أدري تمنّى التواصل بس خجلانه
مترددّه والحيا زاد بحلاوتها
مرّه تقول الخجل وشهو علشانه
ومرّه تبي الصبح يستعجل بجيتها
مع أنها بالغلا المعهود فرحانه
الا انها واثقه من سير خطوتها
تبي تعرف الغلا وشلون ميزانه
وتبي تشوف شكثر عندي معزتها
وأنا وشوقي وصوت الحرف وأوزانه
نقول ونعيد ونرددّ قصيدتها
الشمس غابت وعين الوصل ولهانه
متى على الله تصبّحنا بضحكتها
.
اشوف حزني رماني للمواجع وجيت
قلت اخذ الليل بأحزانه واقوم اسهره .!
صمتي نساني مع دموع الغياب وبكيت
معقولة الخافق يهزه مفارق مره .!!
ياهجره اللي نفاني للغرابيل ليت
مالي خفوق يهز الحب فيه شعره !
.
الجرح هذا سطى فيني ولا زلت احب
مشاعري من بعد ماغبت للحين هي .!
ما صحت لك من همومي لاجل ابين سبب
مفكر اللي خسرته في غيابك شوي ؟
تبغانى انسى بعد علقتني بك صعب
اصعب من المستحيل اللي فرضته علي .!
مدام حزن المفارق ياهواي انكتب
لاغاب صوتك وش اللي تستطيعه يدي !
قل للمواعيد وطعون الجفا والعتب
البارحه ماتت احلامي ولازلت حي !
انا رضيت السكوت اللي يساوي ذهب
مـدام يـدي بـنار ويد مثلـك بـميّ ؟
خل المساء للجروح القاسيه والتعب
انا دموعي حكت في غيبتك كل شي .!
انت بالله قلي وش اسوي معك
ما انت راضي تبطل هالغياب وتعود؟
امنعك ! هو بقى من شي فيه امنعك
اتركك ! والدروب اللي تمناك سوود ؟
تنتثر وانكسر لك منتشي واجمعك
اضرب الجرح بالعزه وصبر الحدود !
كل ما جيت عينن ودها تشبعك
رحت ما كن به دمعه ورجل ووعود !
.
جــــــزاهم بنكرانه وساد الوطن رعبه
.ودمـــر وطنهم بعد ما اجزوه الاحساني
لا تنشـــد ما دام تشوف روحي منه تعبه
.ولا تشره ان سرحت في بعض الاحياني
ولا عـــــاد تبحث وش بقي داخل الجعبه
.تـــــرى ما بهــــا الا خيبة امال واحزاني
ولا تقـــــول خابرني جبل ما يضعضع به
.تـــــرى الضلع يهتز ويضعضع ببركاني
ياسيدي ابصبـر مــير واللي بنى الكعبه
.ذبحنــــي الغدر ماهوب الاول ولا الثاني
او 
لمشاركة اصدقائك!
عضويتي
العرض الشجري
