عيونك شوكة في القلب توجعني و عبرها للكاتبة ديم الراشد مكتملة

11 - 1 - 2022, 09:42 PM

....61 .....

عند فيصل اللي انتهوا من حربهم بعد ما خربوا الدنيا وحاسوها وقف قبال المرايه وهى يقول بقرف :وع حسبي اللله عليكم وش ذا العفن
رائد: كله من التمساح اللي جنبك
عساف : التمساح انت واشكالك ي متخلف
رائد مارد وهو يجمع ملابسه عشان يدخل الحمام ويتروش ومايبيهم يحسوون عشان ما يدخلون قبله الخطه نفسها كانت في بال عساف وفيصل والكل ركض بنفس اللحظه وصاروا بنص الحمام
فيصل : ي عيال اطلعوا بلا سماجه تراها شقتي واانا المستحق
عساف : اقول اقلب وجهك بس ويلا انت وهو دربلوا
رائد:شوفوا عاد ناظروني زين لا يغركم اني ساكت ومخلي لكم الحبل على الغارب اقلبوا وجيهكم احسن واتقوا شر الحليم اذا غضب
فيصل : اقول اسمعني ا..
انقطع كلامه وطارت عيونه لما شاف عساف ينزل ملابسه ومو مهتم لوجودهم وجلطهم كلهم
فيصل لف وهو يصرخ: عسافوه استح على وجهك ي متخلف
رائد شهق : حسبي الله عليك ياللي ما تستحي
عساف ضحك وهو مطنشهم وكمل طلع رائد وهو يسب ويلعن بعساف اما فيصل اللي رمى عليه الجزمه وطلع وهو مقهور
من عساف وجلس وهو يسحب جواله لما سمع صوت رسايل دخل وتأفف بقرف لما شاف رسايل العتاب من حبيباته وانه مهمل ومايحب دخل يرد بكلماته الحلوه اللي محد يقدر يقاومها واسلوبه الجذاب وهو ردوده موحده على الكل لكن الكل يحسب انها له لوحده وسرعان ما رضوا وانهل على فيصل انواع الغزل والحب ضحك بأستهتار واستحقار على غباهم دخل سناب وهو يبي يقول لحنين( اديم) عن اللي صار معه شاف سنابها واللي نزلت واستغرب تنهد ودخل لها خاص وهو يدري انها ضايقه عشانها حاسه بالذنب من كلامها معاه ( حنين )
اديم ردت على طول وهي تنتظره من زمان ( هلا )
فيصل ( اذا وجودي مسبب لك أذى ومشاكل انا مستعد انسحب لكن المهم ما تضيقين او تتأذين ادري انك ضايقه عشان هاللي يصير ومعك حق لكن تأكدي اني مستحيل أذيك او اخليك تندمين على معرفتي ويشهد الله علي انك عندي مو مثل كل البنات )
اديم انصدمت من كلامه بس بنفس الوقت فرحت انه يفهمها ولكن ردت وايقنت زياده عن اول انها مستحيل تكون من غير فيصل ( انت مو مسبب أذى ولا انت مزعجني بالعكس انت كل الخير وادري ومتأكده انك افضل من اي نقد سيء او نظره تتوجه لك )
ابتسم فيصل ( ي زين الناس اللي تفهم لكن ابي الجد ي حنين اذا حسيتي اني بديت ازعجك قولي لي ولا ابي اشوفك ضايقه مره ثانيه )
اديم ابتسمت من قلبها( قلت لك عادي وش فيك المهم قول وش عندك اليوم من مصيبه)
فيصل (ههههه يعني صرت مربوط بالمصايب )
اديم ( ههههههه ايه هذا انت من عرفتك كل يوم مصيبه شكل)
فيصل( زين زين اليوم مصيبتي غير مصيبتي شي يثلج الصدر)
اديم ( دامها كذا اكيد سويت شي في سهام)
فيصل (وش دراك ان اسمها سهام!!)
اديم انلخمت وانفجعت ( انت قلت من قبل وش بك من الفرحه نسيت )
فيصل (هههههه يمكن والله )
اديم وهي باقي مرعوبه من انه كان بيكشفها( ايوه قول وشو)
فيصل ابتدا يكتب لها كل شي صار معاه وهو يضحك اديم انصدمت وخافت على سهام وبسرعه ارسلت لها ( سهام كيفك)
ورجعت ردت على فيصل (هههههه لا عاد مو كذا ي فيصل حرام عليكم هبلت فيها)
فيصل( والله تستاهل محد قالها ترضى تاخذ واحد كبر ابوهها)
اديم ( حتى ولو هي ما دورت على ابوك هو اللي اخذها)
فيصل( مو شغلي مين دور على الثاني شغلي حياتي راحت بالرجلين)
اديم حسته تنرفز من مدافعتها عن سهام وخافت انه يشك( يعني في النهايه لها ذنب بس ما تستحق كل ذا جرب تعيش معها وتشوف يمكن تحبها)
فيصل(حنين هالموضوع قفليه هاذي حتى الاسم مابيه يجمعنا )
سكتت اديم بخوف وبعدها ردت عشان ترجعه لروقانه( سالفتك بلا طعم اليوم )
فيصل انصدم( كل ذا بلاا طعم ليش)
اديم( ليش ما سجلتها بصوتك احلى وتنفهم اكثر)
فيصل (هههههه بس كذا فجعتيني ماقدرت اسجل العيال عندي )
اديم( مو ع اساس ما عليك من العيال )
فيصل( اي ما علي لما اكون مع اي وحده لكن معك لا )
اديم(ليش)
فيصل ( لأنك غير )
اديم ماعرفت وش تقول وغيرت الموضوع وقالت ( زين هالمره بنعديها مره ثانيه مافيه)
فيصل (ابشري )
طلع عساف ودخل رائد وفيصل ما حس فيهم وكان داخل جوه مع اديم استغرب عساف وقرب بيشوف وش اللي شاده وماخلاه يقوم يتروش ولما قرب بعد فيصل وهو يناظره بأستغراب : وش تبي

.... 62 ......

عساف :خير من اللي ما اخذك معه هااااه والا طايح على صيده ولا تقول لي
فيصل ماكان يبي عساف يدري بحنين ابد : محد ماخذني جالس اكلم اهلي
عساف رفع حواجبه بأستنكار:اهل مين انت تستهبل
فيصل: لا ما استهبل يعني ما كلم احد الا لازم اقولك
عساف :وليش عصبت طيب
فيصل: ما عصبت
عساف : عصب
فيصل صرخ: وانت شتبي
عساف: ههههه ي شيخ ترا واضح انك لا تكلم احد ولا هم يحزنون
فيصل طالع فيه بطرف عين : وش تبي طيب اكلم اهلي والا ما اكلمهم
عساف : والله ي صديقي شكلك زحف وجهك بالارض
رائد : مين اللي زحف وجهه
عساف : ولد عمك هذا جالس على مصيبه مدري وش هي
فيصل: خير عسااف مجنون انت
رائد: وش السالفه
فيصل اخذ جواله وقام اتجه للحمام وهو واضح انه منشد بالسوالف
رائد: وش فيك عليه انت
عساف :تعرف احد من اقارب فيصل اسمه حنين
رائد:لا وليش يعني
عساف :ياخي لي مده اشوف هاذي اسمها حنين دايم يسولف معها فيصل
رائد:وش الجديد يعني اكيد وحده متعرف عليها
عساف :الجديد انه ماقالي عنها وغير كذا اذا قربت منه وهو يراسلها او شي يخبي الجوال او يسكره
رائد:والله ماني فاهم شي ي عساف
عساف اتكى على كتف رائد: اللي بتفهمه ي صديقي ان فيصل راح وصابته سهوم الحب
رائد:وش اللي يخليك تجزم انه حب
عساف: باين من هالضحكه اللي ما تصك والجو اللي يدخل فيه لما يكلمها والله ماني خايف الا انه يتعلق فيها وبعدها يضيع
رائد: هذا شي مافيه منه مفر اللي يسويه وتسويه انت بالبنات بيرجع لك واشد عقاب
عساف لف وهو يحاول ماياخذ كلام رائد على محمل الجد لانه يدري انه بيتعب
اما فيصل اللي كان باقي ما تروش وجالس يكلم اديم ولما حس انه طول قال( حنين عطيني ظ¥ دقايق وارجع لك)
اديم ( زين بعدها ترا )
فيصل( هههههه يلا ابدي )
سكر الجوال ونط يتروش بسرعه بسرعه عشان يخلص قبل خمس دقايق وقدر انه يخلص لف المنشفه عليه وجلس وهو يسحب الجوال بحماس ( اربع دقايق ونص هههههههه )
اديم (ههههههه ما توقعتك دقيق )
فيصل( ههههههه والله مدري كنت طحين )
اديم ( ��ارجع ارجع )
فيصل( ههههههه امزح وش بك )
اديم( زين وين رحت )
فيصل( اتروش )
اديم(؟! تمزح)
فيصل(لا جد )
اديم( وش طرا لك وفي احد يتروش بأربع دقايق)
فيصل ( ههههههه والله ماكنت كذا بس انتي خليتيني كذا)
اديم( وش دخلني انت كل شي تحطه علي كان قلت بتروش ما باكلك)
فيصل( هههههه اي وانا صادق وبعدين انا قلت كذا عشان ارجع بسرعه مابي انشغل اليوم بجلس معك )
اديم( صاير فيك شي اليوم ضاربتك شمس ومضروب راسك قولي )
فيصل( ههههه ليش هذا جزاي بجلس معك)
اديم ( مو بالعاده)
فيصل( هههههه ولا والله بس طفشان ولا عندي شي قلت اجلس معك)
اديم( غريبه وين عساف ورائد)
فيصل( رايحين مو هنا )
فيصل ماكان طفشان وكان مشغول وعساف ورائد موجودين بس كذا يبي يجلس معها
اديم ( زين زين اجل بتفضى لنا اليوم )
فيصل ( انا دايم فاضي )
ابتسمت اديم بفرح وهي مبسوطه لكن قطع عليها اتصال سهام
اديم: اهلين سهام
سهام: هلا اديم كيفك
اديم: الحمدلله انتي كيفك وش مسويه مع زوجك
سهام تنهدت:والله شكلي فعلا دخلت بالمعمعه
اديم:ليش
سهام قالت لاديم كل اللي صار وهي مقهورة من انها قالت لها خدامه اديم انفجرت تضحك لا شعوريا
سهام:خير تضحكين خير
اديم: هههههه وش اسوي الوضع يضحك وبعدين انا قلت ماتسمعين تحملي اللي بيصير فيك
سهام: مو وقتك اديم انا اصلا متأزمه منها ..
اديم: استغفر لله هههههه وش بتسوين الحين
سهام: ولا شي بنتظر وعلى الله الفرج
كملت اديم وسهام سوالف عن حياة سهام واديم تحاول تختصر عشان ترجع لفيصل
ظيمنعظيمنع
ظيمنع
عند فيصل اللي لبس وانسدح عساف :خير شفيك انسدحت قوم بنروح الاستراحه
فيصل : مالي خلق بنام
رائد: تمزح اكيد فيصل مقومنا عشان ترجع تنام
عساف : ياخي قوم اترك عنك هالحركات
فيصل : والله مالي حيل ولا خلق بنام
عساف : يعني قلبت وجهك عشان هالبنت
فيصل تنهد : عسااااف وش صاير لك انت انهبلت وبعدين ريحنا من هالبنت ماتفهم
رائد: حلوها عاد وقوموا كلكم بتنبسط يلا فيصل
فيصل: والله ماني رايح خلاص روحوا
عساف : يلا ي رائد يلا صكته ام العبيد
طلعوا عساف ورائد اما فيصل اللي رجع لحنين ( اديم ) وارسل وشافها تأخرت قام وصور شي من الذكرى لأمه وهي عباره عن فازه تحبها كثير وشكلها جميل وملفت ونزلها سناب

11 - 1 - 2022, 09:57 PM

.... 63 .....

(‏لا هبت الذكريات وهزت انقاضي ،،يجتاح صدري حزن جبار ما اطيقه
‏.،يا ليت به باب يدخلني إلى الماضي ،،وأروح له كل ما حسيت بالضيقه)
رمى جواله وغمض عيونه بقوه وهو يدور راسه بالذكريات صحى على صوت جواله وكان اتصال من ابوه وكان وقته جدا غلط طنش ورجع للي كان فيه وهو تاخذه ذكرى وترجعه ذكرى وكالعاده توقف محطات الحياه لليوم المشؤم
حس بأهتزاز جواله وشاف حنين تكتب وشوي ووصلت الرساله وكانت تقول ( وش اللي هز مبسمك ورجعك لذكرى ؟؟! )
اخذ فيصل الجوال ورد ( الحنين ي حنين )
اديم تنهدت لما حست بضيقه وقالت ( حنيت لامك)
فيصل( ميت حنين ي الله ي حنين لو يطلع معجزه او امنيه وحده بس والله ما تمنى الا رجوعها كان كل شي بيكون حلو وكان فيصل ماهو فيصل كان اشياء كثير ماهي كذا)
اديم ( وش اللي تغير )
فيصل سجل لها صوت لانه مايبي يكتب تعب يكتب ( كل شي كل شي تغير من اليوم اللي ودعت فيه الدنيا كل شي اختلف حتى مرور الساعات كل شي اهتز وضاع وكل تدمر وانتهى انا ابوي اخواني بيتنا حاولت قد ماقدر اثبت اتزانه بس ماقدرت ماقدرت ...)
كان فيصل يحكي بدون شعور ولا إدراك وكان اول مره في حياته يحكي عن شعوره بذاك اليوم
اديم اللي كانت تسمع وتبكي من كلامه اللي يقطع القلب للحظه تمنت انها عنده وتضمه وتكون له كل شي تمنت لو تقدر هي ترجع امه او تعطيه ام زي امه بس مافي يدها حيله واحتارت شلون ترد ولا عرفت غير انها تقول ( كلنا ي فيصل محتاجين معجزه تنقلنا من شي لشي بس محد فينا قادر تدري اللي يفيد إنا نلجى لربي في كل شي وصدقني بيساعدك)
فيصل تنهد ( وهذا هو اللي بيصير)
كمل فيصل لاديم وكان يحكي لها مواقف واشياء كثير فيها بكى وفيها ضحك ولا حس بالوقت الا لما سمع رجعة العيال وكان الوقت متأخر تنهد لما حس انه تعب واستأذن من اديم ولف وهو يسكر عيونه بتعب
دخل رائد وعساف وشافوه نايم وبدلوا وناموا وهم اللي كان جوهم عادي ولا فيه اي تغيير
ظ ظ
ظ
في بيت ابو عادل كان عادل سهران مع اصحابه ومارجع للبيت ونواف اللي كان بغرفته وهي يحس بخوف وتعب كان مريض ولا قادر يتحرك وهو يدري ان عادل مو فيه نادى ابوه بس ابوه ماسمعه ولا رد عليه حس بالوحده وبالخوف ارتجف قلبه وهو يتمنى لو فيصل فيه اكيد كان بيسمعه ويحس فيه
رغم ان نوم فيصل ثقيل الا انه يحس بنواف اذا تعب واذا خاف واذا صحاه نواف يصحى بسرعه
جلس فتره يحاول ينادي بس محد معاه دق على عادل لكن عادل جواله مقفل رجع اتصل على فيصل وهو يبكي ومريض حيل
فيصل اللي كان نايم بس فز بخوف لما سمع صوت الجوال ورائد وعساف اللي كانوا باقي ما ناموا وعلى جوالاتهم
عساف :بسم لله عليك
رائد: الجوال لا تخاف
فيصل سحب الجوال واتسعت عيونه بخوف لما شاف اسم نواف وساعه ظ£ رد بسرعه:نواف حبيبي وش فيك
نواف وهو يبكي : فيصل تعال انا مره مريض
فز فيصل ووقف على حيله :وين عادل نادي له يجي عندك
نواف: عادل مو فيه
فيصل: وابوي
نواف :انادي له مايسمعني
طارت عيون فيصل بغضب ولبس وطلع وهو نار
رائد: وش فيه
عساف : مدري بس نواف اكيد فيه شي
رائد:الله يستر
عساف :نروح معاه
رائد:لا اجلس انت تعرفه
ظ
ظ
فتره بسيطه ووصل فيصل اللي كان يفور من غضبه فتح الباب وركض لغرفة نواف وشافه مرمي على السرير وهو يرجف ووجهه احمر من المرض والبكي ركض له وهو يحضنه وشافه نار :نواف بسم لله عليك لا تخاف لا تخاف انا هنا انت معي
حضنه نواف وهي يبكي ولا تعود على غياب فيصل وقف فيصل وهو شايل نواف على كتفه وطلع بغضب الدنيا وقف قبال غرفة ابوه ورفس الباب وهو يدقه بقوه :يبببببه يبببببببببببببببه يببه
طلع ابو عادل وهو مفجوع ومعاه سهام :فيصل وش فيك
فيصل : ماشاء الله ماشاء الله ي ابوي ماشاء الله ولدك طايح بالغرفه اللي جنبك مريض وخايف ولا حسيت فيه ونايم بالعسل مو ع اساس زواجك عشانا كلنا عشان نلقى احد يراعينا ماشفنا منه شي غير انه ضيعنا هههههه تدري عاد ما كنت مستغرب ولا بستغرب وكنت متوقع هاذي اللحظه
ابو عادل انصدم من فيصل وعصبيته وصوته المرتفع ونواف اللي على كتف فيصل يبكي ويرجف كان موقف محد يحسد عليه
قرب ابو عادل بياخذ نواف بس صرخ فيصل وهو يقول : ابعد عنه وارجع لنعيم اللي كنت فيه واحضان المدام الموقره ..

.... 64 .....

انطبع كف عنيف على خد فيصل وهالمره ما كان مثل كل مره هنا انفجر فيصل وهو يصرخ بوجه ابوه ولا اهتم ودمعته بطرف عينه : تبي تضربني اضربني مو هذا اللي انا خايف منه صار ورحت تدري كنت ادري بيصير فيك كذا وتهتز عشان كذا كنت احاول احافظ على صورتك ماتنهز ولا تطيح من عيني لكن وين وهذا حالك الله يسقي ايام اللي لو قتلنا فيها ماتمد يدك علينا الله يرحم امي ويرحم السعاده معها
نزل فيصل وترك ابوه بضيقه من هالحال اللي ابتدا يكتئب منه
اتجه بنواف للمستشفى وكان فيصل هالمره مصر انه مايبكي ويقوي نفسه وصل واخذ نواف للطوراىء وجلس عنده وهو في قلبه غل وحقد وقهر
اما ابو عادل اللي بدل وركض لاقرب مستشفى يدور عليهم فيه وهو يدري انه غلط على عياله غلط كبير دخل الطوارىء وهو يدور عليهم وشاف فيصل. جالس ونواف جنبه ويخفضون له حرارته ركض لهم ووقف فيصل بنظره قويه وصد وهو يناظر نواف اللي تعبان وقف ابو عادل بصمت وهي مايدري كيف يقنع فيصل ان زواجه مو السبب في كل ذا هو عادي الوضع بس فيصل متحسس وصار كل شي يرميه على الزواج
بعد شوي نزلت حرارة نواف ووقف فيصل وهو يساعده يلبس وجاب الدواء وهو متجاهل وجود ابوه وشال نواف بيطلع بس وقفه ابوه: فيصل وين بتروح فيه
فيصل لف وهو يضحك: بروح فيه لمكان يقدر يكون بخير فيه ويحصل احد ينتبه عليه
ابو عادل : فيصل لا تنجن الموضوع مو مثل ما انت فاهم
فيصل :مابي افهم شي والله يهنيك باللي عشت فيه
اخذ نواف وطلع لسياره وابو عادل بعد ما تطمن على نواف قرر يرجع البيت ويتركه يهدا شوي ويرجع يكلمه
ظ ظ
ظ
دخل فيصل الشقه وهو معصب ومعاه نواف وادويته نزل الادويه ودخل بنواف لسرير نزله بضيق وهو يلحفه وعساف ورائد واقفين يناظرون بصدمه طلع فيصل وجاب مويه لنواف وله وجاب الدواء وجلس بهدوء
عساف : فيصل وش صار
رائد: خير للهم اجعلها خير
فيصل وقف بضيق وهو يبدل ملابسه :اي خير احنا نعرف بنت ..... اللي ب البيت اي خير ابوي غارق معها وناسي نفسه وعياله اي خير ..
رمى العطر على المرايه وانكسرت وتطشرت بكل مكان وعلى فيصل اللي جرحته بجبينه ولف وهو معصب شاف نواف حاط اللحاف بخوف على وجهه
وغمض بضيق سحبه عساف وهو يحط المنديل على جرحه ورائد راح لنواف اللي ابتدا يبكي
عساف : اذكر الله وكل شي بينحل اشبك ما قلنا نهدي
فيصل : ااااااااخ ااااخ
حضنه عساف وهو يقول :اقل شي هدي عشان نواف مسكين
تنهد فيصل وهو يمسح جبينه وراح لنواف واخذه من رائد اللي قام يساعد عساف وشالوا القزاز وانسدح وهو يحضن نواف اللي تعلق فيه وهو مشتاق لفيصل نام نواف ولكن فيصل مانام وعساف ورائد بعد ماناموا وهم يراقبون فيصل وخايفين عليه من غضبه اللي باين عليه
ظ ظ
ظ
عند عادل رجع البيت وهو مبسوط لكن تفاجا بأبوه جالس بالصالون ومعاه سهام انفجع وركض له : يبه وش فيك
ابو عادل : تدري عن نواف اذا تعبان او لا
عادل : نواف مافيه شي تركته وهو بخير ليه وش فيه
ابو عادل : وش صار له طيب اكل شي من برا
عادل :ما ادري وش صار يبه خوفتني
ابو عادل قال لعادل اللي صار وجلس عادل بتوتر : وين راح فيه طيب
ابو عادل : ما ادري انت ما تدري وين ييروح
عادل :لا والله بس احتمال عند خالتي واحتمال عند عساف هو مامعه فلوس يستأجر شي
ابو عادل وهو ضايق : دق طيب عليهم
عادل : اخاف مو عند خالتي وتصير مشكله وانت تعرف خالتي
ابو عادل : شوف عساف طيب
عادل سحب جواله ودق على عساف اللي ناظر فيصل وهو يقول :عادل يتصل
فيصل : عطني
عادل : سلام عساف اسف ازعجتك
فيصل: خير وش تبي ناوي تكمل انت بعد
عادل : فيصل وش ذا الكلام وش فيه نواف
فيصل : اقدر افهم وشو له تارك نواف ورايح وانت تدري انه يخاف يجلس لحاله وتدري زين انه لا ابوي ولا الزفت اللي معه بيدرون عنه
عادل : فيصل ابوي كان تعبان ولا انتبه وانا قلت له اذا فيك دق علي
فيصل :براع¤و صراحه ماشاء الله عليك سويت شي كبير مره محد يقدر يسويه غيرك
عادل : استغفر الله فيصل عصبيتك هاذي ما تحل شي افهم اول السالفه
فيصل : اي سالفه ي اخوي الكبير اي سالفه انك تطلع وتترك اخوك ولا تدري عنه والا ابوك اللي نايم بالعسل ولا يدري عن الدنيا
عادل ابد ما عرف يتعامل مع عصبية فيصل وسكر الجوال اما فيصل رمى الجوال على عساف ورجع لمكانه وهو يفور
وشاف ان الوضع ماعاد يتحمل وصار يفكر كيف يشيل سهام من كل حياتهم ..

11 - 1 - 2022, 09:58 PM

..... 65 .....

عند ابو عادل اللي كان يسمع كل كلام فيصل وعصبيته وقف وهو يمسح جبينه : متى بيعقل اخوك هذا متى بيعقل قولي متى انا ابي اعرف وش التفكير اللي براسه
عادل : يبه تعوذ من ابليس واسمعني فيصل يبي له احد يمسكه زين ويشرح به كل شي هو شافك مو مبالي فيه ولا في زعله وكبرت الامور بنفسه
ابو عادل : وش رايك اروح ابوس راسه واترجاه يرضى علي
عادل :ماقلنا كذا لكن فهمه اللي هو مو فاهمه اشرح له كل شي خذه على قد عقله يبه الله يخليك شوية تنازلات ماتضر وانا بصراحه اخاف عليه من نفسيته وعصبيته الزفت اخاف ترجع له حالته وبعدها وش بتستفيد من العناد وانت تدري إنا تعذبنا معه لين طلعناه من وضعه
ابو عادل جلس وهو ضااااااايق : وينه فيه
عادل :رد على جوال عساف اكيد عندهم
ابو عادل : زين زين بكره نروح لهم خلك جاهز
عادل : زين
سهام: وش رايكم ازور يومين عند اهلي لما تصالحون فيصل
ابو عادل : لا ما يحتاج خلك ببيتك
طلعوا وكل واحد اتجه لغرفته وعادل ضايق نفسه كذا يتصالحون قبل ملكته
وعلى طاري ملكته وقف واتجه لشباك وهو يناظر بيت عمه اللي من بعد الخطبه وهو هادي وساكن ونادرا ما يطلع عمه من البيت نغزه قلبه من هالطاري ورجع لفراشه وهو يدعي ان ربي يسهلها
ظيمنعظيمنع
ظيمنع
اليوم الثاني بشقة الشباب فيصل اللي ما نام وجالس يراقب نواف لا يتعب وزقاره تدف الزقاره ووضعه جدا مزري اما عساف ورائد اللي طلعوا دواماتهم وهم مايبون يتركون فيصل بس اصر انهم يروحون احسن
وكان يلف ويدور ويفكر بأي مصيبه يسويهاا لسهام
ظيمنعظيمنع
ظيمنع
عند ابو عادل وعادل اللي طلعوا من البيت متوجهين لبيت عساف وصلوا لكن ما شافوا اي سيارات لا لفيصل او لعساف
ابو عادل : وينهم وين سياراتهم
عادل :مدري
ابو عادل :لا يكونون مو هنا
عادل :يمكن بالاستراحه
ابو عادل :طيب تعرف استراحتهم وين
عادل : دقيقه بسأل رائد
دق عادل على رائد وقاله انهم يبون فيصل وبيهدون النفوس ورائد كان وده فيصل يتصافى مع ابوه وقالهم مكان الشقه وراحوا له وصلو في ظرف ظ،ظيمنع دقايق دقوا الباب وهم ينتظرون فيصل يفتح
فيصل اللي استغرب من بيدق الباب وتوقع عساف ناسي شي وراجع ياخذه لانه ماله فتره من طلع فتح الباب ولف بدون لا يشوف اللي عند الباب: عاده ي سعاده وش ناسي هالمره
عادل عرف انه يحسبه احد من العيال وقال: ناسينك انت
لف فيصل بسرعه وهو اللي مايبي يشوفهم قست ملامحه وهو يطفي الزقاره تحت انظار ابوه اللي ضايق من انه يدخن
عادل : فيصل اعقل واسمع ابوي
ابو عادل: فيصل هذا اللي يصير غلط وضروري تسمعني وتفهم مني مقدر مشاعرك وعاطفتك لكن ضروري تسمع مني
فيصل مارد وجلس وهو كان ناوي يسمع بس مايهتم جلس ابو عادل وعادل قبال فيصل : فيصل افهمني ي ابوي ولا تحط عقدة الزواج لكل شي سبب سهام مالها شغل بأي شي يصير ي ابوي احنا باقي ما عرفناها وللحين ماشفنا فيها الا كل خير ادري انك مو متقبل اي احد غير امك لكن ي فيصل انا وانت وكلنا ندري ان مافيه رجال في الدنيا يقدر يعيش من دون حرمه في حياته وكلنا نيقن بهالكلمه انا ما استغنيت عن امك بحياتها ولا فضلت حرمه عليها ولا بفضل لكن امك الله يرحمها ماتت وهذا شي لا بيدي ولا بيدك مقدر اقولك نسيتها لا والله ولا بنساها ويعلم الله اني لو اتزوج نص حريم الارض مايجون بغلاها لكن ي ابوك الظروف تحكم ومو بس انا السبب اشياء كثيره السبب بيتنا محتاج حرمه انا تعبت وانا اطلب منى وكل شي على منى وكم بيت بتشيله منى و والله لو على نفسي بتقبل الخادمات بجيبهم ولا فكرت بس انا ادري انك لا انت ولا اخوانك تحبون الخدم وعشانكم ماجبت ابيك تفهم ان كل اللي جالس يصير معنا عادي بس انت بحساسيتك تاخذها جد وتكبرها جرب تتعايش مع الوضع وتتقبله ما اقولك حبها لكن تغاضى انا مستحيل اعيش بدونكم ولا برضى على طلعتك من البيت ولاني مرتاح ونواف لما نادى والله ماسمعته والا ما تركته فيصل ناظرني زين وإذا باقي لك فيني ثقه ارجع معي البيت وجرب اسبوع تتعايش مع الوضع واذا ما عجبك لكل حادث حديث وتأكد ان سهام مستحيل تاخذ مكان امك مهما كان الوضع ومستحيل تغيرني عليكم
فيصل كان يسمع من ابوه وبنفس الوقت يفكر طرا له فعلا يرجع البيت لكن مو ع اساس يجرب لا عشان يجنن سهام ويطلعها من البيت وشاف ان طلعته ما سوت فايده تكلم بهدوء وقال: ارجع واتقبل الوضع بشرط
ابو عادل تنهد :امر وش تبي وتم .

11 - 1 - 2022, 10:04 PM

..... 66 ......

فيصل:تطلع سهام من غرفة امي وترجع اغراض امي لمكانها ولا تدخل الغرفه ولا تطبها
ابو عاادل غمض وهو مستعد يتنازل عن الغرفه عشان فيصل: زين وغيره
فيصل :بس
ابو عادل :تم ارجع ورجع اغراض امك معك وابشر باللي تبي
ابتسم فيصل بأنتصار عادل : زين ايه كذا فكونا من التفرق ذا
ابو عادل : وينه نواف
فيصل:نايم جوا
ابو عادل : طيب اعطيني اياه بروح فيه
فيصل:لا يجلس عندي لما ارجع
عادل : طيب قوم معنا
فيصل :ما ارجع الا لما ترجع غرفة امي
تنهد ابو عادل وقال : زين زين بكره بالكثير وترجع لك المهم انتبه لنواف
ضحك فيصل وناظر ابوه بنظرة عتب : من جدك يبه توصيني على نواف
ابو عادل كان يدري ان فيصل الوحيد اللي ما يتوصى بالذات على نواف : الكل ممكن يزل وينسى
فيصل ابتسم وهو يناظر يده اللي شبكها ببعض : ايه يزل وينسى ويتناسى بس اذا كان قلبه مع احد مستحيل يصير كل اللي فات
ابو عادل لف بضيق ووصلته رسالة فيصل اللي للحين مصر ان ابوه ما راح لنواف بسبب سهام طلع وطلع معاه عادل اما فيصل اللي جلس وهو مبتسم ابتسامة الكيد وهو يقول : نشوف ي سهام من اللي فينا بيصبر ولوين بيوصل معك صبرك
وقف وهو يتجه لسرير وانسدح وهو مستعد للحرب اللي بيشنها على سهام وغمض ونام لكن قلبه صاحي
ظيمنعظيمنع
ظيمنع
عند ريمان اللي كانت تحوم بالغرفه وهي تبكي تبي اي حل تطلع فيه من مصيبتها جلست وهي تدعي ربها يحل لها بلواها ويشوف لها الخير
حست الباب وكانت امها ومعاها فستان واغراض لها وقفت ريمان :وش ذا !!
ام محمد بضيق : هذا يمه فستان ملكتك نزلت اليوم انا وابوك وجبته لك
ريمان :نعععععععم خلاص بعتوني خلاص
ام محمد نزلت الفستان بضيق : يمه ي ريمان ما بعناك والله مابعناك انتي تعرفين عادل رجال وبيصونك ويحفظك
ريمان رمت الفستان وهي تصرخ :ماابي ماابي الله يلعن الرجال مافيه رجال مافيه رجال
دخل محمد على صراخها: انتي مجنونه قصري صوتك فضحتينا
ريمان:مابي اقصر صوتي ابي كل الناس يعرفون اللي تسوونه
محمد تقدم بغضب وهو يسحبها : وش سوينا فيك عشان كذا هاااااه هذا فوق ما حنا نبي نزوجك ونحفظك هذا كلامك اسمعيني عاد صوتك هذا ينقطع ولا ابي اسمعه فاهمه
ريمان بعدت محمد بعنف وهي تقول : اقولكم مابيه لا تجبروني والا افضحكم
محمد اتسعت عيونه بغضب وسحبها من شعرها وهو يضربها كف: تفضحينا بأيش هااااااه بأيش ياللي ما تربيتي
تدخلت ام محمد وهي تبعد محمد ببكى: حرام عليك ي محمد حرام
محمد : يمه عقلي بنتك وخليها تفهم وش اللي قاعده تقوله لا تخليني ادخل فيها اعدام
ام محمد طلعته وهي تبكي : طيب يمه طيب دخيلك خلاص
نزل محمد وهو معصبب اما ام محمد اللي راحت لريمان وهي تبكي قربت تضمها وهي تحاول تفهمها لكن كانت ردة فعل ريمان عنيفه ولا رضت
طلعت ام محمد وقفلت الباب وهي تبكي جات لها نسرين وهي تضمها: يمه خلاص الله يخليك انا متاكده انها بتعيش كويس وتستانس مع عادل وادري وواثقه انه بيعوضها عن كل هذا
ام محمد :اااه ي نسرين الله يعوضها فيه مدري وش صاير لها هالبنت والله مدري
نسرين جلست وهي ماتدري بعد وش صاير بس ما كان لها الا تحاول تواسي نفسها قبل الكل
ظيمنعظيمنع
ظيمنع
في بيت ابو عادل دخل ابو عادل بعد ما وصله عادل وراح لدوامه وطلع لسهام اللي كانت بغرفتها:سلام عليكم
سهام: عليكم السلام
ابو عادل جلس بهدوء وجلست بجنبه سهام: وش فيك ي طلال وش صار مع فيصل
ابو عادل : الحمدلله كلمته وفهمته وبيرجع البيت
سهام :زين الحمدلله طيب ليش ضايق
ابو عادل : بس له شرط
سهام اختفت ابتسامتها :وشو
ابو عادل :يبي غرفة امه ترجع له
سهام زفرت براحه وهي ضايقه حبت الغرفه بس تحاول تتغاضى مشاكل فيصل : زين ياخذها المهم يرجع
ابو عادل ابتسم وهو يقول :الله يعطيك العافيه والله انك بنت حلال
سهام: افا بس هذولا عيالك اكيد ما رح ارضى يعيشون برا عشاني
ابو عادل :ما عليه ي سهام بنتحمل شوي فيصل تراه حبيب وطيب وقلبه ابيض لكنه متسرع ويفهم الامور غلط وانا بعد مابيه يرجع يدخل بنفس الازمه
سهام: ليه هو وش صار له
ابو عادل تنهد بضيق : ااااخ الله لا يعيد ذيك الايام قد ايش كانت صعبه
سهام:عادي تحكي لي
ابو عادل عدل جلسته وهو يذكر تفاصيل مستحيل ينساها : فيصل كان اكثر واحد من العيال متعلق بأمه اكثر من نواف وعادل كان من كثر ماهو يحبها ومتعلق فيها مستحيل ينام وهي مو جنبه او اقل شي يسمع صوتها حوله احيان يجي يبعد نواف وينام بحضنها كان بار فيها لدرجه ما تتخيلينها كل مشوار يروح له حتى لو بس يطلع خمس دقايق ويرجع يجي ويحكي لها يساعدها بكل شي كان دايما ضحكته على وجهه وامه تحبه يبتسم دايم عشان كذا دايم يضحك لانها تحب ضحكته

.... 67 ......

يمكن احيان يسولف سوالف مالها داعي مو لانه تافه لا عشان امه كانت تحبه يسولف لها اي شي حتى لو تافه في يوم من الايام وكالعاده طالعين لدوام بذاك اليوم بالذات كان فيصل مايبي يداوم ولا يبي يروح ويقول ضايق لكني ماطعته واجبرته يداوم
وطبعا كعادته بعناده ما كمل دوامه ورجع للبيت وتوجه لامه بيحكي لها عن ضيقه بصدره مايدري وش سببها دخل يدور عليها وشافها على سريرها ونايمه حاول يصحيها بس ماصحت معه حاول وحاول وحاول لكن ماصحت وقتها انجن وحاول من جديد بس هالمره اكتشف انها ماتت وانصدم وصار يرجف من دون صوت طبعا انا كان لي نفس الاحساس وشي خلاني ارجع للبيت ولما رجعت للبيت حصلت فيصل بزاوية الغرفه كانت عيونه شاخصه ووجهه اسود ويرجف مثل الريشه بدون اي صوت انفجعت وركضت له لكن ماقدرت استفيد اي شي ركضت لامه ولكن النتيجه انها ماتت بسكته قلبيه ووقتها ماعرفت وش اسوي ما كنت ادري وين اروح بالضبط ركضت لفيصل اللي طاح بين يديني وهو كأنه جثه هامده ماكان بيدي غير اني انادي ابوي ومنى حاولنا ننقذ امه بس ماقدرنا كانت الصدمه قويه علينا كلنا لكن على فيصل كانت اقوى من اثر الصدمه دخل غيبوبه اسبوع تقريبا وبعدها صحى لكن ماكان يتكلم ولا ياكل ولا اي شي كان عايش على السيروم ماكنت اشوف من فيصل الا الدموع لا صوت ولا اي حركه جلس على هالحال تقريبا شهرين وياما حاولنا فيه ينطق بس ماطاع قررت اطلعه واخذه للبيت ولما دخلنا البيت هنا صارت الكارثه بلحظه غير متوقعه تذكر كل شي وصار يصرخ بشكل مفجع ويضرب راسه بأي شي يواجهه وهو رافض يتقبل فكرة وفاة امه ما كنا نقدر نسيطر عليه الا بمهدئ لدرجه اني توقعته انجن وانتهى مر فتره طويله وهو ماينام الا بمكانها ويسولف بالهوا كنه يسولف لها واشياء كثيره وتصرفات غريبه وكأن امه حيه ولا ماتت وحتى طريقة كلامه تغيرت وصار يتردد ويخاف ينطق ويطول سكوته واحيان ماينقطع نفسه ويحل بداله الدمعه بعد تقريبا سنه من ذا كله تغير فيصل ماكان كذا ابدا ماكان بذا التسلط وبذا الاسلوب ما كان لا مبالي ماكان بارد كل شي تغير وكل شي فيه صار مرتبط بفقد امه وعشان كذا احاول انه مايرجع لوضعه اللي فات انا مقدر اوصف لك اشياء مؤلمه كثيره بس يكفي بالموضوع دموعه اللي كل ليله على مخدة امه ورجفة صوته لما يناديها بالغلط الكل قدر يسلى وينسى الا هو الى اليوم وهو يناديها واغلب الوقت يروح لقبرها ويعيد كل شي كان يسويها بحياتها ويسولف لها وكإنها تسمعه صدمته بفقد امه خلته يفقد الكل بنظره وحياة.. فتره طويله لكن ما قدر يتقبلها ايام كثير كنا نصحى على صراخه وصوت بكاه وسبب كرهه للدراسه هو وفاة امه واحيان كثير لما يرجع من الدوام مايدخل البيت مباشره تحصلينه يلف ويدور لما يجي احد منا ويدخل معه واول ما يدخل عينه على غرفة امه إلين اليوم وهذا اللي يصير
سهام كانت تسمع بصدمه ولا حست الا بدموعها اللي تنهمر على خدها ما تمالكت نفسها وبكت ناظرها ابو عادل وهو يقول :لا تلومينه على اي شي احيان مايكون بوعيه
سهام غمضت وهي تبكي مسح ابو عادل على شعرها :اذكري الله وخلينا نتساعد ونحاول ما نضيقه
سهام: ابشر
وقفت وراحت تجمع اغرضها وابو عادل يجمع اغراضه وبعدها طلعوا يختارون اثاث لغرفتهم اللي كانت بالدور الارضي
ظيمنعظيمنع
ظيمنع
عند عادل اللي كان مبسوط وملكته ما بقى عليها الا يوم وجالس يجهز نفسه وبما انه مايحب احد يشاركه تفاصيل حياته ويدري ان ريمان مستحيل تفكر بهالأمور نزل واختار الشبكه والدبل واخذ هديه بعد لريمان ابتسم وهو يدري انها بترجع له ركب سيارته وجلس يتأمل شوي بالأغراض : والله مادري وين وديت نفسي بس الاكيد اني مبسوط
ظيمنعظيمنع
ظيمنع
عند اديم كانت طالعه من الجامعه ووقفت بنفس الاشاره ابتسمت وهي تتمنى ترجع تشوف فيصل بالاشاره دورت عليه بس ماشافت سيارته تنهدت ورجعت لورى وهي تسحب الجوال وارسلت له ( اكيد نايم لا تطول النومه حاول تصحى سريع وحشتني ي خبل )
سكرت جوالها وهي مبتسمه صار ما يهمها الا فيصل والباقي بعدين
رجعت للبيت وبدلت ملابسها وانتظرت فيصل يرد بس ماجاها رد ونامت وهي تنتظر فيصل
ظيمنعظيمنع
ظيمنع
ع المغرب صحى فيصل على صوت نواف فز وهو يناظر نواف بخوف : وش فيك شي يوجعك شي
نواف : لا بس زهقت
ارتمى فيصل على السرير بارتياح:الحمدلله فجعتني
سحب الجوال يناظر الوقت :اووووف المغرب
ناظر يمين وكان عساف ورائد نايمين لف لنواف:متى صحيت ؟

11 - 1 - 2022, 10:04 PM

.... 68 ....

نواف : العصر
فيصل؛ زين تعال نطلع ناكل شي
نواف : يروحون معنا عساف ورائد
فيصل :لا حرام خليهم ينامون
نواف : زين
وقف فيصل يجهز ومعاه نواف وبعدها طلعوا لاقرب مطعم جلس واعطى نواف يطلب وفتح رسالة حنين ابتسم ورد وهو يضحك(ههههه انا اسف والله بس ما توقعت بتشتاقين لي )
اديم ردت بسرعه( هههههه يلا متعادلين انا تو صحيت )
فيصل( لو كلمتيني الصباح بدري رديت بس الظهر هههههههه مستحيل )
اديم ( هههههه زين خلاص ناخذها قاعده)
فيصل ( اسمعيني لا تروحين بعيد انا شويه مشغول وبرجع لك )
اديم ( عسى مو مشغول بمصيبه بس)
فيصل( هههههه ما قبل المصيبه )
اديم(زين زين انا بروح اتقهوى اذا فضيت ارسل لي)
فيصل( زين ي زييين )
سكر فيصل الجوال ولف لنواف:وش طلبت
نواف : بيتزا
فيصل :زين اسمعني احنا بكره بنرجع للبيت وبرجع معاك انا طيب
نواف : جد الحمدلله والله ي فيصل البيت بدونك مو حلو
فيصل ابتسم : انا بعد ماعرفت اعيش برا البيت لكن هالمره نبي نوقف جد مع بعض وسهام ضروري نطلعها من البيت
نواف ناظر لفيصل بخوف قرب فيصل لنواف : اذا بتجلس كذا خايف مو بس بطلع من البيت بروح بعيد واروح لمكان ما ينعرف لي فيه اثر ومو بس انا عادل والكل وانت بتجلس لوحدك وبتتفرد فيك وبعدها حزر انت وش ممكن يصير
نواف بلع ريقه :واذا ابوي زعل
فيصل :ما راح يزعل اذا عرف انه غلطان باللي سواه
نواف : طيب
جاء الطلب وفيصل مبتسم بأنتصار ويخطط في باله وش بيسوي بكره
ظيمنعظيمنع
ظيمنع
عند رائد اللي صحى من نومه وهو مشتاق لاهله وكان وده يروح يعرف اخبارهم لبس وجهز وطلع لبيتهم وصل وهو متردد وخايف قابله محمد اللي جاي ومعاه زوجته :رائد
رائد:سلام محمد كيفك
محمد :تمام انت وينك هاااه ماتدري وش صاير عندنا والا خلاص راح عقلك مع ولد عمك وصرت مثله
رائد : انت صاحي وش ذا الحكي انهبلت صح
محمد :لا انهبلت ولا شي لكن ابي افهمك تعقل وتبطل تركض ورا فيصل الضايع وبعدين اطلع لأختك هالمجنونه واقنعها تتزوج عادل وفهمها انها مستحيل تتزوج غيره
رائد : انت خلاااص عقلك رايح فيها ابعد لا تغثني
مشى رائد وترك محمد دخل بهدوء وهو يتمنى ما يقابل ابوه وفعلا ماكان ابوه موجود شاف امه ونسرين جالسين دخل وهو مبتسم :سلام
ام محمد فزت: رائد يمه هلا ي حيي
رائد قرب وهو يضمها : هلا فيك ي امي كيفك وش مسويه
ام محمد : بخير يمه دامني شفتك انت قولي وش سويت
رائد : الحمدلله يمه بخير نسرين كيفك وش فيك وجهك كذا تعبانه
نسرين :ولا شي ي حبيبي بس كذا مصدعه
رائد: بسم لله عليك قومي قومي خذي لك دواء والا خليني اوديك المستشفى
نسرين: لا لا بقوم اخذ دواء
رائد: ريمان وينها
نزلت ام محمد راسها بضيق رائد قطب حواجبه: وش فيكم
ام محمد : فوق بغرفتها
رائد: زين ناديها تجلس معنا
ام محمد بكت :ابوك مقفل عليها
رائد لف بصدمه: وشو ليييه لييييه لين متى هالعذاب ابي افهم
ام محمد : ريمان ما تبي عادل وقفل عليها عشان ماتفضحه
رائد وقف بغضب وطلع وهو ياخذ مفتاح الغرفه فتح الباب وقفت ريمان اللي كانت تنتظر الفرج رائد ناظرها بصدمه على الضرب اللي فيها قرب بصدمه :ريمان
ريمان :رائد تكفى تكفى ي رائد ساعدني انا ادري محد راح يساعدني غيرك تكفى مابي عادل
رائد قرب وهو يضمها : ريمان تعوذي من ابليس واسمعيني زين انا مستعد اساعدك باللي اقدر ولو بيدي شي غير الزواج كان سويته ريمان انا ادور اي حل اطلعك فيها من تحت ظلم ابوي وتأكدي تأكدي زين ان عادل هو نجاتك ولو احس مجرد احساس انه مو مناسب لك وممكن يضرك ما اسمح بذا الزواج لو اموت ريمان فكري زين
ريمان بعدت وهي تبكي : مابيه مستعده اجلس تحت كل هالظلم بس ما اتزوج لا عادل ولا غيره ليش ما احد فاهمني
رائد:وليش ما تبين تتزوجين ليش
ريمان سكتت بضيق :ما احب مابي مابي الله يخليك افهم
رائد تنهد بضيق وهو مايدري وشلون يساعدها واكتشف ان مافيه حل الا انها تتزوج وغير هذا مستحيل وقف ولف وترك ريمان تبكي وراه قلبه كان موجعه عليها بس مافي يده اي حيله غير هاذي الحيله
ظيمنعظيمنع
ظيمنع
في بيت ابو عادل الكل كان على طاولة الطعام ومعاهم منى اللي جات تتعشى معاهم
ابو عادل : عادل ابوي بكره خلك موجود لا تروح مكان الصباح
عادل : ليه يبه
ابو عادل : جبت اثاث لغرفتنا ابيك توقف على العمال عشان مايكسرون شي انا عندي كم شغله عشان ملكتك وبعدها تدق على فيصل يجيب الاغراض ونواف ويجي

.... 69 .....

منى: مافهمت وش السالفه
ابو عادل : كلمت فيصل عشان يرجع للبيت واشترط يرجع برجعة غرفة امه
منى: ماشاء الله عليه هالفيصل يتشرط ويتحكم وانت مدلعه انت عمري ماشفت زي كذا
ابو عادل : ما ودي اخسره ي منى
منى: انا مدري ليش زعلان ومكبر السالفه
عادل : عميمه الله يخليك انتي تدرين بفيصل المفروض انك اول وحده توقفين معه
منى: اوقف معه على ايش هذا فوق انه زعلان ومايكلمني
عادل : لانه يحبك زعل منك لو انك مو هامته كان احرق الدنيا تحت رجولك وانتي تعرفينه
منى سكتت وهي تكمل اكلها اما عادل اللي قام على اتصال فيصل : هلا فيصل
فيصل : اهلين عادل كيفك
عادل : تمام وانت كيفك وكيف نواف
فيصل : لاا الحمدلله احسن هذا حنا جالسين بمطعم ونتعشاء
عادل : ماشاء الله من دوني
فيصل: هههههه والله فلوسي على قدنا
عادل :ههههههه زين زين بنسامحك ايه صح تعال بكره يقول ابوي جيب اغراض امي وارجع خلاص اخذ له غرفه وبكره بينزل اثاثها
فيصل: ههههههه حلو بداية خير
عادل : وش تخطط ي فيصل
فيصل: ولا شي
عادل : ما صدقك
فيصل: وش فيك انت ما اخطط لشي يالله المهم قولي وش سويت عشان ملكتك
عادل تنهد : خلصت خلاص
فيصل:شلون من دون خبر كذا
عادل : هههه تعرفني اموري الخاصه اخلصها ولا احب احد يتدخل
فيصل: ههههههه براع¤و عليك اهم شي عمتك لا تحط يدها بالسالفه
عادل : هههههه لا وين اصلا هي زعلانه مني تقول ريمان لا
فيصل : احسن احسن خلها تزعل لما تقضي وبعدين راضيها
عادل : وهو ذا المهم روح انا بنام بكره وراي وقفه من بدري
فيصل :ليه
عادل بحسن نيه: بيوصل اثاث ابوي الصبح ويبيني اجلس مع العمال وتعرف العمال يبي لهم طولة بال
فيصل طرت له فكره وابتسم :زين موفق
سكر وهو يناظر نواف وضحك: يلا نرجع لشقه
نواف :ايه
ظيمنعظيمنع
ظيمنع
في الشقه صحى عساف ولا حصل سحب جواله توه بيدق بس دخل فيصل ونواف ومعاهم اكل لهم
عساف :بدري وينكم
فيصل : صحينا المغرب ورحنا ناكل متى صحيت
عساف : من شوي
فيصل : وين رائد
عساف :مدري صحيت ما حصلتكم
سمعوا الباب ولفوا شافوا رائد داخل وبيده مويه وفيفادول
فيصل فز:رائد وش فيك وش صار
رائد: مافيني شي اركد بس مصدع
عساف :وين كنت ادق ما ترد
رائد : كنت عند اهلي ولا شفت مكالمتك
فيصل :وش صاير ليه وجهك مقلوب
عساف : قدام كل شي لا تفكر تكذب
رائد جلس :والله ولا شي بس قابلني محمد النحس ذا وكالعاده مايروح الا لما يسم بدني
فيصل : يااخي اقسم بالله اخوك وابوك يبي لهم تعزير
عساف : الا صلب وتعزير خير وش يحسون
رائد: ماعليه تعودنا
فيصل : اقول رائد وش رايك تتزوج انت بعد وتفتك
رائد:ههههههه لا ي شيخ خلني على مجنوني لا يجي لي اللي اجن منه
عساف : والله ياخي الزواج زين
فيصل:على الطاري انا بكره برجع بيت ابوي
لفوا كلهم عليه بأستغراب :كيف
فيصل :دقيقه لا تطلع عيونكم ما استسلمت لكن ابوي جاء اليوم واصر علي اني ارجع وبشروطي وشرح كثير فقلت لنفسي لا اخلي لهم الحبل على الغارب وبروح هناك عشان اكتم على انفاسهم
عساف : وش سويت طيب او وش بتسوي
فيصل :للحين ولا شي بس اني رجعت غرفة امي وطلعت سهام منها
رائد رفع حواجبه بتعجب : والله براع¤و وعمي شلون طاوعك
فيصل:مجبور يطاوعني
عساف : زين وافترض انك ماقدرت تتعايش مع وضعهم
فيصل : ماعليه بدوس على نفسي شوي
عساف:زين دامك شايف انه كذا كذا
رائد.وانا بجلس لحالي هنا
فيصل وعساف :اكيد لا
عساف :انا بجلس معك
فيصل:وانا بجي كل شوي هنا
رائد:زين كويس وين الخطه اليوم
عساف :مافيه خطط انا مالي خلق اروح اي مكاااان
فيصل :والله حتى انا
رائد: ليييه
عساف :اسمع مني وخلنا نشغل فيلم حلو ونجلس والله عظامي متكسره
رائد:لو لاحظتوا إنا ماطلعنا اليوم
فيصل :انا طلعت بنواف وصراحه مالي خلق اتحرك نهائي
عساف :اصلا لو فكرت وين بتروح الاستراحه طفش
فيصل: ونواف معنا صعبه
رائد : زين امرنا لله ..نوافوه شلونك الحين احسن
نواف :الحمدلله
رائد: تعال تعال ساعدني ندور على فيلم
فيصل رجع لورى وسحب جواله ودخل للسناب وهو يرسل لحنين ( اديم) ..( عساك ما ابعدتي)
اديم اللي كانت مع مروى وصاحباتها والجو مرره رايق انتبهت لجوالها وردت بسرعه ( افا عليك انا دايم قريب)
فيصل( ي شيخه الله يطعني بس )
اديم ( ههههه اخبارك)
فيصل ( ابد كالعاده من مصيبه في كارثه)
اديم( لا اله الا الله وش صاير بعد معك قول قول انت خلاص بسميك ابو المصايب )

.... 70 .....

فيصل(ههههه سمي جعل مايسمي غيرك )
اديم( ههههه قول يلا وبصوت)
فيصل وقف :انا بنزل لسوبر اللي تحت اجيب اغراض تبون شي
عساف وهو يناظر فيه بشك بس ماله خلق يعلق :اللي تشوفه جيبه
رائد:مافيه شي محدد
فيصل :زين
طلع واخذ السماعه معاه وابتدا يسجل لها كل شي صار معاه من إلى وهو يتغير صوته حسب الموقف
اديم اللي كانت منشده لصوته اكثر من الاحداث نفسها طولت ماردت وهي ترجع تعيد وتسمع وصفه
فيصل ( وين رحتي)
اديم ( ياخي بصراحه موقف ابوك مع اخوك ماله داعي اقل شي يروح يطمن عليه )
فيصل( اول مره توقفين معي)
اديم( ههههههه ياخي وش اسوي دايم انت تسوي اشياء تجلط بس هالمره معك حق )
فيصل( هههههه مابناقشك لإنا بنختلف بس اعرفي اني معي حق اول سبب يعطيني الحق مكان امي )
اديم( صادق والحين وش ناوي عليه احسك مخطط على مصيبه)
فيصل(ههههههه والله للحين ماسويت شي ابي اول ارجع البيت وبعدين نتفاهم )
اديم ( يمه منك انتبه بس لا تذبح الادميه )
فيصل(ههههه اااااااخ لو في يدي اذبحها )
اديم ( اعوذ بالله شتقول انت اعقل اعقل بس )
فيصل (ههههههه المهم المهم قولي لي وش مسويه انتي من بدينا نسولف عني )
اديم ( انا عااد ماعندي ولا شي غير اني جالسه مع البنات متجمعين بس )
فيصل ( وتاركه جمعة البنات وتكلميني )
اديم ( مثلك لما تترك الجمعات وتكلمني )
فيصل (هههههه زين انا من جد في بقلبي سؤال يقرقع ما عمرك حكيتي لي عنك احكي لي )
اديم خافت ولا تدري وش تقول (. ماعندي الاشياء اللي احكي عنها حياتي كلها سامجه )
فيصل(هههههه لا عاد تمزحين اكيد عندك يعني مثلا مواقف لك شي عن اهلك دارستك اي شي)
اديم زفرت بضيق وقالت بتسرع ( مابي احكي عن حياتي لك )
فيصل استغرب ( ليش ؟!! )
اديم كانت متسرعه وماتبي تقوله عن اي شي ولا تبي تكذب وتعقد الامور ( ما اثق فيك وبعدين بأي صفه اقولك )
فيصل انصدم رجع قرا الرساله من جديد وقطب حواجبه بغضب وهو يحاسب في الاغراض طلع ونزل الاغراض وهو يكتب ( كيف بأي صفه مو ع اساس اصحاب هاه وليش انا ما قلت ليه احكي لها عن تفاصيل ب حياتي عمري ما حكيتها لأحد انا اسف ي انسه حنين توقعت اني صرت صديق ولي الميانه اسأل هالسؤال وما دام كذا الله يسهل لك وموفقه ماعاد فيه داعي نصير اصحاب والثقه معدومه )
اديم انفجعت ووقفت وراحت لغرفتها وعرفت انها تهورت وقالت كلام وندمت عليه هي اصلا كانت متوتره من مروى اللي تراقبها خافت من كلامه انه يروح من جد ( فيصل لا تقول كذا احنا اصحاب لكن انا مابي احكي عن حياتي )
فيصل ( ماله داعي تتعذرين وصلت رسالتك فمان الله واانتي مانك مجبوره تبررين وانتي صادقه انا مين عشان اسأل)
سكر فيصل الجوال وهو معصب عمره ما احد استهزئ فيه كثرها وعمر بنت ما سوت فيه كذا ولا ردت سؤاله ولا هزت ثقته بنفسه كثرها ولا عمره اهتم لبنت وسألها بالعاده هم اللي يقولون اخذ الاغراض وطلع وهو ضااايق صدره بعكس طلعته اللي كان فيها مبتسم ويضحك دخل ونزل الاغراض وجلس بصمت
عساف :وش فيك
فيصل:ما فيني شي
رائد: وراك معصب صار شي عكسي
فيصل عصب زياده : يوه ماصار شي ريحوني عاد
عساف طالع فيه بأستغراب ونزل عينه لما شاف اشعار رسالة السناب بأسم حنين ولف لرائد وهو يأشر له بمعنى( ما قلت لك )
رائد سكت وهو يناظر فيصل اللي يناظر جواله بغضب نواف كان يناظر وهو مايدري وش السالفه
ظيمنعظيمنع
ظيمنع
اما اديم اللي شدت شعرها وهي بتبكي خلاص :وش سويت انا وش سويت يعني لازم اقول كذا كنت كذبت ااااخ ي ربي سحبت جوالها وهي تكتب ( فيصل لا تنجن الموضوع عادي ولا تاخذها بحساسيه من حقي اخاف ولا اعطيك اي معلومه عني وانا مالي شهر من عرفتك)
( فيصل رد بالله عليك فكر فيها فيصل)
(فيصل بذمتك فكر فيها يعني لو انك مكاني بتعطيني اي معلومه خصوصا اني بنت واي شي يضرني فكر فيها وشوف مين معاه الحق )
فيصل كان يشوف الرسايل بس مايرد وابتدا الفيلم وصار يشغل نفسه بالفيلم ويتجاهل رسايلها
اما عساف اللي كاان متأكد وخالص ان فيصل حب وانتهى ورائد اللي كان يحاول يستوعب
اما اديم رمت الجوال وهي ضايقه بقوه من زعل فيصل توه كان يضحك وهي تدري وواثقه فيه بس ماتدري ليش تسرعت وماكان ودها تكذب عليه زياده حست بأحد عند الباب
مروى: اديم وينك تعالي يلا البنات يستنون
أديم ناظرت في مروى بضيق : فيني صدااع مالي خلق كملوا بدوني .

12 - 1 - 2022, 04:37 PM

.... 71 .....

مروى: لاااااااا مستحيل تعالي بس حبة فيفادول تحل الموضوع
اديم حاولت ترفض بس مروى ما تركتها نزلت وهي صدرها ضايق وكانت طول الوقت تجامل
ظيمنعظيمنع
ظيمنع
من بكره الصبح في بيت ابو عادل كان عادل واقف يستنى العمال وسهام كانت ترتب اغراضها عشان تنقلها وابو عادل برا البيت وصلو العمال اللي ابتدأو ينزلون الاغراض
ظيمنعظيمنع
ظيمنع
اما فيصل اللي ما نام اصلا وهو مقهور من حنين شلون تقوله كذا وهو يعاتب نفسه ويقول انه اللي سمح لها تطاول من البدايه لبس واخذ نواف معااه وطلع متوجه لبيت ابوه ومعاه اغراض امه وقف وهو يشوف العمال ينزلون ابتسم وهو ينادي لعادل :عاااادل تعال ساعدني
عادل : يوه ي فيصل شايفني مع العمال
فيصل : تعال بناخذ اغراض امي
عادل : ي فيصل ابوي يقول لا تروح من عندهم
فيصل بعتب : اغراض هالحيه اهم من امي !!
عادل تنهد بضيق : اووه زين جيت
قرب عادل واخذ الشنطه وطلع ومعاه نواف بأغراض سحب فيصل شنطه وركض لاثنين من العمال واخذهم على جنب واتفق معهم يحاولون يخربون ويكسرون اللي يطلع بيدهم ولا يثبتون التركيب واللي ساعد فيصل ان العمال مو من شركه معتمده وارقامهم ما يعرفها ابوه وقالهم اذا سوو اللي يبيه بيعطيهم دبل السعر
وطلع وكأنه ما سوى شي طلع اغراض امه وحطها بغرفته لما تخلص سهام سحب الكرسي وحط رجل على رجل وجلس قبال الغرفه وهو يخز سهام بشكل يفجع وسهام توترت منه خصوصا انه كان بعد يدخن
اما عادل اللي نزل يفطر وكان جوعان وطلعوا العمال وراح عادل يشيك ع الغرفه وكان شكلها الخارجي تمام اعطاهم فلوسهم وراحوا طلع فيصل وراح للغرفه سريع وابتسم لما شاف التركيب اي كلام ورجع هو زاد تخريب ونزل بعض المسامير اللي تثبت وطلع ورجع مكانه وهو ساكت
اما سهام ساعدها عادل بنقل اغراضها لغرفتها وكل هذا تحت نظرات فيصل المليانه استحقار
قام فيصل وابتداء ينظف غرفة امه ككل ومعاه نواف دخل عادل : وش اساعدكم فيه
فيصل : لا ي حبيبي ما يحتاج تساعد خليك تساعد هالحيه
عادل : فيصل فضها سيره ي اخي حرام مسكينه تبيها تنزل كل هذا لوحدها
فيصل بغضب :لا ي روحي قوم انت وتكرم وروح ساعدها واحنا بستين داهيه
عادل:اوووف انت ليه مكبرها فيصل الادميه ماسوت لنا شي عشان نتصرف معها كذا
فيصل رمى اللي بيده : ماسوت شي زين ي عادل زين سوي اللي تبي لكن من اليوم ورايح ضروري تحدد موقفك مع مين ي احنا ي هي
رجع يكمل شغله وينظف الغرفه ومعاه نواف عادل انصدم من كلام فيصل : انت غبي تساومني هالمساومه تدري مستحيل اني اختار
فيصل : وليش ان شاء الله
عادل :فيصل افهم ابوي يبي يستقر واحنا بعد مانبي تقوم الحرب
فيصل :قامت من زمان من زمااان الكلام وصل وانت بكيفك
طلع عادل وهو معصب من فيصل وكلامه وراح لغرفته وهو ضايق
اما فيصل رجع يكمل وهو في قمة عصبيته ويرتب اغراض امه بعد ما نظف الغرفه ونفضها نفض
وسهام اللي اول ما دخلت السرير وابتدت تنزل اغراضها تعبت وقربت تجلس على الكرسي اللي كان مو مثبت ولاحست بنفسها الا هي بالارض صرخت وتوجعت بالقوه وقفت وهي ماسكه ظهرها بألم دفت الكرسي وهي شوي وتبكي وراحت بعيد مسكت راسها بضيق وقررت تكمل شغل لما يجي ابو عادل وتقوله ان الكرسي مكسور فتحت الدولاب لكن باب الدولاب ما كان بعد مثبت وكان ثقيل وطاح عليها بعدت وهي تصرخ وطاح بجنبها صرخت وهي مصدومه بعدت الاغراض وهي تتجه للجوال ودقت على ابو عادل وقالت له وجاء اول مادخل انصدم
سهام: طلال شوف كيف وربي كنت بروح فيها
ابو عادل استغرب : كيف كذا ما ركبوه كويس او وش المشكله
سهام :مدري
سحب ابو عادل جواله وهو يبي يدق على العمال بس تذكر انه ما اخذ رقمهم وقرر يتصل. بعمال جدد يرجعون يركبونها جلس ع السرير لكن السرير ما تثبت وطاح فيه تمسك في سهام اللي طاحت معاه وصرخت
ابو عادل :الله لا يبارك فيهم شبلاهم هذول
سهام هنا بكت ووقفت وراحت برا وهي تبكي : شوف لي حل وش اسوي بنفسي الحين كل شي اخترب
ابو عادل وهو ماسك ظهره: اجلسي ي بنت الحلال الحين ادق على عمال يجون يصلحونه اركدي
جلس ابوعادل ودق على عمال جدد وبعدها طلع لعادل وهو معصب فتح الغرفه وشافه جلس وهو يهز رجله بغضب :عاااادل
عادل لف: هلا يبه وش فيك
ابو عادل : انت ما احد يعتمد عليك هاه وش انا طالب قلي وش انا طالب
عادل ناظر ابوه بصدمه: بسم لله وش فيك يبه ..

..... 72 .....

ابو عادل : انا تاركك عند العمال عشان تنتبه لهم والا. تخليهم يكسرون على كيفهم
عادل بتناحه: وش كسروا انا متاكد ما كسروا شي
ابو عادل: متأكد هاااه تعال تعاااال
اخذ عادل ونزلوا للغرفه انفجع عادل منها :والله يبه ماكانت كذا
ابو عادل : شلون يعني
عادل : انا متاكد انها كانت سليمه
ابو عادل : غشوك ي بهيمه غشوك صدق ما ينشد فيك الظهر اخذت رقمهم والا لا
عادل بصدمه:ي يبه والله والله كانت تمام والله ولا اخذت رقمهم
ابو عادل : يعني من سوا فيها كذا
عادل : مدري
ابو عادل : فيصل جاء
عادل : ايه من ساعه بس فيصل فوق ما نزل انا متأكد
ابوعادل: ابعد بس
طلع لفيصل وهو شاك فيه فتح الباب وشاف فيصل جالس وبيده ألبوم صور ونواف بجنبه رفع راسه فيصل : هلا يبه
اتجه له وهو يبوس راسه ونواف بعد ناظره ابوه بغضب وهو شاك اما فيصل كان يناظر ببراءه فضيعه
ابو عادل : هلا فيك متى جيت
فيصل: من ساعه تقريبا
ابو عادل :نزلت تحت
فيصل : لا وش ابي تحت هاوي غثا انا
ابو عادل : فيصل قلنا مانبي ذا الكلام
فيصل : زين عشان تتجنب ذا كله تفهم زوجتك اني مابي اشوفها ولا لها شغل فيني ولا لي شغل فيها
ابو عادل ناظر فيه بقوه: يعني ما نزلت تحت
فيصل : لا ما نزلت وش صاير
عادل : يبه انا قلت لك والله ما نزل
فيصل بتمثيل احترافي :وشو وش تحلف عليه هااه وش حاطين بظهري هالمره اعنبوا ابليس توني جيت ترمت التهايم
عادل : فيصل دقيقه ماصار شي
ابو عادل ناظر في فيصل اللي كان وجهه يدل انه ماسوى شي:ولا شي ما صار شي جيت اسال بس نواف حبيبي كيفك الحين
نواف : الحمدلله
ابو عادل : زين يلا انزلوا للغداء
لف ابو عادل ونزل وراح معاه عادل ونواف
اما فيصل اللي لف وهو يرجع الألبوم واتجه للمبخره الكهربائيه شبكها وهو يحط فيها العوده اللي امه تحب ريحتها ابتسم وهو يرش عطرها اللي ما زال يشتريه وتعطر فيه هو بعد وطلع وسكر الغرفه وهو مغمض وهمس : ماني مخليك يمه لا تخافين
نزل وهو يبي يشوف وجه سهام بعد اللي صار فيها قرب من طاولة الاكل وشافها جالسه بجنب ابوه ومعاهم عمته قطب حواجبه وسحب الكرسي وجلس بدون ولا كلمه
منى:ماتبي تسلم علي
فيصل وهو يناظر بصحنه: سلام عليكم
ابو عادل ناظر بفيصل :فيصل وش ذا قوم سلم على عمتك
فيصل كان ساكت ولا بيرد على احد وقف بهدوء وقرب لعمته ومد يده لها ع اساس يصافحها منى انجلطت ناظرت فيه بصدمه ومدت يدها لا شعوريا وصافحته رجع فيصل لمكانه وهو يدري انهم منجلطين الكل طايره عيونه في فيصل
ابو عادل :تستهبل صح قوم بوس راسها خلاص نسينا التربيه
فيصل وقف وراح لها باس راسها وهو بعد ساكت ورجع بس هالمره ما جلس اخذ صحنه وحطه قبال ابوه : بالعافيه عليكم شبعت وانا رايح جاي
ترك لهم الصحن وطلع فوق ابو عادل والكل كانوا يناظرونه لما اختفى من قبالهم
ابو عادل لف لعادل : اخوك هذا صاحي
عادل ابتسم وعينه على الدرج : تبي تسأل نفسك هالسؤال
منى: انا اقولك مجنون وش سوينا عشان يقلب كذا
ابو عادل : الله يهديه ماني فاهم عليه ماني فاهم
سهام قامت وهي اصلا ماهي طايقه شي من بعد ما اختربت الغرفه وراحت لغرفة الضيوف
منى: شفيها سهام
ابو عادل : اثاث الغرفه اخترب علينا
منى شهقت : ليش
ابو عادل خز عادل : البركه فيه وكلته على العمال وتركهم يروحون دون ما يثبتون الاغراض
منى: عاااادل انت انجنيت خلاص
عادل :خلاص عاد ما صارت الحين يجون عمال ويركبونها
ابو عادل : نواف شفيك حبيبي ما تاكل
نواف :اكل يبه
ابو عادل : باقي تعبان
نواف :لا بس بروح لفيصل
وقف نواف وطلع عند فيصل
منى: هو خلاص انسحر مع فيصل
ابو عادل : مدري وش اسوي فيه مدري
منى : والله ي اخوي بيتكم صاير يصدع بالراس
ابو عادل : الله يكون بالعون
فيصل اللي كان جالس على الدرج ويسمع كل اللي قالوه شاف نواف جاء سحبه وجلسه بحضنه وهو يسكته وسمع منى تقول اخر كلامها زفر بضيق وهمس بغضب : كله من تحت راسك عساه بالصداع اللي يفجره
نواف : فيصل انا احس اني تعبان
فز فيصل وهو يشيله وراح فيه لغرفته جاب الدواء واعطاه وهو يقيس حرارته شافها مرتفعه جاب كمادات وحطها على راسه وجلس بجنبه وهو خايف عليه لف يدور جواله وتذكر حنين وسالفته تنهد بضيق وانسدح بجنب نواف وهو ضايق ظيمنعظيمنع

12 - 1 - 2022, 04:39 PM

.... 73 .....

عند اديم اللي ما راحت الجامعه ولا نامت اصلا وكانت مقضيه ليلها وهي مقهوره ومتحسفه فتحت الجوال وهي تشوفه باقي ما فتح رسايلها اللي امس غمضت وهي مافي يدها شي غير انها تتركه يهدا
غفت وهي تبكي وكان طول نومها واحلامها عن فيصل
ظيمنعظيمنع
ظيمنع
مر اليوم بهدوء وابتدا يوم جديد
الكل كان مشغول يحضر لملكة عادل وريمان اللي كانت بكره عادل كان مشتط ويحضر كل شي يطلع بيده وابو عادل ما بين سهام وبين تجهيزات ملكة عادل ونواف المريض وفيصل اللي تصرفاته تجلط اما سهام ما كانت مهتمه الا لفيصل اللي كان يخوفها ومستعده تحلف ان هو وراء تخريب الغرفه
اما فيصل اللي كان هادي بشكل فضيع وماكان له اي ردات فعل غير الصمت وكان متضايق بسبب حنين وبنفس الوقت كان يحاول يقنعهم انه رضا بس بحدود ومع هذا كله مشغول مع نواف اللي كان فعلا مريض وطول الوقت وفيصل معه وماهو معطي احد مجال يتدخل
ظيمنعظيمنع
ظيمنع
في بيت ابو محمد اللي كانوا يجهزون البيت للمعازيم والحفله البسيطه ومكونه من عوائل قريبه ويجهزون للمكله في ذا الوقت رجع رائد وكان مبسوط وضايق بنفس الوقت ومايحتك في ابوه كثير عشان مايسبب تتش وكان رايح جاي لريمان ويحاول يطمنها
اما نسرين الوحيده اللي كانت فرحانه ومخنوقه بنفس الوقت فرحانه لريمان اللي بتطلع من تحت سيطرة ابوها ومخنوقه لانها بتاخذ حبيبها طول الوقت كانت ماسكه نفسها ودموعها وتحاول تشغل نفسها عشان محد يحس
ام محمد اللي كانت مرتاحه راحه فضيعه وهي تحس ان ريمان بتكون بعد مرتاحه
اما ابو محمد اللي كان بس يراقب ومهدي الوضع ويحاول ما يخرب هاليوم
عند ريمان اللي ما جفت دمعتها وطول الوقت تبكي لكن في النهايه قررت تستسلم وبعدين تفكر وش بتسوي لكن مع ذلك دمعتها ما وقفت
ظيمنعظيمنع
ظيمنع
في بيت ابو مشاري كان الكل يتجهز ومحتاس بيحضرون الملكه مروى وهي محتاسه : اديم وش البس
اديم ماكان لها مزاج وخايفه وفيها رجفه ومع هذا كله اشتاقت تسمع التفاصيل من فيصل خصوصا ان سهام قالت لها عن حركة الغرفه واديم متأكده انه فيصل وما علقت على الموضوع تبي تعلق عليه مع فيصل لفت بضيق : هذا الفستان حلو
مروى: وش فيك انت وش قصة هالصداع
اديم : مدري ماسك معي غلط
مشاري دخل: وشو هاللي ماسك غلط
مروى: مشاري شوفها من اسبوع معها صداع مايخليها تنام ورافضه تروح مستشفى
مشاري:وليش ان شاء الله ما تبين مستشفى اديم كل شي الا صحتك
اديم بضيق: والله مو مستاهل شوي ويشفى
ابو مشاري دخل :لا مستاهل كل شي ولا انتي ي اديم قومي البسي و روحي مع مشاري للمستشفى خذي لك دواء وارجعي كويسه نبي نسمع سوالف ونشوف اديم الحلوه الضاحكه
اديم :والله يبه ماله داعي انا شوي اصير بخير
مشاري : اعذارك مرفوضه ويلا قومي
حاولت اديم بس محد اعطاها مجال ولبست وطلعت مع مشاري وهم بالسياره لف مشاري : هاه وش تبين تسمعين
اديم:اي شي
مشاري :لا لا قولي لي وش تحبين تسمعيين
اديم :والله ي مشاري اي شي
مشاري شغل اغنيه (انت طيب ) وهو مو داري انه هنا فجر اديم اللي كانت الاغنيه على جرحها وصدح صوت نوال بكل المكان وبدأت معاها دموع اديم سحبت جوالها وقررت تترك اعتذارها من فيصل بنفس الطريقه اللي هم متعودين عليها صورت وبصوت نوال والاغنيه اللي تعني لهم الإثنين معنى كبير وعلقت عليها بشي يحكي مشاعرها ( ‏ولاتزعل ورب البيت ما أقصد ‏ اذا ترضيك ما أقصد تسامحني ‏لو اجمع كل دمعاتي لك بباقة ‏بتاخذ باقتك ماراح تاخذني؟!!)
نزلتها وهي على امل ان فيصل يشوفها ويسامحها لانها فعلا ماعادت تطيق الدنيا بدونه ماتدري وش هالحب اللي تملكها لكن استحوذ عليها بشكل مجنون
ظيمنعظيمنع
ظيمنع
عند فيصل اللي ماكان مع الدنيا ابد وكان مع نواف اللي مريض اخذه للمستشفى وهو ضايق اخذ له كمادات وجلس بالانتظار وهو ينتظر الدور ومعاه كمادات لنواف كان حاضنه وهو خايف عليه واللي يشوفه يقول ولده ماكان يدري عن الدنيا وهو متجمعه عليه هموم العالم وجواله اصلا مو معاه
دخلت اديم ومشاري والصدفه كانوا بنفس المستشفى وقفت اديم تنتظر مشاري ياخذ اوراقهم وتجمدت كل اطرافها لما شافت فيصل حست بحراره في كل جسمها ورجفه سيطرت عليها دوخه فضيعه مسكت في مشاري وهي منزله راسها ودموعها بدأت تنزل رفعت راسها وشافته جالس وهو باين انه مو مع الناس بحضنه طفل ساعدها مشاري تجلس على الكرسي وهو خايف عليها:اديم فيك شي
اديم :لا لا بس رجلي نامت وعجزت اوقف
مشاري : اكيد
اديم :ايه ماعليك روح كمل الاوراق

.... 74 .....

راح مشاري بعد ماجلسها واديم اللي عيونها ما نزلت عن فيصل وهي تناظر فيه بتمعن تمنت لو تروح له وتعتذر منه وجهاً لوجه بس ما تقدر ماكان فيها حيل الا انها تبكي لفت تدور مشاري وهي ماتبيه يشوف فيصل اللي اكيد حاقد على كل عايلتهم وماتبي تكثر الخلافات بينهم جاء مشاري وقالت له:مشاري انا دايخه خذني جوا
مشاري اخذها بسرعه ولا شاف فيصل اللي دخل بنواف لطبيب الاطفال وهو مو منتبه للي صار
مرت نص ساعه واديم كان بيدها السيروم اللي اصر مشاري الا تاخذه ونواف بعد معاه السيروم وشوية كمادات انتهى السيروم وطلع فيصل وهو شايل نواف وبيده الادويه وبنفس اللحظه طلعت اديم ومشاري كانت اديم تراقب فيصل ومن سوء الحظ كانوا بنفس الاصنصير حاولت تمنع مشاري بعذر انه زحمه بس مشاري رفض وقال يمدينا في نص الوقت انتبه مشاري لفيصل : فيصل
فيصل لف بأستغراب وقطب حواجبه اول ماشاف مشاري :مين
مشاري : ماعرفتني مشاري
اديم غمضت بقوه وهي ماتبي تسمع رد فيصل اللي اكيد بيكون موب زين ..
فيصل ( اوف وش يببي ذا بعد ): اهلين مشاري لا والله ماعرفتك
مشاري :سلامات وش عندك هنا مو ع اساس ملكة عادل
فيصل :الا بس نواف شوي تعبان وجبته
مشاري مسح على شعر نواف بحنيه:ما يشوف شر ي حبيبي سلامته وش قالو له
فيصل: شوية سخونه مع تغير الجو وهو الحين احسن
مشاري : الحمدلله
فيصل : خير وش عندك انت
مشاري : اختي تعبانه من اسبوع وجبتها اليوم
فيصل لف بهدوء :ماتشوف شر
مشاري :مايجيك
افترقوا لما طلعوا من الاصنصير وكل واحد راح بطريقه لكن اديم قلبها مع فيصل ارتاحت لما فيصل كلم مشاري ولا سبب اي توتر
راحت وهي كل شوي تلتفت تناظره وحطت عندها امل وعذر بتعب نواف عشان كذا فيصل مارد عليها
ظيمنعظيمنع
ظيمنع
عند فيصل ركب السياره ونزل نواف بالمرتبه وسحب جواله وهو يستغفر عن شوفة مشاري ومستغرب كيف مسك نفسك لا يتلفظ عليه تذكر ان مشاري ماله شغل تنهد وهو يشوف اشعار رسالة حنين غصب عليه دخل وهو ماتعود يمر وقته بدونها شاف الرسايل وغمض بضيق استند على المرتبه وهو يقول ( من حقها ي فيصل ما تثق فيك وانت راعي بنات وغير كذا كيف تثق فيني وهي ما تعرفني الا من شهر والبنت سمعتها ع المحك طبيعي بتخاف في النهايه النتيجه وحده )
نزل جواله وهو يفكر هل يسامحها والا يتركها وطول الوقت وهي يفكر لكن اكتشف انه مايقدر بدونها واعجبه انها ما تعطي اي احد نبذه عنها واكتشف بعد وايقن انها مو مثل البنات وماتدور عنده اللي يدورون عليه البنات ابتسم وسحب الجوال شافها منزله ضاق لما حسها ضايقه وندمانه ونزل رد لها (‏تحت أمرك.. ولو خلوّني الباقين،
‏وأنا ماقِلت لك عادي؟ ولو نَخسر.)
.
.
اديم فتحت وهي على امل فيصل يكون رد حدثت وشافته منزل بلعت ريقها وهي تعيدها ومره واثنين وثلاث ما استوعبت رجعت تقرا وابتسمت بفرح وعلقت بسرعه( يعني مسامحني!)
فيصل رد عليها بعد شوي ( ابسألك فيه احد يقدر يزعل عليك )
اديم ضحكت بفرحه ( انا اسفه اتوقع انك فهمت فيصل انا مابي اخسرك بالعكس عشان كذا انا اتكلمت كذا )
فيصل( معك حق ي العوبه عالعموم ساعدك اني اليوم بالذات محتاج لك)
اديم(ليش وش صار معك بعد)
فيصل ( عطيني ساعه بالكثير اخلص كم شغله واكلمك)
اديم( زين)
سكر فيصل اللي وصل للبيت ونزل نواف ونزل وهو يشوف الزحمه قابله ابو عادل :هاه كيفه
فيصل:لا احسن بطلعه يلبس ونرجع
عادل :اعطيه عميمه وانت اجهز
منى: ايوه هات
فيصل:ههههه لا لا مايحتاج تعبناك كثير ي عميمه لمين بتفضين انتي خليك مرتاحه
طلع واخذ نواف معه ومنى اللي عصبت وطلعت وراه ؛فيصل
فيصل: نعم
منى: وشوله تكلمني كذا
فيصل: وشلون اكلمك طيب
منى: لا تجلس تخبص وشو له كل هالزعل قلي وش انا مسويه عشان تقلب وجهك علي
فيصل : جبتي بينا اللي تفرقنا
منى : وش اللي جبت بينكم اللي تفرقكم ي فيصل حرام عليك لين متى وانت ما تفكر الا بنفسك فكر في ابوك في اخوانك عاجبك الشرشحه اللي انت وانا فيها فيصل لا تطلعني من طوري وانت تدري اني ادور راحتكم وراحت ابوكم عبالك اني مستانسه على طلعتك من البيت لا والله ..نزلت دموعها وهي تقول :ي فيصل انا ربي ما عطاني عيال وعديتكم عيالي واكثر والله والله اذا ضاق واحد فيكم الدنيا كلها تضيق فيني لكن انت اعطي الناس فرصه وشوف لا تاخذ الدنيا بشراع ومجداف وتأكد لو اني اشوف من سهام شي يضركم انا اول وحده اوقف بوجهها ومثل ما جبتها اطلعها المهم انتم ..

.... 75 ......

فيصل ضاق حيل لما شاف دموعها وهو مايحبها تبكي وهي غاليه عليه قرب لها وهو يضمها ويبوس راسها ويدها :عميمه خلاص انا اسف لكن طلع مني الكلام في وقت الغضب والا انتي ادري ان قلبك علينا بس انا ماني متقبل هالشغله انا اسف عميمه
منى مسحت دموعها وهي تضمه : تبي تزعل ازعل وكسر الدنيا بعد بس لا تجلس تكلمني كذا وكأني مذنبه وانت تدري اني اتحمل زعل الكل الا زعلك
ضحك فيصل: هههههههه ي بعد عمري انتي ادري ما تقدرين على زعلي لكن هاه اقولك من الحين هالزفت اللي تحت مالها شغل فيني ولا لي شغل فيها
منى ضربته وهي تضحك:وانت متى بتعدل ألفاظك
فيصل :على الله الفرج
منى: وخر باخذ نواف البسه واعدله عشان يمديني ارجع اشوف غرفتك اللي تسد النفس ادري ما تبي سهام تنظفها
فيصل ضحك: ههههههه اي والله ي عميمه تجيب الحومه
راحت منى اللي خذت نواف اما فيصل اللي راح يتروش ويحلق ويتنظف عشان يخلص بدري ويرجع لحنين
ظيمنعظيمنع
ظيمنع
اما عادل اللي كانت الارض مو شايلته وفرحان ولا يدري وش يسوي طلع مسرع وراح لفيصل فتح الباب وشافه واقف وبيده المكينه :فيصلو
فيصل لف بضحك:نعمو
عادل جلس : تعال تعال اجلس
فيصل: وش تبي
عادل :ياخي تعال ساندني قلي وش بسوي
فيصل طارت عيونه: اساندك في ايش ترا مللكه موب زواج
عادل : ادري بس يعني وش اسوي كيف اعاملها واتكلم
فيصل: ههههههه ضحكتني حسستني انك متزوج وحده تقطر دلع ي ابوي ريمان عاملها مثلي حط في بالك انها فيصل وبتمشي امورك
عادل تنهد بضيق وهو يطالعه بنص عين :وبعدين يعني انا اتكلم جد
فيصل: وانا اتكلم جد ياخي ترا سؤالك مسوي حادث
عادل قام وهو يدري ما بيحصل منه فايده وقرر يتصرف معها عادي
ظيمنعظيمنع
ظيمنع
عند اديم اللي كانت راجعه بحماس والكل استغرب بس اقتنعوا انه راح الصداع عشان كذا ابتدت تجهز نفسها بسرعه بسرعه وجوالها قريب عشان تشوف فيصل اذا ارسل لها دق جوالها وكانت سهام : هلا سهام
سهام:هلا اديم كيفك
اديم : تمام انتي شمسويه
سهام: ولا شي انتظر الكوافيره تجي عشان اجهز
اديم:باقي ماجات
سهام: لا انتظرها اديم الله يسعدك تعالي عندي والله بموت من الزهق الضيقه
اديم دق قلبها شلون تروح للبيت اللي فيه فيصل : بس انا باقي ما جهزت
سهام :تجهزين عندي يلا تعالي ترا هالايام صايره غريبه اصلا تعالي ساعديني ما ادري وش البس
اديم سكتت شوي وهي تفكر بعدها قالت : خلاص زين شويات وجايه
سهام : يلا انتظرك
سكرت اديم وركضت تبدل ملابسها ولبست لبس خفيف وحلو ولبست عبايتها ونزلت مسرعه
ام مشاري: اديم وين رايحه
اديم : بروح لسهام اتصلت علي وتقول تعالي ساعديني
ام مشاري : وسهام في بيتها
اديم :ايه يمه وين بتروح
ابو مشاري :انتبهي يبه البيت فيه رجال اكيد بيكونون رايحين جايين انتبهي
اديم :لا توصي حريص يبه
ابو مشاري : زين
طلعت اديم وركبت مع السواق واتجهوا لبيت ابو عادل وفي هاللحظه دق جوالها برساله من فيصل ( طولت عليك )
اديم ابتسمت ( اذا طولت انا اجي لك)
ضحك فيصل(ههههههه ي ليت والله تجين )
اديم :ماتدري اني جيت ي فيصل وياليت تدري ههههههه حلمك كبير)
فيصل(الايام تصغره ي حنين وتجيبه )
اديم ( زين قلي وش اخبارك رجعت بيت ابوك او لا)
فيصل( اوووه ي اخباري اووه )
اديم ( قول عاد ترا متحمسه اعرف)
فيصل سجل لها وحكى لها كل شي اديم ضحكت وهي متأكده انه هو ( ههههه ما انت بصاحي حرام عليك كسرتهم)
فيصل( احسن عسى اردى ï؟½ï؟½)
اديم (ههههههه حاقد من كل قلبك)
فيصل( اووووه خيرات الله )
اديم (صراحه ما ينخاف عليك )
فيصل( والله شوفي انا ما أذي الا اللي يأذيني غير كذا لا )
اديم( تدري عاد الله لا يحطني بيدك حاقد)
فيصل ابتسم بهدوء وكتب لا شعورياً( انتي بالذات لو تقومين القيامه علي مستحيل أأذيك والله لا يحطك بيدي الا صديقه) ..

12 - 1 - 2022, 05:25 PM

.... 76 ......

اديم انتبهت انها وصلت بيتهم دق قلبها وهي تناظره بخوف شافت رد فيصل وزاد دق قلبها غمضت وهي تقول ( اميي ،، طيب انا بروح اجهز شوية اغراض بنطلع الشاليه )
فيصل( زين بس لا تطولين )
اديم( طيب )
نزلت وهي تدق على سهام اللي جات لها واخذتها لغرفتها دخلت وهي تحس بخوف من المكان :اديم وش فيك تناظرين كذا
اديم :هااه ولا شي بس بيتهم يخوف
سهام:لا يخوف ولا شي بس عشان كركبة الملكه
اديم:انزل عبايتي والا فيه احد
سهام:لا نزلي اصلا طلال مابيجي هنا وعنده خبر انك موجوده
اديم:زين
سهام ابتدت تفرج اديم على غرفتها واديم اللي انفجرت ضحك اول ماقال فيصل عن اللي صار فيهم
سهام:وش فييك
اديم :ههههه تذكرت لما قلتي لي عن طيحتكم
سهام:وربي سامجه ما تضحك ي غبيه
اديم ماردت وهي تضحك وهي فعلا ماكانت تضحك بالنسبه لسهام لكن اديم اللي سمعتها بشرح فيصل وهو يضحك غصب عليها بتضحك بعد شوي وصلت الكوافيره وابتدت في سهام واديم جلست وهي ترجع تراسل فيصل ( انا اليوم احسك مشغول حيل ومانك فاضي لي )
نزلت جوالها وهي تقول :سهام ابي مويه فيه احد
سهام: مدري بس اسمعي اوقفي قريب وشوفي اذا فيه احد لان المطبخ فيه منى بس انتبهي يشوفك احد
اديم :زين
طلعت اديم وسكرت الباب وهي عليها جلال الصلاة وقربت بتطلع بس سمعت صوت تعرفه زين وحافظته تخبت وهي تراقبه وهو نازل من الدرج:عميمه عميمه وينك عميمه
منى طلعت من المطبخ :خير وش فيك بعد
فيصل ابتسم ابتسامه عريضه وهو ينزل لها : انا ولدكم والا لا
منى :يوه ي فيصل وش ذا السؤال انقلع عني خليني اخلص شغلي
فيصل: انا من جد اسأل
منى لفت وهي تتأفف :اكيد ولدنا ولد مين يعني
فيصل: زين دام كذا ليه دايم ما تجهزين اغراضي بدري زي اخواني وليش دايم كل شي اطلبه يتأخر وش مسوي انا
منى : والله هالسؤال لك تبي تعرف ليش عشانك دايم اخر انسان يتزحزح ويقوم ويلبس واكبر دليل ان الساعهظ¦ وانت باقي ما سويت شي
فيصل :حتى ولو حتى لو جهزوا لي اغراضي واتركوني براحتي تقدرين تقولين لي وين غترتي وشرابي والجزمه والكبك كلها ما حصلتها
منى:هذا هي بدولابك لا تجنني
فيصل :اللي بالدولاب الشماغ وانا مابي شماغ ابي غتره والجزمه ابي السوداء والكبك مابيه ذا ابي الجديد
منى رمت عليه المنشفه :الحين اي ابي اعرف من العريس انت والا عادل
فيصل اتكى بهيام: الله ي عميمه لو اصير عريس الله يجيبك ي ذا اليوم
منى: ما دام هاذي اطباعك مافي زواج
فيصل: لله وحده علام
منى : المهم لا تزعجني عندي شغل واغراضك بغرفة عادل
فيصل لف بيطلع بس تذكر ورجع:الا اقول عميمه وينها هالمسعده ليه ما تجي تساعدك مو ع اساس تبين احد يشيل كتف عنك وهذا هي مرتزه جوا وانتي تكرفين
منى هزت راسها بأسى : وانت وش عليك وبعدين استح على وجهك اسمها سهام مو المسعده وغير هذا عيب اشغلها بأول ايامها
فيصل :هههههه ضحكتيني وليش ما تبين تشغلينها
منى لفت وهي تخصر :عروس
فيصل : ههههه عروس هههههه ياخي خافوا الله هاذي عجوز خلاص باقي لها سنه سنتين وتودع الدنيا وباقي عروس والله مشكله اذا هي عروس ريمان وش تطلع باربي ههههههه
منى قربت وهي تضربه بالملعقه : اقصر صوتك وجع عندها ضيوف وبعدين عيب عليك لا تسمع تكسر خاطرها مسكينه
فيصل :هههههه خاطر مين خاطرها لا يا خاطرها اللي مره هامني عساه ينكسر ولا ينجبر عساه ينهد هد مو ينكسر وبعدين من هالضيوف اللي عندها مو ع اساس الحريم في بيت عمي
منى : الله يهديك واللي عندها بنت اخوها
فيصل:مالت حتى مالت قالت ضيوف قالت وعوه
منى : اقول انت ما وراك الا المصايب تعال تعال خذ صحن التقديم وديه للمجلس
فيصل : اوديه كذا بسروال وفنيله
منى: ايه كذا من بيشوفك يعني
فيصل :عميمه خافي الله تبين تخربين برستيجي عند بنات الجيران
منى: لا ي حبيبي برستيجك تمام روح بس
فيصل ضحك واخذ الصحن وهو يبوس خدها:تمونين ي ريم المكاحيل
منى: روح روح الله يهديك ويفرحني فيك عريس
فيصل :اميييييين
طلع يوصل الاغراض وهو يضحك وكل واحد يمره يرمي عليه كلمه ..

.... 77 .....

الجد: اخيرا جيت وضحكت ي فيصل
فيصل كان زعلان بعد على جده بس قرر انه ما يخرب فرحة عادل وراح وهو يبوس راسه: انا دايم اضحك لكن يجي من يزعلني ويخرب علي
محمد : انت تزعل قبايل
فيصل لف وهو يرفع حاجبه : محمد لا تخليني ازعلك
محمد :وش بتسوي عني بتخطط لي زي ابوك
فيصل اسرع له وهو يلكمه ركضوا وهم يفكونهم
ابو عادل : بس ي فيصل بس اطلع فوق
عادل : فيصل خلاص لا تخرب الدنيا فيصل
محمد : هذا اللي فالح فيه ي مريض ي معقد روح روح الله يعينك على نفسك
فيصل وهو يتفلت : قرب قرب قرب والله لااعلمك التعقيد على اصوله
الجد : خلاص انت وياه محمد قوم من هنا
عادل سحب فيصل للبيت:خلاص عشان خاطري خلاص
فيصل: الله يلعنهم كلهم هذول اهل هذول
عادل :خلاص عاد
منى: فيصل وش فيكم
عادل : تهاوش مع محمد الزفت
منى: والسبب
عادل : لسان محمد
منى: خلاص يمه هدي ماصار شي
عادل طلع وهو يستغفر
ظيمنعظيمنع
ظيمنع
عند اديم اللي كانت منسحره تماما مع فيصل تنهدت بعد ما راح وغمضت وهي مبسوطه يالله قد ايش جميل وهو قريب قد ايش وجميل وهو مبسوط كيف روحه حلوه مع الكل ضحكه مزحه خفت دمه اوامره اللي كلها جميله لفت وهي تتنهد ودخلت الغرفه
سهام: جيتي
اديم : ايييه
سهام: من جاء سمعت صوت
اديم : هذا اللي اسمه فيصل
سهام لفت بصدمه : وشو شافك
اديم :لا تخبيت ليما راح ورحت شربت
سهام: اشوى
اديم :ليش خايفه منه
سهام: ماني خايفه بس اتجنبه لو شافك وعرف من طرفي بيولع فينا
اديم :غريب لكنه جميل
سهام: من ناحية جميل جميل بس اطباعه شينه
اديم: بس واضح يحبونه
سهام: يحبونه ويموتون عليه لو تدرين عن قصته انتي بعد تحزنين عليه
اديم : وش قصته
انشدت اديم تسمع قصته وقربت للكوافيره وهي تسمع سهام لكنها ماقدرت تكمل مكياجها من دموعها اللي انهلت على خدها بصدمه من قصة فيصل :مو معقوله ي سهام
سهام: انا بعد ماصدقت لكن حقيقه
اديم وهي تمسح دموعها:اذا كذا لا تلومينه على اللي يسويه
سهام: ما راح الومه بالعكس انا شفقانه عليه المهم وقفي بكى وكملي تجهيزك ما بقى وقت
راحت سهام تكمل شغلها اما اديم ماقدرت توقف بكي وهي كل مره تتذكر فيها كل شي مع فيصل تبكي بزود
ظيمنعظيمنع
ظيمنع
عند ابو عادل اللي كان معصب من تصرف محمد مع فيصل وقف وهو يوجه كلامه لمحمد :الحين مالنا كلام لكن بتتحاسب على كلامك
محمد :وليه ان شاء الله انا قلت الصدق
الجد : لا ما قلت الصدق وفيصل مو مريض
محمد :مريض وستين مريض والكل يدري
ابو عادل صرخ : ابو محمد امسك ولدك ولا تخليها تخرب بينا
ابو محمد : محمد امش من هنا للبيت
محمد لف بغضب ورجع للبيت جلس ابو عادل وهو معصب :حسبي لله ونعم الوكيل
ظيمنع
ظيمنع
اما فيصل اللي طلع وهو فيه غضب الدنيا لو يذبح محمد ما يكفي لغضبه جلس وهو يسحب المخده صرخ فيها وهو يحاول يطلع غضبه في اي شي بدال ما يسوي مصيبه شاف الجوال وسحبه وهدا شوي لما شاف رسالة حنين رد وهو يفرك جبينه ( الحين بالذات فاضي لك )
اديم ردت وهي تحاول تسمح دموعها قبل يخترب شكلها ( ليش يعني الحين بالذات )
فيصل تنهد ( والله ي شيخه الواحد المفروض يعتزل عن الناس )
اديم ( ليه وش صار )
فيصل وقف وهو يسكر الباب ورجع يسجل صوت ( تدرين عاد اقسم بالله اني طفشت طقت روحي خلاص من ذا العيشه ومن ذا الناس مدري وش اسوي )
اديم ( بسم لله فيصل وش فيك وليش صوتك كذا)
فيصل قال لأديم عن الموقف وهو مقهور وعلق بنهاية الامر وقال ( مدري من الغلطان انا او هم الظاهر اني بأبتدي اصدق اني مريض )
اديم ( فيصل وش ذا الكلام الله يهديك اكيد مستحيل تصدق وانسى انك تصدق انت مو مريض المريض اللي تهجم ويتكلم عليك من دون سبب اتركه يقول اللي يقول انت تعرف نفسك )
فيصل (برايك مين الغلطان انا تعبت وانا اتحمل الغلطات )
اديم( اعرف انك مانك غلطان بأي شي ابدا وهذا اللي لازم يفهمونه )
فيصل ( ودي اطلع واترك وراي كل شي ودي اني ما اعرف احد غير نفسي)
اديم ناظرت الباب وللحظة وهي مو واعيه على نفسها وخايفه على فيصل ركضت و فتحت الباب وطلعت فوق وهي تدور غرفة فيصل بين الغرف
ظيمنعظيمنع
ظيمنع
عند ريمان اللي كانت مستسلمه تماما للكوافيره وتاركتها تسوي اللي تبي دون اي اعتراض وهي في بالها تفكر وش تسوي عشان تقنع عادل يتركها بحالها او انها توافق وتكمل لما تتزوج عادل وبعدها تهج كانت افكارها تاخذها وتجيبها وهي حايره غمضت وبقوه وهي تشد على يدها وفي نفسها:الله لا يسامح اللي كان السبب
فتحت عيونها على صوت امها: ريمان يمه خلصتي
ريمان رفعت كتفها بمعنى مدري ام محمد لفت للكوافيره اللي قالت لها باقي شوي بس ..

12 - 1 - 2022, 05:26 PM

.... 78 ......

قربت ام محمد وهي تبوس جبينها: يمه ي ريمان ارضي بقضاء الله وقدره مالك حيل ولا حيله اطلبي الله انه يسخر لك عادل ويطرح في قلبه الرحمه
ريمان لفت وهي ساكته طلعت ام محمد وتركتها تجهز براحتها

وفي طرف ثاني من البيت كانت نسرين تكتم شهقاتها اللي كانت بتذبحها ماهي قادره تتقبل الفكره حتى لو هي اختها وتتمنى لها كل خير ماهي قادره تتقبل ان عادل اللي حبته من صغرها يروح وليته راح بعيد لا كان قريب وقريب حيل سندت راسها وهي تستنجد بربي يشيل معاها حملها ويصبرها طلعت وهي تحاول تعدل مكياجها اللي للمره المليون يخترب بسبب الدموع
شافت محمد اللي دخل وهو معصب طنشته وراحت لغرفة رائد دخلت وتفاجأت برائد :انت هنا
رائد : ايه .. وش فيك ليش وجهك كذا وش صار
نسرين :لا لا لا تخاف مافيني شي بس عيوني من العدسات شبت نار شكلها فيها حساسيه
رائد: انتبهي ي بنت الحلال لا تعميك عاد كل شي ولا العيون
نسرين ابتسمت غصب عليها: لا تخاف الحين انزلها
ضحك رائد وقرب وبيده عقاله: نسرين دخيلك انتبهي لريمان حاولي تواسينها وفهميها ان عادل مافيه منه واكيد بتحبه
نسرين ذبحتها الغصه وشدت على يدها بقوه :ابشر
رائد: تبشرين بالجنه يلا انا رايح تبون شي ناقص شي
نسرين بغصه:لا
طلع رائد وانهارت من بعد نسرين وبكت وهي تقول :انا ابي من يواسيني ابي من يواسيني وانا احبه احبه
ظيمنعظيمنع
ظيمنع
عند عادل اللي كان لابس وجاهز من بدري بس كان بغرفته وهو خايف ومرتبك ويدري ان ردة فعل ريمان بتكون عنيفه ويدري بعد ان اختياره لريمان كان صعب حتى عليه هو ناظر للشبكه اللي قباله وتنهد وهو يتجه لها واخذها وهو يقول : ي رب الخير في ما تختاره
ضبط شخصيته لاخر مره لان صار العشاء وضروري انه ينزل وطلع بعد ما تعطر لف لما حس بحركه غريبه ما شاف احد وكمل طريقه نزل لعمته تحت شافها تلبس عبايتها: عميمه
منى لفت وهي تقرب لعادل وتبوسه : هلا ي امي مبروك ي حبيبي الله يتمم لك مع اني مو راضيه لكن اللي تبيه
عادل :عميمه خلاص انتهى الموضوع الله يسعدك المهم خذي هاذي الشبكه خليها معك
منى :زين ذكرتني كنت بنساها عادل يمه شفت فيصل وين ونواف
عادل:نواف مع ابوي اما فيصل مدري
منى: اطلع له ي حبيبي خذ بخاطره اكيد ضايق مايصير يجلس زعلان والسبب محمد
عادل: زين زين بروح انتي اتركيه علي
منى: يلا يمه موفق
راحت منى وعادل رجع طلع لفيصل
ظيمنعظيمنع
ظيمنع
عند اديم اللي لفت كل الغرف ماحصلت فيها فيصل وباقي غرفه بأخر الممر راحت لها وقلبها يدق بقوه وهي براسها ما تخلي فيصل ضايق ولا تخليه يفكر كذا واول ماقربت وفتحت الباب شافته منسدح وهو معطي للباب ظهره ارتجفت يدها ع الباب وهي تحس بدوخه لما هاجمتها ريحة عطره والعود سمعت صوت وراها وركضت لدورة المياه اللي بجنب الغرفه وهي قلبها يرقع سمعت احد ينادي : فيصل فصول ي هوه ي مز ي مخقهم قوم قوم
فيصل لف وهو مستغرب من فتح الباب قبل شوي بس توقع انه عادل :وش فيك تصارخ اسمع ترا
عادل قرب وهو يمد له يده : قوم عاااد قوم دخيلك الا هاليوم لا تنفس فيه هاذي فرحتي فصول يلا عاد انا راضي طقطق علينا براحتك بس عاد اضحك
فيصل: ايه انا ليه ساكت للحين عشانها فرحتك والا من زمان قالبها عزا
عادل سحبه وهو يبوس خده : ي جعلني لحنين ي شيخ تعال بس بلا دلع وألبس واكشخ وارقص واترك عذالك يموتون قهر افا بس انت بس اضحك وتشوف شلون يموت بمحله مو بس هو وابوه معه
فيصل: ههههه اخ ي قلبي بس
عادل: بسم لله عليك من الاخ ويلا عاد مابنتظر كثير خلنا ننزل
اديم طلعت بشويش وهي تدعي ما يشوفونها ولما بعدت شوي ارتفع صوت جوالها اللي كانت تدق عليه سهام
فيصل وعادل لفوا على الصوت:مين ذا
عادل :مدري ياخي في حركه غريبه
فيصل :ايه من يوم جات هالمسعده وبيتنا صرت ما اعرفه
عادل:هههههه شكله جوالها المهم يلا انتظرك تحت
فيصل:يلا
نزلت اديم ركض وهي معرقه وقلبها طاح لما دق جوالها وصلت غرفة سهام وهي ترجف فتحت الباب شافت سهام : اديم وينك
اديم: رحت اشرب مويه وضاع حلقي وصرت ادور عليه تو حصلته
سهام:زين استعجلي تأخرنا
اديم اتجهت لفستانها:طيب
لبست اديم وهي ترجف ضبطت شكلها للاخر وهي باقي عطر فيصل في انفاسها ابتسمت بحب وسحبت الجوال وهي ترد على رسالته من قبل (تدري لو بيدي اخطفك بعيد لناس تستحق فيصل )
جاها الرد بعد شوي (هههه اعجبتني الفكره ياليت لو تقدرين)
اديم( ي ليت بس المهم. انت خلك قوي زي عادتك )
فيصل( لا ماعليك لحظة زعل ومرت )

.... 79 ....

اديم( طيب انا شوية مشغوله عادي اتركك شوي)
فيصل( شغلنا جاء مع بعض عادي روحي واذا فضيتي ارسلي وانا بعد )
اديم(زين يلا عقبالك ومبروك)
فيصل( عقبالي هاذي بعدين نحلها اما مبروك يبارك فيك)
اديم( هههههه مابي اناقشك الحين شوي نتفاهم)
فيصل(هههههه زين)
سكروا وابتداء كل واحد يجهز نفسه ونزل فيصل بسرعه وشاف سهام واقفه وهي باين تنتظر احد مر وهو يناظرها بإستحقار وتركها وراح هزت راسها سهام بضيق وجات اديم:وش فيك
سهام:من غيره
اديم:شمسوي بعد
سهام:نظراته تحسسك انك مسويه منكر
اديم: هههههه ماعليك منه يلا تعالي
طلعوا واتجهوا لبيت ابو محمد وابتدأو الضيوف يهلون
ظيمنعظيمنع
ظيمنع
عند فيصل اللي طلع وحصل عساف بوجهه راح وهو يضحك له وضمه وهو يسلم عليه : مبروك مبرووك الله يتمم الله يتمم
فيصل: يبااارك فيك وعقبال عندك ي رب
عادل بطرف عين :ترا انا العريس بارك لي بداله
عساف :ادري بس فيصل اولى بالمباركه تدري ليش
عادل:ليش
عساف : لانه اخيرا انزالت العقبه اللي قدامه وصار يقدر يتزوج
ابو عادل : هههههه لا ي عساف الحين عادل عقبه
فيصل:وش عقبته يبه الا سور الا سد الا حاجز مابغى يتزحزح
عادل: عمى بعينك هذا كلامك بدال ما تبارك لي
فيصل : وش ابارك لك المفروض نقول الحمدلله ع السلامه عمرك بيصك ال ظ£ظيمنع وتوك تفكر تتزوج
عادل : عبالك انا مثلك مفجوع زواج
فيصل: اااخ اااخ الله يسقي يوم اللي اتزوج فيه بس
الجد : ههههههههه انت ضبط امورك وبنزوجك
فيصل :الله فوق
ابو عادل: انا قلت له يخلص الجامعه ويبشر
عساف :لا والله شيبت ي فيصل
فيصل ضربه بالعقال: اقلب وجهك ي متشائم ان شاء الله بخلص الجامعه وبتزوج
عساف : بس هاااه علمنا من البقره اللي حجت
فيصل : ما يحتاج اقولك اذا حجيت انت امورنا محلوله
انصدم عساف وانفجر المجلس كلهم ضحك :ههههههه
عساف ناظر لفيصل وهو يمثل انه انجرح :افففاااا ي فيصل افا غبت عني يومين وصار كذا غيروك العواذل طعتهم ي حرام عقب ما كنت مقبل بالمحبه رجعت
فيصل ضحك وهو يحضنه : ههههههه ي حبيبي انا اسف ماكنت قاصد لا شعوريا وربي
عساف : لا تعتذر ما انت بعلى خبري
رائد: اوووه هوه مسك معه جني الشعر خلاص جت الحاله
عساف وهو ماسك قصيد : على شحم على شحم على شحم
الكل :ههههههه
انقطع ضحكهم بدخول ابو مشاري ومشاري والكل وقف يسلم عليهم
ظيمنعظيمنع
ظيمنع
في بيت ابو محمد الكل واقف يستقبل الضيوف الا نسرين اللي كانت تحس بتعب من كثر البكي شافت صورة عادل وانهارت ركضت وهي تاخذ الورقه اللي كتبتها من شوي وراحت وهي تلبس وطلعت تنادي واحد من القهوجيين وقالت اعطي الورقه لعادل ولا تعطيها احد غيره رجعت وهي تبكي مالها الا الحل هذا والا بتخرب حياتها وحياة ريمان اللي اصلا ما كانت طايقه عادل جلست وهي ما تحاول تحبس دموعها
ظيمنعظيمنع
ظيمنع
عند عساف اللي كان يضحك ويسولف شاف واحد من القهوجين جاي وراح له : اعطينا قهوه بالله عليك
القهوجي :طيب وين عادل
عساف طاحت عينه على الورقه وابتسم وهو عباله من ريمان وحب ياخذها عشان يحرج عادل ويطقطق عليه :انا عادل
القهوجي ماكان يعرف عادل :زين خذ هاذي لك من وحده جواء
عساف ضحك :زين روح جيب القهوه ولا تقول لاحد عن الورقه
القهوجي :حاضر
راح عساف للحمام وهو متحمس لنوع الطقطقه اللي بتصير لعادل لما يقرا الرساله بحماس كان بينادي فيصل بس شافه مشغول وراح لحاله

جلس وهو شاق الابتسامه فتح الورقه وهو يقرا كان متوقع شي يطقطق عليه لكن اختفت ابتسامته بعد ثاني سطر من الورقه رجع يقرا من البدايه بصدمه ( سلام عليكم عادل كيفك ادري مو وقت هالسؤال لكن انا بقولك ان زواجك مو صحيح ومستحيل يكون صحيح تدري ليش لان عمرك ما بتكون سعيد مع ريمان ولا هي بتكون سعيده معك عادل ضروري توقف هالزواج ريمان ما تبيك عادل انا احبك من واحنا صغار وانا اطارد وراك واحبك وانت ما تدري طول عمري اتمناك زوج لكنك ببساطه تبي اختي انا مقدر اشوف كذا واسكت عادل انا احبك احبك تعرف اش يعني اشياء كثيره حلمت فيها معك حرام كذا انت اذا تزوجت ريمان بتهدم حياتي وحياتها وحياتك ريمان مغصوبه عليك ضروري نشوف لنا حل .. انتظرك ورا بيتنا ي ليت تجي ... نسرين )
نزل عساف الورقه بصدمه وهو مو مصدق اللي قراه لف بسرعه لما حس احد جاء ودخل الورقه بجيبه
فيصل : عسافوه وينك ادور عليك وش كنت تبي
عساف وهو وجهه مصدوم واحمر: هااه آ آ آ ايه كنت ابي فيفادول مره مصدع مدري ليش ..

.... 80 ......

فيصل قرب بشك: فيفادول ليه مريض وجهك وش فيه كذا وش صاير اليوم فيكم
عساف :شكلي كذا مرضت روح دخيلك جيب فيفادول
فيصل راح وهو شاك جلس عساف وهو مو مصدق انه فيه وحده بتخرب حياة اختها كذا حتى ولو انها تحبه ما تهين نفسها كذا
رجع فيصل ومعاه مويه وفيفادول واعطاه اخذها عساف وهو باقي مصدوم
فيصل: عسافوه من جد فيك شي احس فيك شي
عساف :لاا لا تخاف شوية صداع تعال تعال
طلعوا واول ماطاحت عين عساف على رائد ناظره بتمعن كيف مبسوط وصد وهو يسلم على الرجال اللي وصلوا
ظيمنعظيمنع
ظيمنع
في بيت ام محمد
دخلت ام رامي بكل غرور هي وبنتها ناظرت بطرف عين وهي تسلم على ام محمد وجلست ما سلمت ع الباقين
اديم تهمس لسهام: خير وش فيها هاذي ما تسلم ذابحين ابوها
سهام : هاذي خالتهم اللي قلت لك
اديم شهقت : بذمتك هي
سهام: ايوه ما تشوفين الشر ينط نط من عيونها
اديم :استغفر الله شكلها مو هينه
مروى: يمه يع مره كئيبه
سهام: ي شيخه فكينا منها بلاش تسوي لنا مصيبه
اديم : وهم شلون متقبلينها بهالبجاحه
سهام: عادل مو مره ونواف بعد بس هذا فيصل شري مثلها ظ¢ظ¤ ساعه طايح عندها
اديم ميلت فمها : عشتو وش لاقي فيهم
سهام: انا اتوقع انها بتزوجه بنتها منى كذا قالت قالت انها تقول بكل صراحه محد ياخذ بنتي الا فيصل
مروى :وافق شنٌ طبقه
اديم رجعت لورى وهي تطالع وسن بأستحقار على طريقة لبسها العاريه ( وجع مابقى الا انتي تاخذين فيصل والله اذا تزوجك لقول. مريض والا عنده عقل )
ظيمنعظيمنعظيمنعظيمنع

عند نسرين اللي كانت واقفه ورا بيتهم وهي تحاول توقف بكي وتنتظر عادل اللي على حد علمها انه وصلته الرساله اخذت نفس عميق وهي تتمنى يوافقها الحظ لفت لما حست بصوت وراها : عادل
عساف اللي قرر انه يجي ما قدر يسكت وخاف انها ترجع تسوي شي يضر اختها وعادل اللي واضح انه يحب ريمان ولا عجبه تصرفها وقف بعيد وهو معطيها ظهره : ماني عادل لكن انا جيت اقولك ابعدي عن حياة اختك وعادل مالك شغل فيهم حتى لو اختك مغصوبه وحتى لو انها ما تبيه عادل يبيها ويحبها ومستعد يتحمل كل شي فيها وضروري تفهمين انك اللي انتي تسوينه اكبر غلط عاجبك انك تهدمين حياه عاجبك انك تهينين نفسك له حتى ولو هو ولد عمك عاجبك تكونين صغيره كذا وش بتستفيدين لو طاح احد من اخوانك واهلك على الرساله وش بيصير فيك وقتها انتي وعادل وريمان كلكم بتضيعون عشان حب فاشل المفروض انه ما نشاء اسمعيني زين احذرك وانبهك انك تعيدين هالحركه مع عادل او غيره واحفظي نفسك وارضي بقدرك واستري نفسك دام الله ساترك سامعتني واحمدي ربك انها عدت على خير وارجع اقول اتركي عادل واختك بحالهم والا اعطي الورقه محمد وانتي تعرفين محمد
راح وتركها وهو يدري انها ماعاد بتسويها شي في داخله شب اول ما قرا الرساله مارضى هالخيانه ابدا ولا يحب اللي يخون ويخرب حياة الناس كان في صراع مع نفسه هل اللي سواه صح او خطاء لكنه ميقن انه انقذ حياه
اما نسرين اللي كانت جامده بمكانها وكانت تسمع الكلام وهي مو قادره تستوعب اللي صار ومن اللي تكلم نزلت دموعها بغزاره لطمت نفسها وارتفع صوتها بالبكي انفضحت خلاص انفضحت نزل عليها الكلام مثل الرصاص حطت يدها على راسها وهي خايفه ان الورقه توصل لمحمد وهي ما تدري من اللي كلمها ولا عمرها سمعت صوته لعنت الساعه اللي خضعت فيها لشعورها وكتبت الورقه تمنت لو تموت وترتاح من اللي صار وبيصير وقفت وهي تحاول تتماسك مسحت دموعها وهي تحاول تنضبط قبل لا احد يجي ويشوفها وتنكشف
ظيمنعظيمنع
ظيمنع
مر الوقت وملكوا خلاص والكل مبسوط وفرحان وجوهم عليل ورقص و وناسه فيصل اللي كان يحاول قد مايقدر يتجاهل محمد ويركز في ملكة اخوه كان مبسوط ويرقص ومستانس
اما رائد هو الثاني يحاول قد ما يقدر ما يحتك بأبوه ومحمد وبعيد كل البعد ومع ذلك مبسوط وفرحان
عساف كان وجهه طول الملكه مخطوف وشارد وكان عذره انه مريض لكن بالحقيقه هو مصدوم من اللي صار ومو عارف كيف يتصرف
عادل كان فرحان مثله مثل اي عريس في الدنيا لكن كان التوتر يغلب عليه كان شايل هم كيف بتكون البدايه مع ريمان ياخذه التفكير ويرجعه ألين اتصلت عليه عمته وقالت له يجي وقف بأرتباك وهو يناظر فيصل اللي فهم وجا له ركض : هاه دقت الساعه
عادل : فيصل مالي خلقك ترا مرتبك انا ..

15 - 1 - 2022, 03:35 AM

..... 81 ......

فيصل : هههههه امزح معك وش فيك وبعدين ليه مرتبك شوف عاد انا لاول مره بتكلم معك بجد عمرك لا تفكر وش تسوي لا اقدم على اللي تبي وهناك بالضبط بتعرف وش تسوي انت الحين ما تدري وش يواجهك لا تتعب نفسك وانت ما تدري عن شي ادخل وانت عادل نفسه لا تمثل ولا تجامل
عادل ابتسم: هههههه ي لبى قلبك ي فيصل خلك كذا دايم
فيصل : ههههههه لا لا هاذي جرعات ما تطلع الا وقت الزنقات المهم تسهل يلا
عادل : ي رب
راح عادل وفيصل يدعي ان ربي يسخر له ريمان المجنونه على قوله
ظيمنع
ظيمنع
عند ريمان اللي كانت جالسه بغرفتها وهي خلاص مخنوقه تحس مو قادره والكل حولها
ام محمد : يمه ي ريمان ليش ما تبين تنزفين
ريمان : مابي يمه تكفين اقل شي حققوا لي هالطلب مابي
منى: ريمان الكل يدري بتنزلين ليه الحين لا
ريمان: انا ما علي من احد ابي راحتي الله يرحم والدينكم
نسرين كانت ساكته ولا حاولت تتدخل وهي متكتفه
منى: وش نقول لعادل الحين
ريمان: قولوا اي شي بس مابي انزف
ام محمد : ي ريمان لا تسببين لنا مشاكل يمه
ريمان وقفت وهي تصرخ وتسحب تسريحتها: اقولكم مابي زفه ولا ابيه اصلا يدخل ولا ابي اشوف رقعة وجهه مو تبوني اتزوج هذاني تزوجت غير كذا لا تطلبون مني
الكل شهق بفجعه من اللي سوته وانها حاست مكياجها وشكلها
نسرين طلعت وهي تبكي ماتبي تحضر شي من هذا
منى:لاااا انتي مجنونه مجنونه
ام محمد : لا يمه لا لا تسوين كذا دخيلك لا
ريمان بكت:قلت لكم مابي
ام محمد : طيب يمه طيب خلاص
منى: اعوذ بالله منك انتي اصلا ما يصلح لك الا ابوك يربيك
ام محمد ركضت ورا منى :دخيلك ي منى كل شي ولا ابوها انتي تعرفينه يدور الزله مسكينه ريمان ما تقصد متوتره ومغصوبه
منى: عشتوا يحصلها مثل عادل شيخ الشباب
ام محمد: والله اني ادري بس اخذيها على قد عقلها الله يخليك ي منى وهي بتعقل وبتعرف عادل
منى تنهد : الله يسامحهم الله يسامحهم وش استفادوا الحين
دق جوال منى وكان عادل يقولها انه عند الباب نزلت هي وام محمد وام محمد متفشله مره ماتدري وش تقول فتحوا الباب وكان واقف بطلته الحلوه : هلا ي خاله
ام محمد : كيفك ي عادل مبروك ي امي
عادل قرب وهو يبوس راسها: الله يبارك فيك ولك
منى: مبروك عادل
عادل : يبارك فيك عميمه
منى: عادل يمه مدري وش اقولك لكن ريمان شوي تعبانه ولا تقدر تنزف وماتقدر تقابلك عشان تلبسها الشبكه
عادل اختفت ابتسامته وهو ابدا ما توقع مثل ها الشي بس فهم ان بدايته جدا صعبه والمفروض يتوقع مثل هالشي
ام محمد :اعذرها ي امي الايام جايه
عادل فهم ان ريمان ماتبي شوفه ولا تبيه ابتسم وهو ياخذ دبلته من الشبكه ولبسها وبعدها قال : معليش ي خاله معذوره اعطوها الشبكه وهديتها وسلموا عليها
طلع ورقه صغيره من جيبه وكتب فيها ( لا تخافين انا فاهم عليك ...عادل ) طبقها صغيره وتركها بوسط العلبه ولف يقول : اذا عمي سأل قولوا عادل مابغى ينزف وقولوا بعد اني دخلت ولبستها الشبكه عشان مايسوي مشكله
منى :الله يعطيك العافيه حبيبي
ام محمد :جزاك الله خير ي عادل
طلع عادل وهو مغمض عيونه جلس بالجهه الخلفيه وهو يتنهد : قرارك وبتتحمله ي عادل
ظيمنعظيمنع
ظيمنع
نزلوا العشاء والكل اجتمع ع العشاء وفي بيت ابو محمد كانوا الحريم جالسين ع الطاولات ومن بينهم ام مشاري واديم ومروى وسهام ورويده
مرت من جنبهم ام رامي اللي كانت بيدها كوب كبير فيه بيبسي وسوت نفسها صقعت بالطاوله وطيحت الكوب ع راس سهام باللي فيه صرخت سهام والكل لف عليها
ام رامي : وجع ما تشوفين
سهام بصدمه وقفت: مين اللي مايشوف فينا
ام محمد عرفت انها بتشب هوشه وركضت :معليش ي سهام امسحيها بوجهي وانتي ام رامي تعالي معي طاولتك هناك
سحبت ام رامي ووسن اللي كانت تناظر البنات بنظرات استحقار وجلستهم ع الطاوله واتجهت لسهام بأحراج :انا اسفه ي سهام اعذريني لكن انتي تعرفينها الله يهديها
سهام بضيق :معذوره ي ام محمد انا استاذن
راحت سهام ولا عطت ام محمد مجال تتكلم ابتسمت ام رامي وهي تتعشا ومستانسه على اللي سوته
اديم اللي كانت بحرب مع وسن في النظرات وحقدت عليها بشكل فضيع
مروى: اديم خلاص لا تسببين لنا مشاكل
اديم :نفسي اقوم انتفها
مروى: سهام تتفاهم معها خلاص
ام مشاري : بس خلاص سكروا الموضوع ويلا تعشوا
تأففت اديم وهي تاخذ الملعقه ومقهوره من اللي صار
ظيمنعظيمنعظيمنع
عند ريمان اللي على طول بدلت وغسلت مكياجها وهي تبكي وتحمد ربها انها انعفت من الزفه والقرف شافت الشبكه وتنهدت لكن تذكرت ابوها واللي بيسويه لو عرف ان عادل ما لبسها قامت وهي طفشانه قربتها وفتحتها ع اساس تلبس الدبله لكن حصلت بينها ورقه صغيره استغربت فتحتها لكن ارتعش جسمها من اللي مكتوب صح كانت كلمتين لكن هزتها ( وش اللي فاهمه وش اللي لا تخافين )

....82.....

رمت الورقه وهي ترتجف وخايفه ان اصرار عادل عليها وسكوته عن كل ذا يطلع يعرف كل شي ووقتها بتنتهي رمت كل شي من يدها ورجعت لسريرها وهي ترجف شدت لحافها عليها وهي خايفه
ظيمنعظيمنع
ظيمنع
عند ابو عادل اللي رجع وهو مهلوك فتح الغرفه لكن انصدم لما شاف سهام جالسه وتبكي : سهام وش فيك
سهام : طلال ضروري تشوف حل مع الزفت خالة العيال انا ماعدت اتحملها
ابو عادل :وش فيك وش اللي حصل
سهام : تخيل ي طلال كبت علي البيبسي وفوق ذا تغلط علي
ابو عادل قطب حواجبه بصدمه: مش معقول
سهام: شايف انت نفسك ماصدقت شوف لي حل ي ابن الحلال
ابو عادل :كذا من الباب لطاقه بدون سبب
سهام: ايوه
ابو عادل قرب وهو يمسح على كتفها : خلاص تعوذي من ابليس وهدي وانا مافي يدي شي اسويه بعد حرمه كبيره عديها هالمره
سهام : كل مره بعدي انا ليش
ابو عادل : عشان خاطري وخاطر العيال خلاص
سهام مسحت دموعها بضيق : والله ثاني مره ما اسكت
ابو عادل : زين خلاص ان شاء الله ماعاد تشوفينها ابد
سهام: ان شاء لله
ظيمنعظيمنع
ظيمنع
من بكره الصبح صحى فيصل على ازعاج رفع راسه وهو يناظر بصدمه الكل كان فوق راسه ومنى تبكي وابوه وسهام واخوانه وجيهم مفجوعه ونواف بعد يبكي وابو جالس وهو رافع راسه : فيصل حبيبي انت بخير
عادل : فيصل فيك شي تحس بشي
ابوعادل : فيصل فيصل تسمعني يبه تسمعني
منى: فيصل ي امي رد الله يسعدك خوفتنا عليك
فيصل كان يناظرهم وهو مايدري وش فيهم وليش كل هذا حاول يجلس بس ماقدر رجع انسدح بتعب وهو مو فاهم اللي جالس يصير
ابو عادل :ارتاح ي ابوي لا تحرك
عادل : قول تبي شي اجيب لك
نواف وهو يبكي : فيصل الله يخليك لا يصير فيك شي
غمض فيصل بقوه وهو يبي يستوعب بس ماقدر يركز وهو يحس راسه يدور و فيه اصوات و فيه كلام
حس بصوت منى اللي ارتفع بسبب بكاها
وعادل اللي يضرب خده وهو يناديه لكن مو قادر يرد او يتحرك
يحس فيهم كلهم ويسمع كلامهم بس مو قادر حتى يفهم هو ليش مو قادر يرد حس بجسمه ثقيل حس نفسه مكتوم حس بألم فضيع يجتاحه وهو مو قادر حتى يصرخ مسك في يد ابوه بقوه وبعدها فقد وعيه تماما
ظيمنعظيمنع
ظيمنع
عند اديم اللي من صحت وهي قلبها مقبوض ولا تدري ليش كانت تراسل فيصل ما يرد عليها مو قادره حتى تدخل المحاضرات من الضيقه جلست وهي فيها رجفه فيها خوف دقت على سهام ماردت وهنا من جد خافت ان فيصل فيه شي سحبت جوالها الاحتياطي وهي تدق على رقمه مره ومرتين بس ماجاها رد حطت يدها على راسها بخوف : ي رب ي رب ما فيه شي ي رب
ظيمنعظيمنع
ظيمنع
في بيت ابو عادل اللي كان الاسعاف موجود فيه واخذوا فيصل اللي ما صحى ومنى تبكي وسهام والكل خايف
منى جلست وهي تبكي بحرقه : ي ويلي عليك ي فيصل ي ويلي عليك ي حبيبي الله يكون معك
سهام ماتدري وش صار وماهو وقت سؤالها وكانت طول الوقت تهدي في نواف ومنى
ظيمنعظيمنع
ظيمنع
في المستشفى استلموا الطوارئ فيصل اللي كان فاقد وعيه تماما ومعاه ابوه وعادل والجد ورائد وابو محمد والكل خايف عليه
الجد :وش اللي وصله لهالمرحله
ابو عادل : مدري مدري جيت اصحيه ما رضى يصحى معي حصلت حبوبه جنبه ماني فاهم وين المشكله
ابو محمد : وش رجعه للحبوب مو ع اساس انه تركها
عادل فقد سيطرته : كله من الزفت محمد الله ياخذه ويفكنا منه
ابو محمد : لا تدعي عليه وبعدين محمد وش سوا
عادل : هههه ضحكتني صراحه ماتدري وش سوا كل اللي سواه وما سوا اسمعوني زين كلكم اقسم بالله لو تنضر شعره بفيصل لموت محمد يكون على يدي
ابو عادل : بس ي عادل مو وقته هالكلام
الكل سكت وهم مايدرون وش السوات والكل مرتبك
ظيمنعظيمنع
ظيمنع
اديم اللي رجعت للبيت فتحت الباب وهي مالها خلق احد شافت امها ومروى ع الغدا سلمت وطلعت بدون كلام وهي ضايقه
مروى: وش فيها
ام مشاري:والله مدري ي مروى قومي شوفيها وش فيها
مروى قامت وركضت ورا اديم وصلت غرفتها فتحت الباب وشافتها واقفه وبيدها جوالها : اديم
اديم :نعم
مروى: وش فيك وش صاير
اديم :ولا شي
مروى: لا تكذبين وش صاير معك لك فتره مو طبيعيه
اديم اللي مو متحمله اي انتقاد : مافيني شي اتركيني لحالي ولا احد يزعجني سامعه توكلي على الله وسكري الباب
مروى انفجعت من صراخ اديم : وش فيك تصارخين اكيد فيه شي

..... 83 .....

اديم اتجهت لها بعصبيه وطلعتها وصفقت الباب وقفلته رجعت لجوالها وهي تحاول تحصل اي خبر بس نفس النتيجه ما حصلت اي حل غير انها تجرب طريقتها للمعتاده عل وعسى يرد ويكون مافيه شي نزلت سنابه وهي قلقانه ( انت وينك !!)
تركت الجوال وهي ابدل ملابسها وجلست تنتظر ساعه ساعتين وثلاث وفيصل مارد ولا بيّن
اما مروى اللي حست اديم فيها شي وشي كبير لكن قررت انها تسكت وترقع لها بأنها مصدعه وبتنام لكن حقيقه هي كانت مشغول بالها على اديم اللي عمرها ماكانت كذا
ظيمنعظيمنع
ظيمنع
عند فيصل اللي بعد ثلاث ساعات من الفحص المعاينه كانت النتيجه شوي سيئه طلع الدكتور وسبقهم له عادل وابوه ورائد
الدكتور : قبل لا تسألون اي سؤال ابي اعرف اذا كنتوا تعرفون بحالته النفسيه اللي سيئه جدا او لا
ابوعادل : اكيد لا كان زي الفل يسولف ويضحك
الدكتور : شوف ي عم ولدك من قبل مر بحاله نفسيه قويه جدا وكانت عباره عن صدمه ألجمته لكن بفضل الله قدر يمر ويعدي طيب واحتمااال كبير ترجع له لو انعادت هاذيك الضغوط او الحال هو الحين كويس وصحى لكن نفسيا دمار
ابو عادل : والله ي دكتور كان كويس
الدكتور : من خلال اللي انا شفته واضح انه ابدا ما كان كويس وحتى لو كان على انظاركم كويس داخليا مو كويس وتسبب هالشي في هبوط الضغط وحالة اغماء واللي زاد الطين بله انه يستعمل حبوب نفسيه لكن من كثر ما افرط فيها ضرته
الكل كان مصدوم وشلون ما بان عليه شلون وغير كذا ماكانوا يعرفون ان فيصل باقي على الحبوب النفسيه قال انه تركها من فتره رائد: طيب والحين وش بيصير
الدكتور : الحين هو جسديا كويس وكل شي تمام لكن نفسيا بضطر اني اخليه هنا اليوم واستدعي له طبيب نفسي
ابو عادل حط يده على راسه : وش يعني هالكلام الله يخليك لا يكون الولد انجن
الدكتور: لا ي عم تطمن ما انجن الولد نفسيته تعبانه رغم انه جالس ينكر ذا الشي لكن يحتاج شوي يتكلم مع طبيب نفسي وخلي في بالك مو كل واحد يحتاج طبيب نفسي معناتها مجنون
عادل :زين جزاك الله خير ي دكتور نقدر ندخل له
الدكتور : انا افضل يدخل له احد قريب له حيل يمكن يساعده
الكل لف لرائد ابو عادل : رائد دخيلك
رائد: ابشر انا ادخل له
الدكتور : زين
اتجه رائد للغرفه اللي فيها فيصل ودخل شافه منسدح يناظر السقف دقق فيه وما فهم من ملامحه شي تقدم وهو يقول :فيصل
لف فيصل بهدوء: تعال وش صار
رائد جلس بجنبه: انا اللي اسألك وش صار
فيصل يتكلم بتعب : ماصار شي
رائد: مو علي ي فيصل قولي وش اللي وصلك هالحال
فيصل غمض بتعب : وش فيه حالي شوية هبوط وارهاق وينحل مع الوقت
رائد قرب وهو يحط عينه بعين فيصل : انا وانت ندري انه مو هبوط ضغط
فيصل تنفس بعمق ولف :يوه ي رائد قلت مافيني شي الله يخليك لا تفلم
رائد خاف انه يضيق ويصير له شي : زين براحتك بس ابوك برا بيشوفك
فيصل : قولهم نايم
رائد:ليش
فيصل :من دون سبب مابي اشوفهم
رائد وقف وهو يدري انه ضايق فعلا : طيب نام
فيصل : وين بتروح انت
رائد :بروح اقولهم
فيصل :لا تطول
ابتسم رائد: شوية وقت
طلع رائد يقولهم اللي صار اما فيصل شد على راسه وهو يحاول ويتذكر وش اللي صار امس وش اللي صار وش اللي صار يتذكر انه دخل غرفته بعد الملكه بعد ما دخل مع محمد في نقااش قوي اهتز فيه فيصل بعد ماقال له محمد (انت مريض وعاله على الكل ابوك واخوانك انت وحيد وطول عمرك بتظل وحيد وناظر حولك طلعت من بيتكم ايام محد سأل عنك والكل يبي الفكه منك حتى امك ماتت من كثر ما تحن فوق راسها انت اللي مثلك مكانهم المصحه النفسيه محد سلم من شرك حتى اهلك اللي تحبهم ما سلموا من دواهيك لو تموت عمر محد يحزن عليك ي معقد ) ماكان فيصل ناقص هالكلام من محمد خصوصا انه من كثر ما الكل يضغط عليه صار يحس نفسه منبوذ وابتدا يتعب من الحياة عاش طول الليل في صراع وهو يحاول ينفي كلام محمد لكن كل الاحداث الاخيره تثبت صحة كلامه حتى لو انها كذب بس هاجس فيصل بأنه نكره هالايام مسيطر عليه وابتدا يكره كل شي حوله ويستسلم
تعب من كثر ما فكر وصار ينبش عن اي شي يهديه وينومه ويشيل من باله التفكير نزل مسرع لصيدليه واخذ الحبوب اللي بالعاده يستعملها لكن مافادت معه اخذ حبه حبتين ثلاثه واربع بس ما عاد يحس مفعولها اخذ عليها حبوب منومه لكن من القهر اللي بداخله وضيقه وغيضه وفقده وحدته ماقدرت تسيطر عليه و وقف وهو يبي يطلع يشم هوا لكن حس بثقل ورجع انسدح وهو يتمنى انه ينام ويصحى وهو ناسي كلام محمد

.....84 .....

ماهي الا ثواني وابتدت تأثر عليه كل الظروف اللي حوله مع الحبوب والمسكنات ولا عاد قدر يستنجد بأحد او ينادي احد لما حس انه انهار ... رجع على صوت رائد :فيصل انت بخير
ناظر لرائد بشرود وقال : ليه انا كذا ليه الكل يكرهني ما أذيتهم والله ليش انا وحيد
رائد انصدم :فيصل وش ذا الكلام الفاضي انت مو كذا ومحد يكرهك بالعكس وانت مو وحيد الكل حولك تعوذ من ابليس وش ذا الحكي
ضحك فيصل ببرود : ليش تضحك علي
رائد :انا عمري ماضحكت عليك مهما كانت النتيجه من وين جايب هالحكي قلي
فيصل غمض عشان ما تبان دموعه :مدري يمكن حقيقه مره
رائد :اكيد كذبه زايفه
فيصل: والله مدري والله
رائد قرب وهو يحضنه :فيصل اصحى دخيلك هذا مو انت فيصل مو ضغيف ولا اي احد يهزه وعمره ماكان نكره ومكروه وانت تدري بهالشي وتدري بعد ان الكل مستحيل يستغني عنك ناظرني زين وبتفهم كلامي انا رائد مستحيل اكذب عليك لو انك تسوي شي غلط انا اول واحد بوقف بوجهك لكن انت صح صح
فيصل مارد بحرف الا : شد علي ي رائد
شد رائد عليه حيل وهو خايف عليه وتعلق فيه فيصل مثل الصغير لما نام على كتفه وساعده رائد لما نومه ع السرير وطلع لهم برا وكانوا جالسين بالانتظار
عادل وابوه فزوا: هاه ي رائد وش قال
رائد ما حب يكسر فيصل زياده وقال : ولا شي نفس الموضوع مشتاق لامه وضغط على نفسه حيل بالتفكير هو ونام الحين روحوا انتم وانا بجلس هنا واذا صحى بقول لكم
عادل جلس بضيق : مابي اروح لمكان مابي اروح لمكان
ابو عادل : يالله ي رب انا وش اسوي وش بيدي ي رب ساعدني دخيلك والله لو في يدي حل ما اقصر والله
الجد وهو يمسح على كتفه : اذكر الله ي طلال اذكر الله
ابو عادل :حسبي الله ونعم الوكيل حسبي الله ونعم الوكيل عادل ي ابوي قوم روح البيت طمن عمتك تحصلها انجنت الحين
عادل :مابي اروح لاي مكان يبه
ابو عادل بضيق : عااادل ي ابوي مابي اكون في واحد واصير في اثنين قوم الله يرضى عليك وبعدين نواف هناك اكيد انقطع حيله من البكي
عادل :زين يبه زين
طلع عادل ومعاه ابو محمد والجد اما رائد وابو عادل جلسوا عند فيصل
ظيمنعظيمنع
ظيمنع
في بيت ابو عادل الكل جاء لبيت ابو عادل بدون استثناء حتى ريمان والكل مفجوع من الاسعاف والشي اللي صار كان صوت بكى منى ونواف بكل البيت
ام محمد :منى اذكري الله ان شاء الله مافيه شي
سهام: ان شاء الله عرضيه وتعدي
منى: ي ويلي لو يصير لفيصل شي بموت والله اموت
سهام: بعيد الشر عنكم تعوذي من ابليس
انفتح الباب وارتفع صوت عادل :عميمه فيه احد
منى فزت وهي تركض له؛وش صار وين اخوك وينه
عادل : بسم لله عليك ي عميمه فيصل كويس لكن عنده هبوط ضغط وقالوا يبات اليوم لما ينضبط ضغطه هو بخير وابوي عنده لا تخافين
منى: حمدلله حمدلله من ايش انخفض ضغطه عساها فيني ولا فيه بسم الله عليه
عادل : ارهاق وتعب
سهام: بسم لله مايشوف شر ان شاء الله
عادل نزل لنواف وهو يحضنه: نواف خلاص عاد فيصل بخير لا تجلس تبكي والا اقوله واخليه يزعل عليك
نواف :ليش ماجاء
عادل : بيجي شويه مع ابوي انت بس وقف هالدموع وروح غسل وجهك
نواف :بروح معاك تكفى عادل
عادل تنهد : زين يلا بدل وتعال
منى: عادل الله يخليك خذنا معك
عادل:عميمه مايدخلون ولا فيه زياره وان شاء الله مابيطول وبيطلع بدري
منى: يوه ي عادل خذنا له بس نشوفه ونجي
عادل : ي عميمه والله مافيه مجال والله انتظري هنا وانا كل شوي بدق عليك
منى:امانه عادل كلمني
عادل:من عيوني
اخذ نواف وراحوا لكن عادل ما راح لحاله راح ومعه قلب نسرين وتفكير ريمان برسالته
ظيمنعظيمنع
ظيمنع
المغرب بالمستشفى دخل عساف مثل المجنون اول ما عرف ان فيصل بالمستشفى ركض للغرفه وفتح الباب شافه جالس بهدوء ومعاه ابوه وعادل ونواف ورائد الكل التفت على عساف وابتسم له فيصل بخفيف
عساف :فيصل وش فيك وش صار معك
فيصل : ولا شي بسم لله عليك تعال تعال اجلس شكلهم فجعوك انا بخير
عساف قرب وهو فعلا مفجوع : امانه فيصل وش فيك
سحبه فيصل وهو يضمه بهدوء : مافيني شي شوية دلع
عساف من نبرة الصوت اجزم انه فيه اشياء مو شي واحد لف يناظر رائد اللي ساكت واشر له يهدي الوضع وابتعد وهو يقول: اي تدلع اذا ما تدلع فيصل مين يتدلع بس
فيصل : الله يسعدك ي عساف
ابو عادل : ان شاء الله مافيه شي شوية تعب ويعدي
فيصل هز راسه ببتسامه بارده كانت كفيله توصل لهم ضيقته ..

..... 85 ......

كان عساف يحاول يطلع فيصل من جوه ويتكلم لكن فيصل كان ساكت طول الوقت او يبتسم الكل وقف لما جاء والطبيب النفسي قالهم الطبيب يتركونهم لوحدهم وطلعوا الكل
عساف : وشو له طبيب نفسي
عادل : الدكتور اصر يقول نفسيته جدا سيئه
عساف :ايييه وش صاااار
عادل :ما ندري
عساف : لا حول ولا قوة الا بالله العظيم
عند فيصل كان الدكتور يتكلم ويتكلم ويتكلم كان اغلب كلامه يلامس جروح فيصل لكنه اصر انه ما يعطيه اي فايده وانه بخير ومو محتاج له بعد تقريبا ساعه طلع الدكتور وهو ما معه اي نتايج عن حالة فيصل الا انه ينكر تعبه قرروا يخرجونه للبيت يمكن يرتاح حاول عساف ياخذه بس رفض ابو عادل رفض قطعي وقال انه يبيه قريب وصلو البيت وكان الكل بأنتظاره
منى ركضت وهي تحضنه : فيصل حبيب عمتك وش فيك وش يوجعك
فيصل :مافيني شي عميمه انا بخير
ام محمد : سلامات ي فيصل ما تشوف شر ي ولدي
فيصل :الله يسلمك
سهام بهدوء :ماتشوف شر فيصل
طنش فيصل وجلس وهو يتنهد هز راسه ابو عادل بضيق وهو يأشر لسهام يعني عديها سكتت سهام وجلست
وجاء الجد وهو يسلم على فيصل : سلامات ي ابوي ما تشوف شر ان شاء الله
فيصل : الله يسلمك ي جدي
طول الوقت والكل يسولفون ومن سالفه لسالفه ومن موضوع لموضوع وفيصل مو معاهم كان هادي ووقف بهدوء ولف وهو يطلع الدرج والكل يراقبه
ابو عادل :عادل اطلع مع اخوك
تكلم فيصل :لا ما عليه انا كذا مرتاح
ركض نواف له وهو يمسك يده :انا بطلع معك
ابتسم فيصل وطلع مع نواف
الجد :الله يهديه ويريح قلبه ي رب
الكل : امين
عادل اللي لفت انتباهه ريمان اللي بيدها الدبله ابتسم بهدوء وهو يناظر الارض
ام محمد : احنا نترخص ماعليه شر ان شاء الله
ابو عادل :تعشوا هنا
ام محمد :لا والله اعذرنا ماعندنا وقت بالعافيه عليكم
ابو عادل :الله معاكم
راحوا وعادل عيونه على ريمان وقف وهو يقول :انا بعد بطلع ارتاح شوي
ابو عادل :اجلس مع فيصل شوي
عادل :زين
الجد : وانا بعد خلوني اروح
منى :ايه يبه
ابو عادل :وانت بعد اجلسوا وين رايحين بدري
منى: لا خلاص تعبنا الله لا يعيد الخبر الشين
ابو عادل :امين
راح الكل ولا جلس الا ابو عادل وسهام دق جوال سهام وقامت بعيد وردت :هلا اديم
اديم بقلق :سهام وينك من الصباح ادق ماتردين
سهام: بسم لله وش فيك
اديم :ولا شي خفت عليك
سهام: مافيه شي بس فيصل تعب شوي وانشغلنا معه ماكنت مع الجوال
اديم بخوف : ايش وش فيه وش اللي صار
سهام : مافيه شي وش فيك انتي مرعوبه
اديم :ولا شي بس حلمت فيك حلم مو حلو وانشغل بالي عليك
سهام: لا لا تخافين مافيني شي
اديم :زين وش فيه فيصل
سهام : ما ادري ي اديم الصبح صحاه طلال ما صحى ي دوب صحى الا رجع اغمى عليه شالوه للمستشفى وقالوا حالته النفسيه مو تمام وهذا ادى لهبوط الضغط وحالة اغماء وتوه من شوي طلع
اديم انهلت دموعها على طول :وش السبب طيب
سهام اللي ماحست :مدري المهم انا بخير وبسكر بروح اسوي لهم عشاء
اديم سكرت وهي تشهق بكي اسرعت وهي ترسل لفيصل بالسناب ( وينك خوفتني عليك ليش ما ترد )
ظيمنعظيمنع
ظيمنع
عند فيصل اللي كان منسدح وبجنبه نواف وعادل اللي يسولفون ويضحكون على امل يضحك فيصل وتتغير نفسيته بس ما قدروا
التفت فيصل لجواله اللي دق معلن وصول رساله اخذه وهو يتمنى انها حنين محتاج لها حيل وفعلا لقى كميات رسايل كثيره من حنين واتصالات من رقم مجهول ووووو تجاهل كل شي وهو يتوقع من معجباته ودخل على رسالة حنين ( انا محتاجك ي حنين )
اديم انجنت لما شافت الرساله ماعرفت وش تسوي كتبت بسرعه ( بسم الله عليك وش صاير معك انشغل بالي من الصباح )
فيصل ( اقدر اكلمك !!) اديم بردت اطرافها وهي ماتدري وش ترد وش تقول وش تسوي خافت تقول لا وهو تعبان ويضيق خاطره وخافت توافق ويعرفها وتضيع : يالله وش اسوي
وصلتها رساله ثانيه من فيصل ( خلاص مو لازم )
اديم شدت شعرها وهي تصرخ وكتبت بسرعه بدون شعور ( طيب خلاص تقدر تكلمني )
فيصل ( لا تجبرين نفسك مو لازم)
اديم ( خلاص فيصل اقولك عادي )
فيصل( زين انا ما ابيك تتكلمين ابيك بس تسمعيني)
اديم (ابشر )
فيصل ( واعرفي اني مستحيل ازعجك )
اديم ( اعرفك لا تقول خذ هذا رقمي ظيمنعظ¥ظيمنعظيمنعظيمنعظيمنعظيمنعظيمنعظيمنعظيمنعظيمنع)
فيصل سجل الرقم ولف يناظر ما شاف احد نواف وعادل اول ما حسوا انه يبي يجلس لحاله طلعوا وتركوه اتصل بسرعه وهو متلهف يسمع صوت منها او حرف بس يدري انها مستحيل تتكلم : حنين ..

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM
دمشق لاتبكي اناتك توجعني	ياقلبي اكتفيت	همس الشعر والقوافي	9	11 - 7 - 2015 12:21 AM
حمامات باللون الرمادي لمنازل مكتملة ال ناقة	هدوء الروح	همس للأثاث والديكور	6	14 - 4 - 2014 08:27 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات