطت رجل ع رجل \nبندر يناظرها باستهزاءداخله"والله وعرفت تربي يامشاري" \nناظرته بدلع:بتظل تطالع فيني كذا \nبندر:ماني مصدق إنك قدامي وأخيرا يارنو \nضحكت بدلع : لا صدق أنا رنو ياقلبي \nإبتسم بخبث:طيب إكشفي خليني أشوف القمر \nفتحت لثمتهابلا ترد وطالعته تشوف تعابير وجهه.. \nإبتسمت برضى لماشافت صدمته ونظراته اللي شوي تاكلها \nبندر"العن وجهك يافيصلوه عندك إختك مثل هذي" \nكان مصدوم ماتوقعها بالجمال هذا..خفق قلبه بشده قدام هالجمال \nرنا بغرور:شفيك ساكت \nصحى لنفسه لماسمع صوتها اللي رجعه للواقع اللي هو الإنتقام وبس ...أبعد المشاعر والأحاسيس اللي حسها لماشافها وحط قدامه هدفه وبس الإنتقام.. \nبندر:ماأصدق إن هذا الجمال كله قدامي ولي أنا بس \nإبتسمت بغرور ودلع وهي تسمعه يتغزل فيها وفي جمالها..رجعت لها ثقتها بجمالها اللي اهتزت لماشافت لميس أقوى من قبل.. \nفجـــــــــأه \nإختفت إبتسامتها بصدمه وهي تناظراللي قدامها .... \n************* \n.\r\n \r\n \r\n \r\n الموضوع الأصلي :\r\nرواية جرحني و صار معشوقي كامله || الكاتب :\r\nادمنت تعذيبك || المصدر :\r\nشبكة همس الشوق \r\n\r\n\r\n\r\n\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n\r\n\r\n \r\n \r\n\r\n\r\n \r\n\r\n\r\n\r\n\r\n\r\n \r\n \r\n \r\n\r\n\r\n\r\n \r\n\r\n
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي
العرض الشجري
