رواية فرسان على جمر الغضى للكاتبة وديمة العطاء

27 - 5 - 2015, 07:42 PM

سمعو اثنينهم صوت عايض برا ينادي امه وحس فهاد بنار تشتعل بصدره من بعد ما وجه نظره قويه للمها الي ارتبكت ونزلت راسها تحت
رمى الفنجال بغيض قريب منها ووقف طالع لبرا
فهاد:هلا يا عايض
عايض:امي اهنيا؟
التفت فهاد ناحية بيت عمته:تقول المها انها راحت لبيتها مامريت البيت؟؟
عايض:هااه للا زيين هالحين اروح ليها
والتفت عايض وراح وهو حاس ان فهاد فيه شي عليه
رجع فهاد للبيت وجلس بمكانه وصدره يرتفع وينزل مقهور ولا يعرف وش يقول
المها كانت حاسه بيه وتدري وش هو مضايقه مير بعد هي ماتعرف وش تقول جابت الفطور وحطته قدامه
فهاد:تشوفيني بحال اقدر افطر فيه ارفعي الفطور
كان يكلمها وهوغضبان
قربت المها بجلستها منه اكثر ومدت يدها لرغيف الخبز وغمستها
بالفول خخخخخخخ بدا الاستهبال
اقصد غمستها بالبيض والطماط
لالا غمستها بالجبن والجام ههههههههههه
يالييييييل الشقى وانا وش يدريني بويش غمستها المهم غمستها يمكن بالعسل
قربت المها اللقمه من فمه وهي تقرب اكثر وحس فهاد ببروده تسري بجسمه وعينه تناظرها منصدم من الي تسويه
المها :قرب وكل من يدي ...صحيح هي يدك وش بيها؟؟
ظل يناظرها وتوترها زاااد من نظراته
المها :فهاااااد ...سم
وبتردد قرب اكثر واكل اللقمه
"وش ودج اتسويييين فيه يالمها..يكفيني الحال الي انا فييه"

بمجرد ان شفايفه لامست صوابعها حست بربكه كبيره وكان ودها تقوم وتهرب من قدامه لاكنها تحلت بالصبر ورجعت تسويله اللقمه الثانيه بتوترورجفه
المها:ما قلت لي وش بيها يدك؟
فهاد وهو يمضق اللقمه وعينه بعيونها:مصيوووب
شهقت المها وهي تناظره:من الي صااابك ؟؟وشلووون هي هالحييين ؟؟
فهاد:الباروده ثارت بيدي وانا محس بحالي وكانت يدي على فمها ومن يوم مالفيتها مدري عنها
المها وهي تناظره:ليييه يا فهااااد ليييه ماتنتبه على حااالك
قام وهو متضااايق:خلي حالي عنج هالحييين....البيت ما ودي ايااااج تطلعي منه الا والعمه معج ولا ودي اياااج تردي على اي حد ان نادا بالبيت
اتضايقت من الي يفكر فيه
المها:ما ودك تكمل فطورك؟؟
فهاد:ودي اطلع

27 - 5 - 2015, 07:43 PM

المها :زيين ما ودك اياني ابدل الشاش الي بيدك
ناظر فهاد ليده وتذكر انه ماعاود يبدل الشاش رجع وقعد وقامت المها وجابت شاش ثاني وطاسه فيها مي
قربت وجلست قريب منه وهي تتحاشى نظرات عيونه مسكت يده وبدت تفك لفها وانصدمت من الي شافته
ناظرته:فهااد وش كان نوع الباروده الي ثارت بيك الجرح غزير والرصاصه اخترقت يدك
يدك مهي ببخير يافهااادلزوووم يشوفها طبيب
"ماتدرين يالمها ان لمست ايديج تكفيني عن الطبيب وشوفته ليها"
المها:وش قلت يا فهاد؟؟
فهاد وهو يتمدد:ودي اناااام يالمها ودي اناااام
غمض عيونه وهي تناظره حطت يدها على جبينه وحست بحرارته الي بدت ترتفع
المها"يا وييييييلي فهااااد مريض وكاد من طخت الباروده انا لزوووم اسوي شي"
نظفت المها الجرح ولفت يده مرتن ثانيه وظلت جالسه قريب منه محتاره وش تسوي
فتح فهاد عيونه وناظرها بابتسامه مد يده ومسك يدها وقربها من قليبه ورجع ينام
"ويييييلي ويلاااااااه"
بدت دموعها تنزل
دخلت العمه :المها يالمها وش به فهاااد
قامت المها الي قامت دموعها تنزل بغزاره:يا عمه ياعمه فهاااد انصاب بيده والجرح يا عمه بدي يورم بيده حاله مهب ببخير ياعمه
وناظرت لفهاد:والحمى ياعمه الحمى بدت تسري بجسمه وش انسوي ياعمه
العمه وهي تمشي لفهاد كانت اتناظر المها المرتاعه وجلست بجنب فهاد وقاست حرارته
العمه:اقووول يالمها رووحي لبيتي وبالصندوق الي جنب باب الشق تلاقي صراي قيه دوا هاتيه
ترددت المها بالبدايه لاكن خوفها على فهاد خلاها تروح بالسرعه فتح فهاد عيونه وناظر لعمته
فهاد:وييين وين المها؟
العمه:هالحيين تعاود ارسلتها لبيتي تجيب صراي فيه علاج للجرح الي بيدك
استقعد فهاد وهو يحس بحاله وده ينفجر من الغيض الي تصاعد فيييه
فهاد:لييييه ياعمه ترسليها لبيتج؟
العمه:البيت مابه حد يا ولدي وهي راحت تجيب لك الدواء
فهاد بنبره عاليه:ماودي اياها تطلع من البيت
دخلت المها ووراها عايض الي جا خااايف على فهاد من بعد مالقي المها وقالت له عن حال فهااااد
كان فاتح عيونه باتساااعهن والعرق ينزل من جبينه ووجهه صاير احمر
ارتبكت المها من نظراته حطت الدوا وراحت للشق
عايض:فهاااد يا خوووي وش صاير لك
قام فهاد وهو يرتجف من رجفه صابته ومر من جنب عايض:مافيني شي يا عايض ودي ارووح اشوف ابوي
تركه وطلع وظل عايض يناظر امه

.................................................. ........

27 - 5 - 2015, 07:44 PM

حس ليث بنااار اخترقت صدره وفتح عيونه وشاف السكين الي ارتفعت لجل تنغرز مره ثانيه بصدره لاكنه مسك ايدها بسرعه
وعيونه تتسع منصدم من الي قاااعده تسويه ثارت البدور وحاولت تخلص يدها من يده لاكنه كان اقوء منها قدر من بعد مقاومتها انه يربط ايديها ورا ظهرها
البدور انهارت من خوفها منه:اتركني يالخسيس اتركني انت لزوووم تموت لزوووم تمووووت
ليث وهو يحاااول يسحب انفاااسه والدم ينزف من صدره:انننننكتمي انكتمي
من بعد ماتاكد من رباطها استسلم للوجع الي بدا يندح بصدره طاح على ظهره وحط ايده الي غرقت بالدم مكان طعنتها
ليث:وش سويييييتي بيه وش سوييييتي؟
البدور وهي ترتجف وتبكي:هذا جزااااك واقل من جزااااك لزووم تمووووت
كان يتنفس بصعوبه:انا وش سوييت ليج الي جاااج مني من تحت رااااسج
البدور:لو انك ذبحتني يومها كان اهون علي من الي سويته ...انا البدووور حره بنت الاحرااار تسوي فيني سوااااتك
ابتسم رغم الوجع الي فاتك فيه وهو يردد اسمها الي اول مره يسمعه بصوت خافت
البدور :انا اخت الشيخ عااامر بنت الشيوخ تسبيني وتوطي راسي
ليث وهو يلهث من الوجع:انكتمي ...ان ...انتي الي جبتيه لنفسج مهب اخر قبيله انتو تسمعو عن عيال العطاوي ونواياهم ......كان كااان يوووم وراااح ايعدي وترجع اموركم مثل ما كااانت
ولا بحياتنا اذينا حريييم ولا شيوخ حتى الرجال ان صوبنا عليهم تجي رصاصاتنا بماكن ما تقتل الي ينصاااب...لاكن انتي تجراتي وقلتي كلااام ينقص من....
ما قدر يكمل كلامه وهو يشوف الدنيا تسود بعينه وسكت عن الكلااام حست حينها البدور بدقااات قليبها ودها تطلع من مكانها وكاااد انه مااات
دخل عتاب الي اتسعت نظراته ووراه قوت الي صرخت وركضت ناحيتهم من بعد ما شافت ليث فاقد وعيه
صرخ عتاب الي جمد بمكانه:قتلتييييييييه
رفعت البدور راسها ولونها مخطوووف وعيونها زااايغه
قوته الي كانت تسمع انفاسه:للا يا عتاااب بعده حي بعده حي
التفتت للبدور:انتي وش سوييييتي بالرجال الله يااااخذج
قرب حينها عتاب وهو يحاول يشوف وش الي يصير لليث وعيونه كل شوي ارتفعت للبدور لوكان يقدر بس دقااايق يمسكها من رقبتها ويخنقها كان سواها لاكنه انشغل بليث وهو يصرخ بقوت لجل تسرع وتجيبله الي يحتاااج له لجل يسعفه
ظلت البدور تناظرهم وهي ترجف ومهي مصدقه حالها انها سوت به كذا وايديها مربطه وراها
.................................................

كانت شوق نايمه بفراشها وهي تتذكر قماد بعدها مهي بمصدقه الي شافته
قامت من فراشها وطلت على المجلس وما شافت حد رجعت لفراشها وبعد شوي سمعت صوت المنحااز الي يدقو فيه لقهوه قامت بسرعه تناظر من الي عند لقهوه وشافت لمقهوجي الي كان
يقهوي عندهم من زمااان ما تدري لييه حست بخيبة امل رجعت بعدها لفراشها وهي تسمع ابوها الي رجع وجلس مع امها بالمجلس
ناظرت برجلها الملدوغه واتمددت وهي تحاول تذكر كيف كان شكله ..كان مزيووون هذا هو الي تذكره
وظلت شوق ماتدري وش صااابها وليييه تفكر بالمقهوجي واقنعت حالها انه مجرد فضووول لجل اتشوووفه مرتن ثانيه

......................................

27 - 5 - 2015, 07:46 PM

..................

بعد ساعتين فتح ليث عيونه الي تلاااقت بعيون عتاب
ليث:و وووش سويييت فيها يا ياعتاااب
ناظره عتاب بنظرة عتااااب:تمنيت اني كسرت ارقبتها ويدها على سواتها فيييك
ليث:اذيتها يا عتااااب
عتاب:للا .....مير كان ودي
غمض ليث عيونه من التعب وشفايفه تنطق اسمها من غير صوت
عتاب :لزوم نخلص منها يا ليييث ونرسلها لرجلها وناخذ المعشوووقه
هز ليث راسه موافق على حجي عتاب وهو يغمض عيونه مرتن ثانيه
ليث:ا اامهلني ليييين اقوووم
وقف عتاب:زييين تريح انت هالحييين

........

27 - 5 - 2015, 07:47 PM

على الليل كانت المها بفراشها يوم سمعت الصوت وقامت من غير ماتحس بحالها وطلعت تتبع الصوت
الصوت كان لواحد ينشد نشيد بتلحين ما قد سمعته الا مره وحده حست بحالها تمشي من غيييير ماتحس ودقااات قليبها تدق بقو ...الصوت مره يبتعد ومره يقرب ..دموعها ما وقفت وهي مثل المجنونه ودها توصل لراعي الصوت ودها تشووووفه يكون حي
وان الحجي الي انقال انه ميت كذب ....مسكتها ايدين قويه ولفتها لجهته
فهاد والشرر يتطاير من عيونه:وش اتسوييين اهنيا يالمهاا
المها تلعثمت واصبع ايدها تشير للمجهول انها تسمع الصووت
هزها فهاد وهو يعيد سؤاله:وش اتسوييين بانصاااف الليالي ياالمهاااااا
المها:سعد اخووووي
زادت اعيونه اتساااعوهزها مرتن ثانيه:وش فيييه اخووووج
المها:سمممم سمعت صوووته هذا هو هذا هوووو صوووته
الصوت حينها اختفى وفهاد يحاول يسمع شي
فهاد:ما هقوتي انج انجنيتي وطالعه بانصاف الليل لجل اتقولي انج تسمعي صوت اخوووج وهو ميت..تكلمي لييييه طااالعه
المها وعيونها تااااايهه:والله اني سمعته يا فهاااد سمعت صوووت سعد اخوووي ارجااااك ارجااااك تشوووفه انا منجنيت ارجاااك انا سمعته والله اني سمعته
عاود الصوت مرتن ثانيه واختفى
انهاااارت المها على الارض:هذا صووووته يا فهاااااد ارجاااك قووول انه مايتهيى ليي
فهاد:زييين يا بنت وضاااح امشي معي للبيت وهناااك نشوووف وش سالفة الصوووت ذا
جرها معه للبيت وهو يشتعل من الناااار والله انه عذرن زييين يالمهااا
وداها للبيت وطلع يدور على راعي الصوت ومالقي حد وقضى ليله يدووور حولين البيت ورجع للبيت وشاف العمه جالسه
فهاد وهو يدخل:يا عمه تراج مرخوصه عاااودي لبيتج انا ودي ابيت الليله اهنيا
العمه:يا ولديـــ...
بصوت صارم:يا عمه انا رجل البيت وودي ابييت ببيتي ترخصي يا عمه
العمه سحبت حالها وطلعت وطلعت المها
المها:ليييه تعلي صوتك على العمه يا فهاااد
التفت ليها وهو مقهور:وش لزوومة قعاادها اهنيا وانتي تهوومي برا البيت بانصاف الليالي
المها بغيض:انت لييه ماترييد تفهم
فهااد:وش افهم يالمها هاااه
قرب منها ومسكها من اعضادها وهزها
فهاد:ودج تقنعيني انج سمعتي سعد اخوووج يغني حول الديره هو اخوووج ما ماااات؟
بدت دموع المها تنزل:يمكن انه يتهيا لي يا فهاااد
دفها بقو لجل اطيح على الارض والتفت يناظر لقدامه وصدره يشتعل من الغيض
المها وهي متالمه من الي سواه:انت.....
وبدت تبكي بصوت يشاهق
التفت ليها ونزل وهو بعده واقف على رجوله:وش الي يبكيييج؟
شهقت وهي تسمع الصوت مرتن ثانيه يعاود وبوضوووح اكثر:هذا هو يا فهااااد ارجااااااك تلحق عليه
فهاد:هذا واحدن من الرعيان يالمها وهذي مهب اول مره نسمع صوته
المها:اييه مير النشيييد ذا نشيييد اخوووي سعد ارجااااك يافهاااد ارجااااك
قام فهاد وطلع وراااح يتبع الصوت
بعد ما وصل فهاد عند راعي الصوت
فهاد:هذا انت يا قماااااد
التفت قماد لفهاد:هلا يا عمي
فهاد:انت يا قماد الي تنشد النشييد
قماد:اييه يا عمي غثيتك بصوووتي
فهاد:للا يا قمااد مير النشيييد ذا من وييين جايبه
حك قماد راسه:اييه ياعمي هذا نشيييد مدري كيف حفضته تراني يا عمي احب النشيييد كثير والنشيده ذي حبيتها حيييل مير مذكرمن عند من جبتها
فهاد:زييين يا قماد توكل ولا تعاااود قريب من الديره تنشد النشيييد ذا
قماد:السموووحه يا عمي السموووحه
التفت قماد ورااح وهو يخب باهبال مبتعد عن فهاد
فهاد:ايييييه مدري وش سااالفتج يالمها مير الحال ذا لزومن يتبدل

27 - 5 - 2015, 07:48 PM

عاود فهاد وقال للمها انه صوت واحد من رعيانهم وانه حفض النشيد وما يدري من ويين
المها بعبره:يا فهاااد....النشيده ذي قالها لي سعد قبل لايموت بيوم وكان يغنيها بنفس الشله الي سمعتها
فهاد وهو يتمدد ويحط ايديه تحت راسه:يمكن انه سمعها من شخص ثاني
والنشيد الزين له ناس تحفضه من اول مايسمعوه وكاد انه قالها لحد صادفه قبل لا يموت
ظلت المها ساكته وقامت رايحه للشق وظل فهاد بالمجلس وهو يفكر بامر النشيده الي يحس حاله مهب مقتنع من كلام المها عنها

بالصباح الباكر سمعت شوق صوت قماد وهو يرحب بابوها ويصب له لقهوه وسمعت ابوها وهو يقوله انه اشتاااق لقهوته البارحه
قماد:با ذن الله يا عمي ما افااارق مجلسك وانت تريدني اقهوي عندك
رفع قماد الي كان متلثم طرف عينه للي واقفه من ورا الشق تناظره واختفت بالسرعه يوم شافته لمحها
حست بدقات قليبها"ايخسي ايخسي والله.... ترااه الا رويعي لا رااااح ولا جا وش صاااير لي وش به صدري يوجعني
جلس قماد جنب الضو واخذ يغني وهو يحمس لقهوه والشيخ طايل يضحك عليه
فهاد فتح عيونه على صوت قماد وجلس بسرعه:هذا ما كني قايل له ما ودي اسمع صوتك
قام ودخل الشق على المها الي ماناامت طول الليل وهي تسترق السمع لجل تسمع الصوت مرتن ثانيه
قرب منها وشافها نايمه ظل واقف يناظرها لين ما حس بقلبه بدا يدق لشوفتها وان زعله منها بدا يقل
جلس قريب منها وتمدد وهو متساند على يده وظل يناظرها لين ما غطت عينه ونام قريب منها

شوق بدلت ملابسها وزااادت من زينتها وعزمت انها ترووح لبوها الا ان رجليها خانتها ومنعتها تطلع عنده مرتن ثانيه انقهرت من حالها وقعدت وهي متنرفزه
وكان هذا حالها كل ماتعقد العزيمه لجل تطلع تخونها رجولها وترجع لمكانها والقهر يزييد عندها
..................................
قربت قوت من البدور وهي تحط قدامها حليب وفطور ناظرتها البدور والي كانت بعدها مربوطه
البدور :فكي رباااطي
قوت:اييه ودي افكه لج مير اسمعيني زييين واتركي عنج لهباااال الي انتي فييه الرجال وقتلتيه
رفعت البدور نظرها لقوت
قوت:مير الحمدلله انه بعده حي وهو قال انه خلاااص النفس عافتج ومن يقوم متشافي راح يرسلج لرجلج وناخذ المعشوقه وننهي كل شي
ظلت البدور تناظرها:فكي رباطي
قوت:اييه بالاوله اوعديني انك تسمعي الحجي وماتمدي يدج تحاااولي تقتليني
البدور:زيين فكي ربااطي
قوت:للا اخلي عتاااب هو الي يجي ويفك رباااطج
البدور:انقلعي من قدااامي ...انقــــــــــالعي
قوت:وجــــــــــع
قامت قوت وطلعت من المغاره

................................
اول ما فتحت المها عيونها شافته قدامها وقريب منها نايم
رفعت راسها بسرعه واخذت تناظره وسمعت صوت العمه بالخارج يناديها فتح عيونه وناظرها واول ما همت تقوم
جرها ناحيته ودفن وجهها بصدره مانع انها تقوم ارتبكت وحاولت انها تقوم
فهاد بنبره تدل انه يشتعل من الغيض:اهجـــــــــــدي
المها بهمس:ال العمه
فهاد:اتركي عنج العمه هالحيين واسمعي راعي الصوت ذا هو صوووت اخوووج سعد
استمعت المها لصوت قماد الي كان بعده ينشد وهو يحمس لقهوه وهزت راسها:للا مهب هو
فهاد:هذا هو راعي الصوت الي سمعتيه البارحه
المها برعشه وهي بين ايديه:كان نفس صوته ونفس نشيدته
ضمها حيييل وبعدها قام بسرعه والتفت ليها:قومي وجهزي حالج تراااج بتكوني رفيقتي النوبه ذي
تركها وطلع وظلت هي تناظر لباب الشق منصدمه من قراره وشلووون يعني تكون رفيقته
!! !!
!! !!
!! !!

ودمتم وديمه

27 - 5 - 2015, 08:01 PM

الفصل الخامس عشر

جلست قوت جنب عتاب

قوت:وش قلت ما ودك ترسلني لجل انجييب المعشوقه وننهي السالفه ذي

عتاب وهو يناظر غيث النايم:للا وكاد انه يرسلها ونخلص من السالفه ذي

قوت:ما هقوتي انه يتركها احس نفسه عليها شايله من بعد سواتها

عتاب:وش يدريج

قوت:قريت فعيونه يوم ناظرها كان وده يقوم لجل يحاسبها على الي سوته فيه

عتاب بابتسامه:وتقرين بعد اسرار العيون

قوت:ايييه تراني مهب هينه واعرف كثييير

عتاب:ترا هذا انا الي ودي اعرفه انتي وش اتريدييين

قوت وهي تحرك رموشها:وش اريييد غير رضى رجلي على

هز عتاب راسه وهو يبتسم مرتن ثانيه

................................

ابو طايل:وش تقووول يا ولدي يا فهاااد وشلون تاخذ المها معك

فهاد:اخذها يا بوووي تراني رجلها وانا ودي انهي موضوع الثار والرجال مالقيت له اثر لا اسمه معروف بين القبايل ولا حصلت من يدلني على مواصفاته والمها

تقول انها شافته مره من لمراار وتعرف شكله وهي الي رااح تساعدني لجل احصله

ابو طايل بتردد:بس يا ولدي

فهاد:يا بوووي تراني انا الي تعبت من السالفه ذي وودي اخلص منها

ابو طايل:وشرط البنت وكلمتك

فهاد بغصه:كل شي راح يتم مثل ماهو وانا عند كلمتي

ابو طايل:زيين وعمتك وش نقول لها بامر عايض

ناظر فهاد ابوه وهو يحس ان ناااار كبيره اشتعلت بينهم هي نظره الي خلت ابو طايل يكتم باقي الحجي بحلجه

قام فهاد وطلع من مجلس ابوه لبيته ولقي عمته قدامه صرخ باعلى صوته

فهاد:زهبتي حالج يالمها

طلعت المها الي بعدها ماهي مستوعبه طلبه

العمه:وش ناااوي علييه يا فهااااد؟؟!!!؟

ناظرها والتفت للمها:انا رايح اجيب الفرس الثاني ومن اوقف قدام البيت تكوني زاهبه

تركهن وطلع والعمه مسكت بالمها تسالها وش يصير

المها بتوتر :ياعمه مدري مدري

تركت المها العمه ورجعت للشق تزهب حالها وكانت تكتم عبرتها"وده بفراقي اليوم قبل باكر"

27 - 5 - 2015, 08:02 PM

ظلت شوق تاكل بحالها وهي كل ما عزمت تطلع للمجلس عند ابوها تردها رجولها

شوق"الله يا خذه وش هو لجل ايخليني بالحال ذا تراااه مقهوجي مقههوووووووووجي وراعي ومهبووووووول وريحته مثل ريحة البعاريين الله يااااخذه الله ياااااخذه

مير مهب انا شوووق ان قعدت بالحال ذا

وقامت شوق وكلها عزيمه انها تطلع

طلعت وقفت وراه وهي تلفت تدور ابوها كان حاسس بيها وظل على حاله يحمس لقهوه

شوق:اقووول انت

التفت وقام واقف وهو يلتفت كله لها

ناظرته وحست برجفه:وييين ابوووي

قماد:عمتي ...ياهلا ياهلا الحمدلله ياعمتي اني شفتج بخير

شوق وهي تناظره وكانها مستقرفه منه:اقووول اسكت اسكت ومن انت لجل تسال عن حاالي

نزل قماد راسه لتحت وهو ياخذ خطوه لورا:السموحه يا عمه....السمووحه كان ودي بس ااتطمن على حالج تراني يا عمه انا الي اسعفتج وشقيت لج من ثوووبي ايييه وطلعت السم

شوق :اقوووول انكتم انت ماتفهم

حط قماد ايده على فمه من ورا اللثام ونزل راسه لتحت

ظلت تناظره وهي بعدها دقات قليبها تزييد

شوق:هبيييل

التفتت لمجلس ابوها وراحت وقعدت

قرب منها قماد:اصب اقهوه يا عمه

شوق:وين رااح ابوووي الشيييخ

قماد:راح عند عمي الشيخ ابو طايل

صب قماد القهوه لشوق وقرب منها وهو يمد يده بالفنجال

وبصوت غير عن الي هي معتاده تسمعه صوت خلها ترجف بحييييل

قماد:تقهوي يا عمه

ظلت تناظره وهي ساكته وعيونه الي تناظر عيونها كان كاشف عنها بوضوووح

حست بربكه :انت انت تريييييدني اصب القهوه فوووق راااسك

قماد وهو يجلس ويحط الدله وبصوت كله هبل:يا ويييييييييلي ارجاااااااااج يا عمه تكفي تكفي والله اني ماهقيييت حروقي النوبه الي فاتت تبري ارجاااج يا عمه سوي فيني الي ودج اياااه مير ابعديني من حرق لقهوه

شوق:قووووم يا مهبووووول وانقلع

قام قماد بسرعه ورااح لجنب النار وجلس يحمس لقهوه

ظلت شوق تناظره وهي ماتدري وش اتريييد

شوق:اقووول يا مهبوووول

وقام وجاها بسرعه:يا عوووونج يا عمه

شوق بتردد:تعاااال اهنيا

قماد:اجي ويييين يا عمه

شوق:انثبر اجلس اهنيا

كانت تشير له يجلس مقابلها

قرب قماد وجلس وهو متوجس

قماد:يا عووونج

شوق وهي تحاول تخلي الامر عااادي بعد ما جالت بنظرها للخارج ولباب الشق

شوق:نزل لثااامك

رفع راسه متفاجئ:وش اتقولي يا عمه

شوق وهي تصرخ فييه:انت وش فيييك ليييه ماتسمع الحجي قلت فك لثااامك (اقووول ماتبالها مرااخ بخيزران(

قماد وصوته يعاود لطبيعته:بس يا عمه الرعيان مايجوووز ينزلو لثااامهم كود ان عمي الشيييخ ان دري يطردني من الديره

توترت من سمعت صوته كذا وتشجعت وهي تصرخ عليه:انت ليييه ماتريييد تسمع حجيي قلت فك لثاااااامك

قماد وهو يعاااود ويتلفت حولييه:ودج تقطعي عيييشي يا عمه

اتسعت عيونها وهي تناظره بغيض

قماد:زين زييين يا عمه

رفع قماد ايده لطرف لثامه ونزله وعيونه بعيونها واول ما شافت وجهه زادت دقات قليبها

كان عاضض على شفايفه وهو مبتسم ومنزل نظره لتحت واول مارفع نظره ليها ارتعشت وهي تستوعب الي يصير لها وحست بلسانها الجم في فمها قامت وهي ترتعش واتريييد تهرب من قدامه وقامت بسرعه وركضت لداخل

اول ما جلست في الشق كانت اتحاااول تهدي دقات قليبها وتاخذ انفاااسها

شوق:انا وش الي يصيييييرلي وش الي قاااعد يصييير ليييه قليبي يرجف

ظل قماد جالس على نفس جلسته وهو سرحان ومبتسم يفكر بحالها الي انقلب مره وحده واول ما سمع صوت الشيخ طايل فز بسرعه وهو يتلثم بالسرعه ويستقبله بفنجال لقهوه

27 - 5 - 2015, 08:03 PM

جلس عتاب قريب من غيث وهو يناظره

عتاب:انت بخيير يا خوووي

رمش ليث بعيونه انه بخير وبعدها غمض عيونه من بعد مالفهن لجل ايشوفها وماقدر

عتاب:لييث ودك اياااني اخذك للطبيب

ليث :للا انا بخييير

عتاب:اجل تريح واتركني اخذ الحرمه اقايض بها المعشوقه وننتهي من السالفه ذي

ليث:مهب هالحييين ....انتظر لين ما استرد عافيتي وانا انهيييلك السالفه ذي

هز عتاب راسه وقام:يصييير خيير

27 - 5 - 2015, 08:10 PM

العمه:وييين ودك تاااخذ المها يا فهااااد

مشي عنها وهي تناديه ودخل للشق يستعجل المها

لحقته العمه:فهااااد ماخبرتك تتركني احجي الحااالي انت وش فييييك يا رجااااال

قرب فهاد من العمه وهمس بذنها والمها تناظرهم وبعدها طلع والعمه جامده بمكانها منصدمه من الي حجاااه فهاد

المها وهي تناظر العمه:وش قااال يا عمه؟

فهاد من الخااارج:المها تحركي يا حرمه

المها ودها تفهم هو وش قال:ارخصيييلي يا عمه

ودعت المها العمه وطلعت بسرعه لفهااد

فهاد:هاااه يا بنت وضاااح تقدري تركبي الفرس ولا انتي صحيييح تخافي من الدواااب

نزلت نظرها لتحت وسكتت

وقف قدامها ورفع راسها لفوق لجل اتناظره وقربها كثير من صدره

همست له:فهاااد حنا قدااام البيت

ابتسم:مهب رجلج؟

المها:ايييه مير انا حرمه وعدت انك تخليني ارحل من الديره باليوم الي تجيب فييه راس قتااال اخوي

ظل يناظرها شوي وتركها ورااح للفرس يزين السرج فوقه:هااه وش قلتي ودج تركبي الفرس

المها:زييين اقوي قليبي واركبه

التفت ليها وساعدها على ركوبه تشبثت بالبدايه بكتف فهاد

المها:يا وييييلي

فهاد:هههههه انتي صحيح تخافي منها

ابعدت المها ايدها عنه واعتدلت تحاول تطرد الخووف لاكن فهاد صعد معاها على الفرس وهو يتحكم بلجامها والفرس الثانيه تتبعهم

العمه وهي تودعهم:موافقييين خييير يا عيااالي موافقين خييير الله يسهل عليكم ويفتحها عليكم ويحقق كل الي تريدونه

ابتسم فهاد ورجع يناظر لقدام بينما المها كانت مندهشه التفتت لفهاد

المها:انت وش قلت للعمه؟

فهاد:قلت لها الي كان لزوم اقوله من البدايه

المها"وكاد انه قال لها قريب اخلص الثار وانتهي منها وعاد هي استانست لجل تخطبني لولدها عايض....ماتدري يا فهاد ان النفس ما ودها بقرب حدن ثاني من بعدك وشلون ودك اعاود واكون قريبه منك

فهاد هو بعد كان قليبه منحرق وهو ياخذها لجل ينهي الامر ومن بعدها وكاد راح يكون الفراق

طول الطريق وهو ساكت ومحاوط بيده المها وبيده الثانيه لجام الفرس كان يحس بكتمه كبيره تكتم على صدره وحس بارتعاشتها وقف الفرس ونزل ونزلها

فهاد:وش فيييج يالمها

المها وهي تحط ايديها على وجهها وهي تبكي:مافيييني شي

فهاد:خايفه من الفرس

المها:للا

فهاد:اجل وش الي يصير لج

المها:ودي اتريح

تلفت فهاد حوليه وبعدها مسكها من يدها وقادها لصخره كبيره جلسو بظلالها وبعد ما قابلها وهو جالس

فهاد:وش فيييج يالمها

هزت راسها بلا:مافيني شي

كان يشوف دموعها الي غرقت وجهها قرب منها ومد يده لخدها لجل يمسح الدمع الا انها بعدت يده وقامت وهي تلتفت للجنب الثاني

المها:اتركني يا فهاااد

ظل جالس يناظرها باستغراب:انتي وش صاير لج

المها:ليييه خذيتني معك

التفتت ناحيته:انت لقيييت قتال اخوووي...

وبعبره ودموعها تنزل اكثر:ويمكن انك قتلته خلااص وناوي هالحييين تعاود بي لديرتنا

قام فهاد بسرعه وضمها لصدره حييييل:للا يا المها للا وش الهرج ذا ياوييييييييلي والله انه يووم موتي ان جا اليوم ذا

المها ابعدت وجهها عن صدر فهاد وناظرت لوجهه:اجل وش قلت للعمه؟

فهاد:قلت لها الي قلته انتي وش ترييدي من الي قلته....خايفه انها ترد بحجيها وماتخطبج لولدها

ابتعدت المها عنه وهي ترجف من الغيض عليه ومشت عنه كم خطوه وهي صااااده للجهه الثانيه"والله اني ماعرفتلك يا فهاد انت وش تريييد

فهاد:تعالي يالمها تعالي واجلسي

التفتت له:وش تريييد

المواضيع المتشابهه لموضوع: رواية فرسان على جمر الغضى للكاتبة وديمة العطاء لموضوع: رواية فرسان على جمر الغضى للكاتبة وديمة العطاء
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية-وتمضي الحياة-للكاتبة منار	الحب ياسمين	همس للقصص وحكايات وروايات	5	4 - 4 - 2019 10:12 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM
الرضى ولو على جمر الغضى	همسه الشوق	نفحات اسلاميه	16	9 - 11 - 2015 07:06 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية فرسان على جمر الغضى للكاتبة وديمة العطاء

همس للقصص وحكايات وروايات