\r\n
\r\n\r\n\r\n\r\n\r\n\r\n\r\n\r\n\r\n \r\n \r\n \r\n \r\n \r\n \r\n \r\n \r\n
\r\nسالفة عشاق
\r\n
\r\n
\r\n
\r\nمن بغى الفرقا لقى له عذر واسباب ودليل
\r\n
\r\nخل عنك العذر والاسباب دام الحب ضاع
\r\n
\r\nكان ودك بالفراق .. ابشر عسى عمرك طويل
\r\n
\r\nلاتردد وانت لك كلمه ولك امر ٍ مطاع
\r\n
\r\nلي عليك انّك تبّت بكلمة ٍ تشفي الغليل
\r\n
\r\nولك عليّ اني لأوّقف وقفة الرجل الشجاع
\r\n
\r\nلاتجاملني مخافة قال مدري خوف قيل
\r\n
\r\nعمر هرج الناس مايسمن ولايغني جياع
\r\n
\r\nكان قصدك سر حبك .. اوعدك لأصبح بخيل
\r\n
\r\nواحمل اسرارك معي للموووت قدر المستطاع
\r\n
\r\nبس قلها ... قل ما احبك ... وابشر بصبر ٍ جميل
\r\n
\r\nلاتحسب أني مثل من طبعهم لوي الذراع!
\r\n
\r\nصاحبك ماهو كذا ياصاحب القد النحيل
\r\n
\r\nصاحبك طبعه غريب وغربته غربه طباع
\r\n
\r\nفي الهوى مايقبل الحل الوسط ولا القليل
\r\n
\r\nمثل ماهو لاشرى يشري .. ليامن باع باع
\r\n
\r\nثابت ٍ لو هي تميل الارض حدره ... مايميل
\r\n
\r\nيدري ان الفقر ماهو عيب والدنيا متاع
\r\n
\r\nماعشق لذّة حياته كثر عشق المستحيل
\r\n
\r\nولا كره حتى مماته كثر كره الأنصياع
\r\n
\r\nكم تعلّم من شديد البدو وش معنى الرحيل
\r\n
\r\nوكم تعلّم من غروب الشمس وش معنى الوداع
\r\n
\r\nوكم تعلّم من سحاب الصيف وش معنى الحصيل
\r\n
\r\nوكم تعلّم من ليال البرد وش معنى الضياع
\r\n
\r\nايه انا هذا طريقي موحش .. وصعب .. وطويل
\r\n
\r\nوانت لامنك تعبت .. العالم فجوجه وساع
\r\n
\r\nاعتبرني في بداية سكّتك عابر سبيل
\r\n
\r\nو رح وانا قلبي معك من وين وجّهت الشراع
\r\n
\r\nيكفي اني لاانذكرت في سالفة عشّاق .. قيل:
\r\n
\r\nعاشر احبابه شجاع .. وفارق احبابه شجاع
\r\n
\r\n
\r\n
\r\n |
\r\n \r\n \r\n |
\r\n \r\n |
\r\n \r\n |
\r\nالموضوع الأصلي :\r\nسالفة عشاق || الكاتب :\r\nحنين الأشواق || المصدر :\r\nشبكة همس الشوق
\r\n\r\n\r\n\r\n\r\n\r\n\r\n\r\n\r\n\r\n\r\n
\r\n\r\n
\r\n
\r\n
\r\n\r\n\r\n
\r\n
\r\n
\r\n\r\n
\r\n \r\n\r\n\r\n\r\n\r\n\r\n
\r\n
\r\n
\r\n
\r\n\r\n\r\n
\r\n\r\n
14 - 5 - 2022, 07:08 PM
|
#5 |
رد: سالفة عشاق
خفوق
وجُودكـ فَرحَة
أدَامَكَـ اللهُ نَعيمًا وَارِفًا فَوق المَكَانِ وَسَاكِنِيهـ يَمتَد
وَطَافتْ حَولَكـ أطيَار السَّعد
وسَقَاكَـ الله الخَيرَ حَتَّى تَرتَوي وَتَبلُغَ أعَالِي المَجْد
شُكرًا لكـ
|
|
|
|
| | |
 | سالفة عشاق |
الذين يشاهدون محتوى الموضوع الآن : 1 ( الأعضاء 0 والزوار 1) | | | 
الأعضاء الذين قاموا بتقييم هذا الموضوع : 0
| لم يقوم أحد بتقييم هذا الموضوع | 
تعليمات المشاركة
| لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
كود HTML معطلة
| | |   الساعة الآن 09:08 PM
|
\r\n
عضويتي
العرض الشجري