قويت الهم لكن الغياب اقوى من الالام

#1 7 - 3 - 2021, 01:41 AM

أحاول أكتم أنفاسي أعدّي ضيقتي وأنام
ــــ أباعدهم عن عيوني يجون ف مُعظم أفكاري

أناديهم تعبت أقسى أجامل وأحترق أيّام
ــــ يطول الوقت وأتناسى من البايع من الشاري !

بحاجتهم أنا وأدري نسوني من قبل هالعام
ـــــ ضمايرهم قست باعت وتاهت فيهم أعذاري

نخيت الطّيب بعروقي يلاشيهم كما الأحلام
ـــــ عشان أعيش مرتاحه أنا مابي لهم طاري

تحمّلت الجفا منهم تعب هالقلب ماينلام
ـــــ طعم هالمُرّ في حلقه يذبّل كلّ أشجاري

صرخت بصوت متجرّح [ ياغيّابي ] كِفى أوهام
ـــــ كِفى هالصّبر حطّمني كسرني في وسط داري

قويت الهم لكنّ الغياب أقوى من الآلام
ــــــ ومن كثر القهر فيني كتبته حزن ب أشعاري

أشاكي الليل خلّوني أهذري والجروح اقْيام
ــــــ ملامحهم تناديني وأحسّ الشّوق بي عاري

يطلّ الصّبح أستنجد بقاياهم وأجرّ أقدام
ــــــ إلين أوصل مراسيهم أبيّح آخر أسراري

فقدت الفرح إحساس الأمان ومابقى أقلام
ــــــ أخط فيها تناهيدي / طعوني / طيحة أسواري

يهون الجرح لامرّوا بعيني وأنطق إستسلام
ـــــ تعالوا ضامني هالبُعد يَكْفِي لعب | ب أقداري

الموضوع الأصلي : قويت الهم لكن الغياب اقوى من الالام || الكاتب : همسة الشوق || المصدر : شبكة همس الشوق

7 - 3 - 2021, 02:29 AM

جميل وأكثر من جميل مانقشته هنا
فقد جذبتنى سطورك
ومنعتنى من تجاهلها
تقبلي منى خالص الود والتقدير

7 - 3 - 2021, 03:34 AM

يعطيك العافية.. على ألطٌرحً الرائع
ماننحرم منٌ جَدُيّدُكـ ألمميّز
هــذا مروِريّ ألبّسًيّطٌ بّمتُصِفُحًك الانيق
اتمنى لكـ دوام التالق والابداع
باقات الشكر والتقديراقدمها لك

7 - 3 - 2021, 06:09 AM

كل الشكر لك على
مرورك الرائع لمتصفحي
لا عدمت تواجدك العطر
مودتي لك

المواضيع المتشابهه لموضوع: قويت الهم لكن الغياب اقوى من الالام لموضوع: قويت الهم لكن الغياب اقوى من الالام
الموضوع	كاتب الموضوع	المنتدى	مشاركات	آخر مشاركة
يا صاحب الهم إن الهم منفرج	همسه الشوق	همس الشعر والقوافي	4	2 - 9 - 2023 11:27 PM
تسديدة قوية	جروح الم	همس للألغاز والنكت والضحك	3	25 - 4 - 2018 10:45 AM
الهم	انت قلبي	همس الشعر والقوافي	4	30 - 12 - 2013 06:01 PM
مجموعة ورسائل الغياب وشهو الغياب	نظرهـ خجولهـ	همس موبايلات الاندرويد	7	15 - 6 - 2013 08:20 PM
اما عاد هذه قوية	دلع أنثى	همس المواضيع العامة	4	25 - 10 - 2011 11:46 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟