7 - 6 - 2017, 08:49 AM
|
| | | |
SMS ~
[
+
] | | | | | |
لاصار ماينفع رفيق ولاضيف
 
♛♛♛♛
وين الصديق اللي على الشف والكيف
اللي ليـا شفتـه جروحـي براهـا
في ساعة الشدات بايدي كما السيـف
كل الهمـوم اللـي بقلبـي جلاهـا
رفقته لي عـزْ ومهابـة ْ وتشريـف
والنفس فـي قربـه يجيهـا غناهـا
ياحيف من بعض الرجاجيل ياحيـف
اللي علـى حكـم المصالـح ولاهـا
لاصار مستغني يجيـب التصاريـف
ويصـد عنـك ويبتعـد ويتـلاهـى
ماعنـده استعـداد يلحقـه تكليـف
حتى لـو اصحابـه تسايـل دماهـا
ولاصار يبغى منك خدمـة وتسليـف
تنقـط لسانـه عسـل مـن حلاهـا
ويجيك باغلى المدح واحلى السواليف
ويصيّرك نجـم رقـى فـي عُلاهـا
واذا قضى حاجتـه ولّـى ولاشيـف
ياليش يرجـع بعـد ماهوقضاهـا؟!
هاذاك مثل البارق اللي برق صيـف
سحايبـه شحـت علينـا بمـاهـا
مكتّفٍ عن طيـب الافعـال تكتيـف
نفسه خبيثـة موتهـا هـو دواهـا
لاصـار ماينفـع رفيـق ولاضيـف
يالعنبـو رفقتـه واللـي شراهـا
♛♛♛♛♛
الموضوع الأصلي :
لاصار ماينفع رفيق ولاضيف || الكاتب :
بقايا جرح || المصدر :
شبكة همس الشوق |
الأعضاء الذين قاموا بتقييم هذا الموضوع : 0
عضويتي
العرض الشجري