عيونك شوكة في القلب توجعني و عبرها للكاتبة ديم الراشد مكتملة - الصفحة 11

19 - 1 - 2022, 04:49 PM

...... 195 ......

ابو عادل : فيصل واديم جهزوا انفسكم بالليل بيكون فيه عشاء بسيط بحضور عايلتنا وعايلة ابو مشاري
فيصل علق وجهه لانه فيه نوم الدنيا :مايمديها بكره
ابو عادل: اليوم احسن
عادل وقف : زين انا رايح اجيب اللي قلت عليه يبه
ابو عادل :خذ نواف معك
ركض نواف مع عادل ووقف فيصل وهو يتمغط : انا اجل بروح شوي انام ما نمت عدل
ابتدوا الكل يفترقون لشغلهم وكل واحد له شغله
ظ ظ
ظ
في المسا في بيت ابو عادل اللي كان عااامر بوجود الكل من عائلتين في مجلس الرجال كان عادل ونواف ورائد وعساف بيد وحده في الشغل وبرضوا في الضحك والسوالف
ابو مشاري : اقول ي عساف كنك نحفان لا يكون تحب
ضحك عساف وجلس بجنبه : بيني وبينك مدري هههههه لكن ظروف الوقت لها دور
مشاري :انا اقول شكله من فراق فيصل
عساف: ههههههه اي وربي فيصل من يقدر على فراقه
الجد :الا وينه فيصل تأخر
عساف :من حقه يتإخر عريس
رائد:خلوه من قده وش يبي ينزل لنا اصلا
ابو مشاري:ههههه انتم بعد تزوجوا وش وراككم
عساف: ودنا بس الزمن ضدنا
ابو عادل :ههههه يجيب الله حظك لا تخاف وانت نواف روح استعجل فيصل يلا
ظ ظ
ظ
في جناح فيصل اللي كان كاشخ ولابس دخلت عليه اديم وهو يتعطر وكانت هي بعد كاشخه نزل فيصل العطر بقوه من دهشته في جمالها وصحى على قربها من وهي تبخره بالعود وهي مبتسمه تنح لا شعوريا وهو يناظرها بأنجذاب ومو حاس على نفسه سحب المبخره منها ونزلها بهدوء وهو يسحب شماغه من يدها ولا شعوريا حاوطها بشماغه وهو منتهي من الانجذاب للحظه تمنى لو يحضنها بهالجو واول ما قرب انفتح الباب بقوه وابتعد فيصل برعبه
نواف: فيصل ابوي يقول اتأخرت
فيصل غمض وهو يتحلطم : جيت عساكم باللي مانيب قايل
عدل شماغه وطلع وهو نفسه يتوطى في بطن نواف اللي يسولف وفيصل عقله عند اديم
اما اديم اللي كانت متجمده بمكانها مو قادره تستوعب صحت على دقة الباب وكانت مروى : اديموه وينك تأخرتي
لفت اديم و وجهها احمر : كنت بنزل
مروى بخبث :خير وش صار
ضحكت اديم : ولا شي
مروى فهمت :زين مو مشكله ي عروس هو كذا الحب المهم تعالي ننزل
اديم سحبت عطر فيصل ورشت شوي في ملابسها ونزلت مع مروى اللي ذبحتها بالتعليقات
ابتدت تسلم وهي مشتاقه لاهلها بحماس وينفس الوقت قلبها مع فيصل
ظ ظ
ظ
عند رائد اللي كان يكلم المطعم برا وقفت عينه على سياره نزلت منها بنت وكانت نفسها البنت اللي شافها بالسوق نزل جواله بصدمه وهو يراقبها بتناحه وصحى على صوتها : لو سمحت ابعد عن الطريق شايفني بدخل ..
رائد تلعثم:اسف اسف تفضلي
مرت ودخلت وهو باقي عينه عليها صحى على صوت تصفير عساف وفيصل اللي جو: خير بشويش على عيونك
عساف : الله ي واحد كان يقول عيب عليكم ي عيال
فيصل : انا خايف عليكم من الذنب
عساف : يبدو حنا تشافينا وهو ابتلاء
رائد انحرج : مو كذا ي سامجين بس استغربتها
عساف: وش عليك ترا ماهي جايه بيتكم
فيصل: وترا هي جايه لعشاء مو ضروري تعرف كل الناس هنا
رائد سمع صوت صاحب المطعم ينادي ورفع الجوال بربكه واضحه اما فيصل وعساف استلموه طقطقه
ظ ظ
ظ
في صالة الحريم لفت اديم على صوت تعرفه زين وقفت وصرخت بصدمه: روان
ركضت لها روان وهي تحضنها:وحشتيني
اديم :وانتي اكثر وش هالمفاجأه الحلوه
ضحكت روان: زين اني لحقت
اديم رجعت تحضنها : وربي وحشتيني
مروى: ترا خلاص روان هجرت بيتنا ي اديم
ضحكت اديم : شتبي فيكم وانا مو فيه
روان ابتسمت : لا ابيهم وابيك
كان الجو جدا جميل ورايق وهادي وضحك سوالف وطبعا وبدون منازع لازم ام رامي تشرف المكان بجيتها دخلت بكل ثقه وجلست وهي مو شايفه احد
ناظرتها منى : خير خير وش عندك هنا
ام رامي :والله جايه لبيت اختي وش دخلك انتي
سهام وقفت بضحك: شقلتي ما سمعنا
ام مشاري:سهام خلاص عاد فكونا من المشاكل
اديم ما كانت مهتمه لام رامي عينها على وسن ولبسها اللي اكيد بتطلع فيه قبال فيصل روان همست: شفيها هاذي لابسه كذا
اديم: بتموتني قهر خايفه تقابل فيصل كذا
روان: مو لذا الدرجه عاد
اديم: واكثر استني شوي وبتشوفين
روان رجعت لوراء بأستغراب وهي تناظر وسن بطرف عين
ظ ظ
ظ
#يـــــتـــــــبــــــــــع...

19 - 1 - 2022, 04:50 PM

...... 196 .....

عند فيصل اللي كان يسولف ويضحك لكن واضح عليه استيائه من شي قرب عساف وهو يهمس له :وش صار لقيت حلك الثالث
فيصل تنهد : مدري يمكن لقيته ويمكن الايام تلقاه
عساف: مافهمتك !
فيصل : اللي بتفهمه اني ابي مهله اوقف واشوف وش ممكن يصير معي
رائد قرب : وش فيكم وجيهكم ما تبشر بخير
ضحك فيصل وهو يقول : نفكر بالمزه اللي من شوي
رائد رجع لوراء وتغيرت ملامحه مدري ليش يحس اتجاهها بتملك وخصوصيه انفجر عساف يضحك بصوت عالي خلت الكل يناظره وفيصل ابتسم وهو يحك دقنه بخفيف :رائدوه اليوم بتقول وش سالفة هالبنت
رائد ارتبك: وش سالفتها مالها سالفه
قرب عساف وهو يشبك ذراعه بذراع رائد :لم تزبط معك وعذرك فاشل اتمنى ما تتعب عقلك وتعترف
قطع الكلام نواف اللي جاي ركض لفيصل :فيصل خالتي جوا تناديك بتسلم عليك
فيصل تنح واتسعت عيونه: خالتي !! وش جابها
نواف : مدري بس ترا قايمه بينهم
فيصل وقف وهو يبتسم والتفت لعساف : قلت لك تجيبها الايام
اتجه داخل وهو متأكد ان خالته بتعطيه اول اندفاع قوي يقدر ينتج عنها بأنواع الافكار اللي يبيها دخل بعد ما دق الباب ببتسامه شقيه كعادته : ي ربي انك تحييها خالتي
اسرعت له ام رامي وهي تحضنه بمبالغه: هلا بولدي هلا بحبيبي هلا بعزوتي واهلي كلهم
ابتسم فيصل وهو يبادلها الحضن : هلا بخالتي هلا بعين السيح هلا باللي وجودها يكسر الدنيا
ضحكت ام رامي ضحكه مستفزه وكل الانظار عليهم : الله يسعدك على كثر ما لسانك عسل
فيصل : وربي وحشتيني كنت بمرك بس ما حصل وقت
ام رامي : لا لا ماعليك انا اعرفك ما تخليني قلت اجي اشوفك ولا اتعبك
فيصل ابتسم والتفت يدور على اديم بنظره سريعه وشافها جالسه بكل جاذبيه وثقه وتناظر بوسن بطريقه تضحك وواضح انها مستفزتها ابتسم بخبث وقال: وسسسن كيفك شخبارك وين الناس مالك حس
وسن طارت من الفرحه ووقفت بعكازتها لكن اسرع فيصل اللي قال:اجلسي اجلسي لا تتعبين نفسك
وسن هنا بتموت من الفرحه واديم طارت عيونها بصدمه لكن تداركت نفسها ورجعت مبتسمه لكن في جواها بتموت من القهر والطريقه اللي يتعامل فيها مع وسن قدام الكل والكل منصدمين
منى: فيصل ترا تأخرت على الرجال
ابتسم فيصل وهو يبوس راسها: لاحقين عليهم
اتجه لام مشاري وسلم عليها ورجع وهو ناوي يضرب الاوتار ويمشي ابتسم وهو يقول : وسن انتبهي على نفسك طيب لا تتعبين نفسك وماله داعي تروحون ي خاله باتوا هنا اليوم
ام رامي ابتسمت وراقت لها الفكره: والله يمكن تعرف البيت بعيد ووسن تتعب
فيصل ضحك:اكيد البيت بيتكم والعين اوسع لكم من الدار
رفعت نفسها ام رامي بفخر
ولف فيصل : اديمي تعالي معاي شوي
اديم انصدمت من طريقته في الدلع وكيف ملامحه وانحرجت لما حست الكل يراقبها لكن وقفت بأنتصار لما شافت قهر وسن تقدمت بخطوه واثقه وزاد الموضوع فيصل اللي تقدم وهو يشبك يده فيه يدها وهو مبتسم وطلع فيها من الصاله وهم فيهم الفرحان وفيهم المقهور
اتجه لاول غرفه ودخل وهو يدخل اديم وسكر الباب وهنا بدت اديم ترجف تكلم فيصل بحده غيرت كل الجو: لا اسمع انك مضايقه وسن وخالتي وان شميت انك مضايقتهم نتفتك
اديم : ما راح اقول شي طالما هي ما أذتني
فيصل: اديموه لو ياكلونك ماتتكلمين ساعه
ضحكت اديم وقالت: ليه ما ترضى عليها الحب
رفع فيصل حواجبه بأستهزاء وطرت له فكره وقال: ايه ما ارضى عليها وش عندك
ابتسمت اديم وقربت وهي تقول بهمس : تعرف تمثل عليهم بس علي انسى
سحبها فيصل بقوه :وش قصدك
اديم :قصدي انك مو طايقها ولا تحبها ولا تواطنها وكل اللي تسويه عشان تقهرني وانت مكشوف وانتهى
ضحك فيصل : واااو تعرفين تحللين حبيبي من انتي عشان افكر اقهرك او حتى التفت لك مره مصدقه نفسك والا كل هالحركات من غيرتك منها
ناظرت اديم بهدوء بعينه: مو مشكله ماني مصدقه نفسي ولا شي بس احب اقولك اني مابيني وبين بنت خالتك اي وجه مقارنه
ضحك فيصل وهو يقول بطيش : بكره لما تصير زوجتي بتعرفين انك مو كفو تتقارنين معها
طلع وتركها تحت صدمه عظيمه ألجمتها فيصل مجنون وممكن يتزوج عليها ومن بيتزوج وسن جلست بصدمه شوي وبعدها تمالكت نفسها وطلعت وهي تحاول تبين كويسه وكل شوي تناظر وسن بحقد وروان ما انتبهت لتوتر اديم ..

19 - 1 - 2022, 04:50 PM

..... 197 ......

عند فيصل اللي طلع وهو يشغل زقارته وفي راسه مليون فكره وفكره التفت لما سمع ابو مشاري وراه يقول :فيصل وش فيك مو عاجبني حالك اديم مزعلتك اعرفها دلوعه شوي
ابتسم فيصل بهدوء ومجامله: لا ولو ليت كل الناس مثل اديم لكني شوي ضايق ضيقة اللي مشتاق لامه
هز ابو مشاري راسه بضيق :الله يرحمها ويعوضكم فيها بالجنه
انقطع الكلام بجية عساف اللي جاي يضحك: فيصل الحق ...سكت اول ما شاف ابو مشاري وطاح قلبه خاف لا يكون فيصل جايب العيد: خير اجتماع خاص
ضحك ابو مشاري :لا لا بس شفته واقف وقفت معاه
ضحك عساف براحه: الله يرزقنا الزوجه الكويسه واهل زوجة ينتبهون لنا
اتجه له ابو مشاري وهو يضحك : بيجيك رزقك لا تستعجل
راح ابو مشاري وركض عساف لفيصل: وش فيه وش صار
ضحك فيصل:ولا شي شافني واقف ووقف معي
عساف :اكيد
فيصل : اكيد
عساف :شصار جوا
فيصل : قامت بينهم على الصامت
ضحك عساف :يوه عاد الحريم وش يفكهم
فيصل ابتسم: والله مناسبني عساف : قول قول خلني اضحك
ابتسم فيصل : لقيت الحل
عساف سحب الزقاره من يده وكملها:وشو
فيصل: بتزوج وسن
رمى عساف الزقاره وهو يكح بقوه وصدمه ركض فيصل وهو يعطيه المويه:بسم لله
عساف : خبل انت خبل باالله انت صاحي فيصل تراك فعلا بديت تخبص ولا تعرف تفكر مو معقول كل شي تقوله انتبه لنفسك احسن لك
فيصل : انت وش بلاك
عساف: فيصل مسألة الزواج هاذي شيلها من بالك لو قايل حنين ارحم تركت كل الناس وحطيت على وسن انت كذا بتدمر كل شي حتى خالتك اللي بقت لك من امك وبتخسر كل شي حولك هذا اذا ما خسرت روحك
فيصل :ليش كل هالمبالغه الموضوع عادي
عساف:شوف تراني تعبت من افكارك المجنونه انت خلاص قاضي لكن اخر شي بقوله لا تنهي نفسك بنفسك ي فيصل وتعوذ من ابليس
فيصل ضحك ولف وهو مو مهتم بأحد جاء عادل من وراه: فيصل عساف يلا يلا عشاء
فيصل رمى الزقاره واتجهه له وهو يفكر بقراره اللي يدري ويدري زييين انه مو سهل
ظ ظ
ظ
عند اديم اللي كانت تتعشى بهدوء وداخلها محروق من وسن كان نفسها تقوم تذبحها همست لها امل: اديم وش ذا الاسلوب اللي بين فيصل وبنت خالته ؟
اديم انجلطت من السؤال اللي تتهرب منه : عادي يعتبرها اخته خصوصا انه يحبهم من حب امه الله يرحمها
امل: حتى ولو مره ما حبيته
اديم: اطمني فيصل نيته سليمه
امل: حتى لو خالته وبنتها نواياهم مو حلوه
لفت اديم بضيق : عادي عادي
روان : اديم فيصل هذا ماني مرتاحه لتصرفاته
تنهدت اديم وهي تقوم اتجهت تغسل وبعدها رجعت لمكانها وهي مصدعه خصوصا انها ما نامت اخذت بيالة الشاي وصورتها وعلقت (‏رجائي من الشّعور :
‏موت فيني ، لا تموّتني قهر
‏كلّ حاجه بس لاكون الذليل.)
نزلت الجوال وهي ترفع راسها لما جات لها منى وجلست بأحراج: اديم حبيبتي لا تضايقين من هالسعلوه وامها ترا فيصل معتبرهم اهل ومقدرهم عشان امه ولا هي ولا شي
ابتسمت اديم بحب؛ حبيبتي ي عميمه ادري ولا تضايقت فيصل قبل شرح وضعهم
ضحكت منى براحه :الحمدلله اجل خليني اقوم اشوف الناس
اديم: الله معك
ظ ظ
ظ
اما فيصل كان ميت نوم ومنسده نفسه عن الاكل بس جالس يجامل قام بعد ما زهق وراح جلس وهو ياخذ علبة مويه طلع جواله يتصفح وطاحت عينه على سنابة حنين حس فيها شي يخليه يشك انها قربيه منه بشكل فضيع بس مايدري مين هي رد عليها (‏بدت تنقص نجوم الليل ‏والعتمة بدت تكبر..
‏وقناديل المشاعر لا انطفت
‏ دنياك وش هي له؟!)
اديم ردت ( ‏وش حيلتي فيك وش يا ترى امري ��) رد فيصل وهو يبي يستعطفها ويبي يضرب المقاييس لانه يحس انه يعرفها ( ‏" تدرين .. بي طفلٍ يتيمٍ تغربلْ ، ‏تصحَّرتْ دنياه وانتي شجرها ".)
ردت اديم ( شقولك !! من جد شقولك فيصل ملاحظ انك صرت غير .. فعلا صرت غريب )
فيصل ( حنين لا تصفين معهم قلت من قبل تعالي نترك كل شي واتزوجك ونروح ورفضتي بعذر غبي )
اديم ( وش اللي تعالي نتزوج على كيفنا وبعدين انسى سالفة هالزواج وانت طايح لي بين اديم ووسن )
فيصل( شعرفك بوسن!؟؟؟ )
اديم تلخطبت وخافت وردت وهي ترجف ( اعرفها وقد قلت لك من قبل انا اعرف كل شي عنك )
فيصل( اقولك شي .. انا فعلا بديت اشك فيك )
اديم خافت وجمدت وبعدها قالت( واو هذا او تأثيرات المدام )
فيصل استفزه ردها وسكر وهو مايدري ليش يجيه شعور انها حوله بس مايدري وين بالضبط
اما اديم اللي خافت وطلعت وهي تخفي هالجوال قبل يكشفها ورجعت تحت بهدوء وهي خافت من شكه فيها ظ ظ

19 - 1 - 2022, 04:51 PM

.... 198 .....

عند عادل اللي كان متعمد انه يدخل ويطلع يمكن يصادف ريمان لكن مع الاسف ما حصلها استند على جداره المطبخ بضيق ( وينها هاذي تغلط وتزعل )
منى: عادل شعندك هنا
عادل: ولا شي بساألك عميمه ريمان جات
منى: ايه بس قبل العشا استاذنت تقول مصدعه وبتنام
ميل عادل فمه بضيق وبعدها لف: زين زين
طلع ومنى مستغربه ضيقته الواضحه سحب جواله وارسل ( من مفروض يزعل !! ويغيب)
ريمان اللي ماكانت نايمه وشافت رسالته بس تجاهلت لانها ماتبي تخرب زياده
سحبت لحافها ونامت وهي نفسها تفتك من الهم اللي على قلبها
ظ ظ
ظ
عند عساف اللي استفزه فيصل وطلع وهو خلاص مو قادر يتحمل تفاهات اكثر شاف رائد جالس قبال الباب واتجه له: وش فيك هنا
رائد:جالس
عساف رفع حواجبه : جالس والا تنتظرها تطلع
رائد طنشه ووقف لما شاف الباب ينفتح وهنا فعلا استانس وبعدها ابتعد شوي وهو يقول لعساف:ابعد عن طريق الناس
عساف ابتعد وهو يضحك على وجهه لكن الصدمه ان روان وقفت وهي تناظرهم: خير ماعندك شغل انت واقف تناظر الرايح والجاي ابعد من طريقي عمى وربي ناس متخلفه وهمجيه
عساف ناظر وجه رائد اللي انكمش وانفجر ضحك هستيري ورائد ابتعد وهو عتبان على نفسه كيف سمح لنفسه يسوي كذا وعسااف ما زال يضحك وراح لبيتهم
ظ ظ
ظ
انتهى العشاء والكل راحوا دخل فيصل بتعب وشاف خالته ووسن جالسين وشكلهم بيباتون قرب :هاه عسى بتباتون
ام رامي : اي والله قلنا ننام
فيصل : الله يحيكم ببيتكم
وسن:فيصل لو نسهر مع بعض كلنا وش رايك
وقفت اديم اللي مو متحملتها واتجهت لفيصل وهي تحاوط ذراعه ببتسامه: ياليت تصدقين بنفسي لكن بعد عيني فيصل ما نام زين اليوم .. لفت تناظر عيونه ومدت يدها بجراءه وهي تسحب شماغه ودخلت يدها بشعره تسويه له : اكيد تعبان روحي
فيصل ملامحه فضيحه لذلك بان عليه قبال الكل انه راح فيها ومنى استانست رغم انها انحرجت وام رامي ووسن ماتوا
ام رامي :عيب عليك لمي نفسك ما بقى شي ما سويتيه مدري من وين جايبها ذا القليله الحيا
فيصل مارد وهو يناظرها بنجذاب ضحكت اديم ضحكه رنانه واستفزازيه : واااو ي ام رامي شسويت انا ما سويت شي .. فيصل حبيبي نطلع يلا
فيصل غمض وهو ياخذ نفس عميق وهمس :نطلع ليش ما نطلع
ضحكت اديم برعب وطلعت وهي تاركه وراها براكين غيض من ام رامي اللي قالت بصوت عالي : فيصل المفروض تجلس معانا بما انه انت عازمنا
غض فيصل من صوتها : خاله انتي مو صغيره بعدين اجلسي مع عادل مسكين زواجه بعد ايام هديه انا تعبان بنام
دخل المصعد وسكره بسرعه قبل تقول شي ولف لاديم اللي ابتعدت بسرعه ولفت تناظر شكلها وقف المصعد فيصل ولفت اديم برعب :شسويت
فيصل :مدري تعبان مدري شسويت
اديم اسرعت وهي تحاول تشغله لكن سحبها فيصل وهو يحاوطها :وش فيك مو حبيبك وتعبان
اديم غمضت وهي تقول برعب : ابعد اول
فيصل قرب لدرجة انها انكتمت وقال : انتي بديتي انتي تحملي ..

ابتعد وهو يرجع يشغل المصعد وطلعت اديم اول ما انفتح واسرعت للجناح وفيصل يمشي بسرعه وراها وكان ناوي يخلع قلبها دخلت وهي شبه تركض واتجهت للحمام وفيصل وراها سحبها وهي يرميها على الكنب : اش فيه ليش طايره
اديم حاولت توقف : فيصل ابعد الله يخليك
فيصل ابتسم بخبث : وش فيك وش صار تونا شحلونا حبايب وبنام صح
اديم : انا سويت كذا عشان انت قلت اذا صرنا قبالهم اكذبي
فيصل نزل لما صار وجهه بوجهها: واذا قلت لك ان اللي سويته مو كذب ولا تمثيل وش بتسوين
اديم ارتعبت : فيصل هاذي تفاهات ابعد خلني اروح تعبانه ترا
فيصل ما ابتعد : كلنا تعباانين تعالي نشيل عن بعض
غمضت اديم وهي قلبها بيموت على كثر مادق مدت يدها وهي تحطها على قلبها :والله اسفه خلاااص
فيصل كان ماله نيه يبتعد لما يأدبها بس خرب عليه نواف اللي يدق الباب :فيصل بنام معاك انا خايف
ابتعد فيصل بسرعه وهو مقهور وهمس :هالمره انقذك نواف لكن بعدين ما بتسلمين ي روحي
طلع وهو يفتح لنواف ودخلوا جوا ينامون واديم اللي كانت من قوة الخرعه حست بغثيان ومو قادره تدخل وتنام سمعت فيصل ينادي لها : اوووف وش يبي حسبي الله انا المقروده وش لقفني اسوي كذا بلعنته هو ووسن
دخلت بهدوء : نعم
فيصل كان يتكلم عشان نواف فيه بطريقه كويسه : شفيك برا تعالي نامي بحكي لكم حكايه
اديم تنحت وينه الوحش اللي من شوي ضحكت على تعلقيها وقالت :ببدل واجي
فيصل : يلا نستناك ما بنبدا الا لما تجين
اديم بدلت وهي تحاول انها ما تروح بسرعه مو قادره حتى تفكر باللي صار خلصت ورجعت وهي تمشي على اقل من مهلها

19 - 1 - 2022, 04:51 PM

..... 199.....

اتجهت لسرير ودخلت بالجهه الثانيه وانسدحت وهي ظهرها جهة فيصل ونواف سمعت فيصل يقول : ناظريني عشان اعرف احكي
اديم غمضت بقوه : انا كذا مرتاحه
فيصل : بس انا مو مرتاح
خافت اديم تعاند وتزيد الطين بله لفت وهي تناظر بنواف وحاسه بنظرات فيصل الحارقه لها كانت تسمعه يحكي بأسلوب حلو ويضحك واخلاق طفوليه اول مره تشوفها ضحكت على قصته الهبله من ضحك نواف وخلصت القصه الاولى وابتداء بثانيه وعدا الليل وفيصل يحكي واديم مسويه نفسها نامت ونواف نام وقف فيصل وارتفع شوي وهو يناظر اديم شافها غاطه بنوم قام بضيق وهو مو قادر ينام لين يشوف حل لفكرته طلع برا الغرفه واتجه لصالون جلس بهدوء وهو يفكر طرت له حنين وجلس يفكر من تكون توقع لو تكون وسن بس وسن مستحيل تكون متفهمه كذا طرت له نسرين بس على طول شالها من باله فكر بكثير بس ما طرت له اديم ابدا كان مسترخي بالظلام لدرجة ان اللي بيطلع ما بيشوفه حس بصوت ولف يناظر شاف اديم طالعه وهي تمشي شوي شوي وتتلفت استغرب ( وش فيها هاذي مو تو نايمه )
كان يراقبها بأستغراب
اما اديم استغربت انه ما نام رغم انه ميت نوم خافت لا يكون راح لوسن شافت الدنيا ظلام وتأكدت انه برا ضربت رجلها بالارض بقهر: ااكيد راح لها الحيوانه حسبي الله عليها وعلى امها اخ ي فيصل شسوي فيك شسوي فيك
كان فيصل بيتكلم بس سكت لما سمعها تقول : يا ليت لو تكون فيصل جد بدون تزييف وكرهه والله كنت احسن
لبست جلال الصلاة وطلعت وهي تتسحب تدور عليه لكن فيصل كان مستغرب كلامها وقف وراح وراها شافها نازله تحت وكمل وراها وقفت وهي تقول :وين احصلهم هذول وكيف اعرف غرفة الضيوف حسبي لله عليك ي وسن بتروحين علي الرجال
ابتسم فيصل وهو مو مصدق لللي يسمعه اتجهت للمطبخ وراح وراها حست اديم فيه احد ولفت بسرعه واول ما شافت ظله صرخت اسرع فيصل وهو يسكر فمها : اشششش فضحتينا
اديم انخلعت وبكت على طول : فجعتني وش فيك انت
فيصل : انا والا انت شجايبك هنا وبعدين اسكتي فضحتينا
اديم مسحت دموعها بسرعه : كنت عطشانه
ضحك فيصل بشويش : ضحكتيني ليه مافيه فوق مطبخ
اديم تفشلت: مافيه مويه
فيصل ما حب يحرجها اكثر: زين زين بصدقك
اديم راحت تدور لها كاس وهي تايهه قرب فيصل وسحب الكاس وهو يعبيه مويه ومده لها : خذي
اخذت اديم وهي ترجف وشربتها كلها مره وحده وانكبت عليها ضحك فيصل وهو يمد لها المنديل : قولي بسم لله
اديم كان شوي بيغمى عليها نزلت الكاس وهي ماتدري كيف تطلع ولا تدري من وين جاء فيصل واذا سمعها او لا كان واقف قبالها ومتكتف ويناظرها كان يفكر بكلامها وش معناه ووليش كل هالكركبه عليه هل حبته وهو اللي مقوم القيامه عليها هذا شي مستحيل اكيد فيه سر
تكلمت اديم بهدوء: انت ليش هنا
فيصل : بيت ابوي اتمشى باللي ابي
اديم :مو قصدي اقصد انك كنت بتنام
فيصل : ما جاني نوم
اديم : بس عيونك حمرا
تنهد فيصل وتقدم وهو يوقف قبالها على طول : بتحاسبيني يعني
اديم :مو كذا بس بيجيك ارق وتتعب
فيصل : خايفه علي يعني !؟
كانت اديم ماتدري وش ترد لكن فاجأهم النور لما اشتعل ولف فيصل وابتعد وهو يشوف خالته واقفه بصدمه: فيصل شعندك هنا مو بتنام
فيصل ابتعد وهو يهوي نفسه : جينا نشرب مويه
ام رامي :عشتوا ما تقدر الهانم تجيب لك مويه والا ساحرتك صاير وراها وين ما تروح
ضحك فيصل وقال: ولو ي خاله مافيها شي لو نزلت اشرب مويه
اديم كانت تناظر ام رامي اللي كان الشر بعيونها وتقدمت ووقفت جنب فيصل وقالت ام رامي : هذا انت قلتها نازلين تشربون مويه رجاءً الحركات اللي مالها داعي بجناحكم
فيصل ابتسم : يعني الواحد احيان يحن
اديم لفت بصدمه عليه وقفلت النور ام رامي وطلعت وهي معصبه ضحك فيصل ولف وهو يقول : وش كنا نقول
اديم: آ آ بنام عن اذنك
راحت تركض وفيصل يضحك طلع وراها وركضت اديم وانسدحت بخوف وفيصل رجع انسدح وقرر يأجل فكرته شوي لين يكشف الاسرار اللي عند اديم
اديم لما حسته قريب ارتاحت ونامت وفيصل بعد نام
ظ ظ
ظ
من بكره في بيت ابو مشاري اللي كان مخطط على طلعه بما ان فيصل واديم موجودين تكلم : اقول فيه موضوع باخذ رايكم فيه
ام مشاري: خير ان شاء الله
ابو مشاري : اقول لو نطلع لنا بمخيم بما ان الدنيا برد وبما ان فيصل واديم موجودين وامل قبل تروح
مشاري : يمكن فيصل واديم بيرجعون يسافرون

19 - 1 - 2022, 04:52 PM

..... 200......

ابو مشاري :ما اتوقع لانه وصلني ان فيصل غير التواريخ وتركها غير محدده وكلمته وقال ان فيه اشغال ضروريه تتطلب وجوده وبيسافرون بعد مايخلصها وخصوصا ان اختباراتهم هو واديم ع الابواب
ام مشاري : ماني مستوعبه كيف يدرس وهو متزوج
مشاري : يقدر عليها لا تخافين
مروى: يعني الاختبارات باقي عليها اسبوعين
ابو مشاري: الرجال متفاهم مع زوجته وخالص مالنا شغل احنا
مشاري ؛ بعدين حلو انه اجلها للعطله
امل : اساسا امس كان واضح على اديم مره مبسوطه ربي يتمم لها
ام مشاري :من جد ربي يسعدها
مشاري : انا اقول يبه توكل على الله وسويها
ام مشاري : وانا بعد
امل : وانا
مروى: وانا
ابو مشاري: زين زين خلوني اكلم طلال واقوله
كلم ابو مشاري ابو عادل واتفق معاه وبعدها دق على فيصل اللي طبعا ما رد وكان نايم
ظ ظ
ظ
عند ابو عادل اللي كان مضغوط من جلسة ام رامي ووسن واللي سهام مقهوره منهم واللي زاد القهر انها سمعت دعوة ابو مشاري
عادل : زين يبه ما دام بنروح خالتي بعد تجي معنا
ابو عادل جمد وجهه وسهام بعد اما ام رامي استانست ماقدر ابو عادل يرفض خصوصا ان عادل بعد صف معها ونواف
ام رامي : والله ماني عارفه وش اقول الله يرحم اختي اللي ربتكم احسن تربيه
عادل ما كان هامه روحتها بس يبيها تجلط سهام اللي كرهها: ولو ي خاله انتي بحسبة امنا ولا نمشي لمكان الا بوجودك
ابتسمت ام رامي وهي فرحانه ونزل نواف وقالوا له الخبر ولا صدق واستانس حيل
عادل: نواف بعدين تجي تنام عندي خلاص اعتق الناس بحالهم ترا عرسان هم
ابو عادل : ايه صادق عادل معاد فيه نومه عند فيصل تجي تنام معي او مع عادل
نواف: بس فيصل يبيني انام عندهم
عادل : لو بنطاوع فيصل كان ضعنا كلامي واضح معاد فيه نومه
نواف: لو نمت وتركتني
عادل : جربني
نواف: زين ي عادل
ابتسم ابو عادل : الحين جحدتنا
نواف ضحك: والله يبه خلاص انا حبيت اديم بجلس عندها كثير
عادل: كفوك يسمعك فيصل وقتها بتروح بستين داهيه
نواف :ههههههه حتى فيصل يحبها كلنا نحبها احسن من سهام الشريره
ابو عادل بحده: نواف
ام رامي : ليش تصارخ عليه ما قال شي هو صادق
ابو عادل : ام رامي الله يخليك لا تتدخلين بتربيتي لعيالي
عادل : انا بعد ماشوفه قال شي رأيه
ابو عادل :خلصنا عاد عشان غلط واحد حطيتوا عليها
ابتسم عادل وهمس : متأكد انه واحد
وقف ابو عادل وراح اما نواف لف على عادل وخالته اللي اخذوا طريقهم وهم يفطرون ويغنون ومهيصين وكل هذا بيقهرون فيه سهام اللي ما فطرت معاهم وصحت على الازعاج والهيصه وطلعت: خير شهالازعاج وبعدين انتي مره ماخذه راحتك
ام رامي: اخذ راحتي ببيت اختي شتبين انتي وفارقي لا اتوطا ببطنك
سهام: اقول خذي بنتك واطلعي ترا مره زودتيها واحترمي خصوصية البيت
عادل؛ اذا فيه احد بيطلع هو انتي ومو انتي اللي تطردينها
سهام: عادل خلك برا الموضوع لو سمحت
ووسن: شتبين انتي فارقي من هنا صدق ملقوفه
سهام : شوف مين يتكلم !!
عادل :سهام ارجعي لغرفتك ولا تنسين ان للبيت اصحاب
حست سهام انهم تكاثروا عليها ودخلت وسكرت الباب بعصبيه
اما هم رجعوا لنفس الهيصه وخبال وكان ناقصهم فيصل
ظ ظ
ظ
وعند اديم اللي صحت على صوت فيصل الهامس فزت وهي تناظره نايم ويتكلم ويتمتم ومعرق وشكله يحلم مدت يدها تصحيه وتصحيه وفجاءه صحى وهو يصرخ ابتعد بخوف وهي تسمي عليه لف فيصل يناظرها وعيونه كلها رعب
اديم : بسم لله عليك اعوذ بالله من ابليس
فيصل كان يتلفت برعب وركضت اديم تجيب مويه واعطته شرب ونزلها وارتمى وهو يحس برعب ويرجف رجف خافت اديم ومدت يدها وهي تمسك يده وتسمي وتقرأ عليه غطته مزبوط وهي باقي تقرا عليه وهو باقي صاحي وعيونه مفتوحه برعب بعد ما هداء وقف وهو يترنح وقفت اديم وهي تسنده: فيصل فيك شي
فيصل مارد ورجعت تسأل: انادي عادل فيك شي
فيصل : لا لا مافيني شي
اتجه للحمام واديم باقي معاه دخل وراحت اديم تسوي له ملابسه وفطوره اما فيصل كان يرجف للحين من الحلم اللي كان رعب بشكل مو متخيله تروش طلع وشاف ملابسه لبس وهو يرجف وشارد وجلس وجات اديم ونزلت الفطور: فيصل قول بسم لله
ناظر لها بشرود وقال: مالي نفس
اديم: مايصير لازم تاكل شوف كيف مخطوف لونك
رجع يهمس:بعديه مالي نفس
اديم :لك..
انقطع صوتها لما وقف فيصل وضرب الصينيه اللي طارت وطاحت واتكسر كل شي وصرخ وهو يقول : قلت لك مالي نفس ما تفهمين
اديم خافت وابتعدت وهي مسكره اذانها : طيب طيب خلاص
جلس وهو باقي فيه رجفه انسدح وتلحف ومتوتر وخايف جمعت اديم الحوسه ونظفت وهي بالها مع فيصل وخايفه عليه

20 - 1 - 2022, 01:29 AM

..... 201.....

رجعت وهي تناظره شافته على وضعه وعينه بأتجاه واحد قربت واول ماحطت يدها على كتفه فز وهو يناظرها وبعدها و رجع انسدح : غبيه انتي غبيه
اديم : اسفه
دفها فيصل وهو يرجع يتغطى تعدلت بعد ما طاحت ولفت وهي تبكي ماتدري كيف ترضيه تعبت خلاص جلست بالصالون وهي زهقانه حاولت تتجرأ وتقوله انها حنين بس خافت تخسره نهائيا سكتت وهي تراقبه
عند فيصل اللي كان يبي ينام بس مو قادر خايف يرجع يحلم كان يتقلب ويتقلب ولا قدر كان بيموت من النوم لكن كل ما سكر عينه رجع له الحلم وفز بخوف كان مصدع لف وهو يصرخ : اديييييييم
جات اديم بركض : نعم
فيصل بعصبيه تخوف : جيبي لي مسكن او اي مصيبه تنوم
اديم ركضت تدور اي شي ورجعت معاها مسكن بسيط اعطته ووقفت وهي تشوف شلون ميت نوم قالت بخوف : اسوي لك مساج يمكن ترتاح
ناظرها فيصل وقال: ايه تعالي
اسرعت وجلست وهي تحط راسه بحضنها وابتدت تسوي له مساج تكلم فيصل وهو يقول : اذا نمت لا تروحين خليك هنا
اديم همست :ابشر
كانت تحاول تهديه بأي طريقه وبعد فتره سكن ونام بهدوء واديم باقي عنده كانت تشوف ملامحه من قريب وهي مبسوطه انه قادره تشوفه من قريب مدت يدها بشويش وهي تلمس رموشه الكثيفه ابتسمت بحب ونزلت وهي تبوس عينه بهدوء وانسحبت بسرعه قبل يحس عدلت له راسه على المخده وانسدحت بجنبه ونامت وهي تراقبه بحب
ظ ظ
ظ
اما عند نسرين اللي بعد تفكير متعب وخوف من انها تخسر نفسها اذا رفضت عساف وتدري انها مستحيل تتزوج عادل حتى لو طلق ريمان اتجهت لغرفة رائد دقت الباب ودخلت وشافته يلبس بيروح الدوام لف لها : نسرين وش فيك
قربت وهي مكبوته : انا جيت بقولك اني موافقه على عساف
رائد ضحك بفرحه واتجه لها مسرع وهو يحضنها: الحمدلله وتأكدي انه ونعم الاختيار وبأذن الله وبي يسهل كل شي
هزت راسها وطلعت وهي تبكي اما رائد من فرحته ما انتبه لدموعها لبس وطلع وهو يدق على عساف اللي رد : هلا ي العاشق
رائد :هههههه على طول حطيتني عاشق
ضحك عساف: قلبي يقول ياخي
رائد : الله على قلبك المهم وينك بالدوام
عساف: ايه اكيد بتعزمني
رائد: هههههه ابشر بها
عساف: لااااااا الوضع جدي
رائد: ما تنعطى وجه انت المهم خمس دقايق وانزل للمطعم اللي بجنب دوامك ابيك بسالفه
عساف: اكيد بتعترف بحبك لي
رائد : ههههه اكيد
سكر رائد وهو يضحك واخذ طريق المطعم اما عساف فز ونزل وهو متحمس بيعرف سالفة البنت
ظ ظ
ظ
نرجع لبيت ابو عادل اللي كان قمة في الازعاج دخلت منى وهي منصدمه من كل ذا اللي صاير شافت عادل ونواف وام رامي يرقصون ووسن تصفق اتجهت لسماعه وفصلتها : وجع ان شاء الله وش ذا اللي صاير عمى بعينكم واحد واحد من صباح الله
عادل : عميمه شفيك خلينا مبسوطين
منى: اسكت بس هذا وانت العاقل خذوك معاهم وبعدين انتي هي لا تحسبين انك ببيتك وماخذه راحتك ألزمي حدودك والا اطلعي منه هذا بيت محترم وله احترامه
ام رامي:ههههه هالبيت بيت اختي وعيالها واسوي اللي ابي وبراحتي
منى: بأحترامك او تفضلي برا
عادل :عميمه وش هالكلام مثل ماهو بيتنا بيتها محد يقدر يطردها وبعدين وش سوينا جالسين مبسوطين
منى: عااااادل انت خلاص قضيت وانتهى امرك احسن لك تطلع من الموضوع واذا انت مانك عارف تحط حدود انا احط الحدود
ابتدت مشاده كلاميه بين كل الاطراف وكل واحد يقول ان الصادق قطع النقاش فيصل اللي صحى على صراخهم ونزل وهو مفجوع :خيييييير خييييييير خيييير وش صاير
ام رامي :تعال ي فيصل تعال شوف وش بتسوي عمتك
منى: فيصل خلك بعيد احسن
عادل : انا اشوف انك تحل هالمهزله اللي تصير
فيصل صرخ وهو يشد شعره: بس بس بس حرام عليكم ياخي قدروا ان فيه ناس تعبانه بتنام
منى: لا تهتم واطلع كمل نومك
فيصل : وين اطلع وين انتوا تركتوا فيها نوم
نزل وهو معصب وقاله عادل اللي صار ناظر بقلة حيله وهو مايدري وش يقول تنهد بضيق : الحين وش اقول مدري لكن بطلب طلب خلوني ارتاح انتوا تذابحوا بحريقه لكن ابي انام
طلع وتركهم وحنت منى عليه ولفت وهي تقول: اسمعني ي عادل هالسماعه ما بتشتغل لو تموتون
اخذت السماعه وراحت وقررت ام رامي تروح عشان تجهز للمخيم وعادل بعد اما نواف اللي راح معاهم ظ ظ

20 - 1 - 2022, 01:29 AM

..... 202 .....

عند عساف ورائد دخل رائد وهو يشوف عساف اللي يسولف مع قرسون وجوه عليل قرب وهو مبتسم : يعطيه العافيه
عساف لف :تعافيك ي العاشق
رائد:اوووهوووه بدينا
عساف :ولا بننتهي يلا احكي
رائد: اول شي وينه فيصل
عساف: فيصل اكيد نايم او مع زوجته انسى يجي هالوقت وانت تدري بين فيصل والصبح علاقة سيئه
رائد: على قولك
عساف : قول غرد وجهك يفتح النفس اليوم ..تنهد وهو يتكي : ياخي ي زين العشق يرد الروح
ضربه رائد بالمنيو: تعدل بس تعدل مو عني الموضوع عنك
عساف: عني؟؟! وشو
رائد: كلمت نسرين بالموضوع صح طولت واخذت وقت لكن في النهايه حقها لكن مع ذا اقدر اقولك تقدر تجيب اهلك وتتفضل تخطبها
عساف جمد وهن يناظر رائد:احلف
رائد ضحك: وربي
عساف : والله لو تكذب بتوطاء بطنك
رائد انفجر على شكله المرعوب وبعدها وقف عساف وجلس مره ثانيه:اخاف ابوك يرفض
رائد: لا ان شاء الله بدخل جدي بالموضوع
سكت عساف وبعدها وقف وهو يجمع اغراضه: بروح اقول لامي
رائد: اصبر افطر
عساف: مابيه بالعافيه
ركض عساف وترك رائد اللي ضحك وهو يطلب فطوره ويدعي ان فعلا تكون من نصيب عساف
ظ
ظ
عند فيصل رجع للغرفه وهو مصدع من هالازعاج وقلة نومه والارق اللي صايبه
جلس وهو يمسع اديم تقول : وش فيهم
فيصل : مدري متهاشين خالتي وعمتي
اديم : يالله وش صار
فيصل لف لها : وليش هامك مره اللي صار
اديم :كذا اسأل
طنش فيصل وهو ما زال مصدع :روحي سوي له شي اتسممه مالي خلق لقافتك
ميلت فمها اديم : زين
راحت وجهزت له فطور ونزلته قباله وقربت بتجلس وقفها صوت فيصل: نعم
اديم : وشو!
فيصل : الظاهر اني مره عطيتك وجه ..انا لما اكل توقفين هنا وانتي ساكته
اديم :نعم وليش ان شاء الله
فيصل : لانك هنا عشان خدامه ولا تحلمين بأكثر
اديم اتسعت عيونها بغضب : فيصل لو سمحت انا هنا لي احترامي
ضحك فيصل ووقف وهو بهدوء وبعدها سحبها وهو يشد شعرها: من انتي عشان يكون لك احترامك هااااه اسمعيني زين ي *لا تعيشين دور الزوجه واللي لها حقوق واحترام واجبات قد قلت وبعيدها ولا بفكر انتي هنا خادمه لي ولا تعنين لأحد شي مهما وصلتي واساليب اللف والدوران لا تفكرين تمشينها علي فاهمه
دفها بعيد ورجع يجلس لكن وقفت اديم وهي تناظره بعيون مليانه دموع وقالت : بيجي يوم تندم على كل ذا
وقف فيصل : تهدديني ؟
رمى كل شي قباله واتجه لها بغضب ضربها كف خدر خدها منه طبعا فيصل كان يدور الزله وجات لعنده ومع ذا كله كان يحاول ينسى الاشياء الكويسه اللي هي جالسه تسويها معاه وتلوي ذراعه فيها طبعا بهاللحظه اديم انفجرت دموعها غمضت بقوه وهي تشهق وطلعت وتركته وهي ودها ترجع وتضربه نفس الكف لكن مو قادره ابدا مو قادره
اما فيصل اللي اخذ اغراضه وطلع وتركها شاف اتصال ابو مشاري ورجع اتصل فيه وبلغه عن الطلعه وحاول فيصل يتجنب بس اجبره ابو مشاري يوافق ناظر ساعه وكانت ظ£ العصر زفر بضيق وراح لاقرب مطعم تغداء ورجع لاديم وهو معصب فتح باب غرفتها وشافها جالسه بنفس الحال اللي تركها فيه : اسمعيني زين فزي على حيلك وخلصيني اجهزي ابوك مسوي جمعه في مخيم واصر اني اجي واجيبك وحطي في بالك هالطلعه بنجلس فيها بالوقت اللي ابي وتدخلات من اي احد بترجع عليك وغير كذا ملابسي جوا كلها وصخه اغلسيها واكويها ورتبيها معك ساعه تخلصين كل ذا فيها والا ما يحتاج اقول وش بيصير
طلع وصفق الباب ونزل قابل ابوه اللي كأنه ضايق وسهام بجنبه :سلام عليكم
ابو عادل :عليكم السلام كلمك ابو مشاري
فيصل: ايه
ابو عادل : بتروح
فيصل: اكيد
ابو عادل : اديم وين
فيصل: تسوي الاغراض
ابو عادل : افا سهام اطلعي ساعديها
تكلم فيصل بحده : يبه قد قلت لك ابعدها عن حياتي لا تدخلها بكل شارد ووارد
ابو عادل : وش افهم من كلامك تقطع علاقتها بعمتها
فيصل بحده : ما اقطعها لكن طالما اديم بجناحنا ما تطلع لها ولا لها شغل نهائي مكان يخصني هي ما تكون فيه وانتهى
ابو عادل : انجنيت انت صح
فيصل : قد قلت انا مجنون ولا تحملوني فوق طاقتي
طلع وترك ابوه وسهام بصدمه : شايف ي طلال ولدك بيفرقني عن بنت اخوي قلت لك كل اللي يسويه عشان يعذبني ولا تسمع اتحدى اذا مو منكد عليها عيشتها
ابو عادل : هاذي حياته وحياة زوجته محد له دخل وطالما اديم ما اشتكت ما يخصك
راح ابو عادل وهو مو متقبل اسلوب فيصل بس ما حب انه يقوي سهام زياده ..

20 - 1 - 2022, 01:30 AM

..... 203 ......

سهام اللي طنقرت وطلعت لجناح فيصل بغضب دخلت وهي تدور لاديم اتجهت للغرفة الاساسيه وشافت اديم جالسه وبيدها ملابس فيصل وشنطته قبالها وانفجعت لما شافتها: يمه سهام فجعتيني وش فيك
سهام : وش مسوي فيك هالزفت
اديم خافت : مين قصدك
سهام: من غيره هالحيوان
اديم : سهام اتكلمي عدل شمسوي فيصل فيك بعد
سهام: انا اتكلم عنك اكيد معذبك
ضحكت اديم بحسره: انتي من وين تجيبين هالكلام لا معذبني ولا شي والحمدلله مبسوطين
سهام: ههههههه تضحكين علي تراني عارفه كل شي هو مخطط عليه واليوم بتقولين لابوك كل شي يسويه فيه
اديم خافت بس ماتبي تبين: وش اقول انجنيتي انتي
سهام: اديم حبيبتي لا تخافين اذا هو مأذيك قولي
اديم : لا مأذيني ولا شي ومن وين جبتي هالكلام
سهام: اديم فيصل بنفسه وعدني يكرهك عيشتك
اديم ضحكت ( اخ منك ي فيصل وش تسوي بنفسك وفيني ):ههههههه لا لا فيصل مافيه احسن منه بس عشان يقهرك ولا هو شايلني شيل
سهام: اكيييد ولا مهددك
اديم : اكيد وش يهددني بعدين لو مأذيني ما سكت وش اللي يخليني اسكت الله يهديك بس
سهام: زين خليني اخلص بس عصبت من كلامه وجيت
اديم: شقال هو
سهام: تافه لا تهتمين
طلعت سهام وتركت اديم وهي ماتدري تصدقها او تكذبها اما اديم اللي جلست بضيق وهي ترتب شنطته وتخلص ملابسه قبل يجي يقلب عليها زياده سحبت جوالها الاحتياطي ونزلت فيه بضيق( ظالم واخاف عليك من يوم وحساب .. ياخي حرام اللي تسويه فيّه
‎ارفع إيديني طالبٍ رب الأرباب .. واتذكر العشرة وانزل إيديه)
نزلتها ورجعت تكمل شغلها وتخلص بسرعه بسرعه
ظ ظ
ظ
عند عساف اللي دخل البيت بحماسه الكامل قابل امه وعدنان تقدم وهو مبسوط : مساء السكر
ام عساف: مساء النووور والبلور هلا امي هلا حبيبي
عدنان : ايه بدا الدلع بدا
عساف ضحك وجلس : موب وقت غيرتك لو سمحت في موضوع اهم
ام عساف وعدنان : وشو
عساف: حزروا
عدنان: مافيني احزر قول
ام عساف: وش عندك وجهك مشرق
ابتسم عساف وقال: بتزوج
عم السكوت لحظه وبعدها ارتفع صوت ضحك ام عساف وهي تحضنه: حمدلله اخيييييرا مابغيت
عدنان: ههههه اخيرا عتقت العزوبيه
عساف: هههههه معاد العزوبيه تنهضم بعد فيصل
ام عساف: ابشر باللي تجيب لك ست البنات
ضحك عدنان: واضح يمه من الحماس انه لقاها
عساف:هههههه والله لقيتها
ام عساف : مين هي
عساف: تعرفين رائد اخته وبنت عم فيصل
ام عساف: كم عمرها هاذي ما اعرفها
عساف: مو كبيره بالعشرينات وغير كذا انا ابي البنت ومصر عليها وكلمت اخوها وقال تقدرون تخطبون
عدنان: كذا بدون ماتقول
عساف: جت بوقت ملخبط والحين انا متأكد من قراري
ام عساف: بس كذا مايصير احنا اهلك
عساف: يمه حبيبتي الله يسعدك انا بالقوه اتخذت قراري وبما اني خلاص استقريت ونويت لا تصعبونها علي انتم روحوا واخطبو وشوفيها وكل شي بيكون ان شاء الله كويس
عدنان : قصدك تقول انك تبيها رضا او غصب واحنا مجبورين نوافق
سكت عساف وهز راسه عدنان وقال: زين زين لكن تذكر ان حصل شي عكسي انت الملام وحط في بالك انك تحط علاقتك مع اصحابك في محك
عساف: لا تخاف انا واثق
ام عساف: ما دام كذا اعطيني رقم امها اكلمها
ابتسم عساف: الحين اقول لرائد يرسله
قطع الكلام جرس الباب راح عساف يفتح وكان فيصل ضحك عساف:لا تقول شي بجيب شي نشربه ونتكلم
فيصل ابتسم ولف ينتظره وبعد شوي جاء عساف ومعاه كوبين شاي اعطاه فيصل وقال: افضي مافي جعبتك ي ولد فدوه
ابتسم فيصل بحب للاسم وقال: مدري ضايق وبس
ضحك عساف وهو يحط يده على قلب فيصل: اي نواع الضيقه
بعد فيصل يده : هو قلبي ايه لكن مو حب
عساف: هو؟؟
فيصل : ندم خوف وحده اضطراب كل شي سيء ممكن يطري عليك ولا قول "استسلام"
عساف: من سببها
فيصل: حنين ،اديم ،وسن ، امي ،اهلي
عساف: اشرح
ابتداء فيصل يشرح ويقوله كلام كثير عساف مو فاهم منه الا ان فيصل فعلا غرقان : تسمع نصيحتي
فيصل: قول
عساف: استسلم لاديم وبتلقى انك قويت الكل او استسلم لحنين وبتخسر طرف قوي بحياتك بس بتكمل
فيصل:هههه يعني حليتها الحين
عساف: احاول احلها انا لو محلك مستحيل افضل حنين على اديم
فيصل: ليش!!
عساف: انت بنفسك قلت انك تشك حنين خيال وكمين لك وقلت بعد ان اديم متحمله اشياء كثيره مالها سبب انها تتحملها ومانك مستوعب كيف ساكته لك وانت تدري ماهي خايفه منك وهذا ان دل دل انها انسانه فعلا ماشيه صح
تنهد فيصل : حاجات كثيره يبي لها تركيب
عساف: فكر وبتشوف ..

20 - 1 - 2022, 01:31 AM

..... 204 .....

فيصل : قلت لك ان ابو مشاري مسوي جمعه ب مخيم
عساف: روح استانس وبعدين ما قلت لك ان نسرين وافقت
فيصل لف بصدمه: مو من جدك
عساف: والله
فيصل: انت صامل خلاص
عساف: انا ماعندي مشكله
عساف ابتسم: كلنا لنا ماضي يعني انا اعتبره عقاب لي من ربي
ضحك فيصل : زين زين بالمبارك يلا انا خلني اروح انتهي من كم شغله
عساف: الله معاه المبهذل
راح فيصل وهو يحس انه خف عليه شوي من همومه ومستعد يرجع بنفسيه جديده ركب السياره وهو يدندن بباله اغنيه تناسب مزاجه شاف الاشاره وابتسم لما تذكر حنين طلع جواله وحدث السناب وشاف سنابتها استغربها شوي لكن توقع عشان مهملها هالفتره نزل وهو يرد عليها ( ‏" تدرين .. بي طفلٍ يتيمٍ تغربلْ ، ‏تصحَّرتْ دنياه وانتي شجرها ".) نزل جواله وهو يحااااول يحصل بين كلام عساف حل ما كان يدري ليش ادييم متحمله كل شي يسويه فيها رغم انها ماهي خايفه ويدري زين ماهي خايفه منه ولا هامها احد بس وراها شي مخليها ساكته صحى على اصوات السيارات وازعاجهم ناظر جواله وشاف ان حنين نزلت سنابه جديده وعلقت (‏âپ§
‏إنّي أُحبك فاعلم إن لم تكن تعلمه ، حُبًا أقل قليله، كجميع حُب العالمينَ) رد فيصل بصوته ( وربك وربي اني احبك لدرجة اني اذا فكرت بس فيك يوجعني قلبي لا تستهينين بحبي دخيلك )
ابتسمت اديم ( مو بس انت يوجعك قلبك انت انتهيت من حبك الله يهديك )
ضحك فيصل ( زين ما دامك انتهيتي الحقي علي قبل انتهي وتعالي نتزوج)
اديم( ياليت ينتهي هالموضوع قبل تنتهي انت يعني عارف وجهة نظري )
فيصل (اوك اوك مابي اخرب بينا المهم انا بنشغل شويات وارجع لك اوك)
اديم ( اوك)
ظ ظ
ظ
عند عادل اللي كان يحوس بالسيارة جده ويعدلها لها وبنص حوسته حس احد واقف لف يناظر ويده كلها زيت شاف ريمان واقفه ناظرها بأستغراب : شجايبك هنا
ريمان : سلم اول
عادل : شجايبك للكراج وهو مليان عمال وبهذا الوقت
ريمان : ما همني موجودين عمال او لا
عادل : لا ي هانم لازم يهمك
ريمان: تعرف زين اني ما همني اي مخلوق بالدنيا
عادل نزل واتجهه لها بغضب : من هاللحظه صار لازم يهمك
ريمان: وليش ان شاء للله
عادل بهمس غاضب: لانك ماعدتي ريمان انتي ريمان زوجة عادل ف لازم تحطين ببالك هالشي
ريمان : ما حصل شي هذا جزاتي لما اسأل عنك وادور عليك
عادل : كان فيه شي اخترعوه اسمه جوال عمرك سمعتي فيه !
ريمان: اذا بتجلس تكلمني كذا بمشي واتركك
عادل : الله معك
انفجعت ريمان من كلامه لكن فهمت انه فعلا زعلاااان قالت بهدوء وهي تناظر يدها: انا اسفه ادري زعلتك بس مدري اعتذر بأي عذر ..
عادل انصدم وارتخت ملامحه بهدوء وهو يقول : ايش
ريمان: اسفه
اخذ عادل نفس : وعلى بالك الاعتذار يكفي
ريمان: مدري بس اتوقع اني اعتذر من عادل يكفي
ابتسم عادل وهو يقول: افحمتيني صراحه
ضحكت ريمان وهي تضربه على كتفه بمزح: زين بتوريني الجناح
اشر عادل بحواجبه ( لا)
ريمان: ليش انا ابغى اشوفه
عادل : بعد ما نتزوج شوفيه
ريمان: انا ابغى اشوفه والحين
عادل : كيف افهمها !
ريمان بهدوء : طلب
ضحك عادل ومد يده وهو يمسك يدها: نشوفه ليش ما نشوفه كم ريمان عندي
ضحكت ريمان وراحت معاه واتجهوا للجناح
ظ ظ ظ
ظ
اما اديم اللي خلصت كل شي وجهزت وجلست تنتظر فيصل وهي ما تبي تكلمه حست بأحد جاي لكن فيه صوت ضحك خافت تكون وسن وفيصل وركضت وهي تناظر من العين السحريه بس شافت عادل وريمان متجهين للجناح ومبسوطين ضحكت بحسره ( لله يهنيهم ويهدي فيصل)
رجعت تجلس بس فزت على فتحت فيصل للباب اللي دخل ورمى كيس بيده على الارض ونزل ثوبه وهو يقول : جهزي ملابسي بسرعه متأخرين
وقفت اديم بهدوء وجهزت ملابسه ورجعت تجلس وبعد شوي طلع وهو مستعجل اخذ ملابسه بيلبس وصرخت اديم : انتظر اطلع
ناطرها فيصل بطرف عين : خير
اديم : بطلع عشان تلبس
فيصل: من سمح لك تجلسين من الاول
اديم : اسفه
ابتسم فيصل لما شافها خجلانه وقال: عقابا لك تعالي
اديم انفجعت ولفت: وين
فيصل: لبسيني ملابسي
صرخت اديم لا شعوريا: انهبلت انت
فيصل رفع حواجبه : وشو
اديم : اسفه بس اتوقع انك تمزح
فيصل: ما امزح وبسرعه يلا ما معي وقت
اديم جمدت وهي تضحك: فيصل تمزح والله تمزح
صرخ فيصل: خلصني
قرب وهو لابس الروب وسحبها وهو يمد لها الملابس خلصيني اديم كانت مصدومه من وقاحته لا شعوريا جتها الصيحه ناظرت له بصدمه : مابي
فيصل: خير خير

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
روايه مالي وطن في نجد ألا وطنها، الكاتبه اديم الراشد مميزة مكتملة	البارونة	همس للقصص وحكايات وروايات	73	20 - 4 - 2025 06:48 PM
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

طلبات الإشراف
	إذا كنت قادراً على الإشراف في شبكة همس الشوق شريطة ان تكون مشاركاتك من فوق [ 5000 مواضيع وردود ]

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع