رواية فرسان على جمر الغضى للكاتبة وديمة العطاء

27 - 5 - 2015, 05:38 PM

وجه نظره للمها:مهب صحييح يالمها

كان ودها الارض تنشق وتبلعها ولا تسمع هرجه ذا وش جاااه وش الي قاااعد يقوله

فهاد وهو يدخل للشق:ترااني انتظرج وانتي ياعمه مرخوووصه ان كان ودج تمسي ببيتج

خلع ثوبه وانكت بالفراش وهو يحس انه نفث شوي من الضيقه الي كابته على صدره

ظلت المها واقفه ميته من الخجل والعمه واقفه تتحرطم من الي يسويه فهاد وجاهن صوته وهو ينادي

فهاد:المها ودج تخليني انتظر كثييير

وقفت المها وقربت من الحاجز وطلت عليه وشافته متمدد بفراشها ويناظرها بنظره مافهمت وش يقصد فيها

المها بصوت يادووب فهم منه شي:انا جاالسه مع العمه

وقف فهاد وقرب من الحاجز وهو يناظر بعيونها :وش فيها العمه ترا البيت بيتها وهي قالت من قبل انك تنامي مبكر لييه السهر؟

وجهها احمر ازود وتحس ماتدري وش اتقول لهمير الي يصير والي يسويه مهب داخل بعقلها وش صااارله

وجه فهاد نظره للعمه الجالسه وهي تطحن بحالها

فهاد:يا عمه ودي اياااكي ترخصي للمها تراها مستليمه فيج

العمه بانزعاج اشارت بيدها انه خلها ترووح

ابتسم وناظرها:تعاالي

مشت المها وهي تحس باحراج كبير من العمه وقفت قريب من لفراش الي كان فهاد بوسطه

كشف طرف اللحاف ومد يده على جنب:تعالي

كان يطلب منها انها تجي وتنام جنبه

احمر وجهها واخذت تناظره باستغراب

فهاد بصوت هامس موجوع:ما ودج اتجيين

جلست المها على طرف الفراش بتوتر وهمست

المها:انت وكاد صابك بعقلك شي

تبسم وهو يرفع نفسه ويقرب منها وهو يتكي على يده ويناظرها

فهاد:ليييه وش جااج مني

المها:وش الهرج الي كنت تقوله قدام العمه

فهاد:اخطيت بشي؟

المها:انت وش الي يصير لك؟

فهاد:رجال ووده حرمته تنام بحضنه فيها شي

ارتبكت وزاد توترها والتفتت للحاجز الي يفصل بينهم وبين العمه

المها:وكاد ان عقلك مهب براسك

فهاد:هو بس عقلي الي مهب براسي

27 - 5 - 2015, 05:40 PM

فرسان على جمر الغضى

الجزء الثالث عشر

المها:وكاد ان عقلك مهب براسك

فهاد:هو بس عقلي الي مهب براسي

قرب اكثر منها ورفع نفسه وحط راسه بحجرها وهو يناظر وجهها

المها ارتبكت وبدت ترتجف وزاد توترها اخذت تنظر في كل مكان وهمست

المها:فهاااد ......تر العمه بعدها اهنيا

فهاد:خليها براحتها

المها:انا ودي ارووح اجلس معها

فهاد:وتتركيني لحالي

رفع يده وبدا يلعب بخصايل شعرها النازله

المها:ارجاااك يا فهاااد

فهاد:ما ضنااج الشووق؟

غمضت عيونها"يا ويييييييلي

رجعت اتناظره:انت وش بك؟

فهاد:قريب يالمها تنتحر روحي خليها دامها حيه ترفرف حولج

المها:وش الهرج ذا يا فهاااد؟

فهاد بغصه يحاول يبلعها:ودهم يزوجونج لعاايض

سكتت المها وناظرت للجنب الثاني..ضوق فهاد عيونه وهو يناظرها

فهاد :تدريين يالمها!!!!؟؟؟؟؟؟

اعتدل جالس وناظرها:تدرييين بالي يريدووونه؟؟؟؟

المها:فهااد ارجاااك الوقت مهب وقت الهرج ذا

فهاد:وباي وقت ودج ايانا نهرج والعمه بانيه حصونها علييييج

رفعت نظرها له ونزلت نظرها مرتبكه :انت وش تريييد مني وش يهمك امري به ان تزوجت او لااااا

قام وكله غضب:انتي موااافقه بالي يريدووونه هاااه؟

المها :بعدني فذمتك يا فهاااد مهب المها الي تسوي الامر ذا

فهاد:ايييه مير الفكره جااازت لج ....

تركها وطلع وهو وده لو يلاقي حد قدامه انه يقتله المها حينها انتبهت ليده الملفوفه وما اعطاها فرصه انها تسال وش بيها يده

جلست تفكر بفهاد وبشكله الي مبين عليه التعب واستسلمت لدموعها

27 - 5 - 2015, 05:42 PM

بالمغاره كان غيث وعتاب جالسين قريب النار والبدور نايمه بفراشها وقوت بفراشها الا انها كانت تسمع وش يهرجو فيه

عتاب:ما ودك تخلي الحرمه ترحل

غيث:لزووم نلقا طريقه ثانيه لجل انرجع بها المعشوقه

عتاب:وش نااوي تسوي بالحرمه؟

غيث:انتظرها لين ماتولد ومن عقب ودي اشووف وش ودي اساوي

عتاب:وامتى هي ودها تولد؟

التفت غيث ناحية البدور:وانا وش ايدريني؟

عتاب:ترا ودك ايانا ننتشب معها اتركها تعاود لرجلها ومقابلها راح ناخذ المعشوقه ترا حنا مانبقي من الدنيا ذي غير ثارنا

سمع غيث ونين البدور وقام رايح لها كانت ماسكه رجولها وتتالم منهن

غيث:وش فييج يا حرمه

البدور:ااااه رجولي رجوولي توجعني

قوت وهي تناظرهم:هذا هو حالها كل ليله....ما نقدر انااام لين مايطلع الضو

جلس غيث قريب من البدور وهو يناظرها

البدور:ااااااااه

كره انه يشوفها بالحال ذا

ليث بصرخه:انتي يا حرمه وش قووومج اهجدي تراااج ضجيتينا

لمت البدور رجولها وثنتهن وكتمت وجعها مير هو كان يناظرها ويدري انها مستوجعه وهي كل حين تحرك رجولها بملل

غيث:تراااه كله من تحت راسج

اعتدلت البدور ومن الوجع صرخت عليه:وش الي انا سويته لجل ايكووون من تحت رااسي

غيث:اسكتي ما ودي اسمع صوووتج

البدور:انقلع من قداااامي

قرب عليها ومسكها من ايديها وهزها:ليييه ودج اياااني انقلع هااه

البدور قاومته واخذت تحاول تخلص حالها منه وهي تضربه واظهر غيث لها غيضه وهو متونس بمزاجها الي هي فيه

البدور وهي تضربه:قلت اتركني وانقلع

غيث:ترا صبري عليييج نفد وش ودج اياني اسوي فيييج

صرخت عليه:انقلع من قدااامي

ترك يدها ومد يده لوجهها يمسكه من فكها وهي تحاول تبعد وجهها عنه وتبعد ايده بيدها ..عاندها ومسكه ولف وجهها ناحيته وصار كل واحد فيهم يعاند الثاني لين ما اظهر غيث غيضه عليها ومسكها من شعرها بعد ما دخل يده فيه وبالغصيبه خلا وجهها مقابل وجهه

وصارت اعيونهم متقابله وانفاسهم متقاربه

قوت رفعت حواجبها وهي متكيه على ايديها تناظرهم ولفت بوجهها ناحية عتاب الي تحنحن والتفت نايم على ظهره ومد يده وحطها فوق راسه رجعت هي واعتدلت وغطت حالها باللحاف لجل تتجنب وش ممكن غيث يساوي

من بين اسنانها :اتتتتتتركنييييي

غيث:بكييييفي اسوي الي اريد اسويييه

البدور:تراااني بايعه حالي ويمكن تشوف شي ما يرضيييك

غمض غيث عيونه وهو مبتسم وهي ما زالت مقابله وجهه من مسكته ليها

غيث:وش ودج تسااااوي ؟

البدور:الي مايرضييييك

غيث:وش هو الي مايرضيييني؟

البدور وهي ساكته صدت بنظرها لمكان ثاني

غيث:هااه وش الي ودج اتساوينه؟

البدور:اتركني اااه

بعد غيث عنها شوي يناظرها:وش فيييج

كانت رفسه قويه الي خلتها تتوجع

غيث وهو يناظر لبطينها من بعد ما شافها تحط يدها عليه وباستفسار:بعده يرااافس؟

البدور :بعد عني واتركني تراااني حييييل مستوجعه من رجووولي

تركها وهو يناظرها تكومت على حالها ونامت وهي تون.....ظل يناظرها مايعرف وش يسوي

وحست هي به وهو يتمدد قريب منها وظل يناظرها وهي كل شوي تفرد رجولها وتلمهن من الوجع كان متالم من حالها لاكنه يحس ان مابيده شي

قرب منها وهمس ليها:وش كان الشيخ حماد يسوي لجل يبعد عنك الوجع ذا

رجفه سرت بجسدها كله وهي تكتشف ان وده يبعد الوجع عنها

شاف جسدها يرتجف وعرف انها تبكي وكاد انها تحن للشيخ حماد ضاق صدره وقام من مكانه وطلع من المغاره

.....................

27 - 5 - 2015, 05:45 PM

اول ما طلت شوق لمجلس ابوها شافت قماد قريب الضو يحمس لقهوه ماتدري ليه من تشوفه تركبها الجنانوه كلها

مرت من جنبه وهي تروح لفرسها والتفتت له

شوق:قم اترك الي بيدك وتعال معي

وقف قماد الي كان متلثم:خير يا عمه وش تريديني فيه

شوق:ودي ايااك ترافقني للبريه ودي اركب الفرس

قماد:يا عمه عمي الشيخ قال ان النوبه الي فاتت هي اخر مره لييج تطلعي

عصبت وصرخت بوجهه:وانت من لجل اتقووول لي الحجي ذا ...اترك الي بيدك وتعال ورااااي

التفتت للفرس وركبتها ورااحت وماكان قدام قماد الا انه يلحقها كانت ناويه انها تهد حيله وتخليه يحلف مايعاود لمجلس ابوها وها الي صار ظل قماد يلحقها من مكان لمكان وما اعطته فرصه يتريح بمكان وكل ما حاول انه ياخذ نفس شافها تبعد بعيد عنه فيرجع يلحقها

قماد:الله ياخذها بنت الشيخ هدت حيلي وش ودها اياني اسويلها لجل تنردع مير وش انقول بنت شيييخ

شافها قريب منه وراح ناحيتها نزلت شوق من الفرس من بعد ماحست ان قلادتها طاحت منها جلست اتدور عليها بين العشب والحشيش وما لقيتها القلاده كانت صغيره قرب منها قماد اكثر

قماد:يا عمه وش اتدورين عليه؟

شوق:انقلع من قدااامي

قماد:يا عمه انتبهي العقاااارب كــــــــ

لاكنه ما كمل حجيه الا وشوق تصرخ من بعد ما لدغتها عقرب كبيره سودا وسامه فتح قماد عيونه منصدم وصرخ وهو يقرب منها مسكها من ايدها

قماد:يا عمه العقرب لدغتج؟

كرهت شوق قربه منها وماعجبها انه يمسكها بعدته عنها وهي تدفعه

شوق وهي متالمه:قلت بعد عني

لاكن الوجع زاااد عليها وجلست بالارض وهي تحط يدها على مكان اللدغه برجلها بالساق حيث ان العقرب ركضت عليها وتسلقتها

شوق بالم:ااااااااه ااااه يا وييييييلي

جلس قماد جنبها وصار لازم يتصرف لان العقرب مهي بهينه كبيره ومن النوع الي يقتل

قماد وهو يمد يده لرجلها يحاول يسحبها:هاتي رجلج يا عمه لزوووم اشوووف وين انلدغتي

استهااانت به وصرخت عليه والالم يزيييد عليها:انقلااااااااااع انقلع من قدااامي

وبدت تبكي وهي تحس انها مفارقه الحياه

قماد قرب يجن:ارجااااج يا عمه

سحب رجلها وكشف عن مكان اللدغه وكانت تقاومه رافضه انه يمسك برجلها وما كان من قماد الا انه صرخ عليها بصوته العالي وهو يخلع الغتره لجل ايلفها حوالين ساقها

قماد:اسسسسسكتييييي وانكتمي

خلع الغتره وانتثر شعره حوالين وجهه لجل تنصدم شوق بشكله الي ابد ماتخيلت انه يكون بالشكل ذا رعشاااات صابت قليبها وانبهاااار نساها حتى وجعها وش هالملااااك الي طلع لها فجئه حست انها مهب بالعالم الي هي فيه تكون ذي سكرة المووووت تخليني اتخيل شي مهب بالوجووود

ربط ساقها وطلع سكين صغيره حاده بشط عند اللدغه كانت عيونه الي مختفيه تحت خصايل شعره من قدام اتناظرهاعلى طرف

وهي مبلمه اتناظره ومستكينه نزل من بعد ما رفع رجلها واخذ يمص السم ويتفله وهي تفتح عيونها اتناظره وتناظر وش ايسوي وجاها صوته غيييير عن الصوت الي تسمعه دووم منه ...صوت رجولي ارتجفت وهي تسمعه

قماد:توووجعج؟؟

ما عرفت وش اتقووول غير انها مبلمه تناظره

كمل قماد لها اسعافاته وبعد ما خلص تخللت ايده شعره من قدام ورفعه لفوق لجل تنسحر شوق ازود بعيونه حينها حست بدوخه جتها من اثر اللدغه وغمضت عيونها فاااقده الوعي

ارتااع قماد يوم شافها فقدت وعيها وخاف انها ماتت سند راسها على يده وقرب خده من انفاسها يشوف ان كانت بعدها تتنفس وارتاح يوم تاكد لاكن الخوف بعده مسيطر عليه

قماد وهو يضرب وجهها بخفيف:يا عمه ياعمه

بعدها فاقده وعيها وعيون قماد اتجووول بملامح وجهها الي يحس انه اول مره يتمعن فيه ويشهد على زينها الي كان مربكنه

حملها ومشي بها مسافه لين ما وصل عند صخره كبيره مددها بضلتها وراح يدور نبته لقاها قريب واخذ حجرين وحط النبته بوسطهن وسحتها لين ما اخذ منها معجونه وحطها على مكان اللدغه وشق من ثوبه المشقوق لف ولف النبته على مكان اللدغه

ظل بعدها يناظرها وخايف بنفس الوقت انه يصير لها شي قرب منها واخذ يضرب خدها

قماد:يا عمه ياعمه

فتحت شوق عيونها بشويش وشافته قدامها وفتحت عيونها اكثر وهي تعتدل وتناظره

قماد:الحمدلله يا عمه على السلامه

ظلت ساكته وتناظره

قماد:توجعج يا عمه

ماردت عليه وظلت اتناظره

قماد حس انه وهق حاله وانه مايعرف وش راح يسوي معها هالحيين... والي اربكه كثير نظراتها له حك راسه واشار على رجلها

قماد:العقرب لدغتج ...مير الحمدلله وكاد النبته ما تخلي برجلج شي من سمها وو وانا انا لفيتها بثوووبي شقيته ايييه شقيته ولفيت اللدغه وكاد يا عمه تجيبيلي بداله ثووب جديييد

كل الي يقوله ماكانت شوق تفهمه وهي بعدها مهي قادره تستوعب الي تشوفه قدامها قام قماد وهو يقول

قماد:انا اناااا انا يا عمه رايح اشوووف الفرس وييين واجيييبها

27 - 5 - 2015, 06:01 PM

كانت شوق بعدها في ذهولها وشي جديييد تكتشفه ان الراعي ذا حاله حال اي رجال وانه من البشر مثله مثل اي شخص ثاني كيييف هي تحس ان الشي ذا غايب عنها وكيييف كانت تعامله من قبل على انه مهب انسااان له مشاعر واحاسيس اخذت تتذكر كل الي كانت تسويه بالراعي ذا وكل المهانه الي كانت تبديها له والسبب كان رثة ملابسه وانه راعي متناسيه انه من البشر واخذت تهز راسها وهي تشوف رجلها الملفوفه من بعد كل الي جاه منها

انقذ حياتها قبل اشوي من الموووت اخذت تفكر بتصرفه معها الي سواه كان شجاعه منه هو رجال يفهم ويعرف وشلووون كانت اتسييييئ معاملته اشلووون كانت تهينه

اشلووون كانت تحاول تاذيه اشلووون كانت مهب منتبه انه انساااان مثل باقي النااااس

قماد:عمه جبت الفرس ودج تركبيها ولا ودج اياااني اشيلج ترا

والتفت ناحية الديره

قماد:صحيح الديره بعيد مير ما يهمني اقدر اشيلج لهنااك هاااه يا عمه وش قلتي

ظلت شوق تناظره ترييد تستوعبه اكثر

قماد بخاطره وهو يحك شعره:"والله اني ابلشت حالي وش فيها تناظرني كذا هالحييين وش ودي اقووول ليها

التفت ليها:عمه ودج اياااني اروووح اصيح بالقبيله لجل يجووون يسعفوووج

بعدها تناظره وما اهتمت للحجي الي يقوله

قماد وهو يسوي حاله مستعد يروح:اروووح يا عمه ...ايييه ارووح واصيح فيهم كلهم واخليهم كلهم يجون حتى عمي الشيخ ابو طايل

مشي كم خطوه ووقف التفت ليها

قماد:اروووح يا عمه؟

اخذ يحك راسه بعد ما حصل منها السكوت....رجع وقعد قريب منها

قماد وهو بعده يحك راسه ويناظر بالارض:ايييه يا عمه وكاد عمي الشيخ طايل يلومني بالي صار لج يا عمه ارجااااج ترا انا مسكيييين وما كااان ودي يصير الي صااار

رمشت بعيونها وهي تناظره ونزلت نظرها لتحت وحرك قماد حواجبه اخيرا قدر يكسر نظرها قام بسرعه ومسك لجام الفرس وقربهه منها

قماد:عمه ودج اياني اساااعدج تركبي الفرس

هزت راسها بلا وهي تحاول تمنع دموعها الي بدت تتجمع انها تنزل

وقف قماد وساعدها توقف واول مابعد عنها حست بدوخه وكانت على وشك انها تطيح الا ان قماد اتداركها وهو يلف يده حوليها ويلمها لصدره مانع انها تطيح تلاقت عيونهم ببعض وشوق ترتجف من الي يصير ليها قماد حس انه قريب راح يتهور قالها بصوت هامس:لزووم يا عمه تركبي الفرس

ارخى ايده الي لافه حوليها والتفت ومسك لجام الفرس وقربها وما حست شوق بحالها الا وهي فوق الفرس وبقماد ناط وراكب عليها جالس قدامها ومقابلها لزووم الاستهبال

قماد وهو يعاود يحك راسه:ايييه يا عمه وشلون كذا وين الفرس

ابتسم واخذ يتلفت حوليه وشعره يتطاير حولين وجهه وابتسامته تربك الي يناظرها

مشت الفرس وتمسك قماد بشوق لجل يمنع سقوطه

قماد:يا ويلي ويلااااااااااه....انا يا عمه لزوووم اكون معج لجل امنع تطيحي مير يا عمه ارجااااج امسكي لجامها تراااني مدري وييييين هو لجاااامها

تحركت الفرس الي كانت منزعجه من جلوس قماد المخالف حاولت انها بالبدايه ترمي الي جالس عليها وبحركه غريبه انذهلت منها شوق صار جالس وراها وماسك لجام الفرس ومنطلق للديره بدت دقات قليبها تزييييد وهي تحاول تستوعب الي يصير ليها وقبل وصولهم للديره نزل قماد وهو يضرب الفرس لجل اتكمل سيرها

وصلت شوق لقدام بيتها وكان ابوها وامها واقفين قدام البيت انذهلو من شوق الي نزلت وكانت دموعها مغرقه وجهها وشافو رجلها المربوطه وجلسو يستفسروعن الي صار معها

...............................................

27 - 5 - 2015, 06:01 PM

قرب عايض من فهاد الي كان يصوب بارودته على هدف كان حاطه وحس بفهاد الي مبين ان حاله انقلب من البارحه

عايض:فهااد يا خوووي وش الي يصير لك

ظل فهاد يرمي ببارودته من غير مايرد على عايض

عايض:وش فيييك يا خوووي وش الي مكدر حالك ....ان كان لجل الثار انا ودي اطلع معك

صرخ فهاد:للا

التفت فهاد لعايض:الثار انا الي ملزووووم اخذه

ترك فهاد عايض وركب فرسه وراااح

27 - 5 - 2015, 06:08 PM

قرب عتاب من قوته النايمه وهمس ليها

عتاب:قوته يا قوته

قوت وهي نايمه :هممممم

جر خصله من شعرها:ليييه نايمه للوقت ذا ياله قووومي

فتحت قوته عيونها بنعاااس:وش اترييييد

عتاب:الشمس صارت فوق الروس لييه النوم ذا كله

رفعت قوت راسها والتفتت للبدور ورجعت بعدها ونامت

قوت:ما ودي اقوووم ليييه هيه نااايمه

عتاب بهمس:الحرمه ما ناااامت طوااال الليل وهي مستوجعه

قوت :اييه وانا مانمت من ونينهاا

عتاب:زيين قوومي ياله

قوت وهي تلم اللحاف:ماودي ودي انااام

عتاب:وانا قلت قووومي

فتحت عيونها:انت وش اتريييد مني؟

عتاب:انا رجلج لزووم تقومي تسوي لي لقهوه

قوت:ماودي ما ودي

ورجعت تنام

عتاب:يا جهد البلا يا حرمه قوومي

ما ردت علييه وظلت نايمه جرها من شعرها وفتحت عيونها

عتاب:قلت قوومي

قوت وهي تناظره بغيض:ما ودي

عتاب:زين ما ودج تروحي معي للغدير

قوت:ليييه

عتاب:امممم لجل نسبح

اعتدلت قوت وهي تناظره:من الي يسبح؟

عتاب:انا ووووووو وانتي

قوت:وش الهرج ذا يا عتاب

عتاب:اييه وش فيها رجال وحرمته

شهقت قوت وهي تعض شفايفها بابتسامه خجوله وخدودها تحمر

التفتت عنه للجهه الثانيه وهي تغطي حالها:ودي اناااام

ابتسم عتاب وقام طالع من المغاره

!! !!
!! !!
!! !!

27 - 5 - 2015, 07:39 PM

السلام عليكم ورحمة الله وبركاته
هلا بكل الغاليين وبكل من لفانا جديد الله لا يحرمني من ردودكم الي والله تزيد الحماس
ماعليه سامحونيه على قصوريه وتاخيريه غصبا عنيه والله وباذن الله
ما اتاخر عليكم مره ثانيه
كل الحب والود للجميع
وديـــــمه

الجزء الرابع عشر

البدور فتحت عيونها وانصدمت من الي نايم قريب منها ماتفصلهم الا خطوه هذا كيف يسمح الحاله ينام قريب مني اعتدلت جالسه وناظرت بالمغاره الي مابها احدن ثاني غيرهم
ظلت تتلفت حولها مقهوره من ليث الي باين عليه بسابع نومه لين ما لمحت جنبه سكين قربت منه وهي تحاول انه ما يصحى من حركتها واخذت السكين
لاكنها ترددت ..ان قتلته وكاد خويه يقتلها بعدها عاودت وفكرت انها لزوم تاخذ بثارها منه هو عدوها والي تتمنى دوووم انه يكون مات ذيج النوبه يوم كانت معه بالمغاره لاكن حلومها فيه دوم خلتها
تخاف انه يكون حي وهذا هي تشوفه قدامها حي ولزوم ماتضيع الفرصه وتخلص منه... اتكيت بيدها وهي ترفع السكين وقربت بشويش
زادت دقات قليبها خايفه انها تفشل وجتها قوه عجيبه انقضت بيها عليه بالسكين لجل تغرزها بصدره

.....................................

جلس عتاب على نفس الصخره الي كانت قوت جالسه عليها وقفزت مفزوعه اول ما حست به جلس جنبها ضحك عتاب والتفتت ليه
عتاب:خفتي وش كنتي تسويين؟؟
قوت وهي تسحب نفسها:ما كنت اسوي شي مير كنت اناظر بالوادي
عتاب:همممم
قوت:وش قلت بامر ارسالي للشيخ حماد؟
عتاب:ليه ما ودج تنسي الهرج ذا؟
قوت:لان خويك ما وده يسرسل الحرمه له وانا قادره اني اخليه مايحس بشي ارجااااك انك تخليني اروووح
هز عتاب راسه متعجب من حالها:بعدني يا حرمه ماعرفت وش ايدور براسج؟
قوت بنرفزه:ايييه انا ما ودي غير اني اسااااعدك
عتاب:ودج تروحي تلمي ذهبات حريم ديرة الشيخ حماد
فتحت قوت عيونها مندهشه على معرفته للي تفكر فيه
قوت:ااا انا ما قلت كذا
قرب منها كثير لين ماصار صدره ملامس كتفها بعد ما التفتت عنه للجهه الثانيه وهمس:هذا الي ودج ايااااه
قوت بلعثمه:ااا انا ودي اساااعدك هذا كل الي ودي اياااه
عتاب وهو يبعد عنها ويوقف:انتي مهبوله تحسبي السالفه بس كذا ترا السالفه فيها حرمت الشيييخ وولده وما تدري بالشيخ حماد وبردة فعله يمكن انه يقتلج وما يراف بحااالج
قوت وهي توقف وتقرب منه:ما يقدر ....ما يقدر وحرمته عندكم ولا تنسى المعشووقه راح تصير عندكم
عتاب:ودي ودي الي تقولينه يصير مير
قوت بحركه دلع:انت انت خايف على يا عتااااب
التفت عليها وهو يشوف دلعها وابتسامتها الي هبلتبه وابتسم
عتاب:ايييه وليييه ما اخاااف على حرمتي وام عيااالي
فتحت قوت عيونها منصدمه:عيالك!!!!!؟
حك راسه وهو مبتلش:ايييه عيالي وش بك يا حرمه؟
والتفت عنها وراااح
كانت مبتسمه وتناظره وهو رايح:ما كون قوته ان ما كنت داري

.............................

27 - 5 - 2015, 07:40 PM

كانت المها جالسه وسرحانه بفهاد وبايده الملفوفه كان ودها تسال العمه عن يده لاكنها ماقدرت
ظلت لحالها وحست انها مكتومه وودها تطلع وجتها فكرة انها تروح للغدير خذت الجربه وطلعت من الطرف الثاني وتفاجئت بفهاد قدامها ناظرته ونزلت راسها لتحت قرب منها ومسكها وهو راجع للبيت بيها
فهاد:ويين كنتي ناااويه تروحي؟
المها بلعثمه وتوتر:كن كنت ارييد ارووح للغدير
فهاد:انتي تروووحي للغدير!!!؟؟
المها:و وودي انفس عن حااالي
فهاد وهو رافع يده الملفوفه قدامه يهدد:هذي اخر مره تفكري تطلعي فيها الحالج العمه وييين راحت عنج؟
المها:راحت لبيتها
فهاد بصوت امر:عاااودي لشقج؟
ظلت المها واقفه ومتحركت وظل يناظرها
فهاد:ليييه واااقفه؟
المها بتردد:افطرت؟؟
ارتبك قليبه وارتعش:وش ايهمج ان كنت افطرت او لااا؟
المها:زيين براااحتك
التفتت لجل ترووح للشق
فهاد:بعدني ما افطرت وش ودج تفطريني؟
ابتسمت وهي تحس بقليبها يدق بقو والتفتت له:هالحيين اجهز الفطور تريح
جلس فهاد وهو يناظرها وهي جايه بالدله لجل تصبله قهوه بالاول
اتكى على الوساده ويوم مد يده لجل ياخذ الفنجال اصدمته يده الملفوفه رجعها ومد يده الثانيه
جلست المها وعينها بيده

27 - 5 - 2015, 07:40 PM

كانت المها جالسه وسرحانه بفهاد وبايده الملفوفه كان ودها تسال العمه عن يده لاكنها ماقدرت
ظلت لحالها وحست انها مكتومه وودها تطلع وجتها فكرة انها تروح للغدير خذت الجربه وطلعت من الطرف الثاني وتفاجئت بفهاد قدامها ناظرته ونزلت راسها لتحت قرب منها ومسكها وهو راجع للبيت بيها
فهاد:ويين كنتي ناااويه تروحي؟
المها بلعثمه وتوتر:كن كنت ارييد ارووح للغدير
فهاد:انتي تروووحي للغدير!!!؟؟
المها:و وودي انفس عن حااالي
فهاد وهو رافع يده الملفوفه قدامه يهدد:هذي اخر مره تفكري تطلعي فيها الحالج العمه وييين راحت عنج؟
المها:راحت لبيتها
فهاد بصوت امر:عاااودي لشقج؟
ظلت المها واقفه ومتحركت وظل يناظرها
فهاد:ليييه واااقفه؟
المها بتردد:افطرت؟؟
ارتبك قليبه وارتعش:وش ايهمج ان كنت افطرت او لااا؟
المها:زيين براااحتك
التفتت لجل ترووح للشق
فهاد:بعدني ما افطرت وش ودج تفطريني؟
ابتسمت وهي تحس بقليبها يدق بقو والتفتت له:هالحيين اجهز الفطور تريح
جلس فهاد وهو يناظرها وهي جايه بالدله لجل تصبله قهوه بالاول
اتكى على الوساده ويوم مد يده لجل ياخذ الفنجال اصدمته يده الملفوفه رجعها ومد يده الثانيه
جلست المها وعينها بيده

المواضيع المتشابهه لموضوع: رواية فرسان على جمر الغضى للكاتبة وديمة العطاء لموضوع: رواية فرسان على جمر الغضى للكاتبة وديمة العطاء
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية-وتمضي الحياة-للكاتبة منار	الحب ياسمين	همس للقصص وحكايات وروايات	5	4 - 4 - 2019 10:12 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM
الرضى ولو على جمر الغضى	همسه الشوق	نفحات اسلاميه	16	9 - 11 - 2015 07:06 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية فرسان على جمر الغضى للكاتبة وديمة العطاء

همس للقصص وحكايات وروايات