عيونك شوكة في القلب توجعني و عبرها للكاتبة ديم الراشد مكتملة

10 - 1 - 2022, 08:13 PM

.... 26 .....

عند ادييم نزلت وهي تشوفهم يحضرون الغداء عجزت ابتسامتها تفارقها ماقدرت جلست وهي مبسوطه بصالون الحريم
نوره: خير ي اديم اختفيتي وطلعتي ومن بعدها ما سكرتي فمك
اديم رفعت حواجبها: وانتي شعليك اضحك ابكي بكيفي واختفي واظهر بعد بكيفي
نرجس:خير وش فيك اكلتيها وش قالت ما قالت شي
ام نوره: وهي صادقه
اديم : لان شي مايعني احد
سهام:خلصنا خلاص
اديم لفت وهي نفسها تقوم تتوطى بطنها بس نزل الغداء واتغدوا وبعدها طلعت اديم تنام وهي مالها خلق تجلس مع بنات عمها
ظيمنعظيمنع
ظيمنع
في بيت الجد الكل تغداء وبعدها رجعوا لديوانيه وقف فيصل وهو يقول : يالله فمان الله انا استاذن
الجد : بدري وينك رايح
فيصل: بروح انام شوي ما نمت امس
ابو عادل :انتظر نروح كلنا سوا
فيصل ؛ لا لا انا اسبقكم احسن
طلع فيصل وترك وراه حيره كبيره
منى : انا اموت واعرف وش فيه
ابو محمد :مافيه شي يتدلع
الجد : ماظنتي
ابو محمد : ماتشوفه شلون طول الوقت يضحك في الجوال ولما نكلمه يكشر
ابو عادل: مافيه شي بس مو نايم
عادل : انا بعد بروح يلا ي نواف
نواف وقف وهو يركض لعادل ويساعده ابتداء المكان يفضى شوي شوي لما ما بقى فيه الا ابو عادل ومنى والجد
الجد: اقول ي طلال كلمتني منى عن الجماعه اللي بتخطبون منهم عساك جاهز
ابو عادل : ان شاء للله جاهز
منى: انا كلمتهم والعصر ينتظرونا
ابو عادل ؛مو على اساس المغرب
منى: لا احسن العصر
ابو عادل : زين زين انا بروح البيت واجهز من هناك
منى: زين
ظيمنعظيمنع
ظيمنع
عند فيصل اللي ماكان يدري عن تخطيط ابوه انسدح بتعب على فراشه وهو يبي ينام خلاص ولا حس ولا توقع انهم بيحصلون بديل غمض عيونه وهو اشياء كثير تدور براسه ولا حس بنفسه الا هو نايم
ظيمنعظيمنع
ظيمنع
بعد العصر جهزوا منى وابو عادل والجد وراحوا وصلو لهم وخطبوا منهم لكن الناس قالوا اعطونا مهله نفكر ونرد لكم وبنسأل طلعوا من عندهم ومنى فرحانه وحاسه بالقبول وكل هذا صار ولا احد عرف وفيصل نايم وصلوا بيت ابو عادل ودخلوا
منى: الحمدلله ان شاء الله ربي يكتب لك معها نصيب
ابو عادل :الله يكتب اللي فيه الخير
الجد : هم بيسألون عنك
ابو عادل : ايه
منى: من تتوقع يسألون
ابو عادل : انا عطيتهم اسماء اخوياي والعمل اكيد بيسألون هناك
منى: زين زين اجل خلوني اقوم اصلح قهوه
كل هالكلام كان يدور تحت مسامع نواف اللي كان صاحي وانفجع من الخبر وركض لغرفة فيصل فتح الباب وركض لفيصل اللي كان غاطس بنومه ولا دراء عن احد نط بجنبه وهو يصحيه: فيصل فيصل تكفى قوم فيصل فيصل
تحرك فيصل :هممممم
نواف : فيصل تكفى قوم
فيصل: وش تبي
نواف : فيصل ابوي تزوج قوم
فز فيصل وهو يرمي اللحاف : وشو وشو وش تقول ابوي
نواف :ايوه توهم جو سمعتهم
جلس نواف وهو يسرد لفيصل الخبر المصيبه بالنسبه لهم فيصل انجلط وقف وهو يحوم: شلون وشلون امداهم يخططون ويخطبون
نواف : مدري
فيصل :اااااه اااااه منك ي عميمه
نواف : وش بتسوي
فيصل :مدري مدري مدري اصبر ننزل نشوف وش عندهم وبعدين نفكر الله يهديها عمتي الله يهديها
وقف فيصل وهو يغسل وجهه ولبس ونزل هو ونواف
ظيمنعظيمنع
ظيمنع
نزلوا فيصل ونواف وردوا السلام وجلسوا وهم هادين
ابو عادل : بدري الناس اذنوا المغرب وانتم تو تصحون
فيصل: شنسوي تعبانين
الجد : وينه عادل
فيصل؛ مدري اتوقع بغرفته
منى: ماشاء الله هذا فيصل طلعتك من مخبأك
فيصل: وليش هالكلام ي عميمه
منى: اشوفك مانك على بعضك
فيصل: لا عادي
جلست منى وهي تصب القهوه وفيصل عيونه على ابوه ومنى وبعدها تشخصت انظاره على ابوه اللي وصله اتصال من معارفه وشكلهم قالوا له شي وتره سكر وتكلمت منى:مين ذا
ابوعادل : واحد من الربع يقول ان فيه رجال جو وسألو عني ودلهم على دكان ابو مجيد
فيصل ببراءه :وشو له يسألون وليش مادلهم على بيتنا طيب
ابو عادل : اكيد لهم معامله شي ويبون يسألون عنها والرجال مايعرف بيتنا ووصف الدكان وابو مجيد يوصف له
فيصل ( ااااخ يبه وتكذب بعد وترقع زين زين اكذبوا وسوو اللي تبون ): اها
نزل فنجانه:انا بطلع لعساف برا ينتظرني تبون شي
نواف :فيصل بجي معك
فيصل: غير مره ي نواف الحين رايحين شغل
ابو عادل:وش شغلك
فيصل: يعني ندور اغراض لسيارة عساف
ابو عادل : زين لا تتأخر
فيصل:من عيوني
طلع فيصل اللي ماكان احد ينتظره لكن طرا له يروح دكان ابو مجيد ركض وهو مسرع ويبي يوصل قبل الناس وصل وهو يلهث
ابو مجيد فز بخوف :فيصل وش فيك وانا عمك وش فيك ابوك فيك شي اخوانك ..

.... 27 ....

فيصل :لا لا مافيهم شي بس الك والا لذيب
ابو مجيد : فيصل الله يرحم امك ي ولدي قول وش السالفه خبصتني
فيصل :الك والا لذيب
ابو مجيد:خسى الذيب قول وش فيه
فيصل جلس بتعب : اجلس اشرح لك
جلس ابو مجيد وابتداء فيصل يشرح له كل السالفه ولا يخلى الموضوع من ابهارات فيصل
ابو مجيد :لا لا ي فيصل كل شي الا ذا الشغله صاحي انت
فيصل : طلبتك ي عم والله والله انك بتنقذ وتساعد
ابو مجيد: مستحيل مجنون انت
فيصل: عمي الموضوع بيني وبينك واذا انكشف قول فيصل اللي قال تكفى ي عمي افا لذا الدرجه رخيصين عليك وحياتنا عندك رخيصه
ابو مجيد:مو رخيصين بس الشغله مستحيله وش موقفنا من ابوك لو عرف
فيصل:اترك كل شي علي اذا حصل اي شي قول فيصل
ابو مجيد: لا لا مقدر اطاوعك انا اسف ي ابوي
فيصل كان مصر على اللي براسه وجلس يستعطف ابو مجيد لما وافق وهو مو راضي تمام الرضا بس عشان فيصل طلع فيصل وهو متوتر وفي نفس الوقت مبسوط جلس بعيد وهو يراقب الدكان بعد طلعته ب ظ¢ظيمنع دقيقه وصلوا الرجال ونزلوا وسلموا على ابو مجيد :امروا وش بغيتوا
ابو البنت: والله ي اخوي ابو مجيد احنا جينا نسأل عن جار وصديق بالنسبه لك وتعرفه زين وندري انك رجلان حقاني وتعطينا الصراحه
ابو مجيد:وخير من هو هالرجال
ابو البنت: طلال ناصر تعرفه زين
ابو مجيد:ايه اعرفه وش حبيتوا تسألون عنه
ابو البنت : عطنا كل شي عنه واعرف ان الله فوق وشاهد
ابو مجيد عوره قلبه ولا قدر يتكلم الا بعد فتره: والله اذا تبيني اتكلم لك عن الاخلاق هو رجال ماشاء الله عليه واذا عن الصلاة رجال ملتزم لكن عيبه الوحيد انه مطواع لعياله وعياله اللهم يا كافي شياطين وزعران ما ينمشى معهم ولا احد يكلمهم وبالذات هذاك اللي اسمه فيصل يعني تقدر تقول لو يقولون الشمس تشرق من الغرب قال تم وصار ماله كلمه عليهم وهم مثل ماقلت لك اذيين واذيين وحالتهم جدا كسيفه
ابو البنت بان عليه القلق :يعني تقدر تقول انهم يقدرون يحكمون حياة ابوهم وزواجه
ابو مجيد وهو مو مطاوعه قلبه : حتى انهم احكموا وخلصوا من خمس سنين وهو كل ما خطب رفضوه بسبب عياله
ابو البنت: يعني تنصحنا ما نعطي بنتنا
ابو مجيد: ياخوي انا مابي لكم الشقا وانتم اسألتوا وعطيتكم الجواب تقدرون ترمون بنتكم على مثل هالمجانين نصيحه من ابو أنقذوا بنتكم
ابو البنت وقف: خير خير ان شاء الله الله يعطيك العافيه ويسهل امرك ويفتحها بوجهك
ابو مجيد :الله يسعدك
راح الرجال وهو قلقان وحيران اما ابو مجيد اللي جلس وهو يستغفر ربه ركض له فيصل وهو يقول :عمي هاه وش قلت
ابو مجيد :وش بقول الله يسامحك خليتني اكذب اخر عمري
فيصل باس يده وراسه: اهم شي نيتك خير ي عمي كيف اقتنع
ابو مجيد : الواضح انه خاف
فيصل رجع يبوس ابو مجيد وقال:مشكور ي عمي انا ممنون لك على اللي. سويته ربي يسعدك ويوفقك
ابو مجيد: انتم ي فيصل غالين علي حيل ومثل عيالي
ضمه فيصل ورجع وهو مبسوط دخل البيت وهو يغني :لا تقولوا مقدر اجيبه لا تقولو هاذي صعيبه اجيبه يعني اجيبه لو كان تحت الحراسه
ابو عادل : خير من ذا اللي بتجيبه
فيصل ابتسم وهو يقول :النصيب
طلع لغرفته وهو مبسوط جلس على الدرج وهو ينتظر الخبر المحزن لابوه
ظيمنعظيمنع
ظيمنع
عند عادل اللي قاله نواف عن اللي صار وان فيصل طلع ولا يدري وين راح وعادل انجن من الخبر وانجن من فيصل اللي باين انه مابيعديها على خير
عادل:نواف قوم شوف جاء والا باقي
نواف وقف وراح شاف فيصل جالس على الدرج ركض وهو يقول :عادل جاء
وقف عادل واخذ عكازته : فيصل وين كنت وش تسوي هنا
فيصل :انتظر شوي وش فيك
عادل : وش خبصت قول
فيصل ابتسم:ولا شي انقذت بيتنا كعادتي
عادل : وش سويت طيب
فيصل وقف : تعالوا جوا

دخلوا غرفة عادل وجلس فيصل وهو يسرد كل شي لعادل اللي انجلط :شلون اقنعت ابو مجيد
فيصل: شوية دموع تمشي الحال
عادل: واذا ابوك عرف وش بتسوي
فيصل : شوية كفوف وكم كلمه وينتهي الموضوع
عادل :من جدك مو خايف من عواقب الشغله
فيصل:ماني خايف من شي قد ماني خايف من زواجه
نواف : والله اذا عرف بيزعل
فيصل : مابيدينا حيله
عادل : الله العالم وش بيصير
فيصل : تعالوا نجلس تحت ونشوف وش يصير
نزلوا ثلاثتهم سوا وجلسوا على نفس الكنبه منى: خير وش فيكم رصيتوا كذا
عادل :ولا شي جايين نجلس معكم
ابو عادل : اللفه ذي كلها مو لله اعترفوا وش مسوين
فيصل: لا اله الا الله هذا وحنا جايين نجلس معكم حرام عليكم اقل شي لا تحطمونا ..

.... 28 .....

منى شدت اذن فيصل : انت بالذات تسكت ولا تنطق حرف قلبي يقول وراك مصيبه اعرفك ما تهجد من لا شي ولا تعرف حب العايله الا من وراء سبب ي مقباس الشر
فيصل :اييي عميمه وش فيك علي حاطه حيلك فيني وبعدين وش سويت انا مقباس شر ليه عشان جبتهم وجينا نجلس الله بس يسامحك لو احج بكم على ظهري ما شفتوا لي فضيله
ابو عادل :وهي صادقه ماكذبت بحرف
فيصل ميل فمه: بيجي يوم اللي تمنون فيه فيصل ولا تحصلونه
عادل ؛بسم لله عليك وش ذا الحكي
نواف : بسم الله عليك فيصل
منى: اشتغلت الدراما حقتكم
فيصل :حتى حنان مايبونا نحن
ابو عادل : اسمعوني انتم الثلاثه اطلعوا من هالابواب وياويلكم يا ويلكم ادري انكم مسوين شي
فيصل وعادل ونواف :حاضر يبه
منى ميت فمها: بدوا بدوا اقول بدال مسرحيتكم هاذي قوموا ساعدوني بالعشاء يلا
راحت منى للمطبخ والحقوها العيال وابو عادل طلع وراح دكان ابو مجيد
ظيمنعظيمنع
ظيمنع
عند أديم اللي صحت من النوم وهي مصدعه مالها خلق اي شي دخلت وهي تتوضا وتصلي المغرب خلصت ورجعت انسدحت بتعب سحبت جوالها وهي تشوف اذا فيصل موجود نزل شي او لا شافته ما نزل ولا شي طلعت ودخلت الواتس وشافته من الظهر ما دخل وبعدها راحت تكلم روان من دون ما تقول لها عن اللي صار بينها وبين فيصل قفلت من روان ونزلت تحت شافت مروى اللي كعادتها مصلحه قهوه وحلا وجوها الرهيب :وااااو كالعاده جوك بطل
ضحكت مروى:تعالي تعالي توني كنت بطلع لك
اديم :وقت القهوه وربي
مروى : زين انتظري امي تجي
بعد شوي انضمت لهم امهم وابتدوا يتقهون وطرا لأديم تصور وكتبت تعليق على صورة القهوه (‏و كل ذكرى ؛ في هالعمر ؟ رحلة شقى ظيمنعياصور ،ياطيف يانفس العطر ،��.) سكرت جوالها وهي تنتظر رد فيصل للي صار روتين في حياتها
ظيمنعظيمنع
ظيمنع
في بيت ابو عادل كانوا العيال جالسين يساعدون منى ومنهم اللي يقطع السلطه ومنهم اللي يحضر السفره ومنهم اللي ما ترك شي ما أكله ولا سالفه ما سولف فيهاً ولا كاس ماكسره وفوق ذا ينسب كل شي له ( فيصل )
منى : فييييييصل اطلع برا عساك الوجع ماخليت شي بمكانه
فيصل :اساعدك عميمه
عادل: الله لا يعطيك العافيه على هالمساعده ما تركت شي
منى:ما ابيك تساعدني انقلع من هنا
فيصل: ترا جالسه تجرحيني
منى سحبته وهي تدفه برا المطبخ:انثبر بغرفتك لما اناديك للعشاء
فيصل :بتندمون وتشوفون
طلع وهو يضحك على عمته غسل يدينه ورمى نفسه على الكنبه وهو يسحب جواله فتحه وكعادته صار يرد على رسايل ومكالمات البنات بعد ما زهق من ازعاجهم تذكر حنين( اديم ) ودخل لسناب وشافها منزله اول ماشاف السنابه انقلب عليه جرح فقد امه لا إرادي دخل وهو يقول ( وااااخ منها كلها )
..

اديم جالها تنبيه ان فيصل رد سحبت جوالها وهي تشوف امها ومروى مشغولين في مكالمة امل شافت رده وردت عليه ( قلبت عليك شي من المواجع؟!)
فيصل ( كلها والله ي حنين)
اديم( اقدر اعرف وش هي او تقدر تفضفض اذا حبيت واعرف انها في بير)
ضحك فيصل وهويقول ( هههههه اشياء اكبر من اني اتكلم فيها )
اديم( حبيبه خانتك؟!)
فيصل تنرفز( انتي اي شي تربطينه الحبيبه يعني ماعندي هموم ثانيه)
اديم ( شفيك عصبت وهذا الصدق انت كل حبيبات)
فيصل( انتي بعقلك شي !مجنونه )
اديم( ليش جرحت برستيجك)
فيصل( اي برستيج ي معاقه انا ما همني حب وحبيبات وخرابيط انا اذا كان في قلبي جرح مابيكون الا واحد اللي هو فقد امي )
طلع من محادثتها وهو ضايق اما اديم اللي انضربت على وجهها وغمضت بقوه من تسرعها الغبي ندمت حيل وتمنت انها ما تسرعت كتبت بسرعه( فيصل امزح معك شبلاك وبعدين انا اسفه ماكنت ادري عن انك فاقد امك والله اسفه)
فيصل شاف التنبيه ( مو مشكله بس مو ع اساس اتفقنا إنا نكون اصحاب وننسى الحب والخرابيط)
اديم ( اسفه كنت منفعله شوي)
فيصل( خير وش صاير معك)
اديم( ولاشي بس نمت وصحيت وانا متنكده)
فيصل ( اي هذا اللي فالحه فيه تجمعين الشياطين وتفلتينها فيني )
اديم( خلصنا عاد انت )
فيصل ( زين زين تعالي احكي لي عن نفسك او عن اي شي تحبينه)
اديم( عن نفسي ما راح احكي لكن بسألك انت عن نفسك )
فيصل ( وليش ان شاء الله ما بتحكين عن نفسك)
اديم(كذا ما احب اشارك احد بنفسي احب يكتشفوني )
فيصل(هههههه خفي علينا زين ما بضغظ عليك يلا اسألي )
اديم ( امممم طيب قولي كيف حياتك يعني)
فيصل ( عادي زي اي حياة شاب عزوبي وفاشل دراسيا)
اديم ( شلون يعني)
فيصل جلس وهو يشرح لها وضعه الدراسي ويتكلم عن مواقف دراسيه وووو وحكى لها عن بيتهم وكل شي بس ماقالها عن تخطيطه لمنع زواج ابوه ولا قالها اصلا ان ابوه بيتزوج ..

.... 29 ....

يخص هالموضوع تركته على راحته وهي تسمع مواقفه اللي جدا طريفه مشى الوقت ولا اديم ولا فيصل حسو فيه فيصل كان متعود يقضى مثل هالوقت مع بنت بس اديم كان هذا الشي مسوي فارق كبير بحياتها
مروى:اديم تعالي اتعشي اشبك
اديم :مالي نفس
مروى: انتي وش فيك هاليومين تقدرين تفسرين لي
اديم:مافيني شي عاديه بس مالي نفس
مروى:الله يستر بس
راحت مروى اللي كانت شاكه ان اديم مخبيه شي عنها واديم اللي رمت نفسها وهي تعيد تسجيلات صوت فيصل اللي كان يشرح لها مواقفه ويضحك وضحكته اللي صارت توديها بعالم ثاني
ظيمنعظيمنع
ظيمنع
عند فيصل اللي طلع له نواف وقاله ان العشاء جهز وعمته تقول ينزل بسرعة استاذن من اديم ونزل وهو مبسوط ورايق كعادته شاف ابوه رجع وهو مبسوط وعرف انهم باقي ماردوا عليه وكان فيصل ينتظر ردهم بالرفض على احر من الجمر وعادل ونواف نفس الانتظار اما ابو عادل ومنى اللي كانوا واثقين من الموافقه طالما الموضوع متعلق بالسؤال عنه بعد ما انتهى العشاء اللي كان مليان بسوالف فيصل وعادل ونواف اللي حماسهم فضيع طلع ابو عادل ينام ومنى راحت بيتها اما فيصل طلع ولبس وتجهز وراح للاستراحه وعادل اللي جلس وهو يتابع فيلم مع نواف لكن باله مع سالفة ريمان
ظيمنعظيمنع
ظيمنع
في بيت ابو محمد كانت ريمان مثل عادتها جالسه بالغرفه وهي تطقطق بالجوال ونسرين اللي كانت مشغوله بالعنايه بنفسها
رائد كان طالع للاستراحه وابو محمد اللي كان نايم من بدري هو وام محمد
نسرين كانت نفسها تسأل ريمان ليش متغيره بس خايفه منها بس تجرأت وقالت::ريمان
ريمان:نعم
نسرين:عادي اسالك سؤال
ريمان: وشو
نسرين :بس ماتعصبين
ريمان:وشووووو
نسرين : انتي ليش تغيرتي كذا
ريمان تغيرت ملامح وجهها الجميله وصارت حاده وصرخت:وش دخلك اتغير ما اتغير انا حره فاهمه
نسرين:انا اسال بس
ريمان:مو شغلك
نسرين سكتت وهي خايفه منها بس ايقنت انه وراها سبب ريمان اللي رجعت لجوالها بس بالها ابدا مو مع الجوال وهي ضايقه من هالسؤال اللي صار يتكرر عليها وهي مو طايقته غمضت وهي تقول (حسبي الله على اللي كان السبب )سحبت نفسها وراحت لفراشها رمت نفسها وهي تبكي بينها وبين نفسها اما نسرين اللي قامت ونامت وهي نفسها تعرف وش مخبيه ريمان
ظيمنعظيمنع
ظيمنع
عند فيصل بالاستراحه دخل على صوت الاغاني والرقص والفله
ماكان ناقص روقان فيصل الا مثل هالجو وابتداء يرقص ويستهبل وطبعا استقبلوه شلته بالصراخ والحماس وبعد نص ساعه من الرقص والاستهبال والجنان رمى فيصل نفسه على الجلسه وهو تعباان سحب البكت اللي قباله وطلع له زقاره
شاف عساف ورايد جايين : هلا هلا هلا تعالوا تعالوا
رائد: خير وش ذا الروقان اللي يشوفك ظهر مايشوفك الحين
فيصل: صارت معي قصه عجب
عساف:وشو بنت كيف مزه والا لا
رائد هبده: قووووم فارق انت هذا همك
عساف وهو يرمي نفسه على فيصل:ااااخ ي محلا البنات
فيصل ضمه وهو يقول بنفس التنهيده:حييل حيل
رائد:خصلني انت وهو وش اللي صار
فيصل دف عساف :السالفه مالها شغل بالبنات
قربوا عساف ورائد:وشو اجل
ابتداء فيصل يحكي لهم عن كل شي صار اليوم وعساف ورائد عيونهم طايره رائد :فيصلوه وش ذا اللي سويته وجع
فيصل:وشو
عساف: فيصل انت مريض شلون تخرب سمعتكم هاااه صاحي انت
فيصل: في حريقه وبعدين تخرب عند مين عند واحد مو مشكله المهم ان الكل عارفين من احنا
رائد: وابو مجيد ابو مجيد كيف يطاوعك ي خبل
عساف:والله انا استسلم الله لا يطيحني في يدك ي شيخ
فيصل: ههههههه طاوعني بعد مالحست مخه بالدموع المزيفه
رائد: يالله مو طبيعي حشى تتعطى انت
فيصل : هههههه
تركهم وراح يكمل فلته مع الشباب وعساف ورائد مصدومين من كمية الاستهباال للي يسويه فيصل
ظيمنعظيمنع
ظيمنع
اما اديم اللي كانت جالسه تراقب سناب فيصل اللي كان يصور اجواءهم ومبسوط وفرحان وباين انه ماورااه هموم كانت كل شي تعيد السنابات وتضحك من فصلته عليهم بعد ماخلصتها نزلت الجوال وهي تبتسم غمضت عيونها وهي تتذكر ملامحه الجميله ابتسمت وهي تقول :والله مو طبيعي والله
غفت عينها وهي تحلم بأشياء حلوه مع فيصل لكن طريق الوصول له مجهول
ظيمنعظيمنع
ظيمنع
من بكره الصبح وصل لابو عادل جواب صادم وكان الرفض ماقدر ابو عادل يرد غير ( خيره بأذن الله ) نزل وهو محتار وش الشي اللي خلاهم يرفضون جلس بالصاله وهو يفكر لكن قطع تفكيره نزول فيصل اللي ما نام عشان يعرف الرد : يبه وش فيك
ابو عادل : ولا شي انت وش مصحيك بالعاده ما تصحى هالوقت ..

..... 30 ....

فيصل : هاه ايه ايه احس اني بسخن فقلت اخذ بنادول عشان يعني اكافحها من بدري
ابو عادل : زيين
فيصل : خير يبه فيك شي اشوفك ضااايق
ابو عادل :ولا شي روح انت خلص شغلك
راح فيصل وهو متحمس يعرف وش الرد مع انه واضح دخل المطبخ وجلس قريب من الباب سمع صوت الباب عرف ان عمته جات ركض واخذ البنادول والمويه وجلس يتصنت
منى: طلال وش فيك جالس هنا وش فيك ضايق
ابو عادل :ابد اتصل علي ابو البنت اللي رحنا وخطبناها وقال انهم ماعندهم بنت لزواج وكل واحد يروح لنصيبه
منى شهقت:ليييييش وش السبب عمى بعينهم حاصلهم مثلك مالت عليهم وعلى بنتهم
ابو عادل: ي منى ي منى محد يجبر الناس
منى: عمى يعميهم من زينهم اتركهم والله والله لدور لك ست ستها ناس ما تستاهل
ابو عادل لف : زين بعدين اتركينا فتره نريح من ذا الموضوع وبعدين بيحلها ربي
منى: زين
عند فيصل اللي من الحماس اكل البنادول وشرب المويه وهو يهز ( اجل واثقين ههههه عيشو جوكم وانا بعيش جوي ونشوف من اللي يربح ) طلع وهو يحاول يبين انه مو منتبه:عميمه وش فيك
منى: مافيني شي انت شفيك صاحي من بدري
فيصل : حسيت اني بسخن ونزلت اخذ حبه
ركضت منى وهي تحط يدها على راسه: لا يكون مرضت
فيصل: لا لا لا تخافين
منى: زين زين اجلس عشان تفطر
فيصل: لا لا بروح انام مالي خلق شي
ابو عادل :لا يكون جد مريض اوديك المستشفى
فيصل: لا لا بنام واصير احسن
طلع فيصل وهو في داخله سعاده كبيره بس بنفس الوقت يفكر كيف يوقف تفكير ابوه وعمته بزواج ابوه وصل غرفته دخل وسكر الباب وانسدح كان يبي ينام بس عجز من التفكير ما قدر ما قدر لازم يلاقي حل وبعد تفكير وصله لمرحلة الجنان وقف فيصل وهو يصفق طلع وركض لغرفة عادل فتح الباب وشاف عادل صاحي من فتره ومعاه نواف
عادل : فيصل مايقولون تعبان ونايم
فيصل: لا تزييف
نواف : ابوي تفركش زواجه
فيصل ضربه وهو يبوسه:ادري
عادل: شلون عرفت ع اساس نايم
فيصل : ليه انا نمت او قدرت انام
عادل: ليش
فيصل : كنت افكر كيف ادور حل اقطع فيها سالفة زواج ابوي
نواف : ولقيت
فيصل: يعني شي مؤقت لما نحصل شي ثابت
عادل : غرد غرد اصلا احنا عندنا شغله غير افكارك وتخطيطك
فيصل ضحك: عشان تعرف انه لما يفكر فيصل الكل يبطلون يفكرون
عادل : اخلص بس
فيصل : اول شي قولوا لي عمتي وين
عادل: جدي جاء له ضيوف وراحت لهم
فيصل ضحك : والبيت كيف لحقت تنظف شي
نواف:لا ما مداها
فيصل سجد وهو يضحك: الحمدلله دايما حظي معي ي رب ي رب لا تغير علي
نواف وعادل يناظرون فييه بتناحه وقف فيصل وقال: شوفوا عمتي ليش تبي تزوج ابوي
عادل :لا تستهبل انت تعرف
فيصل : ادري بس ابي اسمعها
نواف : عشان تجي وحده تشيل عنها كتف
فيصل : عال العال هنا مربط الفرس ليش ما نقوم كلنا وننظف البيت ونخليه يلمع ولا نجلس نخرب عشان عمتي ما تجي وماتتعب وتكنسل فكرة هالمره من راسها
عادل ونواف بصرخه وحده:وشوووو
فيصل ركض وهو يسكر افواههم : قصروا صوتكم وجع
عادل بعد يد فيصل : مين يتكلم فيصل انت قادر تشحن جوالك عشان تنظف بييت
فيصل تربع : والله ي اخوي الدنيا هاذي تجبرك تسوي اشياء غصب عليك وبعدين هذا شي موقت المهم نسكت عمتي فتره
نواف : فيصل صعبه
فيصل رفسه: مافيه شي صعب بنقدر يعني نحاول
عادل : شوف الفكره اوك لكن صعبه البيت كبير
فيصل : انتم ليش خوافين احنا ثلاثه كل واحد يمسك شغله بنخلص
عادل :اوووف منك
فيصل :يلا يلا بس قوموا
عادل ونواف ؛الحين
فيصل صرخ:ايه الحين وش عندكم ما عندكم شي جالسين كأنكم حريم
عادل: ايوه وبنقوم نشتغل فالبيت ونكمل الصفه
فيصل:هههههه مافيه مشكله يوم واحد تحول
وقفوا العيال بعد حنت فيصل اللي مايدري كيف يبي ينجح المهمه كانت جدا صعبه عليه وخصوصا انه انسان مايدل فالترتيب شي ابتدو يرتبون وينظفون وعادل بعكازته وفيصل عيونه حمرا من السهر بس ماعليه مصحصح ومشعلين السماعه وجوهم حوسه وحماس كانت حالتهم يرثى لها الارض كلها مويه وكل شوي واحد يطيح والادوات التنظيف بكل مكان وانواع الاصوات والازعاج
دخل ابو عادل وهو مصدوم قرب للسماعه وسكرها وهنا انتبهوا لوجوده : انتم شو تسوون ي خبلان
فيصل : ننظف
ابو عادل: خير وش عدا ما بدا تنظفون ومن طلب منكم تنظفون
فيصل : يعني شفنا عميمه مسكينه تتعب وقلنا نساعدها فالنهايه هي بشر وتتعب يعني احنا فاضيين نسوي شي مفيد
ابو عادل : مين يتكلم فيصل وش صاير لك مسخن فيك شي انت من متى عرفت الفايده او المساعده او حتى الترتيبب
فيصل :الله يسامحك يبه المفروض تشجعنا
ابو عادل : بعدين تعال مو ع اساس تعبان وبتنام
فيصل :نمت شوي وصحيت عجزت انام
ابو عادل : انا اقص يدي اذا ما وراكم سالفه
عادل: وش يعني بيكون
نواف : تعال ساعدنا يبه
فيصل وعادل :لا لا ما يصير انت ارتاح واحنا نسوي كل شي تبي شاهي قهوه
ابو عادل : مابي شي لكن استعجلوا ونظفوا هالحوسه
فيصل وعادل ونواف :ابشر يبه
ابوعادل :متأكدين مافيكم شي
فيصل وعادل ونواف : لا يبه
ابو عادل ؛ والله قلبي حاس من النغمه هاذي وراكم بلاوي
فيصل وعادل ونواف :الله يسامحك يبه
طلع ابو عادل اللي حاس انه فيهم شي طبعا وقف فوق وهو مصدوم من كمية النظافه بالغرف وبالاخص غرفة فيصل وقف على الدرج وهو يبي يسمع اذ فيه شي
فيصل اشر لهم وهو يدري ان ابوه فوق ودخل وهو يشغل السماعه وعلا الصوت وابتداء يترقص على الانغام ويشتغل ابو عادل ماقدر يفهم شي وقرر انه يدخل غرفته احسن مايتكسر بسببهم اما العيال اللي بعد تعب ومعاناة نظفوا البيت كله واثبتوا جدارتهم
فيصل وهو مرمي ع السرير: ااااه اااااه ي ربي رجولي وظهري
عادل: حسبي الله عليك رجلي رجلي تألمني
فيصل: ي شيخ ارتاح انت بس جالس وتمسح ماتعبت زينا
نواف : ظهري مكسور
فيصل: يالله يالله كيف يتحملون كل هالشغل تعبت والله تعبت
عادل :انت ضروري تتعب انت عمرك ما سويت شي كانك عروس
فيصل : اتكلم اتكلم براحتك وسب هذا عشاني متكسر ولا فيني حيل اقوم لكن انتظرني لحد ما تتشافى رجولي
عادل ضحك وهو يناظر كيف مرمين بالاسره وتعبانين جلس بجنب الشباك ولف وهو يناظر بيت عمه تذكر ريمان لف لفيصل ونواف :اقول بسألكم
فيصل وهو مغمض :وشو
عادل : ريمان بنت عمي
فيصل فتح عين وحده:وش فيها هالمجنونه
عادل : ابي اعرف وشوله ما تجي في الجمعات وليش دايم تتمشكل مع الكل
فيصل : وش عرفني روح اسألها وبعدين وش جابها على بالك
عادل : كذا امس اكتشفت انها ماتجي
فيصل : ياخي انا اشك انها مجنونه فيه مصيبه بعقلها
عادل: ليه
فيصل :مدري لكن مسويه ازعاج لهم فالبيت رائد يشتكي منها بشكل فضيع يقول شخصيتها تفجع شوي وتقلب ولد عليهم
عادل : والله كانت شزينها وش تغير
فيصل : وش دراني انا وبعدين انا لو ابوي مثل عمي قدني انتحرت
عادل لف وهو يفكر وش ممكن يكون السبب في تغيرها وليش اصلا تتصرف هالتصرفات اما فيصل ما اعطى الموضوع اهميه كبيره وغمض عيونه ونام ونواف مثله
ظيمنعظيمنع
ظيمنع
عند اديم اللي تجهزت ولبست هي ومروى وسهام عشان يطلعون يتغدون برا كانت اديم مؤمنه جدا بالصدف وانها ممكن تشوف فيصل بالاشارات بالمواقف بالمحلات بكل مكان وغالبا يغلب عليها خيالها وتحس انها شافته بالحقيقه كانت تراقب كل اللي بالمول وواضح انها تدور لاحد مروى: انا رايحه اجيب لنا قهوه تبون
سهام : ايوه جيبي
بعد ما راحت مروى لفت سهام على اديم :خير وين وصلتي
اديم :هاه ما رحت لمكان
سهام: اديموه ع بالك مو حاسه فيك من يومين وانا اشوف تغيير كبير ومن شوي نكلمك ونسولف معك ولا حولنا احد قولي لي من تدورين بهالمكان
اديم انخلع قلبها : مين بدور يعني ما ادور احد بس احاول اتذكر اسم المحل اللي روان جابت منه فستان مره عجبني وقلت اجيب واحد ونصير زي بعض
سهام: وليه هالحيره دقي على روان واخذي الاسم
اديم : دقيت بس ماترد قلت اقرأ واشوف
سهام شافت مروى جايه : لا تحسبين تقفل هنا مستحيل اخليك بس تروح مروى ونتفاهم
اديم سكتت وهي ماتبي مروى تدري لا لو شكت بتنشب لها لما تعترف وهي ماتبي تقول لاحد وصلت مروى ونزلت القهوه واديم تحاول تدخل معاهم بالجو عشان مايشكون زياده ظيمنعظيمنع

#يـــــتـــــــبــــــــــع...

10 - 1 - 2022, 08:15 PM

.... 31 .....

بعد العصر جات منى اللي خلصت من شغلها وع اساس تجي ترتب بيت ابو عادل لكن كانت الصدمه جدا جدا جدا قويه عليها يعني اول مره تدخل البيت وتشوف النظافه وريحة العوده والهدوء استغربت وقفت وهي تدور احد تقدر تقول انه هو سواها بس ماشافت احد تقدمت وطلعت لغرفة ابو عادل وشافته يلبس بيطلع كعادته
منى: طلال من اللي رتب البييت
ابو عادل:هههههه شايفه انتي
منى: اشوف شي عجيب بس مين
ابو عادل : هذولا العيال
منى: اي عيال لا يكون عيالك مستحيل مستحيل
ابو عادل: هههههه لو تدرين مين الداعم والمشجع للفكره واكثر واحد تعب تموتين
منى: لا تقول فيصل
ابو عادل اشر براسه بمعنى ايه وهو يضحك
منى مسكت راسها وجلست : طلال فيصل هذا له يومين مو طبيعي لايكون حاطين له شي بالدخان مسوي له مصيببه
ابو عادل : اعوذ بالله ي منى لا ان شاء لله بس لا تظلمينهم والله يحبونك ويبون يساعدونك من قلبهم والله
منى: ماقلنا شي بس قلبي يقول مو لله
ضحك ابو عادل وطلع اما منى اللي راحت لهم وشافتهم كلهم نايمين وطلعت بأستغراب
ظيمنعظيمنع
ظيمنع
عدا اسبوع وفيصل مصر على نفس الفكره وانه راح يوقف زواج ابوه ومازالت فكرة انهم يمسكون البيت قايمه وقيد التنفيذ رغم انهم يتعبون بشكل مو طبيعي لكن هاجس انهم يفقدون ابوهم بسبب زوجة الاب اللي الفكره عنها جدا معتمه وسوداويه
ومع كل التعب والكرف الا ان علاقة فيصل ب حنين( اديم ) صارت يوميه وغالب الوقت مع بعض لكن تحت سقف الصداقه
بالنسبه لفيصل لكن اديم كانت مشاعرها متضاربه بين صديق وحبيب وغالب الوقت يشطح بها التفكير وتقول زوج
عادل مازالت ريمان عالقه بباله ومصر يعرف ليه تغيرت
اما نسرين اللي كانت تنتظر الوقت اللي ربي يسخر عادل لها ويتزوجها
منى مازالت تدور عروس لكن إلى الان ما رسى اختيارها على احد
والبقيه نفس الحياه مستمره معاااهم
ظيمنعظيمنع
ظيمنع
في بيت ابو عادل كان فيصل وعادل ونواف كالعاده مجتمعين ويفكرون بحل قطعي للموضوع
عادل بتردد : يمكن انا لقيت حل
فيصل وهو ضام المخده وعينه بالسقف :وشو مع اني اشك انك تطلع بحل
عادل : بتتمسخر مانيب قايل
فيصل: خلاص قول
عادل : يعني مو المشكله وجود حرمه تشيل البيت
فيصل: ايه
عادل : زين اتزوج انا وينحل الموضوع
لف له فيصل بسرعه: وشو وشو عيد
عادل : اتزوج انا
فيصل ابتسم : وانت متصور ان زوجتك بتخدمنا مثلا
عادل : ايوه تخدمنا ليش ما تخدمنا
فيصل : ولنفترض ان الفكره مشت مين بتتزوج
عادل : ريمان بنت عمي
فيصل صرخ :ايييييش انجنيت انت
عادل : وشو
فيصل : انا داري انك حمار
عادل : وش فيك انبرشت علي
فيصل : مالقيت الا ريمان ريمان
عادل: شفيها ريمان بنت زيها زي غيرها
فيصل: هههههه بنت ي عمي تضحك على مين ريمان زي زي فيصل ظ¢ اذا جبتها لبيتنا اعتبر نفسك جايب ولد جديد صاحي انت احنا في مصيبه بيودينا لمصيبه ثانيه وقتها عمتي بتقول من جد نحتاج حرمه ترتبنا
عادل اتحطم : وش عرفك انت عنها
فيصل : استريح الله يخليك استريح قال ايش قال شعرفني ليتك ساكت
عادل سكت وهي يدري انه كثير بيعارضون هالفكره لكن ما بيستسلم
فيصل اللي عصب من فكرة عادل وهو اصلا ما اهتم لريمان ولا عليه يتزوجون او في حريقه بس يبي يحصل حل للسالفه
قطع كل هالنقاش دخول ابوه : سلام عليكم
الكل :عليكم السلام
ابو عادل : اسمعوني تعرفون ابو مشاري صح
فيصل: لا انا ما اعرفه
ابو عادل: ايه انت خلك على جنب العقال ما تعرف
فيصل لف :الله يسامحك بس
عادل: ايه اعرفه يبه وش فيه
ابو عادل : عازمنا على الشاليه حقه يعني يوم ونرجع بنروح له تجهزوا خلال ساعتين
فيصل :وش المناسبه
ابو عادل : من باب الصداقه
فيصل: خير ان شاء الله
نواف :الله ونااسه
فيصل ما اهتم لكن كان معتبرها فرصه يفكر فيها زياده طلع ابو عادل وتركهم وابتدوا العيال يرتبون شناطهم ما عدا فيصل اللي ما قام الا بعد طلعة الروح
ظيمنعظيمنع
ظيمنع
في بيت ابو محمد الكل كان مبسوط ويجهز ما عدا ريمان اللي كانت تكره هالتجمعات
نسرين : ريمان اجهزي ابوي يقول بسرعه
ريمان: ما راح اجهز رلا راح اروح
نسرين : ليش
ريمان: كذا
نسرين: ريمان تكفين لا تسوين مشكله وقومي
ريمان: مو شغلك ابعدي
نسرين : قومي معي يلا
ريمان : ابعدي عني
رائد : شفيكم
نسرين : ريمان ما بتروح
رائد : نعم وليش ما بتروحين
رييمان: مو شغلكم
رائد : ريمان عدلي لسانك احسن لك
ريمان : ريحنا بس

..... 32 ....

ام محمد : وش فيكم ليش طالع صوتكم
رائد: شوفي هالمجنونه شفيها ما تبي تروح
ام محمد : ريمان ليه يمه ما بتروحين
ريمان: ما احب مابي
ابو محمد من وراهم: مو على كيفك بتروحين غصب عليك
ريمان : انا مابي اروح مابي
ابو محمد وهو يوجه كلامه لام محمد : سمعيني ي مره عقلي بنتك والا والله والله لتحفر قبرها بيدها
ركضت ام محمد لريمان وهي تقول : طيب طيب
طلعوا الكل وريمان مصره ما تروح لكن بعد دموع امها قررت تروح وهي ما تبي وضايقه
ظيمنعظيمنع
ظيمنع
عند منى اللي اتجهت لبيت ابو عادل بعد ما جهزت اغراضها واغراض ابوها وزوجها ودخلت وهي تسمع الازعاج اللي صاير
منى: خير خير وش فيكم
فيصل : عميمه وين تيشرتي الازرق
عادل : عمه وين جزمتي
نواف : عمه وش اللبس
ابو عادل : ي منى وين الكابات
منى: صبركم علي خلوني اسمع
فيصل : شعليك عميمه كاشخه ومضبطه امورك وحنا بطقاق
منى: اسكت بس
ابتدت ترتب لهم اغراضهم وخلصت ومن بعدها انطلقوا بالسيارات كان فيصل ورائد وعادل ونواف بسياره وحده
اما محمد وزوجته وامه وريمان ونسرين بسياره
ومنى وسعيد راحوا بلحالهم وابو عادل وابو محمد والجد راحوا بسياره
ظيمنعظيمنع
ظيمنع
اما في شاليه ابو مشاري الكل كان يجهز والحماس والربكه في كل مكان والخدم منتشرين ام مشاري ومروى وام نوره وبناتها قضوا وجالسين بالصاله اما رويده واديم وسهام باقي ما قضوا مرت اديم وهي تركض : يمه كيف
ام مشاري :تهبلين يمه
مروى: خلاص كذا اوك
اديم ركضت لهم وهي تبوسهم ورجعت تاخذ جوالها وبعد شوي انتهوا سهام ورويده وانضموا لهم (الحلو بالموضوع ان لا اديم ولا فيصل يدرون انهم بيلتقون ولا احد منهم يعرف الثاني )
ظيمنعظيمنع
ظيمنع
عند العيال اللي كان جوهم جدا عليل وصوت الاغاني بكل مكان واللي يرقص واللي يغني وفيصل كان يفكر بحل لكن ما طلع معاه شي سحب جواله وهو يدخل سناب على طول شاف حنين ( اديم ) منزله سنابه صورة القهوه وعلقت (‌‏أذكرك في البال لا غنت نوال: إنت طيّب هذا هو إلي يهم.)
ابتسم وهو يحس انه المقصود صور سنابه وعلق عليها (خلنا مني وطمني عليك؟!!)
ضحكت اديم لما شافتها وردت ( انا بخير وانت)
فيصل (ههههههه معناته السنابه اللي نزلتيها لي)
اديم(ههههه لا مو لك)
فيصل( وليش ان شاء الله رديتي على سنابتي )
اديم( لانها لي )
فيصل( لا مو لك )
اديم (ههههه لا تستهبل لي انت رديت على سنابتي )
فيصل( معناته لي خلاص انكشفتي)
اديم (هههههه زين لك عطنا اخبارك)
فيصل ( ابدا طالعين شاليه )
اديم تعودت ما تقول لفيصل تفاصيل حياتها الحقيقه ( ماشاء الله يالله تتهنو)
فيصل( انتي وش جدولك )
اديم ( راح اقضيه نوم كالعاده)
فيصل (زين اطلعي مع صاحباتك اهلك )
اديم ( مابي ياخي بنام)
فيصل( اااخ لا تذكريني النوم لي اسبوع م انام زين)
اديم ( مو منك من لقافتك وش دخلك بشغل البيت انت)
فيصل( كم مره اقول السبب)
اديم ( امنا بالله انك ما تبي ابوك يتزوج جيبوا خدامه)
فيصل( ع بالك مافكرت فيها فكرت بس ابوي عنده فوبيا خدم)
اديم (ههههه يالله حالتكم مزريه )
فيصل( على الله بس المهم انا بروح وصلنا الشاليه)
اديم (زين فمان الله)
سكرت اديم وهي تسمعهم يعلنون عن وصول الضيوف ولا شكت انه ممكن يكون فيصل بينهم
ظيمنعظيمنع
ظيمنع
وصلو الشاليه وابتداء السلام والتعريف والكل كان رسمي بأستثناء ابو عادل وابو مشاري والجد اللي كانت علاقتهم جدا حلوه وسوالفهم ما تنقطع
في نهاية المجلس كان فيصل وعادل ماخذين وضع الحش وعادل على كثر ما ضحكوا مسوي نفسه مايعرفهم ومحمد مثله
كان مشاري يسولف ويضحك مع الشباب ويحاول يدخلهم في
جوه مايبي كذا رسميات
ومن هنا ابتدوا العيال ياخذون راحتهم وبدأت السوالف والضحك والفصله في كل المكان كان فيصل ورائد متصدرين
ظيمنعظيمنع
ظيمنع
عند الحريم جوهم كان غير كانت السوالف نار وبسرعه اندمجو وخصوصا ان منى لها علاقه سابقه مع ام مشاري اديم كانت تسولف مع نسرين وزوجة محمد وريمان اللي كانت منعزله تماما
كانت منى تسولف عن ابو عادل وعياله انشدت اديم لقصتهم وسمعتها تقول فيصل وتذكرت اسمه فيصل ال طلال وامه ميته وتقريبا قصتهم مثل قصة فيصل ضرب قلبها وهي ما تدري تصدق المعلومه او تكذبها فجاءه انخرست وهي خايفه ان فيصل هو نفسه فيصل ولد اخو منى جابت سهام السماعات وابتدوا الرقص والهيصه واديم مو قادره تحس بحماسهم وهي خايفه من انه يكون اللي بالها صحيح
انسحبت من بينهم وهي تكتب لفيصل ( فيصل انتم اي شاليه رايحين )
فيصل ( هههههه ليش بتجين)

.... 33 .....

اديم( ههههه لا مو كذا بس قبل شوي اخواتي يكلمون ابوي في شاليه نفسهم يستأجرون فقلت اسالك اذا اللي رحتوا له حلو نصير ناخذه
فيصل (اها لا هو مو ايجار هذا تبع واحد من اصحاب ابوي لكن إذا تبين فيه شاليهات حلوه ارسلك اساميها)
اديم حست انها بينغمى عليها ( زين اكتبي لي اساميهم الله يعافيك)
كتب لها الاسامي وهي ما تبي تكتشف انه هو ( هو عادي صديق ابوك يعطيكم الشاليه )
فيصل(لا هو عزمنا فيه يعني هو موجود )
اديم ( ماشاء الله كلكم رايحين حتى هاذيك عمتك شسمها)
فيصل ( ايوه كلنا حتى عمتى اسمها منى اشبك نسيتي )
اديم لطمت خدها وهي كانت تبي التأكيد منه حست انها خلاص فقدت الصبر ( هههههه ايه نسيتها يالله السلامه زين بروح اقولهم الشاليهات)
فيصل( موفقه )
سكرت اديم وجلست وهي مرعوبه ما عرفت تتهنى رجعت جلست وهي مرتبكه
سهام: وشفيك انتي وش صار لك
اديم :مدري انمغصت فجاءه
رويده:وش اكلتي
اديم :مدري
سهام: خذي فيفادول
اديم : زين
طلعت اديم ووقفت وهي تناظر الرجال اللي كانوا تحت بالجلسه طاحت عينها على فيصل اللي جالس ومتوسط ابوه وابوها ويسولف ويضحك ذبحتها الغصه وجلست وهي خايفه انها تتعلق فيه زياده ويكشفها انها اديم وقتها بتحط راس ابوها واخوها بالارض سكتت وهي خايفه من توالي هالشغله
ظيمنعظيمنع
ظيمنع
فيصل ماكان يدري ان ابو مشاري يصير ابو حنين ( اديم) ولا يدري بعد ان بعد هالاجتماع بتفشل كل خططه ويضيع من يده ابوه
ابو مشاري : ههههههه ي ملحك ي فيصل ويقول طلال انك بثر والله ي زينك
فيصل لف لابوه بصدمه: اجل انا بثر يبه انا بثر
عادل: انتهيت ي يبه
ابو عادل :هههههه لا لا انا اقصد شقي
فيصل : لا لااااااا والف لا خلاص ما يمديك ترقع وتسوي حركات خلاص انكشفت لكن الايام بينا والوعد قدام
الجد: امسحها بوجهي ي فيصل خلاص توبه
فيصل:ههههه ما نقبل واسطات
ابو مشاري : اجل تعويض
فيصل لف عليه بمزح:هاااه اي والله التعويض زين كم تدفع
ابو مشاري :كم تبي
رائد: فيصلوه ادبل الالف واقسمها
فيصل :هههههه لا ي حبيبي انا انسب وانت تستفيد
ابو عادل : وجع يالاثنين تساومون علي
فيصل: والله انت عارف اني طفران وعاطل والارزاق بيد الله بغض النظر عن الاسباب
ابو مشاري :ههههه تمت ي فيصل
طلع من جيبه الفين وهو يمدها لفيصل لكن جات له ردة فعل عنيفه من فيصل رفضها وقال انه يمزح
كان الجو حلو وهم مبسوطين ومرتاحين تعشو وبعدها الكل رجعوا لبيتهم بخير لكن اديم ما رجعت بخير كانت تصارع بنفسها خوف من ان فيصل يكشفها سمعت تنبيه رساله بالسناب فتحتها وكان فيصل يحكي لها عن جمال يومه ابتسمت انه استانس وحبت فرحته حيل كانت شابكه السماعه وهي تسمع اغنية نوال ( انت طيب ) وتقرا كلام فيصل وترد عليه
فيصل ما حس بتوتر اديم ولا عرف ابدا ورجع للبيت ورمى نفسه ونام وهو متجاهل كل شي
ظيمنعظيمنع
ظيمنع
من بكره الصبح في بيت ابو عادل لبس وجهز وطلع لدكان ابو مجيد وصل وبعد لكن طول ماهو يسولف لاحظ ان ابو مجيد مسرح وتعبان : ابو مجيد وش فيك ي رجال
ابو مجيد رفع راسه : والله ي ابو عادل انا سويت شي وحاس بالذنب
ابو عادل : خير وش مسوي
ابو مجيد : والله اني خايف اقولك وتزعل او تزعل فيصل
ابو عادل : فيصل وش دخله وش الموضوع قول حرقت قلبي
ابو مجيد : اوعدني قبل ما تقوله شي ولا تقوله اني قلتك
ابو عادل : ي ابن الحلال قولي وش مهبب هالخبل
ابو مجيد : اذكر الله مافيه شي بس اوعدني
ابو عادل ما حصل حل الا انه يوعده تكلم ابو مجيد وهو ضايق عمره ما كذب وهذا شي مو مريحه
ابو عادل :وشو وش تقول انت كيف تسوون كذا اصلا كيف تطاوع هالخبل
ابو مجيد : اسمعني ي طلال الولد جاني وهو خايف خايف ترجاني تقطع قلبي عليه ولا لقيت حل الا اني اطيعه
ابو عادل : وش اللي قطع قلبك معزر فيه انا معزر فيه
او مجيد : اسمعني ي طلال حرام عليك الولد مايبي احد غير امه يدخل بيتهم وخايفين يفقدونك مثلها
ابو عادل : ليش انا أهبل تلعب علي مره
ابو مجيد: تعوذ من ابليس ولا تنسى انك وعدتني ووعد الحر دين
جلس ابو عادل وهو وده يمسك فيصل ويقطعه ابو مجيد اللي خاف من عصبية ابو عادل وخاف انه يأذي فيصل
ابو مجيد: طلال الله يخليك مثل ما وصيتك ..
ابو عادل :زين زين ما راح اقوله شي ولا راح اخبره بس اوعدني ما تساعده في ذي الافكار
ابو مجيد : اوعدك بس اجلس الحين واشرب الشاهي
جلس ابو عادل وهو محروق قلبه من فيصل وابتداء يشك ان كل شي وقف بوجهه زواجاته من وراء فيصل

.... 34 .....

بعد شوي شال نفسه وراح البيت واتجه لغرفة نواف وهو ناوي يقرره بكل شي يسوونه فتح الباب وشاف نواف جالس يلعب بلاستيشن :نواف
نواف :نعم يبه
ابو عادل : وش تسوي
نواف : العب يبه
ابو عادل : زين وش رايك نطلع نتغداء انا وانت براء
نواف لف بسرعه وهو مستانس :موافق يبه موافق
ضحك ابو عادل : زين قوم اجهز
نواف :مابناخذ خواني
ابو عادل : لا خليهم ينامون
جهز نواف وهو مبسوط وطلع مع ابوه وصلو المطعم وجلسوا وطلبوا ابو عادل :نواف
نواف : نعم يبه
ابو عادل :انت عمرك كذبت علي
نواف : لا يبه
ابو عادل : زين زين اجل بسألك وانت ضروري تقول كل شي والا والله ازعل عليكم واطلع من البيت واترككم نواف انفجع: وشو يبه
ابو عادل : قولي كل شي يسويه فيصل وسواه عشان يمنعني من الزواج
نواف طارت عيونه وانمغص وحاول يكذب بس ابوه ما عطاه اي فرصه واعترف خوف من ان ابوه يتركهم ويروح وقتها فعلا يضيعون كان ابو عادل يمسع وهو مصدووم من الاجرام اللي صار غمض عيونه وهو مقهووور من كل ذا اللي صار وهو مو حاس نواف بخوف : يبه الله يخليك لا تتركنا والله حنا نسوي كل ذا عشانك
ابو عادل هز راسه : زييين رييين ما بترككم لكن من اليوم ورايح اي تخطيط يسويه فيصل تجي تقولي او اصلا انا خلاص بطلت اتزوووج
نواف :ان شاء الله يبه
ابو عادل : واي بعد توعدني ما تقول لفيصل اني سألتك
نواف : طيب بس انت لاتقول لفيصل اني قلت لك
ابو عادل : زين اتفقنا والحين يلا سم بالله وكل
نواف كان خايف ان فيصل يدري وقتها بيقضي عليه ماقدر يكمل اكله وبالقوه اكل
اما ابو عادل اللي كان يفكر ويبي يعرف ليه فيصل يزرع هالخوف في اخوانه ونفسه لكن قرر يسكت ويشوف النهايه
ظيمنعظيمنع
ظيمنع
عند عادل صحى ولبس وترتب ونزل شاف ابوه ونواف داخلين ومعاهم غداء : ي حي الله وين كنتوا
نواف :رحنا تغدينا
عادل : ماشاء الله خيانه رايحين تتغدون بدونا الحين اصحي فيصل واقول له
فيصل من وراه : ما يحتاج تصحيني انا موجود واشوف بعيني الغدر والخيانه
ابو عادل : عاد انت اخر من يتكلم عن الخياانه
فيصل نزل وهو يضحك وباس ابوه وهو يقول: ماعليه بنسامحكم دامكم جبتوا غدا انا جوعان حيل
عادل :وانا بعد
جلسوا عادل وفيصل وابتدوا يتغدون وابو عادل يراقبهم
ظيمنعظيمنع
ظيمنع
عند اديم صحت وهي تفكر تكمل مع فيصل او تقطع كل العلاقه بينهم لو انكشفت او تعلقت فيه بتصير عواقب الشغله وخيمه لفت بجنب وهي ما تعرف وش تختار سحبت جوالها وهي على امل انها بتحصل حل نزلت سنابه وهي ودها يطلع فيصل بحل من عفويته وعلقت (‏صرت عاده !وانا ماحب أتعوّد ‏أنت تدري ..ويش يعني صرت عاده يعني أعيش بـ وصالك ‏وأتجوّد ..خايف انك تروح وتروح السعاده.) نزلت ونزلت معها دمعة حيره وبعد كل ذا رمت جوالها وراحت تاخذ دوش ومنه تعدل افكارها وتهدي
ظيمنعظيمنع
ظيمنع
عند فيصل اللي كان منسدح بالصالون كان طفشان ويقلب ويقلب ماحصل شي يسويه اخذ جواله وصار يشوف سنابات الناس يضحك على نص ويسب نص ونص يعجبونه لكن وقفت به الساعه على سنابة اديم وانقبض قلبه منها خاف انها له وخاف انها تعلقت فيه ويخسرها وهو اللي لاول مره يشارك احد حياته الخاصه او يعطيه تفاصيل كثيره وهو صار يعتبرها صديقه مو حبيبه مارد ولا علق وهو خايف من الاجابه مشاها وهو يسوي نفسه ماشاف شي
ظيمنعظيمنع
ظيمنع
عند عادل اللي كان يفكر ومتردد في فكره يبي يفاتح ابوه بالفكره لكن بنفس الوقت خايف يرفض او يمنعه انسدح وهو يقول بداخله( طيب وش فيها اذا ريمان كذا طبعها وعدوانيه يعني اذا صارت كذا الكل يكرهها ) ابتسم لما مرت بباله ايام زمان وهي صغيره كانت جميله ورايقه وش اللي غير ما يدري وقف وهو مصر على الفكره واتجه لغرفة ابوه دق الباب ودخل وهو يشوف ابوه يقرا جريده : يبه ابيك بموضوع
ابو عادل نزل الجريده :خير وش فيه
عادل : خير ان شاء الله
ابو عادل : زين تعال
عادل جلس وهو مايدري كيف يبدا ابو عادل:عادل وش فيك محتاج فلوس محتاج شي
عادل :لا لا مو كذا يبه انا جيت اقولك نفسي اتزوج
ابو عادل نزل نظارته وهو يضحك بفرحه: اخيرا ما بغيت تنطق هالجوهره
عادل ابتسم
ابو عادل :ابشر بعزك الحين اكلم منى تجي ترص لك البنات رص وانت اطلب وتخير
عادل :لا لا مابي لا اطب ولا تخير انا البنت اللي ابيها جاهزه
ابو عادل ابتسم وهو يغمز له :لا مخطط وخالص هاه
عادل: هههههه تقدر تقول
ابو عادل :ومين هاذي اللي راضي عليها ربي
عادل بتردد:ريمان بنت عمي
ابو عادل سكت شوي يناظره:انت صادق
عادل: ايه ليش فيها شي ريمان
ابوعادل :لا حشى مافيها شي بس ريمان اصغر منك ونسرين موجوده اكبر منها
عادل : ي يبه مابي نسرين ابي ريمان حتى لو اصغر مني
ابو عادل :ليه وش فيها نسرين
عادل :وش فيها ريمان؟

..... 35 ......

ابو عادل :ريمان بترفضك بترفضك
عادل :نجرب
ابو عادل :مصر
عادل :ايه
ابو عادل : خلني افكر
عادل : لا تطول يبه طيب
ابو عادل : زين زين

قام عادل وطلع وهو حاس انها من بدايتها صعبه نزل وهو يشوف فيصل تحت بالصالون: غريبه ماطلعت
فيصل : مالي حيل
عادل :كلمت ابوي
فيصل: في ايش
عادل: ريمان
فيصل:لا حول ولا قوة الا بالله ناقصنا مجانين احنا هاه
عادل : فيصل مو شغلك
فيصل : وليش جاي تقولي دامك قضيت
عادل: احس ابوي رافض
فيصل: طبيعي بيرفض ابوي عجزان فينا باقي بتزيد عليه
عادل : فيصل لا تنكد علي
فيصل قام وراح جنبه:انت شفيك مصر عليها بينكم شي تحبها شي منا منا
عادل: لا بس اذكرها من زمان ونفسي فيها
فيصل بطرف عين : الله يسقي زمان انا اقص يدي اذا كانت خاليه
عادل :انت الكلام معك فاضي
طلع عادل وفيصل يحلم : الكلام معي فاضي انت قول شي مليان عشان تقول هالكلام بيروح يتزوج مجنونه ي سلام احنا يالله في ابوك وانت بتتزوج بعد
انتبه لرساله بالسناب من حنين ( اديم) ( غريبه ما نسبت السنابه لنفسك اليوم؟!)
فيصل ركد ( لانها اكيد مو لي )
اديم تحطمت (الحمدلله اخيرا فهمت هالنقطه)
فيصل ( ايه ابشرك )
اديم ( ماقلت لي اليوم اخبارك)
فيصل( عادي مثل كل يوم)
اديم ( مافيه خطه جديده)
فيصل( لا ما حصل تغيير)
اديم( شفيك مشغول)
فيصل( ليش)
اديم (اجاباتك مختصره)
فيصل(ايه عادل بجنبي)
اديم( زين اخليك)
فيصل ( في امان الله)
فيصل قال كذا لانه حس انها بدت تتعلق فيه وقال الاحسن اني ابعد شوي مايبي يكسر قلبها صح انه مايعرف عنها شي بس اسم انها شاركته همومه
اديم استغربت ردوده وتوقعت انه مشغول وماخطر لها انه هذا تفكيره
ظيمنعظيمنع
ظيمنع
في بيت الجد كانت منى جالسه مع ابوها وابو محمد وسعيد وهي براسها موال وبتغنيه
منى: اقول يبه
الجد: قولي ي منى
منى: امس لما كنا عند ام مشاري شفت اخت ابو مشاري مطلقه مامعاها عيال والله دخلت قلبي تمنيتها لطلال ذرابه وعقل وذوق ولو خطبنا مايردونا
سعيد: انتي رجعتي على طلاال اتركيه مسكين بحاله
منى: سعيد قل خير
الجد : يعني تبين تخطبينها لطلال
ابو محمد: افترضي انه ما وافق
منى:ماعليكم منه انتم بس قولوا وش رايكم
الجد: انا من ناحيتي اشوفهم ناس ماشاء الله عليهم كاملين والكامل الله
منى: مادام كذا خلوني اقول لطلال
سحبت جوالها والكل يدري انها اذ حطت براسها شي لو يتمزعون العالم كلهم ما احد يقدر يردها دقت على ابو عادل وقالت له يجي يتقهوى معهم ولا هي الا شويات وجاء
ابو عادل :السلم عليكم
الكل :عليكم السلام
منى:تعال تعال اجلس
جلس ابو عادل :خير وش عندك دام هاذي نبرتك اكيد زواج
الجد: هههههه بس خلاص هي حطت شي براسها يصير
منى:هههههه والله ودي له بالراحه
ابو عادل: اسمعيني ي منى اتركي الموضوع بعدين
منى: مافيه بعدين ما بقى بالعمر كثر ماراح
ابو عادل : ي بنت الحلال انا ماعاد لي نفس الزواج
منى : لك نفس لا سمعت مين العروس
ابو عادل: مين
منى: سهام اخت ابو مشاري مطلقه من سنين ولا عندها عيال لكن خذلك ادب وذوق وحشمه ورقه
ابو عادل :مين
منى:اللي سمعته
ابو عادل : لا لا لا مقدر اخاطر كذا
منى: وش تخاطر بتفجر فيهم انت بتخطب
ابو عادل : منى تعوذي من ابليس
ابو محمد :انت ليش معارض قلي ليش دام الادميه كامله والرجال صاحبك
ابوعادل : ياخي حتى لو هو صاحبي صعبه
منى: ماهي صعبه تكفى ي طلال لا تطيرها من يدك
الجد: ي طلال توكل على الله
سكت طلال بتردد وقال: ترا اخر مره اطاوعك واخطب اذا رفضوا حرام علي الزواج
منى:اعوذ بالله تفاءل خير ان شاء الله بيوافقون
الجد: انت وراك شي ثاني
ابو عادل اللي مايعرف يكذب ويخاف فيصل يدري ويسوي له مصيبه : انا فيه مشكله غير الزواج
الجد :وشو خير
منى: يمه وش صاير معك
ابو عادل :خير خير بس عيالي مايبوني اتزوج او بالاصح فيصل
منى: ليه وش قالك
ابو عادل : ماقال شي بس اكتشفت ان كل الزواجات اللي قبل خطبنا وانرفضنا او ماقدرنا نروح كلها بسبب فيصل
الكل :ايش
منى: وش مهبب مقباس الشر
ابو محمد : قلت لك انك مدلعهم ماطعتني
الجد: وش مسوي فيصل
ابو عادل ابتدا يروي لهم كل اللي سواه فيصل بالحرف وموقفين بس كانت كفيله تشلهم من الصدمه شهقت منى وهي مصدومه: حسبي الله على عدوه السوسه كل هذا سواه وشلون وش هالحيل
الجد: لا لا فيصل يسوي كل ذا
ابو محمد : ياما قلت لك ولدك ضايع وفلتان ماسمعت الكلام عجبك عجبك

10 - 1 - 2022, 08:16 PM

.... 36 ....

ابو عادل: اللي صار صار بس انه اذا عرف بالخطبه الجايه بيسوي كارثه
منى: يخسي والله لكسر رجوله خلني اشوفه
ابو عادل :لا لا ي منى لا تفكرين تقولين له وقتها بيولع نار ويخليها عليه وعلى اعداءه وانتي تعرفين فيصل
الجد : وشو بتسوي
ابو عادل :مدري
ابو محمد : زين زين اتركوه علي انا اصرفه المهم الموضوع بينكم ولا يطلع لاحد وانا ادبركم
منى: ابي اعرف وشوله يسوي زي كذا
ابو عادل تنهد بضيق : تعرفون انه متعلق بأمه حيل وتدرون وش صار فيه لما ماتت والحاله النفسيه اللي وصل لها وبالقوه قدر يطلع منها عشان كذا كان خايف يجي احد ياخذ مكان امه ويحمي كل شي لها بالبيت ويسوي كل اللي يسويه عشان ما احد ياخذ مكانها ومن دافع ثاني كان يحاول مايفقدني مثل امه
الكل سكت وتأثر من الكلام بس محد بيحس فيه كثر فيصل
ابو محمد : انتم تمموا خطبتكم بينكم واذا ردوا بالايجاب صرفت لكم فيصل وضبطته واذا رفضوا على الله كل شي
منى: ايه
الجد:وش قلت ي طلال
ابو عادل :اللي تشوفونه
منى: اليوم اليوم كلموا ابو مشاري وحددوا موعد
سعيد: انت ليش مستعجله
منى: ابيه يستقر بسرعه
ابو عادل : كلمهم يبه
الجد : تعال تعال اعطيني الرقم
قربت منى وهي متحمسه واعطت ابوها الرقم واتصل
ابو مشاري : ي مرحبا ي ابو طلال
الجد :هلابك ي ابو مشاري كيفك وش علومك
ابو مشاري:الحمدلله انتم كيفكم
الجد : على احسن حال كيف عيالك
ابو مشاري : الحمدلله
الجد : والله ي ابو مشاري انا باغيك في موضوع هو المفروض نزورك ببيتك لكن قلنا اكيد مانك بموجود وانت رجال مشغول
ابو مشاري : افا عليك ي ابو طلال مابينا ذا الامور
ابو طلال: الله يرفع قدرك بصراحه انا ناصيك بطلب منك الكريمه اختك لابو عادل وانت تعرف ابو عادل مايحتاج معلم
ابو مشاري تفاجئ : والله ي ابو طلال انت فاجأتني ونعم النسب والله وابو عادل اتشرف به وبنسبه لكن انت تدري ان الشور شور البنت خلني اشوف الاهل واخذ رايهم ونقول خير
ابو طلال: الله يرفع قدرك هذا شي ضروري وحقكم اخذوا راحتكم ومهما كان الرد ترا الصحبه وحده
ابو مشاري : اكيد اكيد مافيها كلام
ابو طلال : اجل انا مابشغلك وانت خذ راحتك
ابو مشاري :في امان الله
سكر ابو مشاري اللي كان مستغرب الطلب بس انها فرصه يأمن على اخته

اما ابو عادل كان عادي عنده ان رفضوا وان قبلوا ومنى اللي بتموت من الفرحه وهالمره نفسها حيل سهام تصير من نصيب ابو عادل
ظيمنعظيمنع
ظيمنع
عند فيصل جوه كان مش ولا بد ولا له مزاج طلع لغرفته وابتداء يحوس بأدراجه وحصل ذكريات كثيره كثيره وقف واتجه لغرفة ابوه راح لدولاب امه اللي كان على حطة يدها ماتغير فيه شي الا انه يتنظف كل جمعه فتحه وهبت عليه ريحة امه اللي اصلا عالقه في باله قرب وهو يضم جلالها دارت به الذكريات ولفت ودارت لكن رجع للواقع على صوت ابوه :فيصل
لف فيصل :هلا يبه
ابو عادل قرب :وش فيك ليش هنا
فيصل وعيونه تلمع: ولا شي يبه اشتقت اشم ريحة امي وجيت
ابوعادل كان يحاول يسهى وينسى بس فيصل ما نسى وكل فتره يرجع يذكرهم فيها ماعرف وش يرد غير انه تقدم لفيصل وهو يضمه : لله يرحمها
فيصل : امين
طلع فيصل وترك لابوه لخبطت الشعور اتجه لغرفته وهو فيه شي بداخله مايدري وش هو احساس صعب سكر الباب واتجهه لسماعات وشغلها وعلى الصوت للاخر عشان محد يسمع بكاه وقتها انفجر وهو ما يدري ليش ضايق لكن اللي يعرفه انه ضايق
ظيمنعظيمنع
ظيمنع
عند ابو مشاري رجع البيت وهو مبسوط بالخبريه واتجهه لسهام اللي كانت بغرفتها ودق الباب :سهام
سهام ركضت :هلا ابو مشاري
ابو مشاري : تعالي تعالي ابيك بموضوع
دخل وجلس وهو يقول :تعالي اجلسي
سهام جلست وهي متوتره ابو مشاري : سهام انا ي اختي كبرت والعمر يمضي وانا ابي اطمن عليك وامن قبل ربي ياخذ امانته وجلوسك كذا ما ينفع اخاف عليك من دورات الليالي بعدي وانتي تعرفين وش اقصد ي سهام انا جاني اليوم طلاب لك وشاريك والشهاده لله الرجال طيب اصل وسمعه وكريم وانتي تعرفينهم اللي طالبك مني ابو عادل اللي امس جاء لنا باالشاليه ولا تحسبينه كبير لا هو اكبر منك ب ظ¦ سنين
سهام : بس انا يا اخوي مابي الزواج
ابو مشاري :انتي لا تجاوبين بسرعه فكري وتمهلي والله يكتب اللي فيه الخير وتأكدي اني ما ارميك على اي احد
وقف ابو مشاري وطلع وسهام اللي كان الخبر بالنسبه لها نوعا ما مرعب جلست وهي ما تدري وش تسوي لكن قررت تروح لاديم وتاخذ رايها ظيمنعظيمنع

.... 37 ....

عند اديم اللي كانت جالسه على مسلسلها المعتاد وفزت لما فتح الباب : سهااام اشبك فجعتيني
سهام سكرت الباب : اديم احتاج مساعدتك
اديم : وش فيك
سهام: جالي خاطب
اديم رجعت انسدحت : وش الجديد
سهام : وجع قومي اسمعيني
اديم : نفس السالفه تحوسين وبعدين ترفضين
سهام : انتي ما تعرفين مين
اديم :مين يعني
سهام: ابو عادل اللي امس جاء اللي زوجته متوفيه وعنده عيال
اديم صكتها فجعه مو طبيعيه صرخت وهي تقول :ايييش
سهام :اشبك فجعتيني
اديم :مين عيدي
سهام : ابو عادل
اديم لطمت خدها لما تذكرت فيصل وحست برجفه بعظامها
سهام : اديم وش فيك
اديم :هااه ولا شي بس ارفضيه
سهام :ليش
اديم : بس ارفضيه صاحيه تاخذين واحد شايب وعنده عيال
سهام: بس مو شايب هو اكبر مني ب ظ¦ سنين
اديم طق عقلها: حتى ولو عياله كل واحد بشنب
سهام: شدخلني في عياله
اديم : انتي سمعتي عمتهم كيف قالت شقيين
سهام :وانا وش ابي فيهم ما بربيهم وبعدين الحلو انهم كبار لا بيأذوني ولا بأذيهم
اديم :الا بيأذونك سهام ارفضيه
سهام : انتي انهبلتي وش فيك عرقتي تراني فتحت السالفه
اديم مسحت وجهها وهي تقول في نفسها ( عشانك ماتعرفين وش المصيبه اللي بنطيح فيها كلنا ) : انفجعت
سهام: مدري بقوم استخير واشوف
اديم سحبتها: من دون استخاره ارفضيه
سهام : اووف اديم وش فيك عادي بستخير وبعدين وش مخوفك لذا الدرجه
اديم :ولا شي عشانك
طلعت سهام وتركت اديم غرقانه بخوفها ورعبتها وهي تفكر وش ممكن يسوي فيصل بسهام والاهم كيف بتكون علاقتهم
ظيمنع
ظيمنع
مرت يومين لكن مو اي يومين كانت لها فارق التفكير من جميع النواحي فيصل اللي كان فيه ضيقه ولكن مايدري ليش ضايق وصار له يومين طايح بفراشه ولا له خلق احد وحنينه لامه زايد بشكل فضيع ولا يدري وش السبب لكن خمن انه من طول المده اللي هي بعيده عنه او بالاصح يحس بالغربه من فقدها ويحس انه لحاله رغم وجود ابوه واخوانه وهالاحساس ما تجسد الا هالفتره
اديم اللي كانت ملاحظه غياب فيصل ومع ذلك خايفه من ارتباط سهام بأبو عادل اللي مو بس بيسبب حزازيات احتمال كبير تصير كوارث وهي اكثر وحده سمعت من فيصل نفسه عن اللي سواه ومستعد يسويه عشان محد ياخذ مكانها وقلبها معورها حيل من احتمال بعد فيصل وتغيير نفسيته كانت نفسها تفركش هالزواج او تقول لفيصل يفركشه بس ما قدرت ما جتها الجرأه وتكلمت ولا بتقدر وخافت من غيابه اللي يحط احتمال انه عرف عن الخطبه
ظيمنعظيمنعظيمنعظيمنع!
عادل كان شاغل تفكيره قصة ريمان ومصر الا يتزوجها ولو كلفه الامر اشياء كثير وينتظر ابوه يعطيه رد
ظيمنعظيمنع
ظيمنع
سهام اللي كانت طول الفتره تستخير واخيرا قررت وتوجهت لابو مشاري وهي تعطيه الرد اللي كان مرضي وجميل بالنسبه لهم
ظيمنع

ابو عادل كان مشغول باله على فيصل وبسالفة عادل واشياء كثير ومنها زواجه وكيف عياله بيتقبلونه وصله خبر عن الموافقه وفرح لكن خاف بنفس الوقت
ظيمنعظيمنع
ظيمنع
منى اللي كانت فرحتها بالموافقه مو طبيعيه ولا صدقت واستانست حيل بس اللي كان منكد تعب فيصل اللي مجهول سببه
ظيمنعظيمنع
ظيمنع
رائد اللي كان ما يطلع من عند فيصل ابدا الا اذا بينام او بيبدل ملابسه وكان يحاول يحاول قد مايقدر ما يدخل بيتهم اللي صار يغث والسبب مشاكل ابوه وريمان اللي انضم لها محمد بعد والكل تكاثر على ريمان اللي مرات يحسها مسكينه ومره ينكر تصرفاتها
ظيمنعظيمنع

اما نسرين اللي تعبت وهي تنتظر عادل لكن مصره تنتظر وتنتظر وهي ما تركت دعوه ما دعتها ولا رجاء ما رجته ربي عشانه وهي تشوف فيه الزواج الحبيب
ظيمنعظيمنع

في بيت ابو عادل وصلت من البيت وهي تشوف ابو عادل جالس بالصالون : طلال كيفك اليوم
ابو عادل : الحمدلله انتي كيفك
منى : بيني وبينك طايره من الفرحه بس أخذت حيلي فيصل كاسر خاطري وقلبي عليه نار
ابو عادل : ااااخ ليتني ادري وش علته
منى: انا بطلع اشوفه عنده احد
ابو عادل : لا رائد تو طلع
منى: زين انا طالعه
طلعت منى وقابلها عادل : عميمه وصلتي من زمان انتظرك ميت جوع
منى: زين ي حبيبي انزل وانا اشوف فيصل واجي نواف وين
عادل :عند فيصل
منى: زين انزل

كملت طريقها وتوجهت لغرفة فيصل فتحت الباب وشافت فيصل مسدوح ومغمض عيونه ونواف منسدح بجنبه وهو ضامه دخلت وقربت لفيصل وهي تحط يدها على جبينه: فيصل حبيبي
فيصل فتح عيونه بشويش : هممم
منى: تعبان ي حبيبي
فيصل رجع غمض : روحي تعبانه ي عميمه
منى : بسم لله عليك وش فيك ي حبيبي قولي ..

.... 38 .....

فيصل ماقدر يقول شي لما حس انه ضاق صدره
منى: قوم معي ي حبيبي قوم اكل شي انت تعبت نفسك
فيصل : مابي مابي شي
نواف : فيصل تكفى يلا قوم الله يخليك فيصل لا تسوي كذا لا تصير زي امي
فيصل هزه كلام نواف ولا قدر يرده وقف وهو بالقوه يسند نفسه ونزل معاهم تحت جلس وهو ساكت لكن داخله ما سكت لف يناظر البيت ونزل راسه بغصه
عادل : فيصل تعبان شفيك
فيصل :ولا شي اناظر امي
الكل سكت وما انكر انهم خافوا وكلام فيصل ابدا ماكان خير الكل صار يخاف انه يرجع لحالته النفسيه اللي مرت عليه بعد وفاة امه خصوصا انه صار يشوفها بكل مكان ويكلمها وكان حاس بعد هالايام يجي اللي يشغل هالاماكن ويمسح ذكرى امه
ابتدوا ياكلون وفيصل يواسي نفسه قد مايقدر
ظيمنعظيمنع
ظيمنع
عند اديم اللي سمعت بخبر موافقة عمتها على ابو عادل نزلت ركض من غرفتها لغرفة سهام فتحت الباب : وافقتي عليه
سهام :ايه
اديم :انجنيتي صح انهبلتي خلاااص
سهام: ليش انهبلت انا ماسويت حرام وبعدين جاء الوقت اللي اشوف فيه نفسي
اديم :اي تشوفين نفسك ي مجنونه انتي عارفه وش بتروحين هناك بتكونين خادمه له ولعياله هذا اذا ماعزروا فيك عياله
سهام: اديم افهمي الموضوع عياله كبار ومستحيل يتدخلون بحياتنا
اديم: هههههه ضحكتيني مهما كانوا كبار مستحيل يرضون ببديل لامهم
سهام: انا مالي شغل فيهم امهم ماتت من زمان وابوك يقول انهم طيبين وماعندهم مشكله
اديم : سهام الله يخليك ارفضي والله والله ما بترتاحين والله
مروى: اديم وش فيك عليها خليها براحتها
اديم لفت لمروى: ليش مانكم فاهمين هي بترمي نفسها بالنار
مروى: فسري
اديم ماعرفت وش تقول ولا عرفت كيف تفهم سكتت وهي ترفع شعرها بضيق وطلعت مروى: سهام سوي اللي مرتاحه له
سهام : اوك
طلعت مروى وتركت سهام اللي مرتاحه وعندها قناعتها خلاص
اديم رجعت لغرفتها بضيق وسحبت جوالها وكالعاده ماشافت لفيصل اي اثر رمت الجوال بضيق على دخلت مروى: أديم وش فيك وش يصير معك ليش كل هالتوتر
اديم :ولا شي بس سهام ما لازم تتزوج هذا الرجال
مروى: ايه ليش
اديم : لانها بتتعب
مروى: اديم هاذي مو حجه ابد ولا تخلين اندفاعك يضيع حياة سهام واتركيها براحتها وبعدين انتي لك فتره فيك تغيير دايما تفكرين وبالك مشغول وحاطه دوبك من دوب سهام وخطبتها
اديم :اوووف ي مروى وش بيكون فيني انا خايفه يتكرر طلاقها وتدخل ازمه
مروى: مابيتكرر بس انتي هدي
طلعت مروى وتركت اديم اللي فعلا ضايقه سحبت جوالها وفتحت محادثة فيصل وكتبت ( فيصل وينك يومين مختفي وهاذي غريبه )
ظيمنعظيمنع
ظيمنع
فيصل اللي كان بغرفته سمع تنبيه لف وشاف اسمها غمض وهو ماله خلق شي بس قرر يدخل ويتسلى شوي يمكن يقدر يطلع من وضعه( ولا شي بس تعبان شوي )
اديم ردت على طول ( ليش وش فيك)
فيصل( شوية سخونه )
اديم( سلامتك ما تشوف شر )
فيصل( يسلمك ربي اخبارك انتي )
اديم ( عادي مثل ما انا طمني عليك )
فيصل تردد فالكتابه بس قرر يفضفض ويقول ( تعبان ي حنين )
اديم انغز قلبها ( بسم لله وش فيك وش تاعبك )
فيصل ( مدري اشياء كثير احس اني ملخبط)
اديم ( اشياء مثل ايش )
فيصل ( حنيت لامي هالايام صايره ما تفارقني بكل مكان اشوفها تناديني وتكلمني طول المده اللي فقدتها فيها ما عمرها مرت علي بالكثره احس اني من كثر ما اشتقت لها وحنيت روحي تعبت حيلي انهد )
اديم تكهرب كل جسمها لما قرأت اللي انكتب غمضت عيونها وهي تحاول ما تبكي ومن هاللحظه اندفع في قلبها حنيه كبيره لفيصل ( بسم الله عليك فيصل عادي انت من كثر ما تشتاق وتفكر فيها صرت تشوفها بكل مكان وتحسها تكلمك عشانك تفكر فيها تحسها حواليك هاذي كل السالفه انت ارهقت نفسك ادري ان الفراق صعب ولا اقدر اواسي بكلامي بس صبر نفسك بالقران )
فيصل تنهد ( مابيدي حل الا اني اشتاق لها )
اديم ( فيصل تعوذ من ابليس انت عشانك مريض تحس انك محتاجها حيل لكن قوم توضى وصلي ركعتين وتشوف وش يفرق )
فيصل ( تهقين !!)
اديم ( اكيد يلا قوم )
وقف فيصل وهو يحاول يقنع نفسه باللي تقوله حنين توجه للحمام وتوضى وبعدها فرش السجاده وابتدا يصلي وهو يصلي كان يبكي حرة فراقها بعد ما سلم سحب المصحف وابتداء يقرأ ايات ومن بعدها غمض وهو يحس انه احسن سحب لحافه ومخدته وهو باقي مكان سجادته ونام لما حس انه ارتاح
ظيمنعظيمنع
ظيمنع
عند رائد اللي طلع من بيتهم وهو ضايق من نفس الموال شاف محمد طالع :محمد لين متى بتجلس على هالحال اللي تعل القلب

.... 39 .....

محمد :ليما تتعدل اللي داخل
رائد:ماراح تتعدل طالما انكم تعاملونها كذا وبعدين لها اسم بطل تناديها بهالاسامي
محمد : اسمعني عاد مالي خلق انت بعد هو ساس البلا الدلع اللي انتم مدلعينه
راح محمد وترك رائد واقف بضيق اتجه لبيت ابو عادل شافه هادي طلع فوق وشاف عادل ونواف يتابعون فيلم :سلام
عادل: هلا رائد تعال تعال
رائد: لا لا بروح لفيصل صاحي
عادل: اتوقع نايم
رائد:بشوفه
راح رائد وفتح الباب وعوره قلبه على منظر فيصل اللي نايم على السجاده وجهه احمر تنهد وهو يقول :الله يجبر كسرك ي اخوي
تقدم وهو يناديه بس مارد عليه طلع لعادل وناداه عشان يساعده يحملون فيصل لسريره اخذوه لسريره ولحفوه وسكروا النور وطلعوا
عادل :انا مدري ليش جالس يسوي كذا خايف انه ترجع له النفسيه
رائد:وانا بعد خايف ضروري نطلعه من هالجو
عادل: حاولت ماقدرت كل شي جربته بس مافيه فايده
رائد : انتظر لما يصحى انادي عساف ونغير جوه
عادل: ياليت تقدر
جلسوا يكملون الفيلم وشوي جاء الجد وابو محمد يشوفون فيصل وحصلوه نايم ورجعوا
ظيمنعظيمنع
ظيمنع
ع المغرب صحى فيصل وهو يحس نفسه احسن بكثير تنهد وهو يستغفر ربه سحب جواله وسيده على محادثة حنين وكتب ( الله ي شيخه يسعدك ويرزقك راحت البال من حيث لا تحتسبين )
سكر الجوال وهو فعلا بعد ما تكلم معها ارتاح اخذ دش ولبس وطلع وهو نفسيته زفت ب احسن من قبل طلع ونزل تحت شاف الكل متجمعين
منى:هلاا هلاا هلاااااا بهالزول
ابتسم بهدوء واتجه لها يبوس راسها وكمل للكبار ولما وصل عند جده سحبه وهو يجلسه بجنبه : لا لا ما معك حق تقطعنا كذا
فيصل :مو بيدي ي جدي
الجد: الا بيدك ي ابوي اذا حسيت انك مريض وتعبان على طول اقرا اذكارك صلي ركعتين حصن نفسك لا تستلم للمرض وانا اشك انك تعبان شكلك كذا بتودع العزوبيه
فيصل :ههههههه لا وين ي جدي
عادل:ايه اضحك من زمان عن هالضحكه
ابو محمد :هيا بعترف لاول اني فقدتك
ابتسم فيصل:ما تفقد غالي ي عمي
ابو محمد : وبعد هاه لك مني هديه
ابو عادل : بس جيت على الجرح وش هديتك
ابو محمد : دامك تحب الكشتات والسوالف الحلوه واحنا بعد دخل لنا البرد بخليكم تطلعون انت ورائد ومن يعز عليكم كشته وعلى حسابي من مجاميعها وش رايك
فيصل حس انه فعلا محتاج تغيير جو ابتسم وهو يتقدم لعمه ويبوس راسه :ما تقصر بس لا تعودنا على الدلع وتصدمنا
الجد: ههههههه لا لا هالمره مافيه صدمات
رائد: لو دارين من زمان ي فيصل صرعناك
فيصل: بتستفيد على حسابي
ابو عادل وهو يغمز: الايام دواره تتذكر وش سويت فيني
فيصل :هههههه نمزح يبه
رائد:وانا امزح افا عليك
ابتداء الكل يسولفون وفرحانين والكل منتبه مع فيصل بس عادل كانت عيونه تدور ريمان وشافها جالسه بصمت ولا نطقت حرف نزل عيونه ليدها الملفوفه بشاش واستغرب بس توقع جرح عادي
ظيمنعظيمنع
ظيمنع
عند اديم اللي كانت جالسه مع اهلها وهي ابدا مو راضيه على زواج سهام بس مضطره تسكت الكل كان فرحان الا هي وصلتها رساله من فيصل شافتها انبسطت حيل فيها حيل وردت بسرعه( وياك المهم ارتحت )
فيصل رد بعد فتره( كثير من جد ي حنين شكرا )
اديم( مافيه داعي لشكر احنا اصحاب )
فيصل( هههههه زين ي صاحبتي )
اديم ترددت وهي نفسها تقوله كل شي بس قلبها مو مطاوعها
مالقت حل تنطق باللي بداخلها غير انها تتجه لنفس العاده ونزلت سنابه بتعليق (‏من كثر ما ودي اسعد خاطره يمكن ‏لو في فراقي سعاده بـ اتركه وامشي !‏)
شافها فيصل اللي كان يحس بتعلقها فيه وكان خايف يتعدا معاها وخايف يحب ماعرف وش يعلق لكن صور وكتب تعليق جدا صريح لها (‏لا تحبنّي : مالي عهد انا . . ضحيّة عابرين ،‏يمكن / أحبك لـ الآبد ‏و يمكن أحبك ساعتين !)
كأن فيصل يقولها انه حبه مو مضمون لا تحبه ولا يبي يحب لانه يخاف من التعلق
ورجع نزل بعد كماله وكأنه يقولها انها صديقته اللي يثق بها (‏لاتحبني خلني أغلى صديق الصداقه اجمل واطول وامد ‏لو جمعنا الحب فرقنا الطريق ‏لو تصادقنا بقينا للأبد )
اديم قرأت سنابته وصلتها الرساله فهمتها زين بس خافت من فقد فيصل بما انه صار لها روتين يومي صعب بدونه فقررت تكمل معه بالصداقه اللي هو كتبها ويعنيها ابتسمت وهي تسكر الجوال ولفت وهي تسمع حكاويهم عن ابو عادل
ظيمنعظيمنع
ظيمنع
في اليوم الثاني وتحديداً في بيت الجد كانوا ابو عادل وابو محمد ومنى والجد مجتمعين
ابو عادل: انا مابي زواج مطنطن عشاء وباخذها وينتهي الموضوع
منى: وليش

.... 40 .....

ابو عادل :منى منى حرام عليك راعي خواطر عيالي شوي كفايه مايدرون وش ينتظرهم
ابو محمد : ي منى كلام طلال هو الصح عشاء وانتهى
الجد :انا بعد اقول رايي من راي طلال
منى: الله يهديك بس
الجد:وش بتسوي مع عيالك
ابو عادل :عادل ونواف يجون بالحكي بس فيصل صعب ومستحيل يوافق
ابو محمد :فيصل اتركه علي اذا طلع الكشته مع رائد سوي زواجك واذ جاء يكون كل شي انتهى
الكل لف لابو محمد بصدمه
ابو عادل :اتزوج وهو مايدري يمكن لو فهمته يفهم بس لو سويت كذا بيحرقنا
ابو محمد :ماعليك منه يومين بيزعل ويرضى وتنتهي السالفه ولا يخرب عليك كل عمرك
ابو عادل :لا كذا لا
منى: والله ي طلال كذا احسن هو اذا انحط امام الامر الواقع بيستسلم
ابو عادل : يبه وش رايك
الجد:مدري ي طلال
ابو محمد :توكل على الله وماجاك عندي
جلسوا ابو محمد ومنى على راس ابو عادل لما وافق وهو خايف من العواقب اخذ جواله واتصل على ابو مشاري وقاله الموضوع ورحب ابو مشاري بالفكره وقال ان ماعندهم اي مشكله وحددوا الزواج بعد اسبوع وكان مستعجل بلغ ابو مشاري سهام اللي ابتدت من لحظتها تجهز اللي تقدر تجهزه ومعاها مروى وام مشاري ورويده اما اديم نزل عليها الخبر مثل الصاعقه تسمرت رجولها ما تعرف وش تسوي كانت تقرا رسايل فيصل عن الكشته وان عمه تكفل بها وووو وعرفت انهم بيسوون الزواج بدون علمه والمسكين فرحان بالكشته انعصر قلبها عليه لفت وهي تسمع سهام :اديم تعالي معنا بنطلع لسوق
اديم لفت وهو ضايقه:لا معليش بنام شوي تعبانه
سهام:اديم بلا سخافه يلا
اديم :والله مالي نفس
حاولت سهام فيها وكانت اديم مجبره تروح لبست وهي اول ما حطت النقاب تخيلت شكل فيصل لما يعرف كل شي غمضت عيونها بقوه وهي تتعوذ من ابليس ركبت وهي تحاول تحبس دموعها
ظيمنعظيمنع
ظيمنع
اما فيصل اللي مر عليه عساف ورائد وطلعوا يجهزون للكشته ومنها يتسوقون شوي طول الوقت عساف ماسكت ويسولف لفيصل عن البنات والغزل وفيصل داخل معاه جو ومستانس اما رائد ماكان يعجبه كلامهم فكان مركز بالتسوق كانوا يحوسون بالمول ويضحكون وجوهم عليل
ظيمنعظيمنع
ظيمنع
اديم وصلوا للمول ونزلت وهي مصدعه استأذنت وقالت تبي تشرب قهوه تروقها اخذت طريقها وهي كل تفكيرها بفيصل غمضت بقوه وفتحت لما شافت ثلاث شباب ومن بينهم فيصل انصدمت مسحت عيونها وهي عبالها تتخيل بس طلع جد اتسمرت عيونها عليه شافته يضحك ومبسوط ماعرفت تتحرك ولا عرفت حتى ترمش
ظيمنعظيمنع
ظيمنع
عند فيصل وعساف اللي كانوا داخلين جوهم الخاص وهم يطالعون صور وفيديوهات حبيبات عساف ورائد واقف ياخذ لهم قهوه عساف انتبه لاديم ولف لفيصل ؛ فصووول فيه وحده متنحه هناك شكلها خاقه معك فرصتك
فيصل لف وهو يبتسم ولا تذكرها ولا عرفها بس شاف كيف متنحه ضحك وهو يأشر بيده :هااي
اديم انلخمت ولفت بسرعه وهي شبه تركض وسيده ع دورات المياه
اما فيصل وعساف انفجروا ضحك عساف : يوه واضح انها سبيكه
فيصل: ههههههه مصفوقه
رائد:حرام عليك انت وهو
عساف قرب له وهو يبوسه : ياحبي افهم احنا ماسوينا شي هي اللي تنحت
رائد:وما اشرتوا لها
عساف : شوف هاذي فطره فينا نحب البنات بس المحترمات محد يقولهم شي
فيصل سحب يد عساف وهو يوقع عليها بمعنى انه يوافقه الكلام ولف رائد وهو متنرفز من استهتارهم وكملوا تسوق
اديم اللي كانت تغسل وجهها مره واثنين وبعدها عدلت نقابها وطلعت وهي خايفه اتصلت على سهام وقالت لها انها تعبانه وبترجع البيت طلعت لسواق وسيده على البيت وهي مو مستوعبه انه جريئ لدرجة يغازلها بالمول وهو اصلا باين ماعرفها عرفت معنى كلامه لما قال اعرف كثير وعرفت بعد انه راعي بنات وكثير
ظيمنعظيمنع
ظيمنع
عند الشباب طلعوا للمطعم وكانوا مبسوطين ومستانسين بس رائد ماقدر يتجاهل اللي سووه ومايعجبه ونفسه لو يتركون هالموضوع
رائد: شباب ضروري تشوفون حل اللي تسوونه
فيصل لف وهو مقطب حواجبه:وشو وش سوينا
رائد: معجبكم حياتكم بين البنات
عساف: هههههه بس هذا عبالي عندك موضوع
رائد : وهذا مو موضوع
عساف قرب وهو يضحك: افا عليك هذا كل المواضيع ي لبى
رائد: عساف انا اتكلم جد مو حرام اللي جالسين تسوونه ببنات الناس
فيصل : لا احد يسمعك يقولون فجرنا وش سوينا احنا ترا كله مكالمات ورسايل
رائد : حتى ولو والله والله حرام
عساف : رائد لو اقولك اترك دوامك تتركه عشاني ما ابيه
رائد : وش دخل دوامي
عساف : انت وش تبي بدوامك ؟
رائد : انا انسان احتاج دوام .

11 - 1 - 2022, 04:37 AM

.... 41 .....

عساف :وانا انسان احتاج البنات مثل حاجتي لدوام
فيصل : انا عن نفسي أملي فراغ
رائد : تزوج طيب
فيصل : ههههههه حشى ما انت بصاحي
عساف : لو نقدر من زمان بس لا ظروف ولا الحال يساعد
رائد :مستانسين
فيصل : ي رائد اشبك انت احنا جايين ننبسط بعدين هالموضوع فارغين منه
رائد : والله انا خايف عليكم
عساف لف هو وفيصل على بعض بضحك وكإنهم فهموا بعض : ليش بيغتصبونا ههههههه
رائد : انا اتكلم جد عمى بعينك انت وهو
فيصل: ههههههه من ايش خايف
رائد:خايف عليكم من ذنوبهم او بالاصح خايف من دعواتهم عليكم
فيصل سكت وهو يناظر الاكل وعساف صرف الموضوع : الله وصل الاكل يا سلام الله الله
تنهد رائد وهو فاهم تصريفهم وسكت وهو يقول :الله يهديكم بس
كملوا اكل وهو يضحكون ويسولفون ويخططون
ظيمنعظيمنع
ظيمنع
في بيت ابو عادل كان ابو عادل وعادل ونواف بغرفة عادل
ابو عادل: انا جاي بكلمكم في موضوع لكن مابي اي حساسيات ابي منكم تفهموني واللي عنده اعتراض يقول ويتكلم
عادل : خير يبه وش صاير
ابو عادل : انا جبتكم انتم يالاثنين لاني ادري بتفهمون وفيصل بيصعب علي اشياء واجد انا ادري بكل اللي يسويه فيصل عشان يمنع زواجي واشياء كثيره صدمتني وما عرفت لها رد
عادل طارت عيونه بصدمه وتلعثم ونواف نزل راسه كمل ابو عادل : عشان كذا بقولكم اني بتزوج انت ي عادل رجال وعاقل وتعرف وش لك و وش عليك وشايف كيف حالتنا وحالة منى معنا وحياتنا متلخبطه من بعد وفاة امكم لا تحسبون اني ببيعكم عشان حرمه هذا مستحيل يصير لكن اللي ابيكم تفهمونه اني زواجي لصالحكم اكثر من انه يكون لصالحي والحرمه اللي بتزوجها مشهود لها بالاخلاق وبالسيره الطيبه يعني ما بتضركم ولا تشتتنا مثل ما انتم متوقعين بيتنا وانا وانتم كلنا نحتاج وجود حرمه تنظمنا منى تعبت وكبرت ولا عاد تقدر علينا واذا قلتوا لي عادل يتزوج ومرته تنظمنا عادل يعرف من بيتزوج ويدري انها مستحيل تنظمنا
عادل نزل راسه وهو مصدوم الخبر ومن كلام ابوه وكمل ابو عادل : انا ادري انكم خايفين من انها تأذيكم او تاخذني منكم او انها بعد تزرع بينا المشاكل بس اعرفوا ان هذا الموضوع مستحيل وادري بعد انكم ما عندكم اي مشكله اني اتزوج لكن الخوف اللي فيصل زرعه وكبره فيكم حكمكم وادري ان فيصل الراس المدبر للكل عشان كذا ابي رايك ي عادل رايك انت مو راي فيصل وانت بعد ي نواف
عادل كان مرتبك ولا يدري وش يرد هو ماعنده مانع زواج ابوه بس انه خايف تشتتهم وخايف بعد من ردة فعل فيصل
ابو عادل: عادل تكلم اسمعك
عادل بالقوه نطق :اكيد يبه ما عندنا مانع وهذا حقك ولا احد يقدر يمنعك بس قدر يبه مخاوفنا
ابو العادل : لا تخاف مخاوفكم فاهمها واحب اطمنك من الحين مستحيل يضركم شي
عادل : غير كذا يبه فيصل ضروري يقتنع بزواجك
ابو عادل : فيصل اتركوه علي ولا احد يجيب له سيره عن هذا كله سامعين وصدقني ي عادل لو تحاول انك تقوله لا يصير مصيبه
عادل: وش بتسوي طيب
ابو عادل : قلت لي ما عندك مانع
عادل :ايوه بس مين هي
ابو عادل :اخت ابو مشاري
سكت عادل وهو ماعنده رد غير انه متأكد ان المصايب بتنهل
ابو عادل :وانت ي نواف
نواف ناظر فيه بحيره وهو خايف لو قال لا يروحون ويتركونه :ماعندي مانع
ابو عادل وقف : زين عالعموم زواجي بعد اسبوع ولثاني مره احذركم من انكم تقولون لفيصل سامعني ي عادل وي نواف
عادل :ايوه
ابو عادل: اعطوني وعد
تردد عادل بس فالنهايه اعطاه وعد ونواف بعد وطلع ابو عادل وتركهم حايرين ومصدومين
نواف: عادل نقول لفيصل
عادل:لا اكيد انت سمعت ابوي واياني واياك تقول شي
نواف : طيب انا خايف منها
عادل: ان شاء الله بتكون كويسه تعوذ انت من ابليس
نواف : زين اخاف فيصل يزعل
عادل: مابيدينا شي
ظيمنعظيمنع
ظيمنع
عند فيصل اللي رجع وهو مستانس ومبسوط وطلع لغرفة عادل يوريه الاغراض اللي جابها وبعد يقنعه يروح معاهم
فيصل :سلااااااام
عادل ونواف: عليكم السلام
فيصل: خير وش فيكم على رؤسكم الطير
عادل:ولا شي هاه وش سويت
فيصل نط وجلس وهو يقرب لعادل : عيونك فيها شي مخبيها اعترف
عادل ضحك بتوتر: مافي شي السالفه اللي انت عارفها وابوي يقول متهور فيها
فيصل ضحك وهو يتشقلب ويرجع لاغراضه : قايل لك ما تسمع الكلام والله تهور مليون
عادل : على الله
فيصل :نوافوه وش فيك كنت تبكي
نواف : لا بس فيني نوم
فيصل : زين زين
جلس فيصل وهو يقنع عادل يروح بس عادل كان رافض مره ونواف بعد بحجة ان عندهم دوامات

.... 42 .....

طلع فيصل وهو مو حاس باللي يصير فتح جواله وارسل لحنين ( بكره طالعين كشته اللي قلت عنها يمكن انشغل شوي عنك لكن بعذري ي صديقتي)
اديم شافت الرساله وضاق صدرها على اللي يسويه فيصل ولعبه بالبنات وردت ( زين معذور وانتبه لنفسك )
فيصل( اكثر شي احبه انك تردين بسرعه)
اديم (هههههههه يعني اغلب وقتي فاضيه المهم بسألك شي )
فيصل( امري )
اديم( انت كم بنت تعرف في اليوم او في الساعه)
استغرب فيصل سؤالها بس مشاه وقال(وش طرا لك مو ع اساس سكرنا الموضوع )
اديم( لا بس جلست افكر كذا وطرا لي)
فيصل(عشان سؤالك قبل كنت فاليوم حوالي ظ¥ إلى ظ¦)
اديم( كيف قبل)
فيصل( قبل يعني قبل )
اديم(يعني قبل ايش )
فيصل(قبل اعرفك)
اديم(وش تغير)
فيصل( ولا شي انشغلت معك وماعاد لي وقت ادور بنات)
اديم تفاجإت برده كانت متوقعه يرد رد يطمنها بس كان بارد( اها زين انا اخليك)
فيصل( احسك هاليومين غير)
اديم ( يمكن مرضت)
فيصل( واي نوع من المرض )
اديم (الخساره)
سكرت جوالها وهي تبكي ماكانت ودها تشوف في فيصل صفات ما تحبها ولا كانت تبي تحبه ولا كانت تبي تتعلق وكانت تبي تكسر راسه بس هو اثبت كلامه لها
فيصل فهم ولا فهم بس قال ( وانا من يومين مرضت هالمرض وعرفت اني مو مهم)
ايقن فيصل من يومين انه عادي واقل جدا من عادي اثبتت حنين انه مو مهم هو اللي يفرض نفسه
اديم لما قرأت رسالته فرحت ايه فرحت انه عرف على نفسه بس ضاقت لانها ما تدري وش المصير ماردت وهي ما تدري وش ترد
بس فاجأه رد فيصل اللي يقول ( لا يضيق قلبك من الخساره الموضوع جدا عادي ونوقف ونكمل ولا ي صاحبتي)
ضحكت اديم وقالت( صح )
فيصل ( تعالي بوريك التحضيرات حقت الكشته )
ابتدا فيصل يصور لها كل شي ويطقطق ويضحك ويتفلسف مو عشان شي لااا بس عشان ما يحسسها بالخساره كانت اديم تضحك عليه وهي تدري وش مقصده وتعجبها عفويته وخفة روحه
ظيمنعظيمنع
ظيمنع
من بكره الصبح كان رائد متجهز وجهز سيارته وحماسه عالي وجوه رهيب من بدري وفيصل يجيب له الاغراض حماسهم كان حلو وكان ابو عادل يراقب فيصل وهو يدري بالقيامه اللي بتقوم اذا رجع رجع له فيصل ركض وهو يبوس راسه ورجع لرائد وحركوا
رائد: اشوفك متحمس
فيصل :بقوه متحمس بس في قلبي شي احس ماني متطمن
رائد: وشو له
فيصل : مدري احس في بيتنا شي مخباء ومجهول
رائد: مافيه شي بس توسوس
مروا على عساف اللي كان كعادته رايق و جوه فل : صباحهم عساف
فيصل: ههههه صباحك فيصل
رائد : صباحكم بيض
عساف : ههههههه يالله على طاري نبي نفطر ما فطرت
رائد:انت ما تفطر في بيتكم ابي يوم تقول افطرت
فيصل: ولا بيجي هاليوم هذا لو الدجاجه تبيض ببطنه بيقول انا جوعان وابي بيض
رائد:هههههه وانت صادق
عساف : شوف عاد من يتكلم حبيبي فيصلوه نسيت نفسك اللي مافيه فواصل بين الوجبه والثانيه لو بحلف انك تاكل الخروف كامل
فيصل لف وهو يكب عليه المويه : ي شيخ انت البلا كله .
ومن هاللحظه ابتدت الحرب بين فيصل وعساف ورائد اللي كان خايف لا ينقلبون ويصارخ عليهم ولا فيه فايده
ظيمنعظيمنع
ظيمنع
كان الاسبوع يمر ومروره يفرق عند كثير عند اديم كان يمر بطيء وسريع بنفس الوقت بطيء بسبب بعد فيصل وسريع لانها ماتبي سهام تتزوج طلال وكانت كل ما تكلم فيصل ودها تقوله وهي تحزن عليه وهو يقول احس فيه شي مو فاهمه كان شعور انهم يستغبون فيصل قاهرها ان فيصل ينحط مكان الغبي بس مو بيدها شي
ظيمنعظيمنع
ظيمنع
اما في بيت ابو عادل كان التوتر قايم من جهة عادل اللي كان شايل موضوع زواجه وزواج ابوه وفي نفس الوقت يفكر كيف بيتقبل فيصل الموضوع شد على راسه وهو يبي كل شي يعدي وينتهي
نواف اللي كان شعور الخوف يتملكه وخايف حيل من زوجة الاب
ومن التشتت
اما ابو عادل اللي كان هادي وهو يحاول يستعد لعاصفة فيصل اما منى اللي كانت فرحانه فرحه مو طبيعيه وتسعى وتجهز لزواج
اما البقيه كانوا ينتظرون يوم الزواج
ظيمنعظيمنع
ظيمنع
اما الشباب الي كانت كشتتهم بقمة الوناسه والفرحه كانوا عايشينها بكل دقيقه وثانيه بس بين فتره وفتره كان فيصل يقولوهم عن احساسه بعدم الارتياح بس كانوا يعتبرونه خوف لا اكثر ويغيرون الموضوع كان فيصل كل يوم يتصل على عادل ويسأله نفس السؤال ( عادل مخبين علي شي ي عادل قولي احتمال اقدر اتصرف ) بس كان رد عادل ( مافيه شي بس موضوع ريمان اللي ابوي رافضه) وعادل اصلا كان كاذب عليه ولا يبي يحسسه ..

.... 43 .....

"في زواج ابو عادل اليوم المنتظر بالنسبه للكل"المغرب "

في بيت ابو عادل دخل عادل ومعاه ملابسه وملابس ابوه ونواف وكان ساكت ولا فرحان ولا متضايق طلع لغرفة ابوه نزل الملابس : يبه هاذي ملابسك جهزت
ابو عادل وهو يحلق : يعطيك العافيه يبه اجهز انت واخوك عشان نلحق
عادل :زين يبه
ابو عادل: عادل وش فيك
عادل :ولا شي
ابو عادل : لا تضيق وتطمن
عادل :زين
طلع عادل وشاف بوجهه نواف اللي كان باين انه خايف : نواف وش فيك
نواف : خايف
عادل ( ومن فينا مو خايف): نواف حبيبي لا تخاف تخاف من ايش انت سمعت عمتي تقول انها مو سيئه وكويسه وماراح تأذينا وانا معك وابوي معك وفيصل بعد معك
نواف لف وهو ياخذ ملابسه وراح توجه عادل لغرفته وهو يلبس بضيق
ظيمنعظيمنع
ظيمنع
في بيت ابو مشاري كان مرتب بشكل لائق ومجهز كانت فيه كوشه بسيطه لسهام عن فرحتها كانوا الرجال بالمجلس والحريم كانوا كله عند الكوافيره واغلبهم قضوا الا اديم اللي كانت كل ما تتصلح تنزل دموعها وهي ضايقه وخايفه من بعد فيصل وموضوعها اذ انكشف ومن الضربه اللي بتجي فيصل من ابوه اول مايدري انه متزوج
ام مشاري :اديم وش فييك خلصيني
أديم :مادري يمه عيوني مدري شصار لها
رويده :لا يكون فيها حساسيه
اديم :يمكن
طلعوا كلهم ما بقى الا اديم ومروى وسهام سهام ما كانت معهم
مروى: اديم انت وش فيك كذا منقلب حالك
اديم:وش فيني
مروى:لا تكذبين اعرفك
اديم:والله مافيه شي بس ضايقه شوي
مروى: من ايش
اديم :متهاوشه مع روان
مروى: طيب ليش عمركم ما تهاوشتوا
اديم: موضوع تافه وانتهى
مروى: بحاول اصدق
سهام:بنات كيف شكلي
مروى: جميله
اديم :تهبلين
ظيمنعظيمنع
ظيمنع
تحت بالصالون وصلوا عايلة الجد ناصر وكانوا بكامل اناقتهم وجمالهم وكان الانسجام بينهم وبين عايلة ابو مشاري جدا جميل
منى كانت مع ام مشاري اما رويده وزوجة محمد ونسرين مع بعض وسوالف وضحك اما ريمان اللي كانت تناظرهم بجمود من دون اي انفعال وفي جهه ثانيه كانو ام نوره وعيالهم عايشين حش بالرايح والجاي بالاكثر على ريمان اللي كانت بالعه موس وساكته ولا تبي تشوشر العرس
نزلت اديم ومروى وانضموا لهم والفرحه كانت تعم الكل
ظيمنعظيمنع
ظيمنع
في مجلس الرجال كان ابو عادل وعياله وابو محمد ومحمد والجد واصلين ومعاهم الشيخ
ابو مشاري : وينه فيصل ما جاء معاكم
ابو عادل : فيصل ورائد طالعين كشته وبيجون بكره والا بعده
ابو مشاري :ليتهم جو
عادل بخاطره( لو جاء دفنك انت واختك بأرضكم )
ابو محمد : مالهم نصيب
الجد : خلونا نكتب الكتاب
الشيخ : بسم لله
ابتدوا يكتبون الكتاب وانتهوا ووقف مشاري واخذ الدفتر لعمته عشان توقع دخل وشافها بكامل زينتها :سهام خذي
اخذت سهام الدفتر ووقعت وهي مبسوطه سلم عليها مشاري وهو يبارك لها وطلع واخذ لهم الدفتر ونزلت سهام تحت على نغمات جديده والكل يذكر الله عليها وفرحانين ويرقصون ومبسوطين واديم اللي كانت ساكته وجامده وهي تدري انها لو تموت ما بتتزوج فيصل طالما ان عمتها زوجة ابوه خلاص
ظيمنعظيمنع
ظيمنع
عند فيصل اللي كانوا متجمعين كل الشله ونار وسوالف وضحك وشوي والرقص
مساعد : فيصلوه وينك اليوم مالك حضور
فراس :اللي اخذ عقلك يتهنى
فيصل ضحك : هههههه بالي مع اهلي
عساف : اقول فيصل انقز ذا العذر حفظناه
فيصل: اقول كمل رقصك بس
رائد راح له وهمس : فيصل وش فيك
فيصل:رائد والله فيه شي ليش ما تصدقوني
رائد:مو من شوي كلمتهم وتمام
فيصل:حتى قلبي حاس خلنا نرجع
رائد: اقول انثبر بس وش نرجع يومين ونرجع والامور طيبه انت بس توسوس
فيصل : تكفى ي رائد ماعاد لي صبر اجلس زياده
حاول رائد يمنع فيصل بس ماقدر وقال :خلاص بكره نمشي الحين مانقدر ليل
فيصل لف وهو نفسه يروح الحين
ظيمنعظيمنع
ظيمنع
في بيت ابو مشاري طلعت سهام مع ابو عادل اللي كان مبهور بجمالها ومرتاح لها وراحوا الفندق والبقيه دخلوا للعشاء
عند ريمان طلعت تغسل يدها وبعد ما خلصت شافت نرجس
ونوره جايين نوره بصوت مرتفع: اقول نرجس شفتي هالعايله قمه في الانحطاط وطماعين شفتي كيف ملابسهم وعوه
نرجس : شفت شفت حتى معقدين ي ربي
نوره: والله ما تدرين على ايش يرسمون
ريمان اللي مافيها صبر لفت وهي تقول :وشو عيدي
نوره :نعم انتي ي معقده
ريمان سمعت الكلمه والا ماسمعتها انطلقت مثل المجنونه عليهم وخذ لك هوشه تجمعوا عليها كل الناس خدم وحريم والرجال كانوا يتعشون وفزوا على الصراخ وكانت هوشه هوشه مو اي هوشه
اديم كانت مرعوبه من ريمان وقفت بعيد وهي خايفه

.... 44 .....

بس بردت قلبها في نوره ونرجس اللي ما تطيقهم بالقوه بعد تدخل عنيف بعدوا ريمان ونوره ونرجس وهم حالتهم حاله وريمان بكل قوتها
ام نوره :عمى بعينك ياللي ماتستحين صدق انكم قليلين حياء ومتطفلين
ريمان: اقول ابلعي لسانك لصفك مع بناتك
منى: بس ي ريمان بس
ام مشاري : معليش ي جماعه امسحوها بوجهي
ام محمد :احنا اللي اسفين ونعتذر مليون مره
ريمان:ليش نعتذر هاه مو هم اللي غلطوا
نسرين: ريمان خلاص
لفت ريمان وطلعت وهي تلبس عبايتها وتسب وتلعن وطلعوا وراها عايلة الجد كامله وهم متفشلين من فعلة ريمان
وعايلة ابو مشاري متفشلين من فعل بنات ابو نوره اللي ما قصروا بأحد
ام مشاري : ي فشلتنا ي فشلتنا وش بيقولون علينا
اديم: قلت لك يمه هالحقيرات لا تعزمونهم ما طعتي
رويده: بس ادبتهم هاذيك البنت
مروى: انا اشوف كلهم همجيات
اديم :لا ي حبيبتي ريمان مو همجيه بالعكس كانوا يستاهلون هالضرب
رويده: صادقه اديم
مشاري وابو مشاري: خييير خييير وش صار
اديم فزت وهي تجلس بينهم وتحكي كل السالفه من إلى تحت ذهولهم باللي صار وفشلتهم
مشاري:وهذول ما يتركون حركاتهم
ابو مشاري:لا حول ولاقوة الا بالله
مشاري : وش صار على البنت
اديم:ماصار لها شي الذيبه كسرتهم ولا قدروا حتى يخمشونها
ابو مشاري :وانتي ليش فرحانه
اديم : والله يبه انت تعرف بنات اخوك
ابو مشاري قام وهو ضايق وطلع واديم على رغم ضيقها الا انها فرحانه
ظيمنعظيمنع
ظيمنع
اما ريمان المسكينه اللي وصلت البيت و وصل معها عذابها نزل ابو محمد اللي كان معصب وهو يسحب ريمان وام محمد ونسرين يلحوقنه ببكى وكان عادل يناظرهم بفجعه كيف يسحبها كان بيتدخل بس بأي حق وقف وهو يسمع صوت ضرب ابو محمد وريمان مالها صوت سكر باب بيتهم عليهم واتجه هو ونواف لبيتهم اللي ماكان فيه احد وهو ضايق على ريمان اللي عرف سالفتها من عمته
ظيمنعظيمنع
ظيمنع
ابو محمد اللي رمى ريمان اللي معبيه بكدماتها وهو يقول :اخر عمري اطلع على مضارباتك مع بنات الناس اخر عمري
ريمان: وبرجع وبضرب ولا بفكر
رجع لها ابو محمد وضربها وطلع تحت ترجي ام محمد اللي كانت تبكي ركضت نسرين لريمان اللي كانت ميته من الضرب وجات بتساعدها بس دفتها: ابعدو عني الله ياخذني وارتاح
اتجهت للحمام وهي تترنح وقفلت الباب وبدأت نوبت بكيها الصامت
ظيمنعظيمنع
ظيمنع
عند ابو عادل اللي شرح لسهام نمط عيشه وعيش عياله وحياتهم بأختصار وكرر عليها عياله وانهم اهم منه وشرح لها بعد حالة فيصل وعدم تقبله لزواج وقال تصبر عليه شوي لما يتعود كان ابو عادل كثير الوصايا وكان رد سهام (اابشر )
ظيمنعظيمنع
ظيمنع
من بكره الصبح ابتدو فيصل ورائد وعساف بالترتيب لرجعه وبعد عناء جمعوا كل شي ومشوا
عساف : فيصل ي نفسيه انت وشو له مطلعنا بدري والله كنا مستانسين وفرحانين
فيصل : عساف وعله وعله عليت قلبي كم مره اقولك اني ماني مرتاح
رائد وعساف :وسواس بس
فيصل :تراهنون
عساف :نراهن ترا انت صاير توسوس
فيصل: زين زين نشوف من اللي يوسوس مع اني ماني مرتاح لطيبة ابوك ي رائد واحس الكشته هاذي وراها مصيبه
رائد: ياخي انت ليش نظرتك لابوي سوداويه صح انه شديد بس والله يحبك ويخاف عليك لمره بس اوثق فيه
فيصل: معليش ي رائد ثقتي فيه زيروا وبثبت لك كلامي
عساف : مع اني ما اعرفه زين بس مرتين كنت انتظر فيصل فيها ماقصر معي اعطاني كلمتين بالعظم مانسيتها للحين
رائد:ما تعرفونه زين
فيصل : يا شيخ بتشوف
كملوا طريقهم اللي كان شوي طويل
ظيمنعظيمنع
ظيمنع
في بيت ابو عادل اللي جاء وكان بنتظاره عياله ومنى والجد سلم وهو باين انه بخير وجوه عالي كان يعرف سهام على عياله وعياله عليها وكان الرسميه سايده لكن منى تحاول تلطف الاجواء واخذت سهام فرجتها على البيت ووقفوا عند غرفة فيصل وكانت منى متردده في انها توريها :هاذي غرفة فيصل
سهام:اها
منى: ايه وفيصل عنده طبع شين مايحب احد يشوف غرفته عشان كذا مابنقدر ندخلها
سهام؛ مو مشكله
نزلوا تحت وجلست سهام بجنب نواف لان ابو عادل وصاها حيل عليه: نواف كيفك
نواف بجمود : الحمدلله
سهام: سنه كم تدرس
نواف :سادس
سهام: حبيبي انت وكيف الدراسه معك
نواف :ماشيه
سهام: موفق حبيبي
عادل كان يناظره وهو يقول بخاطره(هههههه والله دامها كذا وبذا الشكل لينسحب علينا الله يجيبك ي فيصل تشوف هالمصيبه )
كانوا يسولفون وعادل يفكر وش صار مع ريمان امس تمنى لو يدري وش صار معها طلع من البيت وقف شوي يناظر بيتهم ورجع لما نادوه للغدا وماقدر يعرف وش صار ..

..... 45 .....

عند فيصل اللي وصل ونزل وهو معاه اغراضه
رائد : فيصل تراك عند وعدك اذا مافيه شي الف ريال
فيصل: درينا ي اخي درينا
رائد: شوف انا يمكن اعفيك بس عسافوه ما بيعفيك يموت على الريال
ضحك فيصل: هذا اذا كسبتوا دخل فيصل وهو معاه شنطته وجاكيت وحوسه لاخر شي سمع اصواتهم وسمع صوت جده يضحك وركض لصالة الطعام وهو يقول : سلاااا... انقطع كلامه لما شاف الشخص الغريب اللي جالس بالسفره وكانت (سهام) مو بس انقطع كلامه انقطع نفسه ورمى اللي بيده وهو يحاول يشوف اذا هي عمته بس لا عمته فيه طيب خالته هاذي مو خالته راحت عينه بسرعه على عادل وسأل وهو يبي اثبات : من هاذي
عادل تنح وماكان متوقع انه يرجع بدري كذا وقف ابو عادل وهو يقول : فيصل تعال معي
فيصل ابتسم بهمس:عادل اكلمك
ابو عادل راح له وهو يمسك يده :تعال انا افهمك
فيصل سحب يده بقوه وهو يصرخ :عادل انا اتكلم من هاذي
عادل نزل راسه وهو يقول : زوجة ابوي
غمض فيصل وهو يشد على اسنانه: كنت حاس والله كنت حاس والله كنت ادري بيصير شي كنت ادري الكشته هاذي وراها بلا ومصيبه
الجد : فيصل تعوذ من ابليس وافهم
فيصل :ماابي افهم ماابي ابي بس اعرف متى صار كل هذا وانا وين انا وين ..
لف لعادل : كم مره قلت لك وكم مره سألتك وكم مره كررت قلت لك ي عادل اذا فيه شي قولي ولا تكلمت راضي عن اللي سويته الحين خلاص رخصنا عندك
ابو عادل :فيصل كلامك معي انا
فيصل : انت بالذات مابي اسمع منك الا عذرك قولي وش عذرك بزواجك وش عذرك
ابو عادل : فيصل اشياء كثير تكتب لي اعذار
فيصل : قول قولي وش ذا الاشياء
ابو عادل : تعال الغرفه الثانيه
فيصل : ما راح اتحرك من هنا قبل افهم هالمهزله
منى:استحي على وجهك وش مهزلته
فيصل كان صراخه معبي المكان: الله يخليك الله يخليك ماني متحمل نقاشك كل اللي صار من تحت راسك
ابوعادل : احترم عمتك ي ولد
فيصل: ابي اسمع اعذارك وهنا
ابو عادل ما حب يكبر السالفه ويخسر راي فيصل فقال بهدوء: اولها كلها البي...
قاطعه فيصل وهو يصرخ : البيت البيييت البييييييييت هذا عذر فاشل اخترعته انت وعمتي وصدقتوه البيت مافيه شي مافيه شي خمسه سنين عشناها ولا احلى والبيت ماصار له شي الحين صار فيه شي
عادل: فيصل لا تقاطع ابوي
فيصل لف له :انت اسكت اسكت لحالك قصه وحكايه
ناظر ابوه وهو يقول : هانت عليك امي واستغنيت عنها واخذت بدالها هاذي اللي ما تتسمى
منى: فيصل اقولك احترم نفسك
فيصل: فيصل وفيصل وفيصل وكلكم ماقدرتوا تواجهون فيصل ودبرتوا كل شي بعدتوني ولعبتوا براحه ..
ابو عادل :اسمعني عاد لا تلعب دور الحكم وانك المتحكم ان بعدتك بعدتك عشان ما اكسر بخاطرك والا خوف ماني خايف منك وزواج بتزوج رضيت والا ما رضيت
فيصل: ماني حكم لكن بعد ماني ناكر عشره ومالي قعده بهالبيت
لف لسهام وهو يناظرها من فوق لتحت وقال: لنا لقاء ي والا ماني قايل الايام بتقول
سحب شنطته اللي جاء فيها ووقف وهو مقهور ناظر عادل بطرف عين: علموك تخبي علي براع¤و ي عادل براع¤و الله يهنيكم بأمكم الجديده
طلع وصفق الباب وراه وهو كان يشوف ابوه انكر عشرة امه وتخلى عنهم كان الشيطان يلعب براس فيصل وكان مقهور وقف وهو مايدري وين يروح رمى شنطته وهو ضايق واخذته رجله للمكان اللي يدري انه بيضمه وقف فوق قبر امه بقهر جلس وهو يقول : انا اسف يمه اسف والله ماكان عندي علم ادري اخلفت وعدي وادري انك زعلانه بس والله ما عندي خبر تكاثروا علي وابعدوني لكن انا اوعدك انا اوعدك اني انكد عيشتهم عليهم وانا فيصل ولد فدوه
وقف فيصل ولف وهو حط براسه ينكد عليهم يعني ينكد عليهم
وقف وهو يفكر وين بيروح وهو ما معه فلوس يستأجر فندق فكر يروح لخالته بس تذكر انها طالعه لأهل زوجها طرا له مكان واتجه له وقف وهو يدق الباب وسرعان ما انفتح : فيصل
فيصل ابتسم : مو قلت لك ي عساف والله حاس
عساف انخلع قلبه :وش صار وش اللي جابك
فيصل : تضيفني عندك
عساف :افا ي اخوي صدر البيت لك والعتبه لنا
ابتعد عساف وهو ياخذ له طريق واتجه هو و فيصل للمجلس
عساف : فيصل قول وش صار
استند فيصل على التكايه وهو يتنهد : ابوي تزوج
جمدت ملامح عساف :من جدك متى وكيف متى امداه
فيصل : كنت اقولكم فيه شي ببيتنا وانا ما اعرفه طلعوا كلهم متفقين وصرفوني انا ورائد وتكاتفوا وزوجوه
عساف :وعادل وينه نواف
فيصل: عادل سحبوه بصفهم ونواف ما شفته لما جيت
عساف : وينه
فيصل: مدري قلبت الدنيا وطلعت
عساف: وش بتسوي
فيصل كان بيده مسبحه شدها بقوه وانقطعت وطاحت كلها : بفكر
عساف كانت عينه على المسبحه وعرف ان فيصل وصل حده من الحقد :فيصل انتبه في النهايه اهلك
ضحك فيصل : لا تخاف ما تجردت من انسانيتي
ضحك عساف : زين زين اجل خلني اقوم اجيب لك غداء
فيصل: لا تجيب ولا شي بس عطني الدخان
رمى عليه عساف البكت وطلع يجيب اقل شي شاهي شعل فيصل زقارته وهو يفكر وش بيسوي لكن قبل كل شي بيتطمن على نواف سحب جواله ودق على نواف اللي رد بسرعه : فيصل
فيصل : نواف وش فيك
نواف : ليش رحت
فيصل : ليه ي نواف ما قلت لي ليه راضي باللي صار
نواف :والله فيصل ابوي قال اذا تكلمت بيتركنا ويروح وانا خفت كنت بقولك بس رفض
جفيصل: متى تزوج
نواف :البارحه
فيصل :ومن تكون
نواف : شفت هذاك ابو مشاري اخته
فيصل فز :وشوووووووو
نواف : اييييه
فيصل : اااخ وينهم الحين
نواف : تحت ابوي مره معصب وجدي انخفض عليه السكر وعميمه مره مولعه
فيصل : زين نواف ابيك تقول كل شي يصير بالبيت حتى لو خوفوك سامعني
نواف : زين بس تكفى فيصل ارجع
فيصل: يصير خير خلني ارتب اموري واشوف انتبه لنفسك من هالعقربه
نواف : زييين
سكر فيصل على دخلت عساف :مو قلت لا تجيب شي
عساف:مو شغلك ازحر وانت ساكت امي حلفت يعني لو رفضت بتجي تمصع كتوفك بعصاتها
نزل راسه فيصل بأسى : الله يخليها لك ويرحم امي
انتبه عساف انه زل وقرب وهو يقول :الله يرحمها ويلا اشرب ترا هالشي ما تحصل مثله بالبلاد كلها
فيصل ابتسم : زين ظيمنعظيمنع

#يـــــتـــــــبــــــــــع...

11 - 1 - 2022, 04:39 AM

.... 46 ....

في بيت ابو محمد دخل رائد واتجه لغرفة خواته وشاف امه عندهم دخل وهو يسلم لكن هالمره انصدم بحال ريمان اللي طايحه وهي مليانه كدمات ويدها ملفوفه ركض برعب : ريماان وش فيك وش صار
ريمان صدت وهي تحاول تمسك دموعها لف رائد على امه : يمه
نزلت امه راسها تبكي وفهم انه ابوه وقف بغضب :وين ابوي
نسرين :تحت
نزل رائد وهو معصب : يببببببببه يببببببه يبه وينك
ابو محمد : وحطبه وش فيك تصارخ وبعدين متى جيت
رائد : اتركك مني يبه ليش مسوي بريمان كذا حرام عليك يبه حرام خاف الله باللي تسويه بهالمسكينه وش سوت عشان يصير لها كل ذا قولي
ابو محمد :وقطع بصوتك ي قليل التربيه تكلم ابوك كذا عمى بعينك
رائد : يبه الله يخليك تفهمني وش مسويه عشان تسوي كذا ي يبه الدنيا ما تجي بالضرب والقوه خاف الله من ذنب هالبنت لا تدمرها بقسوتك
سكته كف انطبع على خده بقوه غمض وهو يقول : بتعيد نفس الغلط معنا كلنا لما يجي يوم ما بيبقى معك الا الجدار
ابو محمد سحبه من ثوبه: من قالك اني بحاجتكم هاه ولا تحسب انك بتفرض رجولتك علي سامعني اللي سويتك وانا اللي ارميك سامعني
رائد : لكن انا مستحيل اسمح لك تكمل عليها
سحبه ابو محمد وهو يرميه برا البيت : انت اذلف برا بيتي ومالك شغل فيني لو احرقها وبيتي يتعذرك
صفق الباب بوجهه وتركه طايح وقف رائد وهو مقهور ونفسه يساعد ريمان اللي مايدري بأي سبب وصل فيها لذا الدرجه
اتجه لبيت عمه يبي يشوف مع فيصل حل لهالمصيبه لكن تفاجاء لما دق الباب وقالت له عمته ارجع فيه حريم استغرب وقال يمكن خالتهم :عميمه ابي فيصل
منى: فيصل مو هنا
رائد:وين راح
منى: ما ادري عنه مادري
استغرب عصبية عمته ولف وهو مايدري وش صاير لكن توجه لبيت عساف يمكن يحصل معه حل وصل ودق الباب فتح عساف : وانت بعد وش صاير معك
رائد:ليه من غيري
عساف :فيصل وواضح انه كسب الرهان
دخل رائد بأستغراب واول ماشاف فيصل اللي كان جالس ودخان الزقاره محاوطه من كل مكان كح بكتمه وتوجه لفيصل وهو يسحب الزقاره ويطفيها: خيير وش فيك وش صار
فيصل: ليش طفيتها
رائد: وش فيك
لف فيصل بضيق : اعطيني البكت
عساف تكلم بدال فيصل اللي ابتدا ضيقه: ابوه تزوج
لف رائد بصدمه: كيف
عساف : اللي سمعته واللي اكبر منه انها اخت ابو مشاري
رائد ناظر فيصل بصدمه: متى كل ذا صار
فيصل: قلت لك ابوك مايسوي خير
جلس رائد بضيق : بيني وبينكم كنت مستغرب هالكشته
فيصل صرخ: وتلومني وتقول توسوس شوف وش صا فينا من ورا راسه وهو واخته وتقول قلبك اسود شوف البياض. اللي هم فيه
رائد صرخ بنفس النبره: انا مثلك ماعندي اي خبر باللي صار توني عرفت منك لا تحط اللوم علي انا اللي فيني مكفيني
سكت فيصل لما شاف عصبية رائد اللي نادرا ما تبان عساف قرب : وش فيك
رائد فك ازاريره وهو يسحب الشاهي ويصب له : انطردت من البيت
فيصل وعساف :لييييه
رائد قالهم كل شي وقف فيصل بغضب الدنيا: وابوك هذا الدنيا على كيفه
عساف :وشلون يسوي فيها كذا من دون سبب
رائد:السبب مجهول ولا فهمته
فيصل :وليه ماتعرفه
رائد: ما قالي تشاديت معه وطردني
عساف :معليش ي رائد كذا كثير والله كثير
فيصل سحب جواله :انتظر الحين نعرف وش صار
اتصل على نواف وسأله وقاله نواف السالفه وليته ماقال فيصل ورائد ماكانو ناقصين حقد على ابو محمد وعايلة ابو مشاري
فيصل وقف وهو يرمي التكايه: يضربها عشان ال....
رائد شد شعره وهو معصب : مستحيل نسكت زياده
عساف : ي عيال ضروري تسون شي كذا مايصير
رائد:وش اسوي اشتكي وش اسوي
عساف :خبل انت تشتكي على ابوك لاا دور حل افضل
رائد :مافيه حل مافيه
فيصل لف بقوه: فيه حل فيه
رائد : وشو
فيصل جلس وهو يقول :اسمعني عادل كلمني من فتره انه بيخطب وكان براسه ريمان ومافيه حل الا انها تتزوج عشان تطلع من عذابه وتعرف عادل ما بيضرها وحبيب
رائد وعساف ناظروا ببعض بصدمه : تتزوج
فيصل :ايييه قولي وش الحل اللي يعفيها من حياتها مع ابوك غير الزواج والا بتصير مصيبه
عساف : صادق فيصل
رائد: وش بنسوي
فيصل : مالي الا اكلم عادل واقوله وهو يتصرف
رائد: بترميها عليه
فيصل ضرب جبينه بقهر: انت حمار قلي حمار اقولك هو يبيها وقالي وقال حتى لابوي ورحت وهم يتشاورون
رائد: اكيد
فيصل :اكذب عليك ي تيس اكذب عليك
رائد:زين خلاص كلمه
فيصل والله اني متحامل عليه بس تكرم
عساف : والله ما التيس الا انت
فيصل :ليييه ؟

.... 47 .....

عساف : الحين الاجواء متوتره انتظروا الليل احسن او كم يوم
رائد :صح
فيصل : الله لا. يجازي هالعايله مجانين
عساف : واضح انكم الاثنين بتباتون عندي
فيصل: استانس يلا جالك الشرف
عساف :اقولك اشرب شاهيك وانت ساكت لا اقوم امردغك
رائد: بس الليله وبكره بنروح لفندق
عساف : الفندق تعرف تحطه بجيبك ترا ذليتنا ندري متوظف وعندك فلوس
رائد: مو كذا بس ما نبي نثقل
عساف : لا تستهبلون البيت مافيه الا انا حتى عدنان بحايل مابيجي بدري وامي حتى خوات ما عندي
فيصل :هههههه زين زين
ظيمنعظيمنع
ظيمنع
في بيت ابو عادل اللي كانوا كلهم حوالين الجد اللي تعب وجالس بهدوء
منى: الله يهديك ي فيصل على السوات
ابو عادل : اااااخ منه وش اصلح فيه
عادل كان يراقب بصمت وهو ضايق على طلعت فيصل ويدري انه زعلان منه ونواف بجنبه وهادي
اما سهام اللي كانت مصدومه من اللي صار وخايفه من تهديد فيصل لها الجد :منى خذيني للبيت
ابو عادل :ارتاح يبه
الجد :لا خليني اروح احسن واعذرينا ي بنتي
سهام :لا عادي
طلعت منى وبيدها الجد ومعاها عادل وصلوه ورجع عادل للبيت وطلع بس وقفه ابوه: عادل شوف نواف لا يتضايق
عادل : زين يبه
طلع عادل بضيق فتح الغرفه وشاف نواف جالس وهو ضايق : نواف وش فيك
نواف :مابي فيصل يروح
عادل :بيرجع لا تخاف
نواف : مابيرجع وهي فيه
سكت عادل : ماعليه فتره وتعدي انت بس لا تضيق
نواف : وش بنسوي
عادل :نستسلم
نواف قرب لعادل وهو يضمه ضمه عادل وهو يدري ان الايام هاذي بتكون صعبه
ظيمنعظيمنع
ظيمنع
عند ابو عادل جلس وهو يشرب مويه سهام :طلال فيك شي
ابو عادل :لا لا المهم ي سهام لا تخافين من فيصل هو مجرد كلام ما يقدر يسوي شي
سهام:لا عادي مقدره وضعه
ابو عادل :هو من كثر تعلقه بأمه يسوي كذا
سهام: ادري والله واضح انه يحبها كثير بس هي ايام وتعدي
ابو عادل :تحمليه شوي
سهام.: ابشر
ابتسم ابو عادل لها وسكت وهو يدري ان فيصل بيشن حرب فضيعه
ظيمنعظيمنع
ظيمنع
اما اديم اللي كانت تتمشى بحديقتهم وهي خايفه وتفكر وفيصل قالها انه راجع البيت كانت متوتره وتنتظر رده بس مارد ارتجف قلبها وهي تدري اكيد صار شي فضيع لفت على فتحة الباب وكانت سهام ركضت وهي خايفه :سهاااام فيك شي احد فيه شي
سهام: بسم لله اديم مافيني شي ولا احد فيه شي وش فيك انتي
اديم كانت تناظر سهام بتمعن وهي خايفه انها تطلقت بسبب فيصل :وجهك فيه شي
سهام تنهدت:انتي تلخبطين العاقل
اديم بلعت ريقها : كنت قلقانه عليك
سهام جلست على الكرسي بتعب :واضح ي اديم ان مشواري صعب
اديم انخلع قلبها: وش فيه ليش
سهام: انت وش بك مفجوعه
اديم:كذا من كلامك
سهام : تخيلي ي اديم وش صار معي
ابتدت سهام تسولف لاديم عن اللي صار واديم ماهمها الا فيصل حطت يدها على قلبها: يمه كل ذا صار
سهام : خفت منه والله يمه ي اديم لو تشوفين كيف كانت عيونه تخرع وصراخه
اديم غمضت بخوف وهي خايفه على فيصل تمالكت نفسها : قلت لك ماطعتي شفتي شصار
سهام: ما توقعته كذا على كلام ابوك عسل
اديم( هو من ناحية عسل عسل لكن انتم ماتركتوه بحاله) : الله يهديك اكيد بيكون عسل لان ما احد اذاه
سهام: انتي مجنونه اذيته بأيش
اديم تورطت: اقصد يعني هو يحسب انك اخذتي مكان امه عشان كذا
سهام : الله يستر منه
مروى:سهاااااام جيتي
ركضت لها وهي تضمها وجلسوا يسولفون واديم مو معهم قامت واخذت جوالها وارسلت لفيصل ( وينك اليوم وش صار معك)
فيصل اللي كان مع عساف ورائد سمع تنبيه طلع جواله وجلس يتأمل الاشعار شوي وبعدها فتح الرساله وقراها ورد ( مو قلت لك حاس)
اديم ( وش طلع معك)
فيصل ( تزوج ابوي)
اديم غمضت بضيق وهي تمثل التفاجئ(ايش كيف ومتى)
فيصل( مدري مدري ي حنين كل شي صار كذا بسرعه)
اديم ( وش بتسوي)
فيصل (مدري بس الاكيد ما راح يتهنون)
خافت اديم( انت شفت زوجته)
فيصل( شفتها عساها العله)
اديم :استغفرالله اوووف( طيب كيف انطباعك)
فيصل(واضح ماهي سهله)
اديم حطت يدها على راسها( كيف تحكم كذا من راسك)
فيصل ( ي حنين الانسانه اللي تاخذ مكان امي حتى لو هي ملاك بعيني شيطان )
اديم ( زين هي شدخلها ابوك اللي خطب)
فيصل( دخلها انها رضت فيه وهو ابو عيال وكبير)
اديم( زين جربها فتره يمكن تكون كويسه)
فيصل( واضح انك ما فهمتي علي !! اقولك شيطان بعيني )
اديم فهمت وسكتت(زين انت وينك)
فيصل(عند واحد من اصحابي )
اديم( انتبه لنفسك فيصل)
فيصل(من عيوني يلا اخليك )
اديم(فمان الله)

.... 48 ....

سكرت اديم نزلت وهي تشوف سهام تسولف عادي وعرفت انها ماتبي تقول مشاكلها وبعد شوي طلعت لما جاء ابو عادل واخذها
ظيمنعظيمنع
ظيمنع
بالليل في بيت عساف اللي كان هو وفيصل ورائد فارشين فرشه وحده وكلهم بلحاف واحد مو عشان مافيه لحف بس عشان يواسون بعض ويحسون انهم قريبين
عساف : والله ي تيوس انتم عايشين عندي في نعمه ما تحصلونها عند غيري
فيصل وهو مسكر عيونه: واضح وانت ملصقنا ببعض كأننا طقم ترامس
عساف ورائد:ههههه
عساف: وجع بعينك ي تيس هذا يسمونه الدعم الروحي والانساني انا جالس ادعمكم
رائد: ي شيخ انت دعمك بلا بس ريحنا
فيصل ضحك : عساف للامانه ماني واثق فيك ابعد ي رجال لا نروح غلطه
عساف ضحك وهو يقول : اقلب وجهك شمسوي لك انا
فيصل :ههههه ولا شي بس احساسي يقول
عساف: ي رجال ما ودانا بستين داهيه الا احساسك لو انك ماحسيت كان الحين بكشتتنا ونرقص وفالينها
رائد: ياخي ي ليتنا جلسنا شوي لو عارف بحصل هالنكد كان ماجيت
فيصل: انا اقول ي ليت جينا امس
عساف : ي نفع الليت وانخمدوا احسن
رائد: قال نعمه واضح
فيصل : الله يلعن الحاجه
عساف : احترموا انفسكم لاتقومون تغسلون الحوش
فيصل ناظر فيه بطرف عينه ورفسه وطلعه برا اللحاف :معصي
عساف :كسر برجلك وجع اوجعتني
فيصل: يمه اسف ي بيبي من متى صاير حساس
عساف بضحك وهو يبوس فيصل : من عرفتك ي مزه
فيصل ضحك وهي يدفه:شفت انك مع الخيل ي شقراء
رائد: اقول انخمد انت وياه ترا كلكم نفس الطبع
ناظرو فيه بطرف عين ورجعوا ينامون وكل واحد مليان بأشياء نفسه يسويها
ظيمنعظيمنع
ظيمنع
من بكره الصباح في بيت ابو عادل كانت سهام واقفه قبال الدولاب وهي محتاره وين بتحط اغراضها والدولاب كله ملابس ام العيال دخل ابو عادل وهو يناظرها :سهام وش فيك
سهام: لا بس ما حصلت مكان اترك اغراضي فيه كل الدولاب فيه ملابس واغراض
ابو عادل لف يناظر الدولاب وراح جاب شنط كبار ورجع : شوفي نزلي الاغراض بشويش هنا بالشنط واتركي اغراضك بدالها
سهام:اخاف العيال يزعلون
ابو عادل :لا ما راح يزعون انتي بس نزليها وانا اكلم منى تجي تساعدك وبعدها نتركها بغرفة فيصل
سهام :زين
نزل ابو عادل يفطر وكلم منى تجي تساعد سهام وقالت له اخلص شغلي واجي كل اللي دار بينهم سمعه نواف اللي ارتجف وهو خايف ركض وهو يدق على فيصل مره ومرتين وثلاثه وفيصل مارد رجع يدق وهو مايبي اغراض امه تطلع من غرفتها
ظيمنعظيمنع
ظيمنع
في بيت عساف اللي كانوا نايمين كلهم مع بعض فيصل وعساف ورائد صحى رائد على صوت ازعاج جوال فيصل سحب الجوال بيقفله بس شاف نواف يدق استغرب اتصاله بهالوقت ولف لفيصل : فيييصل فيييييصل فيصل وجع قوم نواف يدق فييييييييييييييييييييييصل
فز فيصل: وش فيك وش فيك
رائد: نواف يدق عليك
سحب فيصل الجوال ورجع يدق :نواف وش فيك
نواف :فيصل ألحق سهام جالسه تشيل اغراض امي
فيصل صرخ :وشووووو
نواف :ايوه وعمتي بتجي تساعدها
نط فيصل وهو يسكر الجوال كل شي ممكن يتقبله الا ذا الشي اخذ ثوبه ولبسه وهو يركض ورائد وراه ركب السياره ورائد يصرخ: وش فيك وش صار
فيصل :ابعد عني
مشى فيصل وهو مايرد على رائد اللي كان يحاول يعرف وش فيه وبلمح البصر وصل فيصل وانطلق يركض للبيت
كان ابو عادل بسيارته وسمع صوت السياره ولف وحصل فيصل نازل يركض مثل المجنون وركض وراه
دخل فيصل وهو حاط غرفة امه بين عيونه فز عادل اللي كان يفطر :فيصل وش فيك
مارد فيصل وهو طالع يركض ودرجه ياخذها بثنتين ركض وراه عادل لما شاف ابوه يركض كان وجه فيصل مصدوم على معصب وصل الغرفه وشاف اللي طول عمره مايتحمل يشوفه شاف سهام تنزل اغراض امه وتحطها بالشنط صرخ وهو يقول :مو انتي ي الواطيه اللي تمدين يدك على اغراض امي
صرخت سهام فجعه وهي تشوف جاي يركض لها ودفها بعيد عن الدولاب وبيده شيلة امه وعيونه حمرا طاحت وهي مفجوعه
ولفت على صراخ ابو عادل :فيييييصل وكسر
ناظره فيصل وهو يقول : كل شي ممكن اسمح لك فيه واتقبله الا انك تدخل هاللي ما تسوى غرفة امي
قرب ابو عادل وهو يسحبه من ثوبه: كلامك تماديت فيه حيل
فيصل بتحدي : بتمادى طالما الموضوع يخص اطهر انسانه ومحد يدخل غرفتها بعدها
ابو عادل :البيت بيتي وادخل اللي ابي واطلع اللي ابي والغرفه بعد لي
فيصل : غرفة امي محد يدخلها وعلى جثتي
عادل وقف بصدمه : وش اللي يصير يبه بترمي اغراض امي !!
ابو عادل :عادل ابعد مو وقتك
عادل :الا وقتي كل شي بنسمح فيه ونوافق الا غرفة امي معليش محد كفو بعدها يدخلها ..

.... 49 ....

نواف اللي ركض ووقف جنب فيصل وعادل ناظر ابو عادل وكان بيتكلم بس ألجمه فيصل بكلمته: ليش تبي تقهرنا اول شي زواجك والحين اغراض امي ما دامك بايعها كذا ليش ما قلت لنا اقل شي إنا احنا نشيل اغراضها ليش ولو كان جبر لخواطرنا
ابو عادل ناظر فيصل وعادل ونواف اللي باين قهرهم وقال : ما كنت ابي اضايقهم
عادل : ي ليتك ضايقتنا
لف فيصل وهو مقهور لسهام : اطلعي من هنا احسن لك مثلك ما يشرف غرفة امي
ابو عادل لا شعوريا ضربه كف لانه تمادى بكلامه لكن ماأثر بفيصل اللي لف بضحك : هههههه بدايه موفقه ي عريس لكن تدري تهنى ببيتك وغرفتك
لف بقهر وهو ياخذ اغراض امه ويصفها بالشنط وواضح عليه رجفته عادل اللي كان مصدوم من تصرف ابوه ومدرك غلط فيصل بالتلفظ بس المفروض يعذره صد وهو يساعد فيصل ونواف انضم لهم كانوا يرتبون اغراض امهم بكل حنيه
تحت اناظر ابوهم اللي ما توقع انه بيفقد اعصابه كذا سهام اللي طلعت وهي تبكي من كلام فيصل وفعله معاها
طلع ابو عادل وجلس بالصاله اللي قبال الغرفه وهو مصدوم من تدهور الامور شاف منى اللي جايه ركض :طلااال وش فيكم وش صار
ابو عادل رفع يده بحيره : مدري وش صار
ركضت منى وهي تشوف فيصل واخوانه ياخذون الاغراض خلصوا وجمعوا كل شي وطلع فيصل وهو معاه كل الشنط وغضبه واضح على وجهه منى :فيصل اس...
فيصل لف وصرخ فيها وبانت عروقه : الله يلعن فيصل خلاص اشبعي ي عميمه بالخراب اللي سويتيه
نزل ومعاه الشنط كلها وعادل ونواف دخلوا لغرفهم وسكروا الباب عليهم
منى لفت : من قاله
ابو عادل :اكيد نواف
منى: وهذا ما يترك شي
ابو عادل : مدري وش اسوي مابي اخسر عيالي
منى : كلمه وفهمه
ابو عادل : هذا حمار وش بيفهمه
منى: كلم عادل يكلمه
ابو عادل : ما ادري سهام وين
منى: تحت مسكينه مفجوعه وحالتها حاله
ابو عادل : الله لا يلومها
نزل ابو عادل وشاف سهام تبكي : سهام
سهام لفت وهي تمسح دموعها : فهمه اني مالي شغل ما دخلت عليهم انت اللي جبتني
حط ابو عادل يده على كتفها: هونيها واعذريه فهمتك وضعه
سهام:والله فاهمه بس كذا كثير
ابو عادل : بكلمه وافهمه لا تخافين ارتاحي وامسحيها بوجهي
سهام : الله يسامحه والله ما تمنيت كذا
وقفت وراحت تمسح دموعها تنهد ابو عادل وهو مضطر يحل هالاشكاليه
ظيمنعظيمنع
ظيمنع
عند رائد اللي كان مفجوع من كمية الشنط اللي مع فيصل : وش صار
فيصل مارد وهو كاتم عبرته دخل الشنط بالسياره وركب وهو ساكت ورائد مو فاهم شي الا ان فيصل مو متحمل كلمه ركب بهدوء وهو مايدري وين بيروح لبس فيصل النظاره وتلثم بالشماغ ورفع صوت الاغاني للاخر شي وكان هذا تنبيه لرائد اللي التزم الصمت كان خوف فيصل من ذا وصار هذا وهي مالها الا يوم سوت اللي سوته
وقف قبال شقق مفروشه ونزل و اخذ شقه وهو يحط بطاقته رهن ونزل لرائد وتكلم ببحة بكى : رائد معك فلوس
رائد :ابشر
اعطاه الفلوس وراح فيصل استأجر فيها ونزل الاغراض وصعدها فوق ورمى نفسه بينها ورائد يراقبه : فيصل وش صار ولمين كل هالشنط
فيصل تنهد وهو متكتف : كل شي خايف منه يصير وقبال عيني تخيل تخيل كانوا بيرمون اغراض امي
رائد :نعم
فيصل : لا والجديد اني انضربت عشانها والامر انه بكل صراحه يقول البيت لي واطلع اللي ابي واخلي اللي ابي تخلى من ثاني يوم
رائد جلس قبال فيصل : معقوله
فيصل ضحك: مو مصدق ..سحب الشماغ وهو يلف بخده لرائد اللي كان مطبوعه عليه يد ابوه : عليه العوض
غمض رائد وهو مصدوم كان متوقع فيصل يبالغ لف وهو يشوف الشنط الكثيره :وش الحل
فيصل : لأول مره تتربط يديني
رائد ما عرف وش يسوي الا انه يخبط على كتفه بهدوء وقف فيصل بضيق وهو يفتح الشباك وابتداء يردد بداخله الاحداث وهو كل. مره يزيد حقده
ظيمنعظيمنع
ظيمنع
في بيت ابو محمد اللي كانت ريمان تعبانه ولا راضيه تاكل ولا راضيه تشرب ونفسيتها دمار
ام محمد : ريمان الله يخليك ي حبيبتي كلي تعوذي من ابليس وكلي
نسرين: يلا عشان تتشافين
ابو محمد اللي كان عند الباب ويناظر بصمت لف وهو ضايق بس مايبي يبين مهما صار هي بنته وما يرضى حالها
جاء محمد : يمه ما اكلت
نسرين :لا
محمد : تعالوا ناخذها المستشفى
ام محمد :بيشوفون الضرب اللي فيها وقتها تصير مشكله
محمد : طب وش نسوي
ام محمد : استنى شوي يمكن تاكل
لفت وهي تقرا عليها بضيق ريمان كانت تسمعهم بس ماتبي شي تبي ترتاح من العذاب اللي بداخلها

.... 50 ....

لفت وهي تتلحف ولا ردت على الكل طلعوا وهم خايفين يصير لها شي
محمد : يبه وش بنسوي
ابو محمد : مدري
ام محمد :الله يسامحك على للي تسويه
ابو محمد : انا اربيها
ام محمد : بس مو كذا
ابو محمد : اسكتي مو انتي اللي تعلميني
نزلت راسها ام محمد وهي تبكي وقام محمد طلع اما نسرين اللي كانت ضايقه من قسوة ابوها
ظيمنعظيمنع
ظيمنع
عند عساف اللي صحى ولا حصلهم استغرب واخذ جواله يدق عليهم بس حصل جوالاتهم فيه وقف بحيره وهو ينادي لشغاله تجي تنظف طلع قبال البيت وهو يبي ينتظرهم لكن مالهم اثر
جلس وهو يسحب زقاته وينتظرهم
ظيمنعظيمنع
ظيمنع
اما عند فيصل االلي كان على حالة ولا قال بعد اللي قاله شي وقف رائد وهو يقول : انا بروح لعساف اكيد ينتظرنا بطمنه عنا
فيصل مارد وطلع رائد واخذ معاه المفتاح
جلس فيصل وهو يفكر وش اول انتقاماته ومن ضيقته ما لقى فكره تمر عليه
رمى اللي بيده وهو يفتح ازاريره بضيق ورمى ثوبه وهو يحس بخنقه
ظيمنعظيمنع
ظيمنع
في بيت ابو عادل اللي كانت الاجواء جدا ملخبطه وحوسه لأقصى الحدود سهام كانت بالغرفه ترتب اغراضها ودموعها ما وقفت وابوعادل اللي كان بالصالون وهو يفكر بحل يرضي الطرفين
وعادل و نواف اللي من بعد المشكله ماطلعوا من غرفتهم وابتدوا يخافون من العواقب
ظيمنعظيمنع
ظيمنع
اما رائد وصل لعساف اللي كان قلقان وقاله كل شي ومات عساف بأرضه من القهر وقرروا يروحون لفيصل ويساعدونه
وصلو وفتح الباب وهم يشوفون فيصل بين اغراض امه وصورتها واول ماشافهم دخلها الشنطه وهو يشتت نظره قرب عساف وهو يحضنه: اخذت ضيمك ي ولد فدوه والله لناخذ حقك من هالحيه
فيصل حضنه بقوووه : مقهور ي عساف
عساف :لا تنقهر ولا يضيق لك بال حقك وحق امك برقبتنا
فيصل : ساعدني ابي انتقم
عساف :ابشر بعزك
فيصل وعساف كانوا مثل بعض بكل شي حتى بأفكاره الاجراميه لكن رائد كان مسالم ولا يعترض جلسوا معه لما ضيعوا ضيقه وابتدأو يفكرون بحل
عساف لف بأبتسامه : اول شي خلنا نعطيها فركة اذن
فيصل: شلون
عساف قالهم اللي بيسوونه واعجبت فيصل كبدايه لحربه وقاموا ينفذون خطتهم
ظيمنعظيمنع
ظيمنع
اديم اللي صحت على رسايل سهام وبلغتها بكل شي وهي تبكي غمضت اديم بقوه وهي متوقعه مثل هالشي ضمت رجولها على صدرها وهي تقول: ولله دخلتي لاخرتك بيدك ي سهام والله فيصل مو سهل ولا بيخليك واذ هذا اولها ينعاف تاليها لكن الله يعينه هو بعد قلبي مايستاهل كل شي صار له
انتبهت لنفسها وتنهدت بضيق :اي قلب ي اديم وهو مادرى بك واذا درا مستحيل يلتفت بك
وقفت وهي ماتدري بأيش تفيد سهام غير انها تواسيها بهدوء دخلت تاخذ دش وهي تدري انهم دخلوا بالمعمعه
ظيمنعظيمنع
ظيمنع
مر اليوم وكان كئيب جدا بشكل مو طبيعي والوضع على حاله الا وضع فيصل وعساف ورائد االي كانوا بالجهه الخلفيه من بيت ابو عادل
عساف : انتبه احد يطيح عليك
فيصل: لا تخاف اعرف اصرف نفسي
رائد :انتبه لا تطيح
فيصل: طيب
صعد في الجهه الخلفيه من البيت بأحتراف لانه اصلا متعود يتسلل من هنا عشان ابوه ما يكشف سهراته واحيان يقفل الباب على فيصل ويضطر يصعد من وراء البيت وهو معاه شنطه صغيره ومعلقها برقبته وقف بجنب الشباك وهو يناظر جوا ماشاف احد ابتسم وهو يقول : ليلك مباركه ي عرسان فتح الشباك وكب اللي بالشنطه فيها وكانت ( ظ¥ فيران وبأحجام ) سكر الشباك وهو ينزل بحذر وضحك وصل لشباب وهو يبوس خد عساف : برافو عليك ي بطل
عساف رجع يبوسه : قلت لك برقبتي
ركضوا وهم ينحاشون لسيارتهم ورجعوا لشقه رائد: نفسي اشوف وش بيصير
فيصل : لا تخاف ساعه ويدق نواف
عساف :بتباتون هنا اليوم
فيصل: ايوه
رائد: بات معنا انت
عساف : اكيد ببات مافيها كلام ولو
فيصل: دام كذا عشوني جوعان والله
رائد: يلا يلا نطلب بيتزا حتى انا جوعان
طلب رائد وبعدها جلس بضيق عساف : وش فيك
رائد: افكر بريمان كلمت نسرين قالت حالتها سيئه
فيصل : زين ياخذونها للمستشفى
رائد: مايقدرون يخافون يصير تحقيق من ورا الضرب اللي فيها
عساف :لذا الدرجه مسوي فيها
رائد: ايه
فيصل: حق من مسكه ومردغه
رائد:الله يهديه
عساف : اذا كذا ضروري ندور حل بهالوقت لها لما ينحل امور عادل
فيصل : ما اتوقع يقدر يسوي لها شي وهي مريضه فا بيهدي يومين
رائد: ايه هاليومين بهيدي
عساف : ابوك مريض نفسي شي احس تصرفاته غريبه
رائد :والله مدري ي عساف
فيصل:اصلا كل العايله مرضى
عساف :اول مره تشهد حق
فيصل : هههههه والله من جد
وصل العشا وقف رائد يجيبه وبعدها ابتدوا يتعشون ويسولفون ويترقبون اخبار سهام من نواف ظيمنعظيمنع

11 - 1 - 2022, 09:36 PM

.... 51 .....

عند سهام اللي كانت بالمطبخ وطلعت لغرفتها بتنام ووقفت وهي تلم شعرها بس حست بشي عند رجولها ناظرت لكن سرعان ما صرخت صرخه هزت البيت وهي تشوف خمس فيران وعلى صراخها صارت تجري بالغرفه بشكل عشوائي والفيران وراها
طلعوا الكل على صراخها وطلعت وهي تصرخ عادل ونواف وقفوا بصدمه واول ماشافو شكلها انفجعوا ركض ابو عادل:وش فيك
سهام ببكي :فيه فيران جوا
ابو عادل :فيران وين
سهام :جوا كثيره وسودا وكبيره
ابو عادل ماصدقها لانه ماعمره شاف فار عشان يطلع له خمسه دخل وكانت الصدمه بالفيران واشكالها تقرف طلع وسكر باب الغرفه وهو يقول :عاادل وش جاب الفيران ؟
عادل :والله يبه ما ادري
ابو عادل :نوافوه
نواف بصدق: والله يبه ما ادري
ابو عادل :تعال ي عادل بنقتلها
عادل :لا يبه انا اخاف منها
نواف :وانا بعد
دخلوا وسكروا الباب وهم يضحكون على شكل سهام
عادل :نواف انت اللي حطيتها
نواف :لا والله انا معك من الصبح
عادل :من متى عندنا فيران
نواف :ما ادري اخاف هنا بغرفتك
عادل :لا يكون فيصل حطها
نواف :لا ما اتوقع فيصل ماجاء
عادل :فيصل جني كل شي يسويه وهو بعيد
سحب جواله ودق على فيصل اللي رد بضحكه :نعم عادل
عادل : براع¤و عليك بدايه حماسيه
فيصل :هههههه وش عرفك
عادل : ادري بك جني هههههه
فيصل: وش صار فيه
عادل : ههههههه ليلة منيله هذا العريس بدا مهمة القتل والعروسه يفضل تسمع ردها بنفسك
طلع عادل الجوال وهو يسمع فيصل صراخ سهام ويسمع ضحك فيصل سحب الجوال وهو يقول : ابي اعرف شلون دخلتها
فيصل :عيب عليك هذا السوال مو لفيصل
عادل :هههههه زين ي فيصل زين ورنا ابداعاتك اجل وخلني اسكر قبل ابوي يجي وهو شاك فينا
فيصل : انتبه لنواف وفمان الله واياني واياكم تفتنون
عادل : طيب
نواف :هو فيصل اللي سوا كذا
عادل :ومن غيره
نواف :اخاف ابوي يدري
عادل :اذا ما قلت مابيدري وترا اذا قلت بطلع انا من البيت واتركك معهم لحالك
نواف :لا خلاص مابقول
ظيمنعظيمنع
ظيمنع
ابو عادل اللي قدر يقتل بس اثنين والبقيه مايدري وين راحوا
طلع وهو يسمع بكى سهام وجلس بتعب
سهام : قتلتهم
ابو عادل : اثنين بس
سهام : مابجلس هنا وهم فيه والله ما اجلس
توه ابو عادل بيتكلم بس شاف واحد من الفيران ونط بالعصاء وصرخت سهام اللي تركض والفار يركض وابو عادل يركض وراهم وعادل ونواف كانوا في حاله هستيريه من الضحك ويصورون لفيصل اللي جالس يصير وبعد كل هالعناء ماقدر ابو عادل يقتله لانه اختفى فجاءه
سهام اللي كانت تبكي وهي فوق الكنب وابو عادل يحاول يهديها بس مافيه فايده نزلها لغرفة الضيوف اللي كان متاكد انها مافيها شي ورجع طلع لغرفة العيال وهو يدري انه منهم
ظيمنعظيمنع
ظيمنع
عند فيصل اللي كان في حاله هستيريه ويضحك على المقاطع اللي وصلته اما عساف ورائد كان يكفيهم ضحك فيصل عشان يضحكون
فيصل:ههههههه وربي وربي بدعت ي عساف
عساف : ههههههه الليله بيقضيها ابوك في القتال
رائد: هههههه شكله عمي تورط ورطة عمره
فيصل رجع يضحك وهو يتذكر اشكالهم :باقي ماشافوا شي
ظيمنعظيمنع
ظيمنع
عند عادل ونواف اللي بعد ماسكروا من فيصل حطوا فيلم وابتداو يتابعون دخل ابو عادل وشعل النور : عادل الحين تقول من دخل هالفيران سامعني الحين تقول
عادل ناظر ابوه ببلاهه:شدخلني بالفيران انا
ابو عادل : عادل لا تستهبل هذا اللي صار اكيد من تحت روسكم
عادل : يبه شفيك علينا احنا اصلا ما طلعنا من هنا من الصبح وبعدين وش الفضاوه اللي تخلينا نجيب فيران هاااه وش نبي فيهم اصلا
ابو عادل : اقسم بالله ي عادل اقسم بالله لو تطلع منكم مايصير طيب والا الزفت الثاني
عادل : يبه انت شايف إنا ما طلعنا من الغرفه وكنا هنا طول الوقت وفيصل مابيرجع عشان يحط فيران وخصوصا بعد اللي صار اليوم واللي سويته الله يخليك يبه بطل تتخبط وفكر زين وانتي تدري في قرارة نفسك أنه مو منا ( عادل كان يحاول يشتت ابوه عشان مايكشف فيصل وقدر)
ابو عادل وقف بحيره وهو يقول :تقدر تقول من وين جات
عادل : احتمال من الدولاب لما طلعنا اغراض امي
سكت ابو عادل وهو يقول : لو يطلع لواحد فيكم يد في الموضوع مابيعدي على خير
عادل :زين يبه
ابو عادل :نوووواااف مين دخلها
نواف انفجع: يبه والله ما ادري اصلا انا اخاف منها
ابو عادل طلع وسكر وهو معصب ضحك عادل وهو يقول : فيصل وما أدراك ما فيصل
شافه يدق عليه ورد :هلا فيصل

11 - 1 - 2022, 09:37 PM

.... 52 .....

فيصل: ههههه يعطيك العافيه صراحه على التوثيق الجبار
عادل :هههههههه بفضلك اليوم مابينامون
فيصل: ي رب عساه دومً
عادل : انا ابي اعرف وشلون دخلتها
فيصل : دخلتها لا تسأل المهم انا ابيك بموضوع اهم رغم اني زعلان عليك واخذ على خاطري منك بالحيل
عادل : ي فيصل الله يرحم امك افهم انت تدري اني ماني معارض زواج ابوي من البدايه
فيصل : ماهمني معارضتك او لا عادل احنا اخوانك المفروض اللي يضايقنا تكون حريص انه مايصير اقل شي قولي ي فيصل الوضع كذا وانت تصرف
عادل : لو كنت اقدر كنت قلت بس ابوي حلفنا وخلانا نوعده ماكان بيدي شي الله يخليك افهم
فيصل تنهد :مو مشكله محلوله بأذن الله المهم في شغله اهم انت كلمتني قبل فتره عن انك بتخطب ريمان وقلت لابوي وقال بيرد لك وش صار معك
عادل : للحين ما رد بس ليش تسأل وش المهم فيه
فيصل: عادل انت تبي البنت جد او لا
عادل : الظاهر انك انجنيت من فتره وش اقول
فيصل : طيب دامك شاريها ضروري تنقذها من اللي يصير فيها
عادل انخلع : وش يصير فيها
فيصل حكى له عن اللي يصير وعادل اللي ابد ما توقع كذا تكلم بصدمه: ايش كل هذا يسويه فيها وليش وش السبب
فيصل: محد يدري لكن اول سبب طولة لسانها وتمردها
عادل : بس ما توصل كذا
فيصل: تعرف عمك مريض
عادل :لا حول ولا قوة الا بالله
فيصل :عادل انت ضروري تتكلم بسرعه مع ابوي وتخلص الموضوع اقل شي خلال شهر
عادل :مستحيل خلال شهر
فيصل : تقدر المهم انك ترحم هالمسكينه
عادل : زين بتكلم معه بس انت روقنا شوي لين تنحل
فيصل:خلاص بعطيهم هدنه لين تخلص اقل شي تملك
عادل : زين زين بكره اتكلم معاه
فيصل : موفق
سكر فيصل وطلع لرائد وعساف اللي كانوا يلعبون بلاستيشن
جلس وهو يقول :كلمت عادل عن ريمان
رائد لف : وش قال
فيصل : قال بيكلم ابوي ويحل الموضوع بسرعه اقل شي يملك
رائد: متأكد انك ما ترميها عليه
عساف :يوه ي رائد غثيتنا بذا السؤال ياخي هذا ولد عمها واكيد مابيرميها على احد يضرها والحمار الثاني بعد ولد عمها ومليون بالميه مابيأذيها فا ريحنا بس
رائد: ادري بس انا من حقي اخاف عليها والا لا
عساف: خاف عليها محد قال لا بس لا تخاف عليها من فيصل بالذات صح له حركات بس بيحفظها بعيونه
رائد : والله صدقت
فيصل : اقول انكتم انت وياه ويلا يلا بكسر روسكم يلا عطوني اليد
اخذ فيصل اليد وابتداء مع عساف باللعبة وكان قمة الازعاج والصراخ ورائد معاهم
ظيمنعظيمنع
ظيمنع
اديم اللي كانت خايفه خايفه تتكلم معاه او تسأله عن شي لانها عرفت من سهام عن اللي صار معها ومع فيصل ومن بعدها وهي خايفه منه بشكل مو طبيعي بس لانها تدري ليش سوى كذا عذرته بس ماهي قادره تقوله اي شي غير انها تنتظر من الرد
سحب الجوال وهي تشوفه مختفي تماما عن الاجواء نزلت جوالها وسحبت لحافها وهي تفكر بنهاية تعلقها مع فيصل خصوصا انها بدت تتغير والكل لاحظ شرودها واكثر من مره مشاري وابوها يسألونها اذا فيها شي لكن تتعذر انها متهاوشه مع روان
ظيمنعظيمنع
ظيمنع
من بكره الصباح في بيت ابو عادل اللي مانام من وسوسة سهام ان فيه فيران وانها خايفه ووو كانوا كلهم على الفطور والكل ساكت وعادل بالقوه ماسك نفسه لا يضحك على شكل ابوه بس تذكر موضوعه وقال : يبه
ابو عادل :نعم
عادل: بكلمك بموضوع ضروري
ابو عادل : قول وش فيك
عادل : لا يبه يعني على انفراد
سكت ابو عادل وهو يوقف ووقف معاه عادل واتجهو للمجلس وجلس : قول وش فيه
عادل : يبه فكرت بموضوع زواجي
ابو عادل : ي عادل اقولك ريمان ما تصلح لك
عادل : ي يبه انا مقتنع ادري بكل شي بس ابيها يبه
ابو عادل : ليش مصر عليها انت فيه نسرين وش حلاتها
عادل : ماابي نسرين يبه ما ابي نسرين ابي ريمان يبه افهمي الله يخليك ولو ما اخذتها ما راح اتزوج غيرها
ابو عادل تنهد : زين زين ذنبك على جنبك قوم تجهز العصر بنروح لعمك
عادل ضحك وهو يبوس راس ابوه وطلع بحماس لشغله ومعاه نواف وصله للمدرسه
ظيمنعظيمنع
ظيمنع
عند فيصل اللي توه حط رأسه بينام وهو يشوف عساف ورائد صاحيين بيروحون دواماتهم
رائد: فيصل جامعتك ي ولد
فيصل : مالي خلقها
عساف: ياخي مريح راسه واحنا اكلين همه قوم فز طس لجامعتك شوف نفسك
فيصل سحب لحافه : اقول تقلعوا وسكروا الباب بنام
عساف :جرحك وصل ي تيس
طلعوا وتركوه وهم يدرون انه مابيروح ومستحيل يروح
لف فيصل ع اساس ينام بس تذكر حنين سحب جواله وهو مستغرب غيابها ارسل ( وينك مر يوم مالك حس !!؟)

11 - 1 - 2022, 09:37 PM

.... 53 ......

عند اديم اللي كانت تجهز للجامعه سمعت صوت تنبيه رساله وركضت وهي تدري انه فيصل ابتسمت انه فقدها( ولا شي كنت شوي مريضه )
فيصل ( افااا سلامتك والله انا اقول ما تغيبين الا إذا فيك شي)
اديم( ما توقعت تفقدني )
فيصل( وش ذا السؤال الله يهديك اكيد لك فقده ي حنين انتي مو اي وحده)
اديم انبسطت وجلست وهي تبتسم (وش صاير لك اليوم )
فيصل(ههههههههه اقول الحق )
اديم( يعني دايم تكذب)
فيصل(هههههه تقدرين تقولين المهم قولي لي كيف صرتي )
اديم( اوه الحمدلله احسن قولي اخبارك انت وش صار معك بزواج ابوك )
فيصل ابتدأ يحكي لها نفس اللي حكته سهام بس من وجهة نظره وقالها عن سالفة الفيران وهو يضحك اما اديم كانت مصدومه من اللي قاله ( دخلت الفيران من الشباك فيصل انت متأكد انك انسان)
فيصل ( هههههه والله عندي شك)
اديم ( ي ويلك من ربي شلون تسوي كذا فيران فيران ي فيصل )
فيصل ( هههههه اخ لو تشوفين اشكالهم فضيحه فضيحه بس يلا بدايه حلوه والا لا )
اديم ضحكت على صوت ضحكته اللي كان يسجلها(والله مجنون والله )
فيصل ( توي ببداية الممر المهم انتي ماوراك جامعه روحي يلا وانا بنام )
اديم ( اوه ذكرتني يلا يلا باي )
سكرت وهي تنزل بسرعه وكعادتها سلمت على ابوها وامها وطلعت ماعطتهم فرصه يتكلمون معها وهي تضحك كل ما تذكرت اللي سواه فيصل بسهام
ظيمنعظيمنع
ظيمنع
العصر في بيت ابو محمد كانت ريمان كويسه ورايحه جايه ورجعت لطبيعتها المعتاده وعصبيتها شافت ابوها داخل وهو معصب : قومي فزي صلحي قهوه
ريمان: ما اعرف
ابو محمد :وشووووو
نسرين فزت: انا انا يبه اصلحها
ابو محمد : قومي مع اختك لا تخليني افتري فيك
ام محمد : بتقوم خلاص
محمد جاء : نسرين وين القهوه
نسرين:الحين تجهز
ام محمد : مين فيه يا ولدي
محمد :عمي وعياله وجدي
ام محمد : غريبه وش عندهم
محمد ابتسم لامه:خير يمه خير
نسرين انتبهت لضحكة محمد ودق قلبها بفرح وصارت تشتغل بسرعه واعطت محمد وهي مبسوطه وراح محمد
وريمان ماهي لمهم تتابع فيلم اما نسرين اللي قلبها ما وقف ضربه
ظيمنعظيمنع
ظيمنع
في مجلس ابو محمد كان عادل جالس بجنب ابوه وهو قلبه يدق وخايف ترفضه ريمان وهو صار عنده دافع انه يتزوجها ويطلعها من عنف وقسوة ابوها والاقوى انه يبي يعرف وش اللي غيرها وحولها لهالشخصيه
ابو عادل : والله ي ابو محمد انا جايك اليوم وانا ابي اناسبك واخطب ريمان لعادل
ابو محمد ومحمد انصدموا انهم يبغون ريمان :ريمان
ابو عادل : ايه ريمان
الجد : عادل قال واصر انه يبي ريمان
ابو محمد سكت شوي وبعدها قال: والله والنعم بعادل ولا ينرد وانا الحقيقه تفاجأت لكن ابشر وعطيتك
عادل قطب حواجبه وناظر ابوه
ابو عادل : بس انت ما اخذت راي البنت وهذا شي مهم
ابو محمد : البنت كلامها من كلامي وعادل ولد عمها ومالها الا هو انا اقول موافقين واخذوا كلامي
حاولوا يقنعونه بأنه ياخذ راي البنت بس ماطاع والكل انصدم من انه اعطاهم كلمه كذا بس انبسطوا لعادل
الجد :مادام كذا اجل حددوا موعد الملكه
ابو عادل : هاه ي عادل
عادل كان من بسطته مو قادر ينطق الا انه يقول :اللي تشوفونه
ابو محمد:نخليها الخميس الجاي
ابو عادل :على خير
الكل ابتدأو يباركون لعادل بفرحه وكملوا سوالفهم وتعليقاتهم اما عادل اللي طلع وهو يدق على فيصل اللي كان باقي نايم ولا رد عليه رجع وهو مبتسم وجلس بعد شوي طلعوا من عند ابو محمد ودخل ابو محمد ومحمد يبلغونهم باللي صار شافوهم جالسين كلهم بالصاله كانت نسرين جالسه وهي مبتسمه وفرحانه ع اساس انها هي المعنيه اما ريمان اللي ما طقت خبر اصلا وام محمد اللي جالسه تستغفر وتسبح
ابو محمد جلس ومعاه محمد : جاء ابو عادل ومعاه عادل ولده وهم جايين طالبين النسب
ابتسمت نسرين وهي واثقه من ردها بالموافقه اما ريمان اللي كانت تراقب الجو بأشمئزاز وهي مستبعده نفسها تماما من الموضوع
ام محمد :مين طالبين ي ابو محمد
ابو محمد وجه نظره قويه لريمان وقال: ريمااان
الكل جمد والكل اهتز والكل خاف بدايةً كانت مع ريمان اللي ارتجف قلبها وصرخت بدون شعور:لاااااا لااااا مستحيل
ابو محمد :وقطع يقطع صوتك ي قليلة الادب
ريمان :ليه ينقطع صوتي ليه بلغ اخوك وولده اني مابيه ما ابيه ولو اموت ما تزوجته
ابو محمد : انكتمي ولا يعلى صوتك بتتزوجينه وانتي ساكته واصلا تحمدين ربك ان مثله يدورك
ريمان: ما ابيه يدورني واقسم بالله ما اتزوجه واذا زوجتني غصب علي بفضحك عند الناس

..... 54 .....

هالمره ماكان التدخل من ابو محمد كان من محمد اللي ضربها كف وهو يقول :وقطع لسانك ي قليلة الادب ماهو انتي اللي تردين كلامنا وغصب عليك وطيب بتاخذينه
كانت ريمان تصارخ بالرفض لكن كالعاده محد عطاها مجال وسحبوها لغرفتها

اما نسرين اللي كانت صدمتها اقوى من الكل ارتجفت يدينها وطاحت كل امالها وضاعت حروفها انهدم قدام عينها حلم بنته سنين وخيال غمضت عيونها وانهمر دمعها وقفت وركضت للحمام وهي مو قادره تكتم شهقت الحزن والصدمه جلست بأرضها وهي ترجف بكت وهي تتذكر كل شي خططته مع عادل وبنت فيه احلام واحلام واحلام سمعت ابوها يناديها ماقدرت تطلع ماقدرت توقف بكى غسلت مره واثنين وثلاثه لكن ما قدرت تركت كل شي ووقفت تبكي على عادل وبعد حوالي عشر دقايق قدرت توقف غسلت وركدت وطلعت شافتهم مو فيه سمعت صوت ريمان اللي تصارخ وامها تهديها غمضت وهي تقول ( ي ليته لي ي ريمان ي ليته لي )
راحت المطبخ وهي دموعها ما وقفت ومازالت تسمع صوت ريمان وامها
ظيمنعظيمنع
ظيمنع
عند فيصل رجعوا عساف ورائد ودخلوا وشافوه في غيبوبه نوم وماكان عليهم الا انهم يطيحون جنبه بس شد عساف رساله بجوال فيصل من عادل يقول ( خطبت وتمم ربي وملكتي الخميس الجاي بارك لي فصول بس للأمانه ضقت لانك مو جنبي )صرخ عساف وفز على صوته فيصل ورائد
فيصل :يمه وش فيكم من مات وش صار حسبي الله سهام ابوي
مسكه عساف اللي انجلط من الضحك على شكله :عههههههه بسم الله عليك
رائد: وش فيك ي غبي
عساف مد الجوال وهو يقرأ الرساله وفجاءه ارتفع صراخ رائد وفيصل يناظرون مثل الخبل ولا استوعب الا بعد عشر دقايق وصرخ: بذمتك احلف
عساف :اخوك اللي يحلف شدخلني
على طول دقوا على عادل اللي رد وسمع ازعاجهم وهم يسالونه اذا جد :هههههه ايه باركوا لي
فيصل وعساف ضربوا زغروطه وصل صداها برا الشقه ورائد يصفق. وعادل كان يضحك على حماسهم
عساف :مبروك
فيصل : مبروك عدوله منها المال ومنك العيال هههههه
عادل :اقول ارفع علومك
رائد: ههههههه مبروك بس كيف عطوك بسرعه
عادل:تعرف ابوك كلامه يمشي
رائد:الله يهديه وانا مطمن لك
عادل : وانا عند ثقتك
عساف :ودمتم سالمين
فيصل: ههههههه والله ما توقعت بهالسرعه
عادل؛هههههه افا عليك انا تراني طلقه بس راكد
عساف :خف علينا ي البندقيه قال طلقه ترا من نصيبك عشان النحس فيصل مو فيه
فيصل رمى الجوال وراح يتضارب مع عساف اخذ رائد الجوال وهو يوصي عادل على ريمان ويفهمه وضعها بعد مضاربه عنيفه قطعها عساف :شوف شوف الدرامي ذاك ماصدق غبنا دخل في فيلمه شوي ويبكي
فيصل :متعودين على النكد هم الاثنين وافق شن طبقه
رائد: تلايط انت وياه وناموا
فيصل: وشو ناموا قوموا قوموا بنروح نتغداء
عساف على طول سوا نفسه نايم ورائد سوا كأنه ينظف ثوبه
فيصل:لا تصرفون بتقومون تغدوني وغصب عليكم انا يتيم ومسكين
عساف : من انت ما اعرفك
رائد: ياخي ديكورهم حلو احسه كلاسيكي كذا ورايق
فيصل ناظرهم وسحب العقال وفز عساف من اول ضربه :خلاص اعرفك
رائد نط قبله ووقف قبال الباب :وش تبي غدا
فيصل :ههههه ايوه كذا فكروا لين ابدل
إبتداء فيصل يبدل وعساف ورائد يتهاوشون على الغداء
ظيمنعظيمنع
ظيمنع
في جهه ثانيه كانت ام رامي من شوي راجعه من عند اهل زوجها ودخلت البيت هي ووسن : يلا يلا دخلي هالشنط جوا والله يعين على البيت
وسن : يمه دقي على فيصل يجيب لنا غداء جوعانين والله
ام رامي : فيصل مو فاضي لنا
وسن: تكفين يمه عادي بس يجيبه ويروح
ام رامي :مالي خلق كلميه انتي
وسن وكأنها ما صدقت خبر سحبت الجوال واتصلت على رقم فيصل اللي حافظته عن ظهر غيب
ظيمنعظيمنع
ظيمنع
عند فيصل اللي كانوا توهم منزلين الغداء سمع صوت جواله وضاق صدره لما شاف اسمها وقف وراح بعيد لانه يعرف حركات وسن ولا يرضى العيال يشوفونها بصوره سيئه :هلا وسن
وسن بفرح:هلا بك ي عيون وسن
فيصل تنهد بضيق : قولي ي وسن وش فيك
وسن بدلع : مافيه الحمدلله ع السلامه
فيصل : الحمدلله ع السلامه انتو جيتوا
وسن :ايه تو وصلنا وامي قالت دقي على فيصل يجيب لنا غدا لان غازنا خلص
فيصل عض شفته بقهر : زين نص ساعه واكون جبت الغداء سلام عليكم
وسن:فيصل
فيصل:نعم
وسن:ما اشتقت لي
فيصل : ماودي اكسر خاطرك
سكر وتركها على السماعه وزاد قهره واصرارها انها تحببه فيها
رجع فيصل للعيال وهو شوي ضايق
عساف : خير وش فيك
رائد: وش عندك قالب وجهك ؟

.... 55 .....

فيصل : ولا شي بس خالتي دقت علي تبي غدا واحاول استعجل بروح
عساف : مو مسافره
فيصل : رجعوا
رائد:وليش ضايق
فيصل :لا عادي بس مالي خلق امسك زحمه
عساف : خلاص انا امسك من هنا
فيصل: انثبر بس شوي واقوم
ابتدوا يتغدون ويطقطقون ويضحكون وبعدين قام فيصل واخذ الغدا وراح لخالته
ظيمنعظيمنع
ظيمنع
عند سهام اللي كانت جالسه مع منى وهي مو راضيه ابدا تدخل الغرفه :مابي ي منى فيها فيران
منى انجنت كيف الفيران تدخل البيت : ي سهام ي سهااام انا انا بنفسي انظف كل شي ماعمري مر علي فار
سهام: ما اردي كيف جات بس اشكالها مره تفجع بس اثنين اللي قتلهم طلال والبقيه مو موجودين
منى : انا بروح اشوف
سهام :لا لا ما تروحين اجلسي
منى : اتركيني بشوف بعيني
راحت منى ودخلت الغرفه وماكان فيها شي لكن لما جات تطلع طلع لها اكبر واحد وطقتها صرخه وصلت لسهام وطلع وطلعت الفيران من الغرفه وانتشرت بالبيت دخل ابو عادل على صراخ منى وسهام :وش فيكم
عادل اللي كان مايحب الفيران نهائيا ومستحيل يتقبلها بالبيت نط هو بدوره على الكرسي ونواف مثله ولا كان موجود بالساحه الا ابو عادل اللي كان مجبور انه يقتلها
وكان ينادي لعادل يساعده بس عادل مستحيل يجي وابتدت حرب ابو عادل والفيران وعادل كان يحاول يوثق لفيصل كل اللي جالس يصير وبعد عنا قدر ابو عمر انه يقتلها ورمى اللي بيده وجلس بتعب: عاااادل ي قليل التربيه اناديك وما تجي تساعدني ليه مرتز مثل الحريم على الكنبه
عادل :يبه الله يسعدك تدري بي ما اتعامل مع فيران ابدا ابدا
ابو عادل : لا ي شيخ انت رجال والا وشو بكره شلون تتعامل في بيتك
عادل ابتسم وجلس:يحلها حلال
جلس ابو عادل وهو يمسح يدينه بعد ما غسلها : المهم باركوا لعدول بيصير عريس قريب
منى بفرحه: يمه ي حبيبي مبروك
عادل وقف وهو يسلم عليها: يبارك فيك حبيبتي
منى : والله والله ادور لك احسن عروس تليق فيك
عادل ضحك وهو يبوس يدها: مايحتاج العروس صارت جاهزه والملكه الخميس
منى شهقت بصدمه: تمزح اكيد
ابو عادل :لا صادق تونا من شوي خطبنا ريمان والله تمم وان شاء الله الخميس ملكتهم
منى جلست وهي زعلانه: ليه ماقلتوا لي ليه ما توقعت اني ما اعني لكم شي
ابو عادل : لا ي بنت الحلال موب ذا المقصد بس عادل استعجل ولخمني مكلمني الصبح والعصر مشاني
منى:وانت ي عادل معاد انا عندك شي
عادل : لا ي عميمه بس ادري بترفضين
منى: اكيد برفض اكيد ريمان ي عادل ما تصلح لك
عادل :ليش
منى: مجنونه مجنونه لو قلت فيصل قلت يمكن اما انت لااااا لااا
عادل : يوه ي عمه انا ابيها بزينها بشينها ابيها بعقلها بجنونها ابيها الله يخليك لا تتدخلين بحياتي
منى: تسكتني ي عادل
عادل : ما اسكتك بس مابي مابي احد يدخل بحياتي
منى: براحتك براحتك انا الغلطانه اصلا اللي اعدكم مثل عيالي ورايكم يهمني
عادل :عميمه ي عيوني انتي غاليه علي وتدرين اني ما اسوي شي بدونك لكن لي حياتي الخاصه
منى : زين براحتك
ابو عادل : لا تزعلين ي منى الدنيا كذا
منى: انا اترخص بروح لبيتي
طلعت منى وتركتهم
سهام: عادل مبروك لكنك زعلت عمتك
عادل ناظر بطرف عين : انا قلت الصراحه والله يبارك فيك
نواف : عادل تعال معي نلعب برا
عادل : شوي شوي نلعب الحين تعال جيب شنطتك نشوف دروسك
نواف :يوه بدري
عادل : لا يلا
سهام: تعال انا ادرسك
عادل: لا انا ادرسه
اخذه عادل وطلع فوق ولفت سهام بضيق : مو متقبليني كلهم
ابو عادل : مسألة وقت ي سهام انت ارتاحي وايام وبتشوفين كيف يحبونك عادل ونواف تراهم حبيبين
سهام: ان شاء الله
ظيمنعظيمنع
ظيمنع
عند فيصل وصل ودق الجرس وما طول وانفتح الباب وكالعاده وسن :هلا فيصل
فيصل : هلا وسن وينها خالتي
ام رامي جات من وراها : هلا هلا هلا بالقاطع هلا
فيصل ضحك وهو يبوس راسها: ي بعد قلبي والله انا ادري اني قطعت بس صار معي شغلات تحط العقل بالكف
ام رامي :خير ي حبيبي وش فيك
فيصل :تعالي تعالي تغدي وبعدها اقولك
ام رامي : وسن روحي نزلي الغدا
وسن: يوه يمه ابي اسمع بعد
ام رامي: اقول امشي قلة ادب روحي نزلي الغدا لا اجيب الشحاطه
وسن :اووووف
اخذت الغداء من يد فيصل وهي تمسك يده بقوه ارتبك فيصل وسحب يده وهو يقول : تعالي تعالي ي خاله بقولك
اخذها وجلس بالصالون وهو يحكي لها زواج ابوه وخطبة عادل وطلعته من البيت .

11 - 1 - 2022, 09:38 PM

.... 56 ....

ام رامي حطت يدها على راسها: ي راسي وش تقول انت حسبي لله عليك ي طلال تزوجت ي ويلي عليكم ي عيال اختي وش بيصير فيكم من وراها
فيصل : اخ ي خاله لو تشوفينها الشر يطشر من عيونها
ام رامي : والله والله لو تسوي لكم شي لذبحها واشرب دمها وانا خالتك لا تضيق ولا تزعل اذا ماطفشتها لا تسميني خالتي
فيصل ابتسم للفكره:اي ولله دخيلك ي خاله حطي كل حيلك فيها وشدي
ام رامي : اوريك فيها هالسعوله خطافة الرجال واخوك عادل كيف يخطب مايقولي خلاص تبرا مني
فيصل: لا ي عميمه بس تعرفين عادل مايحب احد يتدخل في اموره
ام رامي:اااه ي فيصل والله مافيهم الا انت اللي قلبك علي والباقين على الله العوض لو اختي حيه كان ما رضت بهالحال
نزل راسه فيصل: معليش ي خاله انا اكفي
وسن :يمه الغداء صار جاهز
ام رامي: يلا ي فيصل قوم تغدا
فيصل:لا دخيلك ي خاله سبقتكم بستأذن
ام رامي:لا لا تروح تعال خلك هنا عشان توصلني لبيتكم ابي اروح اشوف الحيه اللي هناك واعاتب اخوانك
فيصل فرح انها بتروح تنكد على سهام: انا ي خاله مقاطعهم روحي مع تاكسي بلاش يشوفني ابوي
ام رامي: اجلس طيب اطلب لي تاكسي واذا ما ربيتها وخليتها تطلع من البيت ما اكون ام رامي
فيصل : هههههه كفوو كفووو
سحب جواله وهو يطلب تاكسي وفي قلبه فرحه طلب التاكسي وجلس يسولف مع خالته وهو يحاول يتجاهل وجود وسن
وبعد شوي قامت الخاله ولبست عباتها لما وصل التاكسي وقام فيصل ع اساس يروح بس طلب خالته صدمه : فيصل الله يخليك اجلس عند وسن لما ارجع اخاف عليها لحالها
فيصل لف بسرعه على وسن اللي ابتسمت بفرح وقال: بس وراي شغل ي خاله
ام رامي :ما بتأخر بروح بسرعه واجي انا خايفه عليها وما اثق الا فيك عقبي
فيصل انربط لسانه ولا عرف يقول غير: ابشري
طلعت الخاله وتركت فيصل مع وسن وابتدا نفسه يضيق و وسن اللي اخذت راحتها ع الاخر : فيصل تعال ساعدني بالاغراض
فيصل تقدم وهو ضايق واخذ معها الاغراض للمطبخ ورجع جلس وهو صاد نسرين صلحت الشاهي وهي تعرف ان فيصل يحب الشاهي وجابته: فيصل صلحت شاهي تشرب
فيصل كان بيرد بس سبقته واعطته البياله اخذها وهو ساكت ونزلها ع الطاوله وكانت عينه بجواله
وسن : فيصل
فيصل وهو باقي يناظر جواله: همم
وسن :ما عطيتني رايك بالشاهي
فيصل اخذ الشاهي وهو مايبي يطولها : حلو تسلم يدك
وسن: ويدك ي رب ماقلت لي وش رايك بلون شعري الجديد
فيصل وهو اصلا ما ناظرها : حلو
وسن: بس انت ماشفته
فيصل فقد صبره: وليش اشوفه يعني بصفتي ايش
وسن : فيصل انت ليش تكرهني ليش ما تحبني
فيصل صرخ فيها وهو يحاول يرجعها لوعيها: وسن افهمي انا ماني محرم لك عشان تكشفين كذا وماخذه راحتك هذا اولا ثانيا اذا كنت ساكت مو عشان عاجبني الوضع لاا عشاني اشوفك اختي مابي اخسر هالنظره ماني غبي اشوف كل شي لكن مابي التفت وسن افهميني انا احاول احافظ عليك حتى من نفسي ارضي بقدرك واعرفي انه مو معي وانك عندي اخت واذا تغيرت مكانتك ما راح تكون الا شي سيء مابي اذكره
وسن:لييييه ليييييه وش الفرق بيني وبين البنات اللي انت تحبهم وش اللي فيني مو مثلهم
فيصل صرخ :اي حب واي خرابيط انا هالحب ما اعترف به سواء معك او مع غيرك والفرق انك مني وفيني مستحيل ألعب معاك هاللعبه وانتي مثلهم وماينقصك شي بس انا مابي اكسرك اقدر اسوي اشياء كثير وفرص كثير لكن مابي اضرك افهميني وسن انا مستحيل اكون مثل تفكيرك واللي براسك انسيه انسيه ولا تفكرين اني ممكن احبك
طلع فيصل وتركها جلس عند الباب وهو ضاايق ماكان وده يقولها كذا بس هي اللي اجبرته
ظيمنعظيمنع
ظيمنع
عند ام رامي اللي وصلت بيت ابو عادل ونزلت وهي براسها شر دقت الباب بكل قوتها وفتحت عنها سهام دخلت وهي تناظر سهام بطرف عين ومن فوق لتحت وقالت بقصد : ماشاء الله اخيرا جابوا خادمه روحي نادي بابا عادل
سهام انصدمت : مين انتي
ام رامي :عشتوا ماباقي الا الخدم يسألون اقول روحي وانتي ساكته
عادل اللي كان نازل ومعه نواف وانصدموا لما شافوا خالتهم :خاله
نزلوا بسرعه وهم يسلمون عليها
ام رامي جلست وهي تنزل عبايتها : الله يهديكم صمتوا صمتوا وافطرتوا على بصله طول عمركم ما جبتوا خادمه ولما جبتوا ذا الخبله
عادل ونواف لفوا على بعض بصدمه وهم فيهم ضحكه عادل : لا لا ي خاله ما جبنا خادمه هاذي سهام زوجة ابوي
ام رامي تسوي نفسها مصدومه وشهقت وهي توقف :نعم وشو وش قلت ما سمعت عيد عيييييد
نواف :زوجة ابوي
ام رامي : ابوك تزوج خادمه ي فضيحتنا من بعد اختي اللي ترفع الراس جايب لنا خدامه ااااااه اااااه ي قلبي بتعيش وبتشوف العجب ي ويلي على هالفضيحه ..

.... 57 ....

عادل ونواف لفوا على سهام اللي وجهها تماما كان (��)
عادل : لا لا ي خاله هي سعوديه موب خادمه ..
ام رامي : وشو شبلاها هذا وجهها وبعدين ابوك وشو له تزوج مايحشم عشرة اختي حسبي الله عليه باع العشره
عادل : ابوي ما باع شي بس الحي ابقى من الميت
ام رامي : ايوه رد علي جوابات رد علي اااااخ ي اختي لو تشوفين ولدك الكبير وش يقول كلهم نسوك وصاروا يقولون الحي ابقى من الميت
عادل حط يده على راسه وهو يدري انها ما بتنتهي على خير : ي خاله الله يهديك وش هالكلام ما نسيناها بس هذا الحق
ام رامي : حق وامنا بالله لكن يبدل اختي بهالحشره
سهام انفجرت: احترمي نفسك
ام رامي لفت وهي تشهق :مين صوت مين ذا انتي تكلميني
سهام:ايوه اكلمك من غيرك هنا
ام رامي شمرت اكمامها: عيدي اللي قلتيه
سهام انخرشت بس قوت نفسها: اسمعيني زين ما اسمح لك تهينين كرامتي مهما كنتي
ام رامي انطلقت على سهام وهي تقول : اهين كرامتك اذا ما مسحت فيها البلاط ما اكون ام رامي
شدت شعر سهام وسهام تصارخ وابتدت هوشه عريضه طويله والمنتصر فيها اكيد ام رامي اما عادل ونواف اللي كانوا يحاولون يفرقونهم بس ماقدروا بالقوه بعد عادل خالته عن سهام اللي كانت تبكي وهي حالتها يرثى لها: خااااله وش تسوين وش ذا
ام رامي : ي ويل حالي توقف مع هالسعلوه ضد خالتك ي عادل
عادل : ي خاله هي ما قالت لك شي
ام رامي : كل اللي قالت ولا قالت شي
سهام : صدقيني تندمين على اللي سويتيه ي همجيه
ام رامي : شكلك باقي جلدك يحكك
ورجعت لها وعادل انجن منهم خالته كانت قويه وسهام بعد صرخ وهو يقول :نوااااااااف روح نادي لابوي
ركض نواف لدكان ابو مجيد وهو ينادي ابوه :يبه يبببه ألحق
ابو عادل وابو مجيد فزوا : وشو وش فيك
نواف : خالتي خالتي وسهام يتهاوشون
ابو عادل :وشو
ركض ابو عادل ونواف وراه واشكالهم كانت رهيبه طلعت منى وهي تشوفهم يركضون وركضت معهم دخلوا البيت على الصراخ والهواش دخلت منى وشهقت :عمممممممى بعينك ي قليلة الادب اتركيها عسى يدك الكسر
ام رامي : ماشاء الله شرفتي ي الخطابه
منى :نعععععم انا خطاااااابه
ام رامي : ايه خطابه اجل وش تبين تكونين
منى اللي ما تواطن ام رامي وانقضوا على بعض وصاروا يتهاوشون وسهام اللي طلعت برا وهي تبكي انفجع ابو عادل من شكلها: سهاااام وش صار فيك
سهام : ااااخ ي طلال حسبي الله عليها شوف وش سوت فيني الساحره
ابوعادل سحب الكرسي :اجلسي اجلسي نواف جيب مويه
عادل اللي ما افتك من سهام الا دخلت منى بدالها ووعاد هنا ما ينتهي الشر :يببببببه ألحقنا
دخل ابو عادل وهو صاد عشان ما يكشف ام رامي وسحب منى وعادل اعطى لخالته عبايتها ولبستها وهي تهاوش وتصارخ
منى: اتركني ي طلال والله لااربيها والله
ابو عادل :خلاص ي منى خلاااص وانتي ي ام رامي هاذي سوات الله يهديك
ام رامي : بعد جاي تعاتبني ي ابو عادل وانا اللي انهنت في بيتك الله يرحمك ي اختي الله يرحمك
ابو عادل: محشومه ي ام رامي محشومه بس هذا مو فعل
ام رامي سحبت شنطتها: زين زين انا اخر عمري انهان في بيت اختي وعند عيالها الله يرحمك ي فدوه وش صار فيني بعدك حسبي الله عليكم حسبي الله عليكم
طلعت ومرت من عند سهام وصقعتها بالشنطه على راسها وطلعت وصرخت سهام وركضوا لها منى ضمتها: الله يكسر يدينها
عادل اللي بعد ماشاف اشكالهم بعد الهوشه انفجر من الضحك هو ونواف ابو عادل ناظر في سهام ومنى وضحك معهم
سهام: جالس تضحك علي ي طلال هذا بدل ما تاخذ حقي
ابو عادل :غصب علي شايفين اشكالكم وبعدين وش صار عشان بدت هوشه
سهام :تقولي انا خدامه
منى: وشو تخسي الا هي الهمجيه اااااخ ليتك تركتني لها ي طلال
عادل كان يحكي لابوه السالفه ويضحك وابو عادل اللي كان وده يضحك بس ماكان وضع منى وسهام يسمح قامت سهام ترتب شكلها ومنى معها وانفجر ابو عادل وعادل ونواف
ابو عادل : وخالتكم وش جابها
عادل: شكلها كانت بتزورنا بس انصدمت
ابو عادل :فيصل لا يكون قال لها
عادل :لا واضح انها ماكانت تدري الا منا
ابو عادل :هو وينه مختفي ماتدري وينه
عادل :لا يبه ما كلمني من امس
ابوعادل :ماقلت له عن خطبتك
عادل : لا ما يرد علي
ابو عادل : عادل اخوك وينه ماتدري عنه من امس وجالس
عادل : يبه اكيد عند اصحابه ما بيصير فيه شي
ابو عادل :لااااا اخوك لا تخليه مهما صار
عادل : طيب يبه ادق عليه واشوفه الحين
دق عادل بس فيصل ما رد وقلق ابو عادل وابتدا يدق هو بعد بس الرد واحد ..

11 - 1 - 2022, 09:40 PM

.... 58 .....

عند فيصل اللي كان يشوف اتصالاتهم ومتجاهلها وقف وهو يسحب زقارته وشعلها وهو يصور سنابه وعلق عليها (‏يا مدينه ‏ما لمحتي إنسان ضايع ؟ما لمحتي إنسان آهاته حزينه !)
جاه الرد من كثير لكن ماجاه رد حنين استغرب عدم ردها ونزل سنابه خاصه فيها (‏وينه...؟؟؟ ‏رفيقي اللي كلما دارت بي الدنيا ثبت )
اديم اللي كانت جالسه لحالها وهي معليه صوت اغنيه (انت طيب ) اللي صارت تحبها كثير من بعد فيصل.
سحبت جوالها وهي تشوف اذا نزل وشافت سناباته وكعادتها ردت عليه بسنابه وهي ترد (‏ولا تحزن على عثرات عمرك جعلها تفداك ،،تشوف القادم اجمل كلما توقف على حيلك ،،) ونزلت ثانيه رد بعد (‏ظ° انا لك اكثر قرب من وسطاك لسبابتك!)
كانت هالردود كفيله انها ترسم الضحكه على وجه فيصل واديم بنفس الوقت
دخلها فيصل وهو يقول(اي والله انك اقرب من كل شي )
اديم دق قلبها ولا عرفت ترد ولا ردت رجع فيصل كتب( اقدر اطلبك شي )
اديم ضرب قلبها وخافت من طلبه ولا ردت فيصل استغرب سكوتها وقال (لا تخافين تقدرين ترفضينه )
اديم (وشو )
فيصل ( لا تطولين علي ولا تغيبين عني انا فعلا بدون كلماتك اللي مثل البلسم احس اني متوتر حنين من جد انتي صرتي لي صديقه احتاج لها مثل ما احتاج عساف ورائد )
اديم اللي كانت تقرا كل كلمه عشر مرات رمت الجوال وهي فرحانه وبنفس الوقت ضايقه ماتبيه يتعلق فيها وتتعلق هي بعد فيه وهي تدري وش نهايتهم نزلت دموعها ولا قدرت تكتب شي
فيصل ( حنين وش فيك للحين تعبانه!!؟)
اديم اللي رفعت الجوال وهي تمسح دموعها عشان تقدر تكتب ( شوي بس وابشر مابطول ولا بغيب )
ابتسم فيصل ابتسامه عريضه وحب انه يغير جوها اللي حس انه مو حلو وسجل لها صوته وهو يقول ( سلامتك ما على قلبك شر شدي حيلك وقومي والله صرتي اساسيه )
ضحكت اديم وردت ( خلاص ابشر عطني يوم وافز)
فيصل ( ماشاء الله عليك حتى المرض تحددينه)
اديم(لا بس الواحد يحتاج دافع عشان يكسر المرض)
فيصل( ي زين حظي لما صرت دافع لك المهم بخليك ترتاحين وانتبهي على نفسك تراك وععع وانتي مريضه)
اديم(ههههه كلامك محسوب عليك )
فيصل( مو مهم المهم "وقال بلحن " انت طيب هذا هو اللي يهم وانت طيب وغير هذا مايهم ههههه اتركي صوتي خليك بالمضمون )
صح كانت بسيطه لكنها كانت مليانه مشاعر عند اديم كانت تعني لها كثير واول ما سمعتها انفجر فيها بكى وضحك
ماقدرت ترد على فيصل ولا بشي وهي تدري ان كل هذا بيروح وبيختفي في يوم من الايام تركت الجوال ودفنت راسها بالمخده وهي تبكي وكانت فعلا حبت فيصل صح ايام قليله بس اديم ما عرفت فيصل اللي الكل يعرفه لا عرفت فيصل المخبى جوا وراء اشياء كثيره فيصل الحزين المكسور الطفل النظيف واللي ينحب وعشان كذا حبته وتعلقت فيه بمده قصيره حست احد يفتح الباب وفزت وهي تمسح دموعها
مشاري : اديم وش فيك تبكين
اديم : ولا شي كذا ضقت وبكيت
مشاري :تستهبلين اكيد وش اللي ضقت وبكيت اصلا مين مضايقك قولي لي
اديم : ولا شي والله عادي كذا
مشاري : ادييييييم الموضوع هذا كبر ولا ينسكت عليه قولي وش صاير معك
اديم كان عذرها واحد ولا تغير :هي نفس السالفه تهاوشت مع روان
مشاري : وش السبب في هوشتكم من فتره متهاوشات
اديم : سالفة وعدت بس وانا اشتقت لها عشان كذا انا ضايقه
مشاري ابتسم بهدوء :زين لا تزعلين ولا تتضايقين روان محلوله سالفتها انتي يلا غسلي وجهك وانزلي تحت نتقهوى ونروق ولا ابي اشوف دموعك ثاني مره انتي مو اي احد انتي اغلى اخت بالنسبه لي
ضمته اديم وهي تحمد ربها على نعمة الاخو
طلع مشاري وتركها
نزل لمروى : مروى تعرفين رقم روان صاحبة اديم
مروى: ايوه ليش
مشاري : كلميها وحاولي تحلين المشكله اللي بينهم عاجبك حالة اديم
مروى: كلمتها من قبل وقالت تصافوا
مشاري : ارجعي كلميها وقولي لها اديم تعبانه وخليها تجي ويتصالحون
ام مشاري : والله حيرتني هالاديم مدري شفيها
مشاري :كلمتها وقالت متهاوشه مع روان عشان كذا طلبت مروى تصالحهم
مروى: خلاص انا اكلمها
مشاري : زين انا رايح
اتصلت مروى على روان اللي كانت فاهمه عذر اديم وقالت انها جايه
ظيمنعظيمنع
ظيمنع
اما فيصل اللي كان واقف وينتظر خالته شاف التاكسي جاي وركض له فتحت الباب خالته ونزلت وفيصل يحاسب رجع لها وهو ياخذ الشنطه ودخل وراها : هاه ي خاله وش صار معك
ام رامي جلست وهي مبسوطه: لا تسأل بردت قلبك فيها غسلتها ونشرتها وزود عليها عمتك هاللي شايفه نفسها ..

.... 59 ....

فيصل شهق وجلس :وشو وشو وش صار قولي قولي
جلست ام رامي وهي تحكي له وش صار وفيصل فاتح فمه بصدمه: ضربتيها ؟
ام رامي: وش ضربتها نتفتها تنتيف الله وكيلك
فيصل انفجر يضحك وقام وهو يبوس راس خالته ويدينها :والله تسلم يدك والله الواحد مايبي الا خاله مثلك تبرد قلبه وزين سويتي فيها وعميمه بعد مسكينه صح بس بردتي قلبي فيها على اللي سوته
ام رامي :مسكينه ايش ي حبيبي مسكينه ايش انا انتظر هالفرصه وجات والله الله ما اخليهم يتهنون
فيصل: ههههههه انا مدري وش اجازيك براع¤و عليك ابي فزعتك
ام رامي :ولا تزعل كل يوم اروح واغثهم
فيصل:هههههه انا اللي اعجبني انك سويتي نفسك مانك عارفه وصدمتيهم بقولك انها خادمه
ام رامي ضحكت:افا عليك انا اذا مازبطتها مين يزبطها
فيصل باس راسها :وانا والله اقوله المهم انا اترخص بكره اجي ان شاءالله
ام رامي : الله يستر عليك انتبه لنفسك
طلع فيصل وهو مبسوط من قلبه يحس راح نص اللي بقلبه على سهام وعمته قطع عليه اتصال عادل : هلا ي عادل هلا وش فيك انفلت على الجوال ازعجتني
عادل : قلقت عليك وينك ما ترد
فيصل:كنت نايم
عادل :ذا الحزه نوم
فيصل:ايه انت وش عندك
عادل: زين زين وش عندي عندي اشياء لو تعرفها
فيصل ابتسم:وشو
عادل: من شوي كانت عندنا خالتك وغسلت سهام ونشرتها ولا قصرت بعمتك جمعتهم ثنتينهم على بعض
فيصل ويسوي نفسه مصدوم: في ذمتك وشو وشو
عادل ابتدا يشرح لفيصل وهو يضحك وفيصل يضحك وكان توصيف عادل يفطس ضحك
فيصل: هههههههه الله يعطيها العافيه هالخاله
عادل :ههههههههه لو تشوف عميمه وش صار فيها انجلطت انجلطت للحين محموسه من خالتي
فيصل:هههههه زين والله ابي قلبي يبرد فيها وانا اشهد اني لأول مره افتخر بلقافة خالتي
عادل : بيني وبينك بدعت بدعت سهام للحين تبكي وكل شبر فيه علامه من خالتي وتهدد وتتوعد بخالتي
فيصل: عشتوا تعرف تتوعد وتهدد خلها تستريح بس و يالله ي رب تحط حيلهم بينهم
عادل :المهم ابوي مره قلقان عليك رد على اتصالته
فيصل:مانيب راد خله شوي يحس باللي سواه وعواقبه
عادل: فيصل حرام عليك والله ابوي يحبك وتعبان نفسيته عشان غيابك
فيصل:لا ي عيني الحب لسهام المهم توكل على الله بروح اخلص كم شغله
سكر فيصل وهو مايبي يسمع محاولات عادل واتجه لشقه
ظيمنعظيمنع
ظيمنع
عند ريمان اللي كانت بتموت شلون يزوجونها عادل غصب عليها كرهته وكرهت اليوم اللي خطبها فيه شدت شعرها وهي تحاول تحبس دموعها لا تنزل وسمعت صوت باب الغرفه ينفتح وكانت نسرين اللي من يومين وهي ما نامت ولا غمضت عينها ولا هي قادره تشوف ريمان من القهر والغبنه
ريمان ناظرتها وهي تشوفها تتجه لدولاب اخذت ملابس ولفت بتطلع فزت لها:نسرين ساعديني ي نسرين ساعديني
نسرين ناظرتها بضيق:بأيش اساعدك
ريمان: مابي عادل مابي اتزوج ماابي الله يخليك نسرين ساعديني
نسرين :كيف اقدر اساعدك ابوي مصر انك تتزوجينه ولو بقول له انا بتزوجه بيذبحني وش اسوي
ريمان: لا تقفلين باب الغرفه تكفين ابي اهرب صديقني ما احد يحس الله يخليك نسرين ارحميني من هالعذاب الله يخليك انا مقدر مقدر
نسرين بكت وهي تناظر ريمان اللي بكت كانت بين امرين ي انها تترك لها الباب وتهرب وتتزوج هي بعادل او انها تقفل الباب وتقفل معاه على حب عادل
كان قلبها ينزف بحب عادل ونظراتها على ريمان اللي ما تستاهل عادل
اما ريمان اللي كانت تترجاها تساعدها وعيونها عليها
لكن نسرين اللي مستحيل تبدي عادل على اختها وهي تدري بقرارة نفسها ان ريمان مستحيل يتركونها ابوها ومحمد وبينكدون عليها وقالت في بالها ان عادل اكيد بيحبها والا ما تمسك فيها واختارها وهو عارف عيوبها بكل هدوء نطقت وهي تبكي : صدقيني بتشكريني
انسحبت وقفلت الباب بسرعه وهي تبكي وتسمع صوت ريمان اللي تدق الباب وتبكي جلست بتعب وهي تقول :اااااخ ي ربي وش اللي سويته بنفسي
وقفت وراحت بسرعه لغرفة رائد اللي صارت تنام فيها بعد ذا المصيبه قفلت الباب وابتدت نوبتها وهي تندب حظها
ظيمنعظيمنع
ظيمنع
عند فيصل اللي دخل وهو جايب معاه قهوه وحلا وحركاات وفرحان نزلها ووقف وهو يناظر رائد وعساف قرب وهو يسحب اللحاف: رائد عساااااااف عسااااف رائد رائد عساف عساف رائد يلااااااااا قوموا شوفوا وش جبت
رائد :يوه ي فيصل وش تبي تو نمنا
فيصل :قوموا شوفوا وش جبت لكم جايب لكم خبر يكسر الدنيا وجايب بعد عشانه قهوه وحلا يلا ..

.... 60 .....

عساف وهو حاط المخده بوجهه: والله دامك كذا وجايب قهوه اكيد خبر يسوى
فيصل تربع وهو يسحب الحلا وهو جالس ع السرير : اليوم راحت لخالتي لبيتنا
عساف فز وجلس :انا داري ذبحتوا الحرمه ذبحتوها خلاص
حسبي الله عليك انت وخالتك
رائد جلس وهو يمسح عيونه: فيصل اعترف اذا فيه مصيبه عشان نحلها
فيصل ناظرهم بطرف عين : ليش لهالدرجه مجرم بعينكم عسى عينكم الفقع
عساف : شوف عاد انت لحالك شر بتصير مع خالتك تصيرون كارثه تسونامي
رائد :انا اتفق صراحه معاه
فيصل: يعني هو صح بس هالمره مو تسونامي امواج خفيفه
عساف : قول قول خلنا نروح نعزي ابوك المسكين
فيصل:هههههه بدري ع العزا بدري
رائد: انطق نشف دمي
فيصل ابتداء يحكي لهم وش اللي صار ورائد وعساف انفجروا ضحك وهم يتخيلون الموقف
رائد:ههههههه يوه ي عمي انجن اول مره يمر عليه كذا
عساف : صراحه بدعت خالتك صفتهم صف
فيصل:هههههههه والله يأني برد قلبي فيهم كلهم نتفتهم تنتيف
رائد: والله خالتك ينخاف منها باين الشر براسها
فيصل : ههههههه اي خلها الله يقويها انا ابيها كذا فزعه
عساف: زين والله تسوي في سهام
رائد:انت وشو له حاقد عليها ماسوت لك شي
عساف : والله شوف اللي يضيق فيصل يضيقني عشان كذا
فيصل سحبه وهو يبوسه : جعلني فدا راسك ي بعد عمري اسمع اسمع ي ولد عمي الموقر شوف ناس اخلاق
رائد:اخلاق كثر منها
عساف : نعم يا ابوي وش فيني ملح وقبله
فيصل:وهو صادق
رائد: ي رجال كبر مخدتك بس وارقد
عساف : جالس تغلط علي ترا
رائد .: واذا يعني
عساف : قدها يعني
رائد :ايوه
عساف لف وشاف الشيره تبع الحلا وسحبها وكبها على رائد اللي انجلط وسحب الكودرد وكبه على عساف وطشر على فيصل اللي اخذ طفاية الزقاير وكب عليها قهوه وعلى شعر رائد كبها وابتدت حرب من التحدي والضحك
ظيمنعظيمنع
ظيمنع
عند اديم اللي كانت بتنزل بس تفاجأت بروان اللي تدخل عليها الغرفه وهي مقطبه وجهها بضيق :اديييم
اديم ركضت وهي تضم روان وابتدت تبكي ماكان على روان اللي ضايقه من حال اديم الا انها تضمها وهي ساكته وبعد شوي هدت اديم :ليش جيتي
روان: دقوا علي يقولون لي تعالي صالحيها اديم تعبانه والكل قلقان عليك وانتي مو معاهم
اديم :شسوي ي روان مو قادره
روان:كله بسبب الزفت اللي اسمه فيصل
اديم: حرام عليك ي روان والله ما تعرفينه عشان تقولين كذا فيصل مسكين
روان: مسكين طل بوجهه مسكين انتي المسكينه شوفي وش مسويه بنفسك وهو ما درى بك ويتسلى من بنت لبنت لمصيبه وانتي مصره تحبينه
اديم :مو هاذي المشكله
روان :اجل
اديم بخوف وتردد : فيصل طلع ولد زوج سهام
روان شهقت وهي تحط يدها ع راسها :وشو انجنيتي انتي انهبلتي ماعاد بك عقل انتي تدرين لو يعرف انك تقربين لسهام بيعزر فيك هو خلقه مايطيق سهام باقي تجين انتي معاها وتلعبين عليه اديم اصحي لنفسك صدقيني مابيجي من وراه خير اقل شي بينتقم من سهام فيك
اديم : والله ما كنت ادري بالصدفه عرفت لما حكى لي عن زواج ابوه مدري وش اسوي ي روان والله مو بيدي حاولت اتركه بس ما قدرت
روان قامت وهي مو مصدقه اللي تقوله اديم : اديم الله يخليك لا تحطين نفسك على المحك وانتي تدرين وتعرفين ان كل هذا وهم وفيصل كذاب ولعاب بكره اذا اخذ اللي يبي منك بيرميك وكأنه ما يعرفك هذا اذا ما عرف من انتي وفضحك بين الناس
اديم غمضت وهي تبكي وماتبي تفكر ان فيصل ممكن يضرها
روان قربت وهي تهز اديم : اديم اديم افهمي ضروري توقفين اللي تسوينه ضروري والا صدقيني كل شي بتخسرينه
اديم وقفت وهي في نفسها تقول ( مستحيل اوقف حب فيصل مستحيل ): زين خلاص بوقف والله يكون بعوني
روان:اكيد اديم
اديم:اكيد
روان :زين قومي غسلي وجهك وتعالي نغير جو وبطلي هالكأبه عشان اهلك
اديم :يلا اسبقيني ابدل وانزل
نزلت روان وهي تطمنهم على اديم اللي كانت بنفسها مستحيل تترك فيصل وبعد شوي انضمت لهم وبدت تسولف وترجع لوضعها الطبيعي وبعد نص ساعه راحت روان ورجعت اديم لغرفتها بحجة انها بتنام لكن هيهات ثم هيهات كانت تفكر اذا بتترك فيصل او لا بس لما تذكرته كلامه. حلفت ما تخليه وقررت تعيش حياتها بكل شي وتترك على ربها الباقي صورت سنابه وهي تعلق عليها( ‏استخير .. والقى بعدك ألف خير ‏بس انا ماني بخير ..ألا معك!!)

#يـــــتـــــــبــــــــــع...

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM
دمشق لاتبكي اناتك توجعني	ياقلبي اكتفيت	همس الشعر والقوافي	9	11 - 7 - 2015 12:21 AM
حمامات باللون الرمادي لمنازل مكتملة ال ناقة	هدوء الروح	همس للأثاث والديكور	6	14 - 4 - 2014 08:27 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات